عىلمي نازاريا تاريحتان ءوتىپ، اقيقاتتىڭ نۇر - شۇعىلاسىن شاشادى؛ ۇلى يدەيا داۋىردەن اسىپ، سەنىم كۇشىن تۋىنداتادى.
ماركس 1818 - جىلى 5 - ايدىڭ 5 - كۇنى گەرمانيانىڭ ترير قالاسىندا دۇنيەگە كەلگەن. ءبىر عاسىردان استام ۋاقىتتان بەرى، وسى «مىڭ جىلدا ءبىر تۋاتىن ءبىرىنشى ويشىلدىڭ» ارداقتى ەسىمى مەن ىستەرى دۇنيە جۇزىندە ماڭگى قالىپ، ادامزات وركەنيەتىنىڭ اياق الىسىن بارىنشا ىلگەرىلەتتى. ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا، باس شۋجي شي جينپيڭ ماركستىڭ ۇلى كىسىلىك قاسيەتى مەن تاريحي ەڭبەگىن ساعىنىشپەن ەسكە الىپ، ماركستىڭ وسكەلەڭ رۋحى مەن شۇعىلالى يدەياسىن قايتالاي ەسكە ءتۇسىرىپ، ماركسيزمنىڭ قۇدىرەتتى اقيقات كۇشىن تەرەڭ پايىمداپ، جۇڭگو كوممۋنيستەرىنىڭ ماركسيزمگە دەگەن بەرىك سەنىمىن ايقىن جاريالاپ، ءبىزدىڭ جاڭا داۋىردە ماركسيزمدە تاباندى بولۋىمىز بەن ونى دامىتۋىمىزعا ايقىن باعىت سىلتەپ، ولشەم ازىرلەدى، ول، ءسوزسىز، بۇكىل پارتيانىڭ ماركسيزمدىك عىلمي سەنىمدى، كوممۋنيستىك ۇلى مۇراتتى، جۇڭگوشا سوتسياليزم ۇلى مۇراتىن بەكەمدەۋىن ىشكەرىلەي جەبەيدى، ءسوزسىز، زامانىمىزداعى جۇڭگونىڭ ماركسيزمىنىڭ، 21 - عاسىرداعى ماركسيزمنىڭ جاڭا ءورىسىن ونان ارى اشا تۇسەدى.
ادامزاتتىڭ ەڭ ۇلى ويشىلىنا قۇرمەت − ءبىر ءتۇرلى ۇلى كىسىلىككە دەگەن قۇرمەت. باس شۋجي شي جينپيڭ اتاپ كورسەتكەندەي، ماركستىڭ ءومىرى − وسكەلەڭ مۇراتقا تولى، ادامزاتتىڭ ازاتتىعى جولىندا تالىقپاي كۇرەس جۇرگىزگەن ءومىر، ماركستىڭ ءومىرى − قيىندىق پەن كەدەرگىلەردەن قورىقپاي، اقيقات ءۇشىن يدەيانىڭ بيىك شىڭىنا جۇرەكتىلىكپەن قۇلاش ۇرعان ءومىر، كونە دۇنيەنى قۇلاتىپ، جاڭا دۇنيەنى قۇرۋ جولىندا تىنباي كۇرەس جۇرگىزگەن ءومىر. ادامزاتتى ازاتتىققا شىعارۋداي وسكەلەڭ مۇرات جولىندا ول بوسقىندىق ومىرگە كىرىپتار بولسا دا، اۋەلگى ماقساتىنان اينىمادى، كەدەيلىك پەن سىرقات قاباتتاسا قىسپاققا السا دا، مۇراتىنان جازبادى؛ عىلمي نازاريا جۇيەسىن ورناتۋ ءۇشىن ول ءومىر بويى جان قيارلىقپەن قىزمەت ىستەپ، جاي ادامدار توزە المايتىن جاپاعا شىدادى؛ حالىقتىڭ قاناۋعا ۇشىراعان، ەزگىگە تۇسكەن تاعدىرىن وزگەرتۋ ءۇشىن ول تاسقىنداعان قىزۋ ىنتامەن، قايتپاس قايسارلىقپەن باستان - اياق توڭكەرىستىك كۇرەستىڭ ەڭ الدىڭعى شەبىندە تۇردى. ماركس ءارى ۇلى ويشىل، ءارى ۇلى توڭكەرىسشى، ونىڭ وسكەلەڭ سەنىمى، بەرىك ەرىك - جىگەرى مەن قاجىماس كۇرەسى ۇلى ءومىرىن سومدادى.
ادامزاتتىڭ ەڭ ۇلى ويشىلىنا قۇرمەت − ءبىر تۇرلى شۇعىلالى يدەياعا قۇرمەت. باس شۋجي شي جينپيڭ مىنالاردى اتاپ كورسەتتى: ماركسيزم − عىلمي نازاريا، حالىقتىڭ نازارياسى، امالي نازاريا، ۇزدىكسىز داميتىن اشىق نازاريا رەتىندە ادامزات قوعامىنىڭ دامۋ زاڭدىلىعىن اشىپ كورسەتىپ، حالىقتىڭ ءوزىن ازات ەتۋىنىڭ يدەيالىق جۇيەسىن ورناتىپ، حالىقتىڭ دۇنيەنى وزگەرتۋ ارەكەتىنە جەتەكشىلىك ەتىپ، باستان - اياق ءداۋىردىڭ الدىڭعى لەگىندە تۇردى. بۇل عىلمي نازاريا جارقىراپ شىققان كۇندەي ادامزاتتىڭ تاريحتىڭ زاڭدىلىعى جونىندەگى ىزدەنىسى مەن ءوزىن ازات ەتۋگە تالپىنۋ جولىن نۇرلاندىردى. زامان مەيلى قالاي وزگەرسىن، عىلىم مەيلى قالاي العا باسسىن، ماركسيزم قاشاندا عىلمي يدەيانىڭ ۇلى كۇشىن ايگىلەپ، اقيقات پەن ادامگەرشىلىكتىڭ بيىك تۇرعىسىن الىپ تۇرا بەرمەك.
ماركسيزم دۇنيە جۇزىنە تەرەڭ وزگەرىس جاساپ قانا قويماي، جۇڭگوعا دا تەرەڭ وزگەرىس جاسادى. ماركسيزم − باستان - اياق پارتيامىز بەن مەملەكەتىمىزدىڭ جەتەكشى يدەياسى، ءبىزدىڭ دۇنيەنى تانۋىمىزداعى، زاڭدىلىقتى يگەرۋىمىزدەگى، اقيقاتقا تالپىنۋىمىزداعى، دۇنيەنى وزگەرتۋىمىزدەگى قۇدىرەتتى يدەيالىق قارۋ بولىپ كەلدى. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرىستە ماركسيزمنىڭ عىلميلىعى مەن اقيقاتتىعىن تولىق سىناقتان وتكىزىپ، ماركسيزمنىڭ حالىقشىلدىعى مەن امالياتتىعىن تولىق دايەكتىلەندىرىپ، ماركسيزمنىڭ اشىقتىعى مەن داۋىرلىك سيپاتىن تولىق ايگىلەدى. تەمىردەي اماليات مىنانى دالەلدەدى: تەك سوتسياليزم عانا جۇڭگونى قۇتقارا الادى، تەك جۇڭگوشا سوتسياليزم عانا جۇڭگونى دامىتا الادى، تەك جۇڭگوشا سوتسياليزمدە تاباندى بولعاندا جانە ونى دامىتقاندا عانا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولادى. كوممۋنيزمنىڭ ۇلى مۇراتىن جۇڭگوشا سوتسياليزم ورتاق مۇراتىمەن بىرلىككە كەلتىرگەندە، ءبىز شۇعىلدانىپ وتىرعان ىستەرمەن بىرلىككە كەلتىرگەندە، كوممۋنيزم مۇراتى، ءسوزسىز، قازىرگى جاعدايدى ۇزدىكسىز وزگەرتۋدىڭ رەال قوزعالىسى بارىسىندا بىرتىندەپ جۇزەگە اساتىن بولادى.
جۇڭگو كوممۋنيستىك پارتياسى − ماركسيزممەن قارۋلانعان ساياسي پارتيا، جۇڭگو كوممۋنيستەرى ماركسيزمنىڭ ادال سەنۋشىلەرى، بەرىك اتقارۋشىلارى، ماركسيزم − ءبىز كوممۋنيستەردىڭ «كيەلى كىتابى». باس شۋجي شي جينپيڭ جاڭا داۋىردە ماركستى قالاي ۇيرەنۋ، ماركسيزمدى قالاي ۇيرەنۋ جانە امالياتتا ايگىلەۋ ماسەلەسىن 9 جاقتان ىشكەرىلەي ءتۇسىندىردى. ماركستى ۇيرەنۋدە ماركسيزمنىڭ ادامزات قوعامىنىڭ دامۋ زاڭدىلىعى جونىندەگى يدەياسىن، حالىق تۇرعىسىندا بەرىك تۇرۋ جونىندەگى يدەياسىن، وندىرگىش كۇش پەن وندىرىستىك قاتىناس جونىندەگى يدەياسىن، حالىق دەموكراتياسى جونىندەگى يدەياسىن، مادەنيەت قۇرىلىسى جونىندەگى يدەياسىن، قوعامدىق قۇرىلىس جونىندەگى يدەياسىن، ادام مەن تابيعاتتىڭ قاتىناسى جونىندەگى يدەياسىن، دۇنيە تاريحى جونىندەگى يدەياسىن، ماركسيزمدىك ساياسي پارتيا قۇرىلىسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز كەرەك. ماركسيزمدىك تۇرعىنى، كوزقاراستى، ءادىستى ىشكەرىلەي تۇسىنگەندە عانا، ونان ۇزدىكسىز عىلمي اقىل - پاراسات پەن كۇش - قۋات قابىلداپ، جاڭا داۋىردەگى جۇڭگوشا سوتسياليزمگە اناعۇرلىم تۇراقتىلىقپەن، اناعۇرلىم سەنىممەن، اناعۇرلىم پاراساتپەن تاباندى بولۋعا جانە ونى دامىتۋعا بولادى.
«ماركسيزم اقيقاتتى اقىرلاستىرعان جوق، قايتا اقيقاتقا باراتىن جولدى اشتى». عىلمي يدەيالىق نازاريانى دۇنيەنى تانۋدىڭ، دۇنيەنى وزگەرتۋدىڭ قۇدىرەتتى زاتتىق كۇشىنە اينالدىرۋ عىلمي سوتسياليزمنىڭ نەگىزگى پرينسيپتەرىن جۇڭگونىڭ ناقتى امالياتىمەن، تاريحي مادەنيەت داستۇرىمەن، ءداۋىر تالابىمەن تىعىز ۇشتاستىرۋدى، ماركسيزم ارقىلى ءداۋىردى باقىلاۋدى، ءداۋىردى ءتۇسىندىرۋدى، داۋىرگە جەتەكشىلىك ەتۋدى قاجەت ەتەدى. جاڭا داۋىرگە وتكەندە، بۇرىن بولىپ كورمەگەن حاۋىپ - قاتەرلەر مەن سىن - سىناقتار الدىندا جۇڭگو كوممۋنيستەرى جاندى دا باي زامانىمىزداعى جۇڭگو امالياتى ارقىلى ماركسيزمنىڭ دامۋىن ىلگەرىلەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن قالىپتاستىردى. ءتول جاسامپازدىققا، ءداۋىر ەرەكشەلىگىنە يە 21 - عاسىرداعى جۇڭگونىڭ بۇل ماركسيزمى، ءسوزسىز، جۇڭحۋا ۇلتىنىڭ ۇلى گۇلدەنۋ اياق الىسىن ىلگەرىلەتىپ، عىلمي سوتسياليزمدى 21 - عاسىرداعى جۇڭگودا قۇدىرەتتى ومىرشەڭدىك كۇشكە يە ەتەدى.
بۇگىن، ءبىزدىڭ ماركستى ەسكە الۋىمىز ادامزات تاريحىنداعى ەڭ ۇلى ويشىلعا دەگەن قۇرمەت ءارى ءبىزدىڭ ماركسيزمنىڭ عىلمي اقيقاتىنا بەرىك سەنىمىمىزدى ايگىلەۋ ءۇشىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ماركسيزم ۇلى تۋىن بيىك ۇستاپ، ماركسيزمگە تاپجىلماي قۇلشىنا تاباندى بولىپ جانە ونى دامىتىپ، «4 تانىمدى» كۇشەيتىپ، «4 سەنىمدى» بەكەمدەگەندە عانا، ءبىز، ءسوزسىز، ماركس، ەنگەلس جورامالداعان ادامزات قوعامىنىڭ تاماشا كەلەشەگىن جۇڭگونىڭ بايتاق دالاسىندا ۇزدىكسىز، جاندى ايگىلەيتىن بولامىز.
