− باس شۋجي شي جينپيڭنىڭ ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا سويلەگەن ءسوزى جونىندە (2)
«ماركسيزم دۇنيە جۇزىنە تەرەڭ وزگەرىس جاساپ قانا قويماي، جۇڭگوعا دا تەرەڭ وزگەرىس جاسادى»، «ماركسيزم جۇڭگونىڭ سوتسياليستىك وسىزاماندانعان قۇدىرەتتى مەملەكەت قۇرۋدىڭ داڭعىل جولىنا ءساتتى تۇسۋىنە جەتەكشىلىك ەتتى». ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا باس شۋجي شي جينپيڭ جۇڭگونىڭ توڭكەرىس، قۇرىلىس، رەفورما تاريحىن شىعار ءتۇيىن ەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدان تۋىنداعان ۇلى سەكىرۋدى جۇيەلى باياندادى، ماركسيزمنىڭ ءبىزدىڭ پارتيا بولىپ تۇرۋىمىزدىڭ، ەل بولىپ تۇرۋىمىزدىڭ ءتۇبىرلى جەتەكشى يدەياسى بولۋىنىڭ بولاشاقتىق جەتەكشى ماڭىزىن تەرەڭدەي ءتۇسىندىردى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدە سانالى تۇردە ماركسيزمنىڭ ادال سەنۋشىسى، تاباندى امالياتتا ايگىلەۋشىسى بولىپ، ماركسيزمگە تاباندى بولۋ جانە ونى دامىتۋ جولىندا بۇلجىماي قۇلشىنۋ كەرەك.
اپيىن سوعىسىنان كەيىن، باتىستاعى ازۋلى ەلدەر قۋاتتى كەمەلەرىمەن، جويقىن زەڭبىرەكتەرىمەن جۇڭگونىڭ قاقپاسىن تاعىلىقپەن بومبىلاپ اشىپ، سان مىڭ جىلدىق تاريح ۇدەرىسىندە شۇلەن شۇعىلالى وركەنيەت جاراتقان جۇڭحۋا ۇلتىن ىشكى الاساپىراندىق پەن سىرتقى شاپقىنشىلىقتىڭ ايانىشتى جاعدايىنا كىرىپتار ەتتى. ۇلت تاۋەلسىزدىگىنە، حالىق ازاتتىعىنا قول جەتكىزۋ جانە مەملەكەتتىڭ بايىپ قۇدىرەتتەنۋىن، حالىقتىڭ باقىتىن جۇزەگە اسىرۋ جۇڭگو حالقىنىڭ تاريحي مىندەتىنە اينالدى. كونە ۇلگىدەگى شارۋالار سوعىسى مارەسىنە جەتىپ، فەوداليزمنىڭ ىرگەسىن شايقالتا المايتىن ءوزىن - ءوزى الۋەتتەندىرۋ قوزعالىستارى مەن جاڭعىرتىمپازدىق دۇركىن - دۇركىن ساتسىزدىككە ۇشىراعان، باسقا دا ءتۇرلى جوبالار ىركەس - تىركەس كۇيرەگەن تۇستا... قازان توڭكەرىسىنىڭ زەڭبىرەك ءۇنى جۇڭگوعا ماركسيزم - لەنينيزمدى الا كەلىپ، وتاندى جويىلۋدان قۇتقارۋدىڭ جولىن جاپا - ماشاقاتپەن قاراستىرىپ جاتقان جۇڭگو حالقىنا العا باسۋ بەتالىسىن ايقىن كورسەتىپ، شىت جاڭا تالعاممەن قامتاماسىز ەتتى. وسىنداي زور تاريحي ۇدەرىستە، ماركسيزمدى جەتەكشى ەتكەن، ۇلتتى گۇلدەندىرۋدىڭ كەلەلى تاريحي مىندەتىن ەرلىكپەن ۇستىنە العان، ءسوز جوق، جۇڭگو حالقىن باستاپ كەرەمەتتەر جاراتاتىن ماركسيزمدىك ساياسي پارتيا − جۇڭگو كوممۋنيستىك پارتياسى دۇنيەگە كەلدى. دۇنيەنى ءدۇر سىلكىندىرگەن وسى ءبىر ەلەۋلى وقيعا تاياۋ زاماننان كەيىن جۇڭحۋا ۇلتىنىڭ دامۋ بەتالىسى مەن اياق الىسىنا تەرەڭ وزگەرىس اكەلدى، جۇڭگو حالقى مەن جۇڭحۋا ۇلتىنىڭ بولاشاعىنا، تاعدىرىنا تەرەڭ وزگەرىس اكەلدى، دۇنيە ءجۇزىنىڭ دامۋ اۋقىمى مەن جاعدايىنا تەرەڭ وزگەرىس اكەلدى.
توڭكەرىس پەن قۇرىلىس كەزەڭىندە شىعىس ازيا دىمكاستارى دەپ تاعىلعان ايداردان ارىلىپ، ەڭسە كوتەرگەن جۇڭحۋا ۇلتىنىڭ زور سەكىرۋدى جۇزەگە اسىرۋى تەك سوتسياليزمنىڭ عانا جۇڭگونى قۇتقارا الاتىندىعىن دالەلدەدى؛ رەفورما جاساپ، ەسىك اشقاننان بەرى، جۇڭحۋا ۇلتىنىڭ ەڭسە كوتەرۋدەن اۋقاتتانۋعا دەيىنگى ۇلى سەكىرۋدى جۇزەگە اسىرۋى تەك جۇڭگوشا سوتسياليزمنىڭ عانا جۇڭگونى دامىتا الاتىندىعىن دالەلدەدى؛ جاڭا داۋىردە، جۇڭگو كوممۋنيستەرىنىڭ حالىقتى ىنتىماقتاستىرا باستاپ، پارتيا مەن مەملەكەت ىستەرىن ىلگەرىلەتۋدە جان - جاقتى، جاسامپازدىق سيپات الاتىن تابىستارعا قول جەتكىزىپ، تەرەڭ، ءتۇبىرلى تاريحي وزگەرىستەردى جارىققا شىعارىپ، جۇڭحۋا ۇلتىنىڭ اۋقاتتانۋدان قۇدىرەتتەنۋگە دەيىنگى ۇلى سەكىرۋىن قارسى الۋى تەك جۇڭگوشا سوتسياليزمگە تاباندى بولعاندا جانە ونى دامىتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولاتىندىعىن دالەلدەدى. ەڭسە كوتەرۋدەن اۋقاتتانۋعا، ودان قۇدىرەتتەنۋگە دەيىن، ماركسيزم يدەياسىنىڭ جەتەكشىلىگىندە، عىلمي سوتسياليزم 21 - عاسىرداعى جۇڭگودا قۇدىرەتتى ومىرشەڭدىك كۇشىن جالىنداتىپ، دۇنيە جۇزىندە جۇڭگوشا سوتسياليزم ۇلى تۋىن اسقاق جەلبىرەتتى.
اماليات ماركسيزمنىڭ تاعدىرىنىڭ اۋەل باستان - اق جۇڭگو كوممۋنيستىك پارتياسىنىڭ تاعدىرىمەن، جۇڭگو حالقىنىڭ تاعدىرىمەن، جۇڭحۋا ۇلتىنىڭ تاعدىرىمەن بىتە قايناسقانىن، ونىڭ عىلميلىق، اقيقاتتىق سيپاتىنىڭ جۇڭگودا تولىق سىننان وتكەنىن، ونىڭ حالىقتىق، امالياتتىق سيپاتىنىڭ جۇڭگودا تولىق دايەكتىلەندىرىلگەندىگىن، ونىڭ اشىقتىق سيپاتى مەن داۋىرلىك سيپاتىنىڭ جۇڭگودا تولىق ايگىلەنگەنىن دالەلدەدى. ماركسيزم جۇڭگونىڭ توڭكەرىسىن، قۇرىلىسىن، رەفورماسىن قۇدىرەتتى يدەيالىق قارۋمەن قامتاماسىز ەتتى. سونىڭ ناتيجەسىندە، شىعىستاعى بايىرعى ءىرى ەل − جۇڭگو ادامزات تاريحىندا بۇرىن بولماعان دامۋ كەرەمەتتەرىن جارىققا شىعاردى. تاريح پەن حالىقتىڭ ماركسيزمدى تاڭداۋىنىڭ بۇكىلدەي دۇرىس، جۇڭگو كوممۋنيستىك پارتياسىنىڭ ماركسيزمدى ءوزىنىڭ تۋىنا جازۋىنىڭ بۇكىلدەي دۇرىس، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولۋىنىڭ، ماركسيزمنىڭ جۇڭگوشالانۋىن، داۋىرلىك ءتۇس الۋىن ۇزدىكسىز ىلگەرىلەتۋىنىڭ بۇكىلدەي دۇرىس ەكەنىن اماليات دالەلدەپ وتىر!
ماركس ءومىر سۇرگەن ءداۋىر − جۇڭگونىڭ تاياۋ زامان تاريحى باستالعان كەز. ماركس دۇنيە جۇزىنە باتىستاعى ازۋلى ەلدەردىڭ جۇڭگوعا شاپقىنشىلىق جاساۋىنىڭ شىنايى كەيىپ - كەسپىرىن اشكەرەلەپ، جۇڭگو حالقى ءۇشىن ادىلەتتى جاقتادى. ماركس، ەنگەلس جۇڭحۋا وركەنيەتىنىڭ ادامزات وركەنيەتىنىڭ العا باسۋىنا قوسقان ۇلەسىن ايرىقشا تۇراقتاندىرىپ، «جۇڭگو سوتسياليزمىنىڭ» جارىققا شىعاتىنى جونىندە عىلمي بولجام جاسادى. بۇگىنگى تاڭدا، ماركسكە، ماركسيزمنىڭ جۇڭگونىڭ جاپپاي سوتسياليستىك وسىزاماندانعان ەل قۇرۋ داڭعىل جولىنا ءساتتى تۇسۋىنە جەتەكشىلىك ەتكەندىگىن، ال جاڭا داۋىردەگى جۇڭگونىڭ كوركەيىپ - گۇلدەنۋىمەن، دامۋىمەن ماركس، ەنگەلس بولجاعان ادامزات قوعامىنىڭ كوركەم بولاشاعىنىڭ جۇڭگونىڭ بايتاق دالاسىندا جالىندى بەينەمەن ۇزدىكسىز كورىنىس بەرىپ وتىرعاندىعىن ايتا الامىز.
(شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى)
