وقۋ - اعارتۋ گۇلدەنسە، مەملەكەت گۇلدەنەدى، وقۋ - اعارتۋ قۇدىرەتتەنسە، مەملەكەت قۇدىرەتتەنەدى. جوعارى وقۋ - اعارتۋدى ويداعىداي باسقارۋ مەملەكەتتىڭ دامۋىنا، ۇلتتىڭ بولاشاعىنا قاتىستى ءىس.
«سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدەي ءتۇبىرلى مىندەتتى مىقتى يگەرۋ»، «دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرۋ»، باس شۋجي شي جينپيڭنىڭ بەيجيڭ ۋنيۆەرسيتەتىندە قىزمەت تەكسەرگەندە سويلەگەن ماڭىزدى سوزىندە، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدىڭ ماڭىزدى ءمانى بايىمدالىپ، «3 نەگىزدىك قىزمەتتى» ويداعىداي يگەرۋ ماڭىزدى مىندەتى العا قويىلىپ، قانداي جوعارى وقۋ - اعارتۋ قۇرۋ، جوعارى وقۋ - اعارتۋدى قالاي جاقسى قۇرۋ سياقتى ماڭىزدى ماسەلەلەرگە تەرەڭ جاۋاپ قايتارىلىپ، دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرۋعا يدەيالىق جەتەكشىلىك جانە ارەكەت باعدارلاماسى كورسەتىلدى.
مەملەكەتتىڭ دامۋى مەن ۋنيۆەرسيتەتتەردىڭ دامۋى ءبىرىن - ءبىرى سۇيەنىش ەتەدى جانە تولىقتىرادى. جوعارى وقۋ - اعارتۋ ءبىر مەملەكەتتىڭ دامۋ دەڭگەيى مەن دامۋ مۇمكىندىكتەرىنىڭ ماڭىزدى بەلگىسى. جۇڭگوشا سوتسياليزمگە ويداعىداي تاباندى بولىپ جانە ونى ويداعىداي دامىتىپ، ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ − ۇزاق مەرزىمدى مىندەت، ول ۇرپاقتار بويى تالماي كۇرەس جۇرگىزۋدى تالاپ ەتەدى. بۇگىنگى كۇندە، پارتيا مەن مەملەكەت ىستەرىنىڭ دامۋىنىڭ جوعارى وقۋ - اعارتۋعا قاجەتى، عىلىم - ءبىلىم مەن ۇزدىك دارىندىلارعا قاجەتى بۇرىنعى ءارقانداي مەزگىلدەگىدەن دە كوكەي تەستى بولىپ وتىر. وزگەشە تاريح، وزگەشە مادەنيەت، وزگەشە مەملەكەت جاعدايى ەلىمىزدىڭ دامۋ ۇدەرىسىندە جوعارى وقۋ - اعارتۋدى ويداعىداي باسقارىپ، دۇنيە جۇزىندەگى ماڭداي الدى ۋنيۆەرسيتەت قۇرۋىمىزدى بەلگىلەپ وتىر، ءسوز جوق، جۇڭگوشا ەرەكشەلىكتى ايگىلەۋگە كۇش سالىپ، وقۋ - اعارتۋدىڭ زاڭدىلىعىنا قۇرمەت ەتىپ، ءوز جولىمىزدى ويداعىداي ءجۇرىپ، ۋنيۆەرسيتەتتەردى جۇڭگونىڭ بايتاق دالاسىنا تامىر تارتتىرىپ، دارىندى تاربيەلەۋدىڭ ءتىپتى جوعارى دەڭگەيلى جۇيەسىن قالىپتاستىرۋ كەرەك.
«مەملەكەتتىڭ قۇدىرەتتەنۋى ادامنان، دارىندىلاردىڭ جەتىلۋى وقۋدان». سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ − پارتيامىزدىڭ وقۋ - اعارتۋ باعىتى، ەلىمىزدەگى ءار دارەجەلى، ءارءتۇرلى مەكتەپتەردىڭ ورتاق بورىشى. بۇگىنگى جوعارى مەكتەپ ستۋدەنتتەرىنىڭ التىن كەزەڭى «قوس 100 جىل» كۇرەس نىساناسىنىڭ ىسكە اسۋىمەن قاپىسىز ۇيلەسەدى، ەڭبەك ءسىڭىرۋدىڭ ساحناسى شەكسىز كەڭ، ارماندى ىسكە اسىرۋدىڭ بولاشاعى شەكسىز نۇرلى. جاستاردىڭ ءوسىپ - جەتىلۋىنىڭ قاجەتى، مەملەكەتتىڭ دامۋى مەن گۇلدەنۋىنىڭ قاجەتى جوعارى مەكتەپتەردىڭ ءبىلىم بەرىپ، ادام تاربيەلەۋىنە ءتىپتى جوعارى تالاپتار قويدى. جوعارى مەكتەپتەر قانداي ادام تاربيەلەۋ، ادامدى قالاي تاربيەلەۋ كەرەك دەگەن ءتۇبىرلى ماسەلەگە ويداعىداي جاۋاپ قايتارۋى ءتيىس. «وتانشىلدىق، جىگەرلىلىك، شىنشىلدىق، ارەكەتشىلدىكتى» جەتەكشى ەتىپ، ستۋدەنتتەرگە ارماننىڭ شامشىراعىن جارقىراتىپ، العا باسۋ جولىنا جارىق ءتۇسىرىپ، وتان مەن حالىق قاجەت ەتەتىن ءتۇرلى دارىندىلاردى كەڭىنەن تاربيەلەگەندە عانا، دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرىپ، مەملەكەتتىڭ دامۋىنا، ۇلتتىڭ العا باسۋىنا ءتىپتى زور ۇلەس قوسۋعا بولادى.
دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرىپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدىڭ تەتىگى باس شۋجي شي جينپيڭ العا قويعان تالاپتار بويىنشا، «3 نەگىزدىك قىزمەتتى» مىقتى يگەرۋدە: ءبىلىم بەرۋدىڭ دۇرىس ساياسي بەتالىسىنا تاباندى بولىپ، ماركسيزم نازارياسى تاربيەسىن ويداعىداي يگەرىپ، سوتسياليستىك وزەكتى قۇن كوزقاراسىن تاباندىلىقپەن جەتىلدىرىپ جانە ساۋلەلەندىرىپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرۋ سەنىمىنە اينالدىرۋ؛ جوعارى ساپالى وقىتۋشىلار قوسىنىن قۇرىپ، تاربيەلەۋشىلەردىڭ الدىمەن تاربيەلەنۋىنە تاباندى بولىپ، ۇستازدىق ءمورال، ۇستازدىق ستيل قۇرىلىسىن ويداعىداي يگەرىپ، جوعارى مەكتەپ وقىتۋشىلارى قوسىنىنىڭ ساياسي ساپاسىن ىسىلدىرىپ، كاسىپتىك قابىلەتىن ۇشتاپ، ادام تاربيەلەۋ دەڭگەيىن جوعارىلاتۋ؛ جوعارى دەڭگەيلى دارىندىلار تاربيەلەۋ جۇيەسىن قالىپتاستىرىپ، يدەيالىق - ساياسي قىزمەت جۇيەسى قۇرىلىسىن كۇشەيتىپ، پارتيانىڭ جوعارى مەكتەپتەرگە باسشىلىعىنا، ءبىلىم بەرۋدىڭ سوتسياليستىك باعىتىنا تاباندى بولىپ، ءپانارالىق عىلىمدار توبى مەن عىلىم - تەحنيكادان قامال الاتىن پارمەندى ۇجىمداردى كۇش سالا قۇرىپ، حالىقارالىق دەڭگەيدەگى ستراتەگيالىق عىلىم - تەحنيكا دارىندىلارىن، عىلىم - تەحنيكالىق كوشباسشى دارىندىلاردىڭ، جاس عىلىم - تەحنيكا دارىندىلارىنىڭ جانە جوعارى دەڭگەيلى جاسامپازدىق ۇيىمدارىنىڭ مول شوعىرىن جەتىلدىرۋ كەرەك. مىنە، سوندا عانا ءبىز ءوزىمىزدىڭ ەرەكشەلىگىمىز بەن ارتىقشىلىعىمىزدى سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ قابىلەتىنە اينالدىرا الامىز.
120 جىلدى باستان وتكەرگەن بەيجيڭ ۋنيۆەرسيتەتى − جۇڭگوداعى تۇڭعىش مەملەكەتتىك امبەباپ ۋنيۆەرسيتەت. ۋيميڭحۋدىڭ جاعالاۋى، بوياتانىڭ ەتەگى قاشاندا «وتانمەن، حالىقپەن تاعدىرلاس بولىپ، داۋىرمەن، قوعاممەن تەڭ العا باسۋ» سۇيىسپەنشىلىگىنە تولى. جاڭا داۋىردە جاڭا بەينە ازىرلەپ، داڭقتى ءداستۇردى جالعاستىرىپ، ءداۋىر جۇكتەگەن مىندەتتى ارقالاپ، «3 نەگىزدىك قىزمەتتى» ويداعىداي يگەرسەك، ءبىز، ءسوز جوق، دۇنيە جۇزىندەگى ماڭداي الدى جۇڭگوشا ۋنيۆەرسيتەت قۇرىپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەپ، جۇڭحۋا ۇلتىنىڭ ۇلى گۇلدەنۋىنىڭ تاريحي ۇدەرىسىندە جاڭا ءداۋىردىڭ سالتاناتتى داستانىن جازا الامىز.
(شينحۋا اگەنتتىگىنىڭ 5 - ايدىڭ 3 - كۇنى بەيجيڭنەن بەرگەن حابارى)
