ءتاڭىرتاۋ تورابى   ›   ۇيرەنۋ   ›   شولۋ

ماركسيزمنەن ۇزدىكسىز عىلمي اقىل - پاراسات پەن نازاريالىق كۇش - قۋات قابىلدايىق

− باس شۋجي شي جينپيڭنىڭ ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا سويلەگەن ءسوزى جونىندە (3)

  جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا نازاريالىق وي جەلىسىنەن ءبىر ءسات تە قول ۇزۋگە بولمايدى؛ وبيەكتيۆ دۇنيەنى تانۋدا جانە وزگەرتۋدە ماركسيزم سىندى قۇدىرەتتى يدەيالىق قارۋدان ءبىر ءسات تە ايرىلۋعا بولمايدى.

  «جاڭا داۋىردە، جۇڭگو كوممۋنيستەرى ءالى دە ماركستى ۇيرەنۋى، ماركسيزمدى ۇيرەنۋى جانە امالياتتا ايگىلەۋى، ونان ۇزدىكسىز عىلمي اقىل - پاراسات پەن نازاريالىق كۇش - قۋات قابىلداۋى كەرەك». ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا باس شۋجي شي جينپيڭ بۇكىل پارتياداعى جولداستاردان، وتە - موتە، ءار دارەجەلى باسشى كادرلاردان ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، جاڭا ءداۋىر جۇڭگوشا سوتسياليزم يدەياسىن اناعۇرلىم سانالىلىقپەن، اناعۇرلىم زەيىن قويا ۇيرەنۋدى، ىشكەرىلەي ۇيرەنۋدى، تىنباي ۇيرەنۋدى، زەيىن قويا ۇيرەنۋدى، ماسەلەنى الدىعا قويىپ ۇيرەنۋدى، ءىس جۇزىندىكپەن بىرلەستىرىپ ۇيرەنۋدى، عىلمي يدەيالىق نازاريانى دۇنيەنى تانۋدىڭ، دۇنيەنى وزگەرتۋدىڭ قۇدىرەتتى ماتەريالدىق كۇشىنە اينالدىرۋدى تالاپ ەتتى. باس شۋجيدىڭ ماڭىزدى ءسوزى ماركسيزمدى ۇيرەنۋىمىزگە جانە امالياتتا ايگىلەۋىمىزگە، وي - سانانى عىلمي نازاريامەن ونان ارى قارۋلاندىرۋىمىزعا ءادىس - امال جانە باعدارلاما ازىرلەدى.

  جۇڭگو كوممۋنيستىك پارتياسى − ماركسيزممەن قارۋلانعان ساياسي پارتيا، ماركسيزم − جۇڭگو كوممۋنيستەرىنىڭ يدەيالىق سەنىمىنىڭ جانى. تاريح پەن اماليات جۇڭگو كوممۋنيستىك پارتياسىنىڭ جاپا - ماشاقاتتى باسىنان كەشىرە وتىرىپ ۇزدىكسىز دامىپ زورايۋىنىڭ ءبىر ماڭىزدى سەبەبى باستان - اياق پارتيانى يدەيا ارقىلى قۇرۋعا، پارتيانى نازاريا ارقىلى قۇدىرەتتەندىرۋگە ءمان بەرگەندىگىندە ەكەنىن تولىق دالەلدەدى. جاڭا داۋىردە، جۇڭگو كوممۋنيستەرى ماركسيزم كلاسسيك شىعارمالارىن وقۋدى، ماركسيزمنىڭ قاعيداسىن ءتۇسىنۋدى ءبىر ءتۇرلى تۇرمىس ادەتى، رۋحاني تالپىنىسى ەتىپ، كلاسسيك شىعارمالاردان پايدالانىپ دۇرىس سالتتى جەتىلدىرىپ، يدەياسىن نارلەندىرىپ، وي ءورىسىن كەڭەيتىپ، امالياتقا جەتەكشىلىك ەتۋى كەرەك.

  ماركسيزم يدەيالىق نازارياسىنىڭ ويى تەلەگەي، مازمۇنى تەرەڭ، ۇيرەنگەن سايىن جاڭا نارسەلەرگە كەز بولاسىڭ. جاڭا داۋىردە ءبىز ماركستى ۇيرەنگەندە، باس شۋجي شي جينپيڭ تالاپ ەتكەندەي، ماركسيزمنىڭ ادامزات قوعامىنىڭ دامۋ زاڭدىلىعى جونىندەگى يدەياسىن، حالىق تۇرعىسىندا بەرىك تۇرۋ يدەياسىن، وندىرگىش كۇش پەن وندىرىستىك قاتىناس جونىندەگى يدەياسىن، حالىق دەموكراتياسى جونىندەگى يدەياسىن، مادەنيەت قۇرىلىسى جونىندەگى يدەياسىن، قوعامدىق قۇرىلىس جونىندەگى يدەياسىن، ادام مەن تابيعاتتىڭ قاتىناسى جونىندەگى يدەياسىن، دۇنيەنىڭ تاريحى جونىندەگى يدەياسىن، ماركسيزمدىك ساياسي پارتيا قۇرىلىسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز كەرەك. بىتىراندى ەمەس، جۇيەلى ۇيرەنۋىمىز، مانەرسىز ەمەس، ءىس جۇزىندىكپەن ۇيرەنۋىمىز كەرەك، كەلەشەكتە ءدوپ كەلەتىن ءبىر قىدىرۋ ماڭىزدى ماسەلەلەردى اناعۇرلىم كەڭ كوزايامەن، اناعۇرلىم الىستى كوزدەيتىن قىراعىلىقپەن يگەرگەندە، ءبىز، ءسوزسىز، جاڭا داۋىردەگى جۇڭگوشا سوتسياليزمگە اناعۇرلىم تاباندىلىقپەن، اناعۇرلىم سەنىممەن، اناعۇرلىم پاراساتپەن تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋ الىپ كەمەسىنىڭ باستان - اياق دۇرىس باعدارمەن تولقىن جارا العا ىلگەرىلەۋىنە كەپىلدىك ەتەتىن بولامىز.

  اماليات كوزقاراسى، ءومىر كوزقاراسى − ماركسيزم تانىم نازارياسىنىڭ نەگىزگى كوزقاراسى، امالياتتىلىق ماركسيزم نازارياسىنىڭ باسقا نازاريالاردان پارىقتالاتىن ايقىن ەرەكشەلىگى. ۇيرەنگەندى قولدانۋدان، قولدانۋ ارقىلى ۇيرەنۋدى جەبەۋدەن، ءتۇپ نۇسقادان ۇيرەنۋدەن، پىسىق وقىپ، ۇڭىلە ويلانۋدان، تەرەڭدەي ۇيرەنىپ، جەتە تۇسىنۋدەن جازباعاندا عانا، ماركسيزمنىڭ تۇرعىسىن، كوزقاراسىن، ءادىسىن قانىق يگەرىپ، ماركسيزمدىك نازاريالىق ورەنى ۇزدىكسىز جوعارىلاتۋعا بولادى. ماسەلە − زاتتار قايشىلىعىنىڭ بەينەلەنۋ فورماسى، تەك ماسەلە تانىمىن ۇزدىكسىز كۇشەيتىپ، ماسەلەنى نىشان ەتۋدەن جازباي، نازاردى ەلىمىزدىڭ رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسى ءدوپ كەلگەن ەلەۋلى رەال ماسەلەلەرگە، جالپى جاعدايلىق ستراتەگيالىق ماسەلەلەرگە، حالىق بۇقاراسى كوڭىل ءبولىپ، نازار اۋدارىپ وتىرعان قولامتالى، قيىن ماسەلەلەرگە شوعىرلاندىرىپ، رەال ماسەلەلەرگە سانالى تۇردە ماركسيزمدى قولدانىپ ىشكەرىلەي تالداۋ جاساعاندا عانا، ماسەلەنى شەشۋگە جاڭا تانىم، جاڭا وي جۇلگەسىن، جاڭا ءادىس - امال ازىرلەي الامىز.

  «جۇڭگو كوممۋنيستەرى ۇيرەنۋ ارقىلى بۇگىنگى كۇنگە جەتكەن، سونىمەن بىرگە، ۇيرەنۋ ارقىلى كەلەشەككە بەت الاتىنى حاق». ماركسيزمنىڭ عىلمي اقىل - پاراساتى مەن نازاريالىق كۇش - قۋاتىن ۇزدىكسىز قابىلداپ، بۇكىل پارتيانىڭ ماركسيزمنىڭ نەگىزگى قاعيدالارىن قولدانىپ، زامانىمىزداعى جۇڭگونىڭ ءىس جۇزىندىك ماسەلەلەرىن شەشۋ قابىلەتى مەن ورەسىن ۇزدىكسىز جوعارىلاتىپ، ۇلى كۇرەستەر جۇرگىزىپ، ۇلى ينجەنەريالار قۇرىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرعانىمىزدا، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ جاڭا تاراۋلارىن جازاتىن بولامىز.

(شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى