سۇراۋ: اتاق-ابىروي ۇقىعىڭىز سۇعاناقتىققا ۇشىراسا قالاي ىستەۋ كەرەك؟
ادۆوكات: اتاق-ابىروي ۇقىعى دەگەنىمىز — حالىق بۇقاراسىنىڭ زاڭ بويىنشا يگىلىكتەنەتىن، باسقالاردىڭ وزىنە قاراتا وبيەكتيۆتىك باعالاۋى جانە سۇعاناقتىق جاساۋىن شەكتەيتىن ۇقىق. ەلىمىز «ازاماتتىق ىستەر زاڭى جالپى ەرەجەسىنىڭ» 110-تارماعىندا: ادامداردىڭ بارلىعىندا اتاق-ابىروي ۇقىعى بولادى، ياعني اتاق-ابىروي ۇقىعىنان يگىلكتەنەدى. باسقالاردىڭ اتاق-ابرويىن ءتۇسىرىپ، وبرازىنا زيان سالۋ ارەكەتىنىڭ بارلىعى اتاق-ابىروي ۇقىعىنا سۇعاناقتىق جاساۋ سانالىپ، سۇعاناقتىق جاساۋشى زاڭدىق جاۋاپكەرلىك ارقالايدى،-دەپ بەلگىلەنگەن.
اتاق-ابىروي ۇقىعىنا سۇعاناقتىق جاساۋدىڭ فورماسى نەگىزىنەن تومەندەگىدەي 3 ءتۇرلى بولادى: 1. قورلاۋ؛ 2. جالا جابۋ؛ 3. باسقالاردىڭ جەكە قۇپيالىعىن اشكەرەلەۋ. ەگەر باسقالاردىڭ اتاق-ابىروي ۇقىعىڭىزعا سۇعاناقتىق جاساعاندىعىن بايقاساڭىز،ەلىمىز «ازاماتتىق ىستەر زاڭى جالپى ەرەجەسىنىڭ» 179-تارماعىنىڭ بەلگىلەمەسىنە نەگىزدەلىپ، حالىق سوت مەكەمەسىنە سۇعاناقتىق جاساۋشى ۇستىنەن ازاماتتىق ارىز بەرىپ، سۇعاناقتىق جاساۋشىنىڭ سۇعاناقتىق جاساۋ ارەكەتىن لەزدە توقتاتۋىن، اتاق-ابىرويىڭىزدى قالپىنا كەلتىرىپ، اشىق كەشىرىم سۇراۋىن تالاپ ەتۋ نەمەسە زيان تولەم تولەتۋ ارقىلى ۇقىق-مۇددەڭىزدى قورعاۋىڭىزعا بولادى.