ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

كەدەي وتباسىلارىنا جۇمىس تاۋىپ بەرىپ، كىرىسىن ارتتىردى

  − اۆتونوميالى رايوندىق حالىق قۇرىلتايى تۇراقتى كوميتەتىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قاعىلىق اۋدانىندا تۇراتىن قىزمەت اترەتىنىڭ قىستاق تۇرعىندارىنىڭ كەدەيلىكتەن قۇتىلۋىنا كومەكتەسكەندىگى جونىندە

   ءتىلشىمىز جاۋ جىيۇن، ەرىكتى ءتىلشى لو يۇن

  4 - ايدىڭ 23 - كۇنى قاعىلىق اۋدانى جايتەرەك اۋىلى ءتوموباسى قىستاعىنىڭ تۇرعىنى عانيسا ابەيدىڭ جاڭعاق باقشاسىندا اۆتونوميالى رايوننىڭ اعا اگرونومى جاۋ گوچيڭ بۋدانداستىرۋ ارقىلى ساپاسىن جاقسارتۋ، رەتتەپ بۇتاقتاۋ، سۋ جانە تىڭايتقىشتى مەڭگەرۋ، جيناۋ جانە مانەرلەۋ، دەرت - دەربەز جانە زياندى جاندىكتەردەن ساقتانۋ سىندى جاقتاردان قىستاق تۇرعىندارىنا جاڭعاقتىڭ ساپاسىن جوعارىلاتىپ، ونىمدىلىگىن ارتتىرۋ جونىندە تەحنيكالىق ساباق بەردى. عانيسانىڭ ۇلى مامەت تۇرسىن ساباقتى تىڭداپ بولعان سوڭ بىلاي دەدى: مەن ءوزىمنىڭ ەككەن جاڭعاعىمنىڭ ءونىمى نەگە تومەن ەكەنىن اقىرى ءتۇسىنىپ جەتتىم. مەن بۇدان كەيىن ماماننىڭ ايتقان تالاپتارى بويىنشا 10 جەردەگى جاڭعاعىمدى عىلمي جولمەن باپتاپ، كىرىسىمدى ارتتىرىپ، دوڭگەلەك داۋلەتتى تۇرمىسقا ەرتەرەك قول جەتكىزۋگە قۇلشىنامىن.

  بۇل اۆتونوميالى رايوندىق حالىق قۇرىلتايى تۇراقتى كوميتەت ورگانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قاعىلىق اۋدانى جايتەرەك اۋىلى ءتوموباسى قىستاعىندا تۇراتىن قىزمەت اترەتى ورىستەتكەن «كەدەيلەردى دالمە - دال سۇيەمەلدەۋگە ماماندار قىزمەت كورسەتۋ قيمىلىنان» ءبىر كورىنىس قانا. جىل باسىنان بەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىستاقتا تۇراتىن قىزمەت اترەتى كەدەي وتباسىلارىنىڭ جاعدايىن، كەدەيلەسۋ سەبەبىن، كەدەيلىكتەن قۇتىلۋداعى تىلەكتەرىن جالپى بەتتىك ىشكەرىلەي ۇعىسۋىنىڭ نەگىزىندە قىزمەت ىڭعايى مەن تاسىلىنە جان - جاقتىلى ىزدەنىس جاساۋ ارقىلى، جەرگىلىكتى جاعدايعا ۇيلەسەتىن كەدەيلەردى سۇيەمەلدەۋ نىساندارىن دامىتىپ، ءبىر وتباسىنا ءبىر شارا بەلگىلەۋگە كومەكتەسىپ، بۇقارانىڭ كومەسكى كۇشىن قوزعاپ، كەدەي وتباسىلارىنىڭ كەدەيلىكتەن ورنىقتى تۇردە قۇتىلۋىن جۇزەگە اسىردى.

  سىرتقا شىعىپ جۇمىس ىستەپ، كوز اياسىن كەڭەيتتى

  الدىڭعى ءبىر مەزەتتە، قاعىلىق اۋدانى سايباق اۋىلى باشتوعىراق قىستاعىنىڭ تۇرعىنى مامەتيمىن ابەيدىڭ 9 جاستاعى قىزى ناۋقاستانىپ، شيپاحاناعا اپارىپ ەمدەتۋ ءۇشىن ءبىرتالاي قاراجات كەرەك بولعاندىقتان، ءبىر ءۇيلى جان نە ىستەرىن بىلمەي اڭتارىلىپ قالادى. وسى جاعدايدان حابار تاپقان قىزمەت اترەتى ابەيدى ىزدەپ كەلىپ، سىرتقا شىعىپ جۇمىس ىستەۋ تۋرالى كەڭەس بەرەدى. باستابىندا ابەي ءبىر بايلامعا كەلە الماي جۇرەدى. قىزمەت اترەتىنىڭ مۇشەلەرى مەن قىستاق كادرلارى وتكەن جىلى سىرتقا شىعىپ جۇمىس ىستەپ كەلگەن قىستاق تۇرعىنىن ەرتىپ كەلىپ، جۇمىس جايىن ەگجەي - تەگجەيلى تۇسىندىرەدى، سونىڭ ارقاسىندا ابەي دە سىرتقا شىعىپ جۇمىس ىستەۋگە بەل بايلايدى. ول: قىستاقتا تۇراتىن قىزمەت اترەتى مۇشەلەرىنىڭ بايلانىس جاساپ تاۋىپ بەرگەن جۇمىسى توقتامدى جۇمىس ەكەن، مەن ءوزىمنىڭ قۇلشىنىسىم ارقىلى وتباسىمداعىلارعا باقىتتى تۇرمىس سيلاۋعا بەكىدىم، - دەدى. قازىر ابەي سىرتتا جۇمىس ىستەپ ءجۇرىپتى، مەجەمەن جىل سوڭىنا دەيىن 20 مىڭ يۋان اينالاسىندا كىرىس كىرگىزەتىن كورىنەدى.

  ۇعىسۋعا قاراعاندا، اۆتونوميالى رايوندىق حالىق قۇرىلتايى تۇراقتى كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى كەدەيلەردى دالمە - ءدال پارىقتاۋ نەگىزىندە، ساياساتتى ۇگىتتەۋ، ۇلگىلەر جەتەكشىلىك ەتۋ، ەسەپ كورسەتۋ، سالستىرۋ سياقتى ادىستەردى قولدانىپ، بۇقاراعا، اسىرەسە، كەدەي وتباسىلارىنىڭ كوزقاراستارىن وزگەرتۋىنە كومەكتەسىپ، عىلمي جولمەن ەگىن ەگۋىنە، باسقا سالاعا ويىسىپ جۇمىسقا ورنالاسۋىنا، شارۋاشىلىق قۇرۋىنا جەتەكشىلىك ەتىپ، كۇرەس جۇرگىزۋ ارقىلى قوس قولىمەن باقىتتى تۇرمىسقا قول جەتكىزۋىنە دەم بەردى.

  قىستاقتا جۇمىسقا ورنالاسىپ جاڭادان كىرىس كوزىن اشتى

  4 - ايدىڭ 16 - كۇنى تۇستە، سايباق اۋىلى جاڭااۋات قىستاعىنىڭ تۇرعىنى ازاتگۇلدىڭ بالكۇلشە دۇكەنى مەكتەپتەن قايتقان بالالار مەن اتا - انالارعا لىق تولدى. كۇنىنە 5 − 6 ءتۇرلى بالكۇلشە، 10 نەشە ءتۇرلى پراندىك دايىندايتىندىقتان، ازاتگۇل جانە ءوزى سياقتى 2 كەدەي وتباسىنان كەلگەن سەرىكتەرى قاربالاستىقتان مۇرىندارىنا سۋ جەتپەي ءجۇر.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قاعىلىق اۋدانى سايباق اۋىلى جاڭا اۋات قىستاعىندا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى گۇلگينا نياز ۇنەمى قىستاقتاعى ايەلدەردى قىزمەت اترەتىنىڭ جاتاعىنا شاقىرىپ الىپ سىرلاسىپ، بىرگە شاي ىشەتىن. «مەنىڭ بايقاعانىم قىستاقتاعى بويجەتكەندەر، ايەلدەر وتە شەبەر، ءبىر كورسە - اق ۇيرەنىپ الادى، سودان ولارعا بالكۇلشە جاساۋدى ۇيرەتۋدى ويلاپ، بالكۇلشە دۇكەنىن اشۋلارىنا جەتەكشىلىك ەتتىم»، - دەدى گۇلگينا تىلشىگە.

  «قازىر مەنىڭ دۇكەنىمە كەلىپ بالكۇلشە الاتىندار وتە كوپ، قازىر ايىنا 2000 − 3000 يۋان كىرىس كىرگىزەمىن»، - دەدى ازاتگۇل تىلشىگە.

  ۇزدىكسىز سۇيەمەلدەۋدىڭ ارقاسىندا، جاڭااۋات قىستاعىنداعى 37 كەدەي وتباسىنىڭ اربىرىنەن ءبىر ادام جۇمىسقا ورنالاستى. قازىر قىستاقتاعى بويجەتكەندەر، ايەلدەر بىرلەسىپ اۋىلداعى مەكتەپكە قورەكتىك بالكۇلشەسىن جانە تۋعان كۇن بالكۇلشەسىن دايىنداپ بەرەدى ەكەن.

  «ءبىز قىستاق تۇرعىندارىن قاعىلىق اۋدانى، سايباق اۋىلى ۇيىمداستىرعان اسپازدىق، بالكۇلشە جاساۋ جانە دانەكەرلەۋ سىندى جۇمىسقا ورنالاستىرۋ تەحنيكاسىنا تاربيەلەۋ كلاسىندا وقۋعا شابىتتاندىرىپ، قىستاقتاعى ارتىق ەڭبەككۇشتەردىڭ ءبىر ونەردىڭ تەتىگىن يگەرۋىنە كومەكتەستىك»، - دەدى گۇلگينا.

  سايباق اۋىلى باشتوعىراق قىستاعىنىڭ تۇرعىنى نۇراحىمەت بارات تىلشىگە بىلاي دەدى: بۇرىن ەشقانداي ونەردى مەڭگەرمەگەندىكتەن، سىرتقا شىعىپ جۇمىس ىستەي المايتىنمىن. قىستاق ۇيىمداستىرعان بولات شىبىق جۇمىسىن ىستەۋ كۋرسىنا قاتىناسقان سوڭ، قازىر جۇمىس ىستەپ كۇنىنە 100 يۋان كىرىس كىرگىزەمىن. ءتىپتى دە كوپ ونەر ۇيرەنىپ العان سوڭ، مول اقشا تاباتىنىما سەنىمىم كامىل.

  عىلىم - تەحنيكا ۇيرەنىپ بايۋدىڭ جاڭا جولىنا ءتۇستى

  جايتەرەك اۋىلى ءتوموباسى قىستاعىندا جەمىس ورمان اۋماعى 2780 مۋ بولىپ، نەگىزىنەن جاڭعاق اعاشى وسەدى. سورتى ءار ءتۇرلى، بۋدانداستىرۋ، سۋ جانە تىڭايتقىشتى مەڭگەرۋ تەحنيكاسى ءالسىز بولعاندىقتان، ءونىم تومەن، ساپاسى ناشار بولىپ، مۋ باسىنان الاتىن ءونىم مولشەرى 200 كيلوگرامعا جەتپەيتىن. قىستاقتا تۇراتىن قىزمەت اترەتى مامان ۇسىنىس ەتىپ بۇكىل قىستاقتىڭ اۋىل شارۋاشىلىق ءوندىرىس جاعدايى جانە تەحنيكالىق قاجەتتىلىكتى ۇعىسقاننان كەيىن، مامان قىستاقتان تەحنيكانىڭ تەتىگىن جاقسى مەڭگەرگەندەردى تاڭداپ، تەحنيكا جاقتان قىزمەت كورسەتۋ اترەتىن قۇرىپ، تەحنيكاعا تاربيەلەۋ كۋرس اشىپ، قىستاق تۇرعىندارىن تەحنيكا ۇيرەنۋگە، تەحنيكادان پايدالانۋعا جەتەكشىلىك ەتىپ، تەحنيكانىڭ قىستاققا تامىر تارتۋىن جۇزەگە اسىرىپ، ساپاسىن جوعارىلاتىپ، ءونىم مولشەرىن ارتتىردى.

  ءتىلشىنىڭ ۇعىسۋىنشا، جىل باسىنان بەرى قىزمەت اترەتى قىستاققا كوپ رەت مامان ۇسىنىس ەتىپ، ناق ۇستىندە جاعداي ۇعىسىپ، جاڭعاق اعاشىن ەگۋ، باپتاۋ جانە اتىز باپتاۋ تەحنيكاسىن ءتۇسىندىردى. بۇكىل قىستاقتا 6 رەت جۇمىسقا ورنالاسۋ ونەرىنە تاربيەلەۋ كۋرسىن ۇيىمداستىرىپ، تاربيەلەنگەن ادام 1000نان ارتىق ادام - رەتكە جەتتى.

  سايباق اۋىلى ءتوموباسى قىستاعىندا قىزمەت اترەتى قىستاق تۇرعىندارىنا ۇيلەرىنىڭ اينالاسىن رەتتەۋ، اۋلاسىنداعى بوس جەردەن پايدالانىپ اۋلا ەكونوميكاسىن دامىتۋ جونىندە كەڭەس بەرىپ، جەتەكشىلىك ەتتى. قازىرگە دەيىن قىستاقتاعى %85 وتباسىندا وزدەرىنىڭ كوكونىس ەگەتىن جەرى، بىرنەشە ءتۇپ جەمىس اعاشى، قوراسى بار بولىپ، كۇندەلىكتى تۇرمىسقا كەتەتىن قاراجاتتى ۇنەمدەدى. قازىرگە دەيىن قىستاقتاعى 141 كەدەي وتباسىنىڭ ىشىندە 136 وتباسىنان ءبىر ادام تۇراقتى جۇمىسقا ورنالاستى، ءتىپتى، كەيبىر وتباسىلارى تۇگەل سىرتقا شىعىپ جۇمىس ىستەدى.

  «2020 - جىلعا بارعاندا كەدەيلىكتەن تۇبەگەيلى ارىلۋ نىساناسىن جۇزەگە اسىرۋ ءۇشىن، ءبىز تۇراقتى جۇمىسقا ورنالاستىرۋدى قىستاق تۇرعىندارىنىڭ تۇراقتى كىرىسى بولۋىنىڭ، كەدەيلىكتەن ءبىرجولاتا قۇتىلۋىنىڭ ماڭىزدى ارناسى ەتەمىز. اقىل - پاراسات ارقىلى كەدەيلەردى سۇيەمەلدەۋ، ەرىك - جىگەر ارقىلى كەدەيلەردى سۇيەمەلدەۋ تەبىنىن اناعۇرلىم كۇشەيتىپ، قىستاق تۇرعىندارىنىڭ كومەسكى كۇشىن ىسكە قوسىپ، ەڭبەك قابىلەتى بار قىستاق تۇرعىندارىن شارۋاشىلىق قۇرۋعا، سىرتقا شىعىپ جۇمىس ىستەۋگە، قوسالقى زاۆودتاردا جۇمىس ىستەۋگە بەلسەندى تۇردە جەتەكتەپ، <كۇتۋ، يەك سۇيەۋ، سۇرانۋ> سىندى يدەيالاردان ارىلىپ، وزدەرىنىڭ قوس قولدارىمەن باقىتتى تۇرمىسقا جەتۋىنە كومەكتەسەمىز»، - دەدى اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قاعىلىق اۋدانىندا تۇراتىن قىزمەت اترەتىنىڭ باس جەتەكشسى دۇڭ حۋالين.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 3-كەزەكتى «ەرتەگى قالا، بۋىرشىن ءدامى» اتىنداعى ءدامدى تاعامدار مەرەكەسىنىڭ شىمىلدىعى اشىلدى
  • نارات كورىنىستىك اۋماعى ساياحاتتىڭ قاۋىرت ماۋسىمىنا ءوتتى
  • [شينجياڭ جاقسى جەر] ۇلۋجان كورىنىس رايونىندا ساياحاتشىلاردىڭ اياعى ۇزىلمەدى
  • كوركەم شينجياڭدا كوڭىلدى ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى