− باس شۋجي شي جينپيڭنىڭ ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا سويلەگەن ءسوزى جونىندە (1)
ماركستىڭ ۇلى ادامدىق قاسيەتى مەن تاريحي ەڭبەگى تاريحقا ماڭگى جازىلدى، ماركستىڭ وسكەلەڭ رۋحى مەن شۇعىلالى يدەياسى كۇنى بۇگىنگە دەيىن بۇرىنعىلاردى باسىپ وزىپ، قازىرگىلەردى تاڭ قالدىرۋدا.
«ماركسيزم ادامزات وركەنيەتىنىڭ ۇدەرىسىن بارىنشا ىلگەرىلەتىپ، قازىرگە دەيىن ماڭىزدى حالىقارالىق ىقپالعا يە يدەيالىق جۇيە مەن ءسوز جۇيەسى بولىپ وتىر، ماركس قازىرگە دەيىن ءالى دە <مىڭ جىلدا ءبىر تۋاتىن ءبىرىنشى ويشىل> رەتىندە مويىندالىپ وتىر». ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا باس شۋجي شي جينپيڭ ماركستىڭ ۇلى دا شۇعىلالى ءومىرىن تەرەڭ سەزىممەن ەسكە الىپ، ماركسيزمنىڭ عىلمي جۇيەسىن، باي مازمۇنىن جانە ادامزات قوعامىنىڭ دامۋىنا اتقارعان وراسان زور رولىن تەرەڭ ءتۇسىندىرىپ، پارتيامىزدىڭ حالىقتى باستاپ ماركسيزمنىڭ جۇڭگوشالانۋىن جاسامپازدىقپەن ىلگەرىلەتكەن ايبىندى بارىسى مەن مول جەتىستىكتەرىن قورىتىندىلاپ، ماركسيزمدى جۇڭگوشالاندىرۋدى ۇزدىكسىز ىلگەرىلەتۋ تالابىن العا قويدى. باس شۋجي شي جينپيڭنىڭ ماڭىزدى ءسوزى بيىكتەن الىستى كوزدەگەن، اياسى كەڭ، يدەياسى تەرەڭ، مازمۇنى باي، شۇعىلا شاشقان ماركسيزمدىك باعدارلامالىق حۇجات، ول جاڭا داۋىردەگى جۇڭگو كوممۋنيستەرىن ماركسيزمنىڭ ەرەكشە ونەرىن جەتە ۇيرەنىپ، تولىق يگەرىپ، ۇلتتى گۇلدەندىرۋدەي تاريحي بورىشتى اناعۇرلىم جاقسى ارقالاۋعا شابىتتاندىردى.
200 جىلدىڭ الدىندا ماركس گەرمانيانىڭ ترير قالاسىندا دۇنيەگە كەلگەندە، ونىڭ ەسىمىمەن اتالاتىن يدەيانىڭ بۇلتتان شىققان كۇندەي جارقىراپ، ادامزاتتىڭ تاريح زاڭدىلىعىنا ىزدەنىس جاساۋ جانە ءوزىن ازات ەتۋگە تالپىنۋ جولىن نۇرلاندىرادى دەپ ەشكىم دە ويلاماعان ەدى. بۇكىل دۇنيە جۇزىندەگى پرولەتاريات پەن ەڭبەكشى حالىقتىڭ توڭكەرىستىك ۇستازى، ماركسيزمنىڭ باستى نەگىزىن سالۋشى، ماركسيزمدىك ساياسي پارتيانىڭ قۇرۋشىسى جانە حالىقارالىق كوممۋنيزمنىڭ ءىزاشارى، تاياۋ زاماننان بەرگى ەڭ ۇلى ويشىل رەتىندە، ماركستىڭ ءومىرى وسكەلەڭ ارمانعا تولى، ادامزاتتىڭ ازاتتىعى ءۇشىن تىنباي كۇرەس جۇرگىزگەن ءومىر، قيىندىق پەن كەدەرگىلەردەن تايسالماي، اقيقات ءۇشىن يدەيانىڭ شىرقاۋ شىڭىنا جۇرەكتىلىكپەن قۇلاش ۇرعان ءومىر، كونە دۇنيەنى قۇلاتىپ، جاڭا دۇنيەنى قۇرۋ جولىندا تىنباي كۇرەس جۇرگىزگەن ءومىر بولدى. ماركستىڭ يدەياسى مەن نازارياسى ول ءومىر سۇرگەن داۋىردەن باستاۋ الدى ءارى ول داۋىردەن اسىپ ءتۇستى، ياعني سول ءداۋىر رۋحىنىڭ جاۋھارى ءارى تۇتاس ادامزات رۋحىنىڭ جاۋھارى بولدى. ءبىز ايدىنى اسقاق ۇلى ادام دەي الامىز.
ماركسيزم − ماركس بىزگە قالدىرعان ەڭ قۇندى، ەڭ ىقپالدى رۋحاني قازىنا، ول ادامزات قوعامىنىڭ دامۋ زاڭدىلىعىن جاسامپازدىقپەن اشىپ، حالىقتىڭ ءوزىن ازات ەتۋىنىڭ يدەيالىق جۇيەسىن تۇڭعىش ورناتىپ، حالىقتىڭ دۇنيەنى تانۋىنا، دۇنيەنى وزگەرتۋىنە قۋاتتى رۋحاني كۇش بەردى. ماركسيزمنىڭ دۇنيەگە كەلۋى ادامزاتتىڭ يدەيا تاريحىنداعى ۇلى ۋاقيعا، ەشقانداي ءبىر يدەيا ادامزاتقا ءدال ماركسيزمدەي كەڭ دە تەرەڭ ىقپال جاساي العان جوق. باس شۋجي شي جينپيڭ عىلمي نازاريا، حالىقتىڭ نازارياسى، اماليات نازارياسى، ۇزدىكسىز داميتىن اشىق نازاريا سياقتى 4 جاقتان ماركسيزمنىڭ عىلمي سيپاتىن، نازاريالىق قاسيەتىن، امالياتتىق ماڭىزىن جانە داۋىرلىك قۇنىن تەرەڭ قورىتىندىلاپ، ماركسيزمنىڭ ادامزات قوعامىنىڭ يدەيا تاريحىنداعى، ادامزات قوعامىنىڭ دامۋ بارىسىنداعى قىمباتتى ۇلەستەرى مەن ماڭىزدى ىقپالىن تەرەڭ يگەرۋىمىزگە ءتۇبىرلى ولشەم ازىرلەدى.
2 عاسىر وتە شىقتى، ادامزات قوعامىندا زور دا تەرەڭ وزگەرىستەر تۋىلدى، ايتسە دە ماركستىڭ ەسىمى الىگە دەيىن دۇنيە ءجۇزىنىڭ جەر - جەرىندەگى ادامداردىڭ قۇرمەتىنە بولەنىپ، ماركستىڭ ءىلىمى اقيقاتتىڭ شۇلەن شۇعىلاسىن شاشتى. مۇنىڭ سەبەبى ماركسيزم نازارياسىنىڭ دوگما ەمەس، قايتا ارەكەت باعدارلاماسى بولعاندىعىندا، باستان - اياق ءداۋىردىڭ الدىڭعى لەگىندە تۇرىپ، امالياتتىڭ وزگەرۋىنە ىلەسىپ دامىعاندىعىندا. ماركسيزمنىڭ دامۋ تاريحى ماركستىڭ، ەنگەلستىڭ جانە ونىڭ ءىزىن باسۋشىلاردىڭ ءداۋىردىڭ، امالياتتىڭ، تانىمنىڭ دامۋىنا ساي ۇزدىكسىز دامۋ تاريحى، ادامزات تاريحىنداعى بارلىق تاڭداۋلى يدەيا مادەنيەت جەتىستىكتەرىن ۇزدىكسىز قابىلداپ، ءوزىن بايىتۋ تاريحى. سوتسياليزم ءبىر قالىپتان جازبايتىن، وزگەرمەيتىن ءبىر سىدىرعى جول ەمەس، تەك عىلمي سوتسياليزمنىڭ نەگىزگى پرينسيپتەرىن ءوز ەلىنىڭ ناقتى امالياتىمەن، تاريحىمەن، مادەنيەت داستۇرىمەن، ءداۋىر تالابىمەن تىعىز بىرلەستىرسەك، ماركسيزم، ءسوزسىز، ءوزىنىڭ كوركەم جاستىعىن ماڭگى ساقتاپ، ءداۋىردىڭ دامۋىنا ۇزدىكسىز ىزدەنىس جاساۋ جونىنەن جاڭا تاقىرىپتاردى العا قويىپ، ادامزات قوعامى ءدوپ كەلگەن جاڭا سىناقتارعا جاۋاپ قاتا بەرەتىن بولادى.
تاريح پەن اماليات ماركسيزمنىڭ تاعدىرى الدەقاشان جۇڭگو كوممۋنيستىك پارتياسىنىڭ تاعدىرىمەن، جۇڭگو حالقىنىڭ تاعدىرىمەن، جۇڭحۋا ۇلتىنىڭ تاعدىرىمەن بىتە قايناسقانىن دالەلدەدى. بۇگىن ءبىز ماركستى ەسكە العاندا، ماركستى ۇيرەنۋىمىز، ماركسيزمدى ۇيرەنۋىمىز جانە ونى امالياتتا ايگىلەۋىمىز، ونان ۇزدىكسىز عىلمي پاراسات پەن نازاريالىق كۇش قابىلداۋىمىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، جاڭا ءداۋىر جۇڭگوشا سوتسياليزمگە اناعۇرلىم تاباندىلىقپەن، اناعۇرلىم سەنىممەن، اناعۇرلىم پاراساتتىلىقپەن تاباندى بولۋىمىز جانە ونى دامىتۋىمىز، ماركسيزمدە تاباندى بولۋ جانە ونى دامىتۋ جولىندا قايسارلىقپەن قۇلشىنىپ، «قوس 100 جىلدىق» كۇرەس نىساناسىن جۇزەگە اسىرۋ جولىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساۋىمىز كەرەك.
(شينحۋا اگەنتتىگىنىڭ 5 - ايدىڭ 5 - كۇنى بەيجيڭنەن بەرگەن حابارى)
