تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ۋاعدا بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى

  شينحۋا اگەنتتىگىنىڭ 5 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 8 - كۇنى ۋاعدا بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: قازىر جۇڭگو مەن ا ق ش - تىڭ قاتىناسى ماڭىزدى كەزەڭدە تۇر. مەن ەكى ەل قاتىناسىنىڭ دامۋىنا ايرىقشا كوڭىل بولەمىن، زۇڭتۇڭ مىرزامەن ارامىزداعى تاماشا قىزمەت قاتىناسىن قاستەرلەيمىن. مەن ەكى جاقتىڭ زۇڭتۇڭ مىرزا ەكەۋىمىز بەيجيڭدە كەزدەسكەن كەزدە كەلىسكەن ورتاق تانىمدى مۇقيات تياناقتاندىرىپ، جوعارى جىكتەگىلەردىڭ جانە ءار دارەجەدەگىلەردىڭ قارىم - قاتىناسىن ساقتاپ، ءوزارا قۇرمەت ەتىپ، ءوزارا تيىمدىلىك جاساپ، نازاردى ىنتىماقتاستىق ورناتۋعا شوعىرلاندىرىپ، الاۋىزدىقتاردى مەڭگەرىپ، ەكى ەل قاتىناسىنىڭ اقاۋسىز، ورنىقتى العا دامۋىن ىلگەرىلەتۋدى ءۇمىت ەتەمىن. ەكونوميكا - ساۋدا ىنتىماقتاستىعى بۇرىننان بەرى جۇڭگو - ا ق ش قاتىناسىنىڭ ورنىقتىرعىشى جانە ىلگەرىلەتۋشىسى بولىپ كەلەدى. وتكەن اپتادا، جۇڭگو مەن ا ق ش ەكى جاق بەيجيڭدە ەكونوميكا - ساۋدا ماسەلەسى جونىندە اشىق، ءونىمدى، سىندارلى كەڭەس وتكىزدى. ەكى جاق ۇيىرمەلەرىنىڭ پىكىرلەسۋدى جالعاستىرىپ، ورىن تەپكەن ماسەلەلەردى ۇيلەسىمدى شەشۋدىڭ امالىن تابۋعا قۇلشىنىپ، ءوزارا تيىمدىلىك جەتكىزىپ، تەڭ ۇتۋدىڭ جەتىستىگىنە قول جەتكىزۋىنە بولادى.

  ترامپ بىلاي دەدى: ا ق ش جۇڭگومەن قاتىناسىنا ايرىقشا كوڭىل بولەدى، مەن ءتوراعا شي جينپيڭمەن تىعىز قارىم - قاتىناستى ۇزدىكسىز ساقتاۋدى ءۇمىت ەتەمىن. ا ق ش جۇڭگومەن تىزە قوسا قۇلشىنىپ، ءتۇرلى سالاداعى ناقتى ىستەر جونىندەگى ىنتىماقتاستىقتى كۇشەيتىپ، ەكونوميكا - ساۋدا ماسەلەسىن ۇيلەسىمدى ءبىر جايلى ەتىپ، ا ق ش - جۇڭگو قاتىناسىندا بۇدان دا زور دامۋعا قول جەتكىزىپ، ەكى ەل حالقىنا باقىت جاراتۋدى قالايدى.

  ەكى ەل باسشىلارى چاۋشيان تۇبەگىنىڭ جاعدايى جونىندە پىكىر اۋىستىردى. شي جينپيڭ جۇڭگونىڭ چاۋشيان تۇبەگى ماسەلەسىندەگى تۇرعىسىن قايتالاي دارىپتەپ، جۇڭگو جاقتىڭ ا ق ش پەن چاۋشيان باسشىلارىنىڭ كەزدەسۋىن قولدايتىندىعىن، ا ق ش پەن چاۋشياننىڭ ءوزارا جاقىنداپ، ءوزارا سەنىمدىلىك ورناتىپ، كەزەڭگە ءبولىپ قيمىلداپ، وزدەرى كوڭىل ءبولىپ وتىرعان كوكەي تەستى ماسەلەلەردى كەزدەسۋ، كەڭەسۋ وتكىزۋ ارقىلى شەشىپ، چاۋشياننىڭ حاۋىپسىزدىك جاقتاعى ورىندى الاڭداۋشىلىعىن ەسكەرىپ، چاۋشيان تۇبەگى ماسەلەسىن ساياسي جولمەن شەشۋدى بىرگە ىلگەرىلەتۋدى ءۇمىت ەتەتىندىگىن، جۇڭگو جاقتىڭ تۇبەكتى يادرولىق قارۋسىزداندىرۋ مەن ءوڭىردىڭ باياندى تىنىشتىعىن جۇزەگە اسىرۋ جولىندا ۇزدىكسىز بەلسەندى رول اتقارۋدى قالايتىندىعىن باسا دارىپتەدى.

  ترامپ بىلاي دەدى: ا ق ش جۇڭگونىڭ چاۋشيان تۇبەگى ماسەلەسىندەگى تۇرعىسىنا ايرىقشا كوڭىل بولەدى، جۇڭگونىڭ اتقارعان ماڭىزدى رولىن القايدى، ا ق ش جۇڭگومەن پىكىرلەسۋدى، سايكەسۋدى كۇشەيتىپ، تۇبەك ماسەلەسىن كەلىسسوز وتكىزۋ، كەڭەسۋ ارقىلى شەشۋدى بىرگە ىلگەرىلەتۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.