اۋرۋ كورسەتۋدىڭ ەڭ ۇيلەسىمدى ۋاقىتى — تاڭەرتەڭ. لاباراتوريالىق تەكسەرىلۋگە اش قارىن بارعان ءجون. تىنىس تارىلۋ اۋرۋلارىن دا تاڭەرتەڭ تەكسەرتكەن ەڭ جاقسى. بۇل ۋاقىت اۋرۋ جاعدايىن انىق بايقاۋدىڭ ۇتىمدى مەزگىلى. ويتكەنى، بۇل كەزدە وكپە قۋاتى ءالسىز بولادى.
وپەراتسيا جاساتۋدىڭ ەڭ ۇيلەسىمدى ۋاقىتى — تۇستەن بۇرىن. زەرتتەۋدە كورسەتىلۋىنشە، وپەراتسيا جاساتقان ناۋقاستاردا تۇستەن كەيىنگى ساعات 3 پەن 4 تىڭ ارالىعىندا ماسەلە وڭاي تۋىلادى. سوندىقتان، تۇستەن بۇرىن ساعات 9:00 دان تۇسكە دەيىنگى ۋاقىت ەڭ حاۋىپسىز. تاعى وسى زەرتتەۋ ناتيجەسىنەن ناۋقاستىڭ وپەراتسيادان كەيىن جۇرەگى ايىنىپ، مازاسىزدانۋ سياقتى بەلگىلەردىڭ وڭاي تۋىلاتىندىعى بايقالدى.
ءتىس شيپاگەرىنە كورىنۋدىڭ ەڭ ۇيلەسىمدى ۋاقىتى- تۇستەن كەيىنگى ساعات 1:00 دەن ساعات 3:00 كە دەيىن. زەرتتەۋدە تۇستەن كەيىن ناركوز ۋكول قۇيىلعان ورىنداعى ناركوزداۋ ءدارىسىنىڭ ءونىمدى ۋاقىتى تاڭەرتەڭ جانە كەشتەگىدەن ءۇش ەسە جوعارى بولاتىندىعى دالەلدەندى.
تەرى اۋرۋىن كورسەتۋدىڭ ەڭ ۇيلەسىمدى ۋاقىتى — قىس ماۋسىمى. قىس مەزگىلىندە تەرى اۋرۋى مەن وسپەنى وڭاي انىقتاپ بايقاۋعا بولادى.
