ٴۇرىمجى قالالىق 1-حالىق شيپاحاناسىنىڭ شيپاگەرى قالا تۇرعىنىنا دەگنوز قويۋدا
ءۇرىمجى قالالىق 1-حالىق شيپاحاناسى ( بالالار شيپاحاناسىنىڭ) شيپاگەرلەرى چاڭلىيۋان الەۋمەتتىك اۋماعىندا ناۋقاس كورەدى دەپ ەستىپ، 5-ايدىڭ 9 -كۇنى يمىنجان ابدىرەيىم جانە 20 دان ارتىق قالا تۇرعىنى تاڭەرتەڭ ەرتە كەلىپ، قاتارعا تۇردى.
سول كۇنى، ءۇرىمجى قالالىق 1-حالىق شيپاحاناسى ( بالالار شيپاحاناسى) تيانشان رايونىنىڭ نانۋان كوشە اۋماعىن باسقارۋ كوميتەتىنىڭ چاڭلىيۋان الەۋمەتتىك اۋماعى « ۇلتتار ىنتىماعىنىڭ بەرەكەلى شاڭىراعى» جانە «حالىق ٴۇشىن قىزمەت وتەۋ اپتالىعى» مىندەتتى دەگنوز قويۋ قيمىلىن ورىستەتتى.
بۇرىن دەنساۋلىق تەكسەرتكەندە، يمىنجاندا جوعارى قان قىسىم ناۋقاسىنىڭ بەلگىلەرى بار بولاتىن، وسى قيمىلدا تاعى ءبىر رەت تەكسەرتۋ ويىنا كەلدى.
«قان قىسىمىم ءالى دە جوعارى ەكەن، ءبىراق شيپاگەر ماعان كوڭىل بولۋگە ءتيىستى ىستەردى ەسكەرتتى، كوڭىلىم جاي تاپتى»،-دەدى يمىنجان.
ءۇرىمجى قالالىق 1-حالىق شيپاحاناسى پارتكوم كەڭسەسىنىڭ مەڭگەرۋشىسى حۋاڭ چي بىلاي دەپ تانىستىردى : «بۇل رەتكى مىندەتتى دەگنوز قويۋ قيمىلىندا شيپاحانامىز ىشكى اۋرۋلار ءبولىمى، ەرەسەكتەر سىرتقى اۋرۋلار ءبولىمى، جۇڭگوشا-باتىسشا ەمدەپ ۇشتاستىرىپ ەمدەۋ، بالالار ىشكى اۋرۋلار ءبولىمى، بالالار سىرتقى اۋرۋلار ءبولىمى قاتارلى بولىمدەردىڭ شيپاگەرلەرى جەرگىلىكتى قالا تۇرعىندارىنىڭ اقاۋسىزدىعىن تەكسەرەدى ءارى كەڭەس بەرەدى»،-دەدى.
وسى اپتا — «ۇلتتار ىنتىماعىنىڭ بەرەكەلى شاڭىراعى» حالىق ءۇشىن قىزمەت وتەۋ اپتالىعى، ەمدەۋ دەنساۋلىق ساقتاۋ قىزمەتكەرلەرى بولعان بىزدەر كوپشىلىك ءۇشىن ناقتى ءىس ىستەۋىمىز كەرەك، بۇل ءبىزدىڭ بۇلتارماس بورىشىمىز»،-دەدى ءۇرىمجى قالالىق 1-حالىق شيپاحاناسىنىڭ ورىنباسار باستىعى يالقۇن جاپپار. شيپاحانا الەۋمەتتىك اۋماققا «1-حالىق شيپاحاناسىنىڭ حابارلاسۋ كەڭسەسىن» قۇرىپ، ارناۋلى شيپاگەرلەر تەكسەرگەننەن كەيىن، تۇرعىندارعا ءدارى-دارمەكتى اقىسىز تاراتىپ، قالا تۇرعىندارىنىڭ اقاۋسىز بولۋىنا كومەكتەسەدى
ۇعىسۋعا قاراعاندا، اتالعان قيمىل 3 كۇنگە جالعاسادى، 5-ايدىڭ 10-، 11-كۇندەرى مىندەتتى دەگنوز قويۋ ۋاقىتى 18:30-20:30.
