ج ك پ اۆتونوميالى رايوندىق 9 - كەزەكتى كوميتەتىنىڭ بەسىنشى جالپى ءماجىلىسى اشىلدى

　ءماجىلىس زالى.

　　تىلشىلەرىمىز ياۋ تۇڭ، دۇڭ شاۋحۋا 5 - ايدىڭ 5 - كۇنى ۇرىمجىدەن حابارلايدى. ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بەسىنشى جالپى ءماجىلىسى 5 - ايدىڭ 5 - كۇنى اشىلدى.

　　جالپى ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.

　　اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى. اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى كادرلار، پارتيا 19 - قۇرىلتايىنىڭ رايونىمىزداعى ۋاكىلدەرى، اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى، قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.

　　جالپى ءماجىلىس باس شۋجي شي جينپيڭنىڭ پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىندەگى ماڭىزدى بايانداماسى مەن ماڭىزدى ءسوزىن، «ج ك پ ورتالىق كوميتەتىنىڭ پارتيا، مەملەكەت قۇرىلىمدارى رەفورماسىن تەرەڭدەتۋ جونىندەگى قارارىن» جانە «پارتيا، مەملەكەت قۇرىلىمدارى رەفورماسىن تەرەڭدەتۋ جوباسىن» مۇقيات ۇيرەندى، اۆتونوميالى رايوندىق پارتكوم تۇراقتى كوميتەتىنىڭ قىزمەت بايانداماسىن تىڭدادى جانە تالقىلادى، «ج ك پ شينجياڭ ۇيعۇر اۆتونوميالى رايوندىق كوميتەتىنىڭ <ج ك پ ورتالىق كوميتەتىنىڭ پارتيا، مەملەكەت قۇرىلىمدارى رەفورماسىن تەرەڭدەتۋ جونىندەگى قارارىن> جانە <پارتيا، مەملەكەت قۇرىلىمدارى رەفورماسىن تەرەڭدەتۋ جوباسىن> دايەكتىلەندىرۋ، تياناقتاندىرۋ جونىندەگى اتقارۋ پىكىرىن» قاراپ ماقۇلدادى. شوكىرات زاكىر «اتقارۋ پىكىرى» جونىندە تۇسىنىك جاسادى.

　　جالپى ءماجىلىس بىلاي دەپ ەسەپتەدى: ج ك پ اۆتونوميالى رايوندىق 9 - كەزەكتى كوميتەتىنىڭ ءتورتىنشى جالپى ماجىلىسىنەن بەرى، اۆتونوميالى رايوندىق پارتكومنىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «4 تانىمدى» شىن مانىندە كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋدەي قىزمەت جالپى ارناسىنان جازباي، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاۋاپكەرلىكتى باتىل ارقالاپ، شىنايى يگەرىپ، ناقتاپ ىستەپ، قامال الىپ قيىندىقتاردى جەڭىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق، دامۋ قىزمەتتەرىن تىڭعىلىقتى جاقسى ىستەپ، شينجياڭدا جالپى جاعداي ورنىققان، جاعداي مەڭگەرىلگەن، جاعداي جاقسارعان اۋقىمنىڭ جارىققا شىعۋىن ىلگەرىلەتتى.

　　جالپى ءماجىلىس بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى − جۇڭگوشا سوتسياليزم «قوس 100 جىلدىق» كۇرەس نىساناسىنىڭ تاريحي توعىسىنا وتكەن، رەفورما جاساۋ، ەسىك اشۋعا 40 جىل تولعان شەشۋشى ۋاقىت كەزەڭىندە، شي جينپيڭ جولداستى ۇيتقى ەتكەن پارتيا ورتالىق كوميتەتى اشقان اسا ماڭىزدى ءماجىلىس. باس شۋجي شي جينپيڭنىڭ ماڭىزدى سوزىندە قۇرىلىم رەفورماسىن تەرەڭدەتۋدىڭ كەلەلى ماڭىزى تەرەڭ پايىمدالىپ، قۇرىلىم رەفورماسىن تەرەڭدەتۋدە دۇرىس تۇسىنۋگە جانە يگەرۋگە ءتيىستى كەلەلى ماسەلەلەر تۇجىرىمدى باياندالىپ، قۇرىلىم رەفورماسىن تەرەڭدەتۋدىڭ ءتۇرلى مىندەتتەرى جاپپاي ورنالاستىرىلىپ، جەرگىلىكتى ورىنداردىڭ قۇرىلىم رەفورماسىن تەرەڭدەتۋ تالاپتارى ايقىن العا قويىلىپ، پارتيا، ۇكىمەت قۇرىلىمدارى رەفورماسىن تەرەڭدەتۋىمىزگە العا باسۋ بەتالىسى كورسەتىلىپ، ءتۇبىرلى ولشەم ازىرلەدى. ءبىز پارتيا، ۇكىمەت قۇرىلىمدارى رەفورماسىن تەرەڭدەتۋدىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋدىڭ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋدىڭ، تياناقتاندىرۋدىڭ تابيعي تالابى، پارتيانىڭ جاپپاي باسشىلىعىنا تاباندى بولۋ مەن ونى كۇشەيتۋدىڭ، پارتيانىڭ شينجياڭداعى بيلىك ورنىن نىعايتۋدىڭ تابيعي تالابى، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ تابيعي تالابى، جاپپاي دوڭگەلەك داۋلەتتى قوعام ورناتۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋدىڭ تابيعي تالابى ەكەنىن جەتە تانۋىمىز كەرەك. بۇكىل شينجياڭدا جوعارىدان تومەنگە دەيىن يدەيا مەن ارەكەتتى باتىل تۇردە پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىمەن، باس شۋجي شي جينپيڭنىڭ ماڭىزدى ءسوزىنىڭ رۋحىمەن، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا، ۇكىمەت قۇرىلىمدارىنىڭ رەفورماسىن ىلگەرىلەتۋدىڭ ماڭىزدىلىعى مەن كوكەي تەستىلىگىن تەرەڭ ءتۇسىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورما مىندەتتەرىن بۇلجىماستان ويداعىداي ورىنداۋ كەرەك.

　　جالپى ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتى ءۇشىنشى جالپى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، رايونىمىزدىڭ پارتيا، ۇكىمەت قۇرىلىمدارى رەفورماسى قىزمەتىن تىڭعىلىقتى ىلگەرىلەتۋ كەرەك. ءبىرىنشى، جەتەكشى يدەيانى ايقىنداۋ كەرەك. پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى ماڭىزدى يدەياسىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، جاڭا داۋىردەگى جۇڭگوشا سوتسياليزمنىڭ دامۋ تالابىنا سايكەسىپ، ورنىقتىلىق بارىسىندا ىلگەرىلەۋدەي قىزمەت جالپى ارناسىنان، دۇرىس رەفورما بەتالىسىنان، حالىقتى وزەك ەتۋدەن، مەملەكەتتى جاپپاي زاڭمەن جونگە سالۋدى تياناقتاندىرۋدان، شينجياڭدى جاپپاي زاڭمەن جونگە سالۋدى ىلگەرىلەتۋدەن جازباي، پارتيانىڭ جاپپاي باسشىلىعىن كۇشەيتۋدى باسشىلىققا الىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن بەتالىس ەتىپ، پارتيا، ۇكىمەت قۇرىلىمدارىنىڭ فۋنكتسياسىنىڭ ساپالىلانۋىن، سايكەستىلىگىن، جوعارى ونىمدىلىگىن ىلگەرىلەتۋدى كۇش سالۋ ءتۇيىنى ەتىپ، قۇرىلىمنىڭ ورنالاسۋىن رەفورمالاپ، فۋنكتسيانىڭ ورنالاسۋىن ساپالىلاندىرىپ، فۋنكتسياعا، تاسىلگە، ستيلگە بۇرىلىس جاساۋدى تەرەڭدەتىپ، ناتيجە مەن ونىمدىلىكتى جوعارىلاتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا ءتۇزىم جاعىنان پارمەندى كەپىلدىك ەتۋ كەرەك. ەكىنشى، باس نىسانانى يگەرۋ كەرەك. جۇيەسى كەمەلدى، عىلمي ارناعا تۇسكەن، جۇمىسى ءونىمدى پارتيا، ۇكىمەت قۇرىلىمدارى فۋنكتسياسى جۇيەسىن قۇرىپ، جالپى جاعدايدى جالپىلاي مەڭگەرەتىن، ءار جاقتى سايكەستىرەتىن پارتيانىڭ باسشىلىق جۇيەسىن، قىزمەت جاۋاپكەرلىگى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن، بايلانىس اياسى كەڭ، بۇقاراعا قىزمەت ەتەتىن بۇقارالىق ۇيىمدار قىزمەتى جۇيەسىن قالىپتاستىرىپ، حالىق قۇرىلتايى، ۇكىمەت، ساياسي كەڭەس، بيڭتۋان، باقىلاۋ - تەكسەرۋ ورگانى، سوت ورگانى، پروكۋراتۋرا ورگانى، حالىقتىق ۇيىمدار، كاسىپورىندار، ءىسورىندارى، قوعامدىق ۇيىمدار سياقتىلاردىڭ اۆتونوميالى رايوندىق پارتكومنىڭ ءبىر تۇتاس باسشىلىعىندا سايكەستى قيمىلداپ، بىرىككەن كۇشتى نىعايتىپ، جونگە سالۋ قابىلەتى مەن جونگە سالۋ ورەسىن جاپپاي ءوسىرۋ كەرەك. ءۇشىنشى، نەگىزگى پرينسيپكە تاباندى بولۋ كەرەك. پارتيانىڭ جاپپاي باسشىلىعىنا، نازاردى باس نىسانانى تياناقتاندىرۋعا شوعىرلاندىرۋعا، حالىقتى وزەك ەتۋگە، سوتسياليستىك بازار شارۋاشىلىعى رەفورما بەتالىسىنا تاباندى بولۋ، ساپالىلاندىرۋعا، سايكەستىرۋگە، جوعارى ونىمدىلىككە تاباندى بولۋ، ءار دارەجەلى ورىنداردىڭ بەلسەندىلىگىن ساۋلەلەندىرۋگە، شينجياڭدى جاپپاي زاڭمەن جونگە سالۋعا تاباندى بولۋ كەرەك. ءتورتىنشى، باستى مىندەتتى تياناقتاندىرۋ كەرەك. پارتيانىڭ جاپپاي باسشىلىعىنا تاباندى بولۋ ءتۇزىمىن كەمەلدەندىرىپ، پارتيا باسشىلىعىنىڭ جاپپاي قامتۋىنا شىنايى كەپىلدىك ەتۋ، پارتيا باسشىلىعىنىڭ اناعۇرلىم پارمەندى بولۋىنا شىنايى كەپىلدىك ەتۋ؛ ۇكىمەت قۇرىلىمدارىنىڭ ورنالاسۋى مەن فۋنكتسياسىنىڭ ورنالاسۋىن ساپالىلاندىرىپ، حالىق رازى بولاتىن قىزمەت وتەۋگە قۇلىقتى ۇكىمەت قۇرىلىسىن جەدەلدەتۋ؛ پارتيا، ۇكىمەت، ارميا، بيڭتۋان، بۇقارالىق ۇيىمداردىڭ قۇرىلىم رەفورماسىن ءبىر تۇتاس جوسپارلاپ، جاڭا ءداۋىردىڭ دامۋ تالابىنا ۇيلەسەتىن پارتيا، ۇكىمەت، بۇقارالىق ۇيىمدار، ءىسورىندارىنىڭ جاڭا جۇلگەسىن قالىپتاستىرۋ؛ ايماقتاردىڭ (وبلىس، قالا)، اۋدانداردىڭ (رايون، قالا) قۇرىلىم رەفورماسىن تەرەڭدەتىپ، ىقشام، جوعارى ءونىمدى نەگىزگى ساتى باسقارۋ ءتۇزىلىسىن قۇرۋ؛ قۇرىلىم شتاتىنىڭ زاڭ ارقىلى تۇراقتانۋىن ىلگەرىلەتۋ كەرەك.

　　جالپى ءماجىلىس مىنالاردى باسا دارىپتەدى: پارتيانىڭ باسشىلىعىن كۇشەيتىپ جانە جاقسارتىپ، رەفورما مىندەتتەرىنىڭ مۇلتىكسىز تياناقتانىپ، تامىر تارتىپ، جەمىس بەرۋىنە كەپىلدىك ەتۋ كەرەك. ءبىرىنشى، «4 تانىمدى» بەكەمدەپ، جالپى جاعدايعا باتىل بويسۇنۋ كەرەك. باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي تۇرعى، ساياسي بەتالىس، ساياسي پرينسيپ، ساياسي جول جاعىندا پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاۋ كەرەك. ەكىنشى، ۇيىمدىق باسشىلىقتى كۇشەيتىپ، جاۋاپكەرشىلىكتى ساتىلار بويىنشا قاتايتۋ كەرەك. اۆتونوميالى رايوندىق پارتكوم اۆتونوميالى رايوننىڭ پارتيا، ۇكىمەت قۇرىلىمدارى رەفورماسى قىزمەتىنە ءبىر تۇتاس باسشىلىق ەتەدى، اۆتونوميالى رايوندىق پارتكومنىڭ پارتيا، ۇكىمەت قۇرىلىمدارى رەفورماسىنا باسشىلىق ەتۋ گرۋپپاسى اۆتونوميالى رايوندىق پارتكومنىڭ باسشىلىعىندا باس بولىپ، جالپى جاقتان يگەرىپ، ءبىر تۇتاس سايكەستىرەدى. ءار دارەجەلى تاراۋلار پارتيا ورتالىق كوميتەتىنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى شەشىمدەرىن، ورنالاستىرۋىن باتىل دايەكتىلەندىرىپ، اۆتونوميالى رايوندىق پارتكوم تۇراقتاندىرعان پارتيا، ۇكىمەت قۇرىلىمدارى رەفورماسى مىندەتتەرىن مۇقيات تياناقتاندىرۋى كەرەك. ءۇشىنشى، يدەيالىق قىزمەتتى جاقسى ىستەپ، مىندەتتى تابىسپەن ورىنداۋ كەرەك. رەفورما كەزىندە يدەيالىق جاقتا تولقىماي، جۇمىستى توقىراتپاي، قوسىندى بوساڭسىتپاي، كۇش - قايراتتى كەمىتپەي، ءتۇرلى رەفورما مىندەتتەرىنىڭ ءجىتى قاداممەن، جەدەل دە ءتارتىپتى جۇرگىزىلىپ، مەجەلى ۋاقىتتا ورىندالۋىنا شىنايى كەپىلدىك ەتۋ كەرەك. ءتورتىنشى، تارتىپكە قاتاڭ بويسۇنىپ، تامىر تارتىپ، جەمىس بەرۋدى ىلگەرىلەتۋ كەرەك. ساياسي ءتارتىپتى، ۇيىمدىق ءتارتىپتى، قۇرىلىم - شتات ءتارتىبىن، كادرلار ءىسى ءتارتىبىن، قازىنا - ەكونوميكا ءتارتىبىن، قۇپيالىقتى ساقتاۋ ءتارتىبىن قاتايتىپ، رەفورمانىڭ ءساتتى ىلگەرىلەۋىنە پارمەندى كەپىلدىك ازىرلەۋ كەرەك. بەسىنشى، ۇگىتتەۋ مەن جەتەكتەۋدى كۇشەيتىپ، تاماشا اۋقىم قالىپتاستىرۋ كەرەك. ءار دارەجەلى ۇگىت تاراۋلارى مەن اقپارات قۇرالدارىنىڭ رولىن تولىق ساۋلەلەندىرىپ، ۇنامدى جاقتان ۇگىتتەۋ مەن قوعامدىق پىكىر جەتەكشىلىگىن كۇشەيتىپ، رەفورمانى ىلگەرىلەتۋگە تاماشا قوعامدىق ورتا مەن قوعامدىق پىكىر رايىن قالىپتاستىرۋ كەرەك.

　　جالپى ءماجىلىس مىنالاردى باسا دارىپتەدى: ءبىر تۇتاس جوسپارلاۋ مەن بىردەي ءمان بەرۋگە تاباندى بولىپ، ءبىر جاعىنان، پارتيا، ۇكىمەت قۇرىلىمدارى رەفورماسىن تەرەڭدەتۋدى يگەرىپ، ەندى ءبىر جاعىنان، ورنىقتىلىق پەن دامۋ قىزمەتتەرىن يگەرىپ، قۇرىلىم رەفورماسى ىلگەرىلەتىلگەن مەزگىلدە، ءتۇرلى قىزمەتتى يگەرەتىن، باسقاراتىن ادام بولۋىنا، ءجىتى، ناقتى يگەرىلۋىنە كەپىلدىك ەتۋ كەرەك. ءتۇرلى قىزمەتتى جاپپاي جاقسى ىستەۋ نەگىزىندە، قىزمەتتىڭ ماڭىزدى ءتۇيىنى مەن شەشۋشى بۋىندارىن كورنەكتىلەندىرۋ كەرەك. ءبىرىنشى، باس نىسانانى مىقتاپ ارقاۋ ەتىپ، لاڭكەستىككە قارسى تۇرۋ، ورنىقتىلىقتى قورعاۋ قىزمەتىن ويداعىداي يگەرۋ كەرەك. ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا اۋىر ساياسي جاۋاپكەرشىلىك ەتىپ، يكەمدى دە ءونىمدى جاقسى شارالار مەن جاقسى مەحانيزمدەردى تياناقتاندىرىپ، «ءۇش قيان - كەسكى شايقاس» پەن «ءبىر حالىقتىق سوعىستى» ۇزدىكسىز ويداعىداي جۇرگىزىپ، «ءۇش بىرلەسىپ قيمىلداۋدى» ىسكە اسىرىپ، شينجياڭنىڭ قوعامدىق جالپى جاعدايىنىڭ باياندى ورنىقتىلىعىنا شىنايى كەپىلدىك ەتۋ كەرەك. ەكىنشى، جاڭا دامۋ ۇستانىمىن جاپپاي دايەكتىلەندىرىپ، «ءۇش ۇلكەن قامال الۋ شايقاسىن» ويداعىداي يگەرۋ كەرەك. ەلەۋلى حاۋىپ - قاتەردەن باتىل ساقتانىپ جانە ونى باسەيتىپ، ۇكىمەتتىك قارىز قاتەرى مەن فينانس قاتەرىنەن ساقتانۋدى، ونى تىزگىندەۋدى كورنەكتى تۇردە كۇشەيتىپ، جۇيەلى حاۋىپ - قاتەرگە جول بەرمەۋ تومەنگى شەگىن قاتاڭ ساقتاۋ كەرەك. كەدەيلىكتەن دالمە - ءدال قۇتىلدىرۋدى بار كۇشپەن ىلگەرىلەتىپ، «ەكىدەن تارىقتىرماۋ، ۇشكە قامتاماسىز ەتۋ، بىرگە جاقىنداۋعا» تىعىز ۇشتاستىرىپ، شارالاردى قاتايتىپ، دالمە - ءدال كۇش جۇمساپ، 2020 - جىلعا دەيىن تۇرمىس دەڭگەيى قازىرگى بەلگىلەنگەن ولشەمنەن تومەن اۋىل - قىستاق كەدەيلەرىن كەدەيلىكتەن تۇگەل قۇتىلدىرۋعا كەپىلدىك ەتىپ، مۇلدە كەدەيلىكتى جويىپ، كەدەي اۋدانداردىڭ بارلىعىنىڭ كەدەيلىك قالپاعىن الىپ تاستاۋىنا كەپىلدىك ەتىپ، وڭىرلىك جاپپاي كەدەيلىكتى شەشۋ كەرەك. لاستانۋدان ساقتانۋ جانە ونى جونگە سالۋ تەبىنىن كۇشەيتىپ، تۇنىق سۋ، جاسىل تاۋدىڭ ءوزى قىمباتتى بايلىق دەگەن تانىمدى بەرىك ورناتىپ، شينجياڭنىڭ جاسىل جامىلعىلارىن، تاۋ - وزەندەرىن ويداعىداي قورعاۋ كەرەك. ءۇشىنشى، جوعارى ساپالى دامۋدى بار كۇشپەن ىلگەرىلەتىپ، ءۇش ءتۇيىندى قىزمەتتى مىقتى يگەرۋ كەرەك. مەملەكەتتىڭ «ءبىر بەلدەۋ، ءبىر جول» قۇرىلىسىنىڭ ورايىن ويداعىداي پايدالانىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋدى جەدەلدەتىپ، ەكونوميكالىق دامۋدىڭ جاڭا ارتۋ ۇيەكتەرىن جەتىلدىرۋ كەرەك. اۋىل - قىستاقتاردى كوركەيتۋ ستراتەگياسىن اتقارۋ ورايىن مىقتاپ يگەرىپ جانە ويداعىداي پايدالانىپ، اۋىل - قىستاقتاردىڭ كاسىپ سالالارىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن بەلسەندىلىكپەن ىلگەرىلەتۋ كەرەك. قوعامدىق جالپى جاعداي ۇزدىكسىز ورنىقتى بولعان ورايدى مىقتى يگەرىپ جانە ويداعىداي پايدالانىپ، ساياحات شارۋاشىلىعىن بار كۇشپەن دامىتىپ، شينجياڭ ەكونوميكاسىنىڭ جوعارى ساپالى دامۋىنىڭ ماڭىزدى قوزعاۋشى كۇشىن قالىپتاستىرۋ كەرەك. ءتورتىنشى، رەفورمانى ۇزدىكسىز تەرەڭدەتىپ، ەسىك اشۋدى كەڭەيتۋ كەرەك. ورنىقتىلىقتىڭ ۇلەس پايداسىن ونان ارى ۇتىمدى پايدالانىپ، شينجياڭنىڭ وزگەشە ارتىقشىلىعىن ساۋلەلەندىرىپ، بازار مەحانيزمىنىڭ رولىن تولىق ساۋلەلەندىرىپ، ەل ءىشى - سىرتىنداعى ءتۇرلى كاسىپورىنداردى شينجياڭعا كەلىپ قارجى قوسىپ، شارۋاشىلىقپەن اينالىسۋعا بارىنشا باۋراۋ كەرەك.

　　جالپى ءماجىلىس بىلاي دەپ ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىنە تاباندى بولىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارى بويىنشا، ۇقىپتىلىقپەن ۇيىمداستىرىپ، مۇقياتتىلىقپەن ىلگەرىلەتىپ، اۆتونوميالى رايونىمىزدىڭ قۇرىلىم رەفورماسى قىزمەتىن تىڭعىلىقتى ويداعىداي ىستەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا پارمەندى كەپىلدىك ەتەيىك!