ىشكەرىلەي ۇيرەنىپ، جەتە يگەرىپ، ماركسيزمگە تاباندى بولۋ جانە ونى دامىتۋ ءۇشىن تاباندىلىقپەن قۇلشىنايىق

　　شينجياڭ جۇڭگوشا سوتسياليزم نازاريالىق جۇيەسىن زەرتتەۋ ورتالىعى

　　5- ايدىڭ 4 - كۇنى پارتيا ورتالىق كوميتەتى ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىن سالتاناتپەن وتكىزدى، باس شۋجي شي جينپيڭ ماڭىزدى ءسوز سويلەدى. باس شۋجي شي جينپيڭ سوزىندە ماركستىڭ ۇلى، شۇعىلالى ءومىرىن تەرەڭ ساعىنىشپەن ەسكە الىپ، ماركسيزمنىڭ عىلمي جۇيەسىن، مول ءمانىن جانە ونىڭ ادامزات قوعامىنىڭ دامۋىنا قوسقان وراسان زور ۇلەسىن تەرەڭدەي بايىمداپ، جاڭا داۋىردە ماركسيزمگە تاباندى بولۋدىڭ جانە ونى دامىتۋدىڭ ءبىر قاتار كەلەلى ماسەلەلەرىنە ىشكەرىلەي جاۋاپ بەرىپ، پارتيامىزدىڭ حالىقتى باستاپ، ماركسيزمدى جۇڭگوشالاندىرۋدى جاسامپازدىقپەن ىلگەرىلەتكەن ايبىندى تاريحي بارىسى مەن مول جەتىستىكتەرىن قورىتىندىلاپ، جاڭا داۋىردە ماركسيزمدى جۇڭگوشالاندىرۋدى ۇزدىكسىز ىلگەرىلەتۋ جونىندە تالاپ قويدى. باس شۋجي شي جينپيڭنىڭ جان - جاقتى جەتە يگەرگەن، كوز اياسى كەڭ، يدەياسى تەرەڭ، مازمۇنى مول ماڭىزدى ءسوزى بۇكىل دۇنيە جۇزىنە جۇڭگو كوممۋنيستىك پارتياسىنىڭ ماركسيزمگە تاباندى بولاتىن ايقىن تۇرعىسىن سالتاناتپەن جاريالاپ، جۇڭگو كوممۋنيستىك پارتياسىنىڭ جۇڭگوشا سوتسياليزم ىستەرىن ىلگەرىلەتەتىن بەرىك سەنىمىن تولىق ايگىلەپ، جۇڭگو كوممۋنيستەرىنىڭ ماركس بولجاعان ادامزات قوعامىنىڭ جارقىن بولاشاعىن جۇڭگو توپىراعىندا ۇزدىكسىز، جالىندى ايگىلەيتىن مىعىم سەنىمىن تولىق كورسەتتى، ماڭىزدى ءسوز كەلەلى تاريحي مانگە، داۋىرلىك مانگە، نازاريالىق مانگە، امالياتتىق مانگە يە، شۇعىلالى ماركسيزمدىك باعدارلامالىق حۇجات. ءبىز باس شۋجي شي جينپيڭنىڭ زامانىمىزداعى جۇڭگو ماركسيزمى جونىندەگى كلاسسيكالىق ءتول ەڭبەگىن ىشكەرىلەي ۇيرەنىپ، جەتە يگەرۋىمىز، ماركسيزمگە تاباندى بولۋ جانە ونى دامىتۋ ءۇشىن تاباندىلىقپەن قۇلشىنۋىمىز كەرەك.

　　ءبىرىنشى، باس شۋجي شي جينپيڭنىڭ ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزىنىڭ وزەكتى ءمانىن ىشكەرىلەي ۇيرەنۋ، تەرەڭ ءتۇسىنۋ

　　بىرىنشىدەن، باس شۋجي شي جينپيڭنىڭ ماركستىڭ شۇعىلالى ءومىرى مەن ۇلى ۇلەسى جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي شي جينپيڭ سوزىندە مىنالاردى اتاپ كورسەتتى: ماركس − بۇكىل دۇنيە جۇزىندەگى پرولەتاريات پەن ەڭبەكشى حالىقتىڭ توڭكەرىستىك ۇستازى، ماركسيزمنىڭ باستى نەگىزىن سالۋشى، ماركسيزمدىك ساياسي پارتيانىڭ قۇرۋشىسى جانە حالىقارالىق كوممۋنيزمنىڭ ءىزاشارى، تاياۋ زاماننان بەرگى ەڭ ۇلى ويشىل. باس شۋجي ماركستىڭ شۇعىلالى ومىرىنە جوعارى باعا بەرىپ، ماركستىڭ ءومىرى تۋرالى «3 جاقتى بايىمداۋىن» ورتاعا قويدى، ياعني ماركستىڭ ءومىرى − وسكەلەڭ ارمانعا تولى، ادامزاتتىڭ ازاتتىعى ءۇشىن تىنباي كۇرەس جۇرگىزگەن ءومىر؛ قيىندىق پەن كەدەرگىلەردەن قورىقپاي، اقيقات ءۇشىن يدەيانىڭ بيىك شىڭىنا جۇرەكتىلىكپەن قۇلاش ۇرعان ءومىر؛ كونە دۇنيەنى قۇلاتىپ، جاڭا دۇنيەنى قۇرۋ جولىندا تىنباي كۇرەس جۇرگىزگەن ءومىر دەپ اتاپ كورسەتتى.

　　ەكىنشىدەن، باس شۋجي شي جينپيڭنىڭ ماركسيزمنىڭ نازاريالىق قاسيەتى مەن تەرەڭ ىقپالى جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي شي جينپيڭ ماركسيزمنىڭ ادامزات قوعامىنىڭ دامۋىنداعى وراسان زور ۇلەسىن جوعارى دەڭگەيدە جيناقتاپ، «4 نازاريا» ورتاعا قويدى: ياعني ماركسيزم − عىلمي نازاريا، ول ادامزات قوعامىنىڭ دامۋ زاڭدىلىعىن جاسامپازدىقپەن اشتى، حالىققا ەركىندىك پەن ازاتتىقتى ىسكە اسىرۋ جولىن كورسەتتى؛ حالىقتىڭ نازارياسى، تۇڭعىش رەت حالىقتىڭ ءوز ازاتتىعىن ىسكە اسىرۋىنىڭ يدەيالىق جۇيەسىن ورناتتى، حالىققا ارقا سۇيەي وتىرىپ تاريحي ۇدەرىستى العا ىلگەرىلەتۋدەي ومىرلىك تۋرا جولدى كورسەتتى؛ امالياتتىق نازاريا، حالىقتىڭ دۇنيەنى وزگەرتۋ ارەكەتىنە ءجون سىلتەيدى، حالىقتىڭ دۇنيەنى تانۋىنا، دۇنيەنى وزگەرتۋىنە قۇدىرەتتى رۋحاني كۇش ۇسىندى؛ ۇزدىكسىز داميتىن اشىق نازاريا، قاشاندا ءداۋىردىڭ الدىڭعى لەگىندە ءجۇردى، كوركەم جاستىق ورالىن ماڭگى ساقتاپ، ءداۋىردىڭ دامۋى العا قويعان جاڭا تاقىرىپتارىن ۇزدىكسىز زەرتتەپ، ادامزات قوعامى ءدوپ كەلگەن جاڭا سىن - سايىستارعا جاۋاپ بەردى.

　　ۇشىنشىدەن، باس شۋجي شي جينپيڭنىڭ ماركسيزمنىڭ دۇنيەنى تەرەڭىنەن وزگەرتكەن امالياتتىق ۇلى كۇشى تۋرالى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي شي جينپيڭ سوزىندە بىلاي دەپ اتاپ كورسەتتى: «كوممۋنيستىك پارتيا جارناماسى» جاريالانعان 170 جىلدان بەرى، ماركسيزم دۇنيە جۇزىندە كەڭىنەن تارالىپ، ادامزاتقا كەڭ ءارى تەرەڭ ىقپال جاسادى. باس شۋجي مىنالاردى اتاپ كورسەتتى: ماركسيزمنىڭ جەتەكشىلىگىندە، حالىقارالىق جۇمىسشى ۇيىمدارى ىركەس - تىركەس قۇرىلىپ جانە دامىپ، تۇرلىشە مەزگىلدەردە حالىقارالىق جۇمىسشىلار قوزعالىسىنىڭ بىرىگۋى مەن كۇرەسىنە جەتەكشىلىك ەتتى جانە ونى ىلگەرىلەتتى. باس شۋجي مىنالاردى اتاپ كورسەتتى: لەنين باسشىلىق ەتكەن قازان توڭكەرىسى جەڭىسكە جەتىپ، سوتسياليزم نازاريادان رەالدىققا اينالىپ، كاپيتاليزمنىڭ دۇنيەنى بىرلىككە كەلتىرۋىندەي دۇنيەلىك جۇيەنى تالقاندادى. باس شۋجي مىنالاردى باسا دارىپتەدى: ماركسيزمنىڭ تاريحي ۇلەسى ونىڭ قازىرگە دەيىن ماڭىزدى حالىقارالىق ىقپالعا يە يدەيالىق جۇيە جانە ءسوز جۇيەسى بولۋىنا، ماركستىڭ قازىرگە دەيىن ءالى دە «مىڭ جىلدا ءبىر تۋاتىن ءبىرىنشى ويشىل» رەتىندە مويىندالۋىنا مۇمكىندىك جاسادى.

　　تورتىنشىدەن، باس شۋجي شي جينپيڭنىڭ ماركسيزمدى جۇڭگوشالاندىرۋ ۇلى تاريحي بارىسى جانە مول جەتىستىگى جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي شي جينپيڭ سوزىندە ماركسيزم دۇنيە جۇزىنە تەرەڭ وزگەرىس جاساپ قانا قويماي، جۇڭگوعا دا تەرەڭ وزگەرىس جاسادى دەپ اتاپ كورسەتىپ، 3 «ۇلى سەكىرۋ»، 3 «فاكتپەن دالەلدەۋ»، 2 «اماليات دالەلدەۋى»، 3 «بۇكىلدەي دۇرىس» دەگەندى ورتاعا قويدى. باس شۋجي مىنالاردى باسا دارىپتەدى: جۇڭگو كوممۋنيستىك پارتياسى ماركسيزمنىڭ نەگىزگى قاعيدالارىن جۇڭگو توڭكەرىسى مەن قۇرىلىسىنىڭ ناقتى امالياتىمەن ۇشتاستىرىپ، جۇڭحۋا ۇلتىنىڭ شىعىس ازيا دىمكاسىنان ورنىنان تۇرىپ ەڭسە كوتەرۋىنە دەيىنگى ۇلى سەكىرۋدى ىسكە اسىرىپ، جۇڭگونى سوتسياليزم عانا قۇتقارا الاتىندىعىن تەمىردەي فاكتتەرمەن دالەلدەدى! باس شۋجي مىنالاردى باسا دارىپتەدى: جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ رەفورما جاساۋ، ەسىك اشۋ ناقتى امالياتىمەن ۇشتاستىرىپ، جۇڭحۋا ۇلتىنىڭ ەڭسە كوتەرۋدەن بايۋعا دەيىنگى ۇلى سەكىرۋىن ىسكە اسىرىپ، جۇڭگونى جۇڭگوشا سوتسياليزمنىڭ عانا دامىتا الاتىندىعىن تەمىردەي فاكتتەرمەن دالەلدەدى! باس شۋجي مىنالاردى باسا دارىپتەدى: جاڭا داۋىردە جۇڭگو كوممۋنيستەرى ماركسيزمنىڭ نەگىزگى قاعيدالارىن جاڭا داۋىردەگى جۇڭگونىڭ ناقتى امالياتىمەن ۇشتاستىرىپ، جۇڭحۋا ۇلتىنىڭ بايۋدان قۇدىرەتتەنۋگە دەيىنگى ۇلى سەكىرۋىن ىلگەرىلەتىپ، جۇڭگوشا سوتسياليزمگە تاباندى بولعاندا جانە ونى دامىتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بولاتىندىعىن تەمىردەي فاكتتەرمەن دالەلدەدى! باس شۋجي مىنالاردى اتاپ كورسەتتى: اماليات ماركسيزمنىڭ تاعدىرىنىڭ ءاۋ باستان جۇڭگو كوممۋنيستىك پارتياسىنىڭ تاعدىرىمەن، جۇڭگو حالقىنىڭ تاعدىرىمەن، جۇڭحۋا ۇلتىنىڭ تاعدىرىمەن تىعىز بايلانىسىپ جاتقانىن، ونىڭ عىلميلىعى مەن اقيقاتتىلىعىنىڭ جۇڭگودا تولىق سىننان وتكەنىن، ونىڭ حالىقتىعى مەن امالياتتىعىنىڭ جۇڭگودا تولىق دايەكتىلەندىرىلگەندىگىن، ونىڭ اشىقتىق سيپاتى مەن داۋىرلىك سيپاتىنىڭ جۇڭگودا تولىق ايگىلەنگەنىن دالەلدەدى! باس شۋجي مىنالاردى اتاپ كورسەتتى: اماليات تاعى ماركسيزمنىڭ جۇڭگونىڭ توڭكەرىسىنە، قۇرىلىسىنا، رەفورماسىنا قۇدىرەتتى يدەيالىق قارۋ ازىرلەپ، جۇڭگوداي شىعىستاعى بايىرعى ءىرى ەلدىڭ ادامزات تاريحىندا بۇرىن بولماعان دامۋ كەرەمەتتەرىن جارىققا شىعارۋىنا مۇمكىندىك جاساعانىن ايگىلەدى. تاريح پەن حالىقتىڭ ماركسيزمدى تاڭداۋى بۇكىلدەي دۇرىس، جۇڭگو كوممۋنيستىك پارتياسىنىڭ ماركسيزمدى ءوزىنىڭ تۋىنا جازۋى بۇكىلدەي دۇرىس، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولۋى، ماركسيزمنىڭ جۇڭگوشالانۋىن، داۋىرلىك ءتۇس الۋىن ۇزدىكسىز ىلگەرىلەتۋى بۇكىلدەي دۇرىس!

　　بەسىنشىدەن، باس شۋجي شي جينپيڭنىڭ ماركسيزمدى ۇيرەنۋ، امالياتتا ايگىلەۋ جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي شي جينپيڭ ماركسيزمدى ۇيرەنۋدە توعىزدى «ۇيرەنۋ جانە امالياتتا ايگىلەۋ» كەرەكتىگىن باسا دارىپتەدى، ياعني ءبىرىنشى، ماركسيزمنىڭ ادامزات قوعامىنىڭ دامۋ زاڭدىلىعى جونىندەگى يدەياسىن؛ ەكىنشى، ماركسيزمنىڭ حالىق تۇرعىسىندا بەرىك تۇرۋ يدەياسىن؛ ءۇشىنشى، ماركسيزمنىڭ وندىرگىش كۇش پەن وندىرىستىك قاتىناس جونىندەگى يدەياسىن؛ ءتورتىنشى، ماركسيزمنىڭ حالىق دەموكراتياسى جونىندەگى يدەياسىن؛ بەسىنشى، ماركسيزمنىڭ مادەنيەت قۇرىلىسى جونىندەگى يدەياسىن؛ التىنشى، ماركسيزمنىڭ قوعامدىق قۇرىلىس جونىندەگى يدەياسىن؛ جەتىنشى، ماركسيزمنىڭ ادام مەن تابيعاتتىڭ قاتىناسى تۋرالى يدەياسىن؛ سەگىزىنشى، ماركسيزمنىڭ دۇنيە تاريحى جونىندەگى يدەياسىن؛ توعىزىنشى، ماركسيزمنىڭ ساياسي پارتيا قۇرىلىسى جونىندەگى يدەياسىن ۇيرەنۋ جانە امالياتتا ايگىلەۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، كوممۋنيستەردىڭ ساياسي قاسيەتىن ماڭگى ساقتاۋ كەرەك.

     التىنشىدان، باس شۋجي شي جينپيڭنىڭ ماركسيزم يدەياسىنا تاباندى بولۋ جانە ونى دامىتۋ جونىندەگى ماڭىزدى بايىمداۋلارىن ىشكەرىلەي ۇيرەنۋ، ءتۇسىنۋ كەرەك. باس شۋجي سوزىندە مىنالاردى باسا دارىپتەدى: ماركسيزم سىندى ەرەكشە ونەردى جەتە ۇيرەنۋ، تەرەڭ ۇعىنۋ، جاقسى قولدانۋ ءۇشىن، تورتتە «تاباندى بولۋ جانە ونى قولدانۋ» كەرەك، ياعني ءبىرىنشى، ديالەكتيكالىق ماتەرياليزم مەن تاريحي ماتەرياليزمنىڭ دۇنيەگە كوزقاراسى مەن مەتودولوگياسىنا تاباندى بولۋ جانە ونى قولدانۋ، ەكىنشى، ماركسيزمدىك تۇرعىعا، كوزقاراسقا، ادىسكە تاباندى بولۋ جانە ونى قولدانۋ، ءۇشىنشى، ماركسيزمنىڭ دۇنيەنىڭ ماتەريالىق سيپاتى مەن ونىڭ دامۋ زاڭدىلىعى، ادامزات قوعامى دامۋىنىڭ تابيعي سيپاتى، تاريحي سيپاتى جانە ونىڭ قاتىستى زاڭدىلىقتارى، ادامنىڭ ازاتتىعى مەن ەركى، جاپپاي دامۋ زاڭدىلىعى، تانىمنىڭ ءمانى جانە ونىڭ دامۋ زاڭدىلىعى سياقتى قاعيدالارىنا تاباندى بولۋ جانە ونى قولدانۋ، ءتورتىنشى، ماركسيزمنىڭ اماليات كوزقاراسىنا، بۇقارا كوزقاراسىنا، تاپ كوزقاراسىنا، دامۋ كوزقاراسىنا، قايشىلىق كوزقاراسىنا تاباندى بولۋ جانە ونى قولدانۋ، ماركسيزم سىندى ەرەكشە ونەردى شىنايى جەتىك ۇيرەنۋ، تەرەڭ ۇعىنۋ، جاقسى قولدانۋ كەرەك. باس شۋجي مىنالاردى اتاپ كورسەتتى: كوممۋنيستەر ماركسيزم كلاسسيك شىعارمالارىن وقۋدى، ماركسيزم قاعيدالارىن ءتۇسىنۋدى تۇرمىس ادەتىنە، رۋحاني تالپىنىسىنا اينالدىرىپ، كلاسسيك شىعارمالار ارقىلى دۇرىس سالتتى جەتىلدىرىپ، يدەياسىن نارلەندىرىپ، وي ءورىسىن كەڭەيتىپ، امالياتقا جەتەكشىلىك ەتۋ كەرەك. باس شۋجي مىنالاردى اتاپ كورسەتتى: عىلمي نازارياعا مامىلە جاساۋدا، ءسوز جوق، عىلمي پوزيتسيا بولۋ كەرەك، ماركسيزمنىڭ ۇزدىكسىز دامۋىن ىلگەرىلەتۋ − جۇڭگو كوممۋنيستەرىنىڭ قاسيەتتى بورىشى، ماركسيزم ارقىلى ءداۋىردى باقىلاۋعا، ءداۋىردى تۇسىنۋگە، داۋىرگە جەتەكشىلىك ەتۋگە تاباندى بولىپ، ماركسيزمنىڭ دامۋىن زامانىمىزداعى جۇڭگونىڭ شىت جاڭا، باي مازمۇندى امالياتى ارقىلى ىلگەرىلەتۋ كەرەك.

　　ەكىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ءداۋىر بولگىشتىكءمانىن جەتە تانۋ

　　(1) شي جينپيڭنىڭ جاڭا ءداۋىر جۇڭگوشا سوتسياليزم يدەياسى 21 - عاسىرداعى ماركسيزم دامۋىنىڭ جاڭا ءورىسىن اشتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو كوممۋنيستەرىنىڭ ماركسيزمگە قوسقان جاسامپاز نازاريالىق ۇلەسى، زامانىمىزداعى جۇڭگونىڭ ماركسيزمى، 21 - عاسىردىڭ ماركسيزمى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى زامانىمىزداعى ماركسيزمدىك فيلوسوفيا دامۋىنىڭ جاڭا ءورىسىن اشتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى يدەيالىق لۋشيان، قوعام تاريحىنىڭ دامۋ زاڭدىلىعى، ديالەكتيكالىق ويلاۋ سياقتى جاقتاردا جاڭا يدەيالاردى العا قويىپ، ماركسيزمدىك فيلوسوفيانىڭ ماڭىزدى قاعيداسى مەن ونىڭ قولدانىلۋىن جاڭا بيىككە كوتەردى؛ تۇرعى، كوزقاراس، ءادىس ساتىلارىندا جاڭا تۇجىرىمداردى ورتاعا قويىپ، ماركسيزمدىك فيلوسوفيانىڭ دۇنيەگە كوزقاراسىندا تاباندى بولۋ مەن ونى قولدانۋدى جاڭا بيىككە كوتەردى؛ جۇيەلى كەمەلدىلىك، لوگيكالى شىمىرلىق جانە ءىس جۇزىندىك قولدانىمدىق جاقتارىندا جاڭا بىلىمدەردى ورتاعا قويىپ، ماركسيزمدىك فيلوسوفيانىڭ دۇنيەنى تانۋ جانە وزگەرۋ رولىن جاڭا بيىككە كوتەردى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى ماركسيزمدىك ساياسي ەكونوميانىڭ جاڭا ءورىسىن اشتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دۇنيە ەكونوميكاسى مەن ەلىمىز ەكونوميكاسىنىڭ جاڭا جاعدايلارىنا، جاڭا ماسەلەلەرىنە ىشكەرىلەي زەرتتەۋ جۇرگىزىپ، جۇڭگوشا سوتسياليستىك ساياسي ەكونوميادا تاباندى بولۋ جانە ونى دامىتۋ سىندى ماڭىزدى تاقىرىپتى العا قويىپ، ەكونوميكا دامۋىنىڭ جاڭا قالىپقا وتكەنىنە عىلمي تۇجىرىم جاساپ، پارتيانىڭ باسشىلىعىن كۇشەيتۋدى تۇبىرلىلىك، جاڭا دامۋ ۇستانىمدارىن جەتەكشى، قامداۋ جاعىنداعى قۇرىلىمدىق رەفورمانى نەگىزگى جەلى، وسىزاماندانعان ەكونوميكا جۇيەسىن قۇرۋدى نىسانا ەتۋ قاتارلى ءبىر قىدىرۋ ماڭىزدى نازاريالىق كوزقاراستاردى ورتاعا قويىپ، شي جينپيڭنىڭ ساياسي ەكونوميا يدەياسىن قالىپتاستىرىپ، ماركسيزمدىك ساياسي ەكونوميكانى جاڭالىق اشىپ دامىتۋدى ىلگەرىلەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى عىلمي سوتسياليزمنىڭ جاڭا ءورىسىن اشتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى عىلمي سوتسياليزمنىڭ جانە حالىقارالىق كوممۋنيزم قوزعالىسىنىڭ تاريحي تاجىريبەلەرىن تەرەڭ قورىتىندىلاپ، جاڭا ءداۋىر العا قويعان جاڭا تاقىرىپتارعا ىشكەرىلەي جاۋاپ بەرىپ، سوتسياليزم جولىنا، حالىق دەموكراتياسى ديكتاتۋراسىنا، ماركسيزم - لەنينيزم، ماۋ زىدۇڭ يدەياسىنا، كوممۋنيستىك پارتيانىڭ باسشىلىعىنا تاباندى بولۋ سياقتى جاقتاردا ءبىر قىدىرۋ جاڭا ۇستانىمداردى، جاڭا تۇجىرىمداردى ورتاعا قويىپ، عىلمي سوتسياليزمگە جاڭا داۋىرلىك مازمۇن ۇستەپ، جۇڭگوشا سوتسياليزمنىڭ دامۋ زاڭدىلىعىنا دەگەن تانىمدى جاڭا ورەگە كوتەرىپ، عىلمي سوتسياليزمدى بايتىپ جانە دامىتىپ، عىلمي سوتسياليزمدى 21 - عاسىردا قۇدىرەتتى يلاندىرۋ قۋاتىنا جانە جارقىن بولاشاققا يە ەتتى.

　　(2) شي جينپيڭنىڭ جاڭا ءداۋىر جۇڭگوشا سوتسياليزم يدەياسى جۇڭگوشا سوتسياليزمنىڭ جاڭا داۋىرگە وتۋىنە جەتەكشىلىك ەتتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىرتۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ۇلى كۇرەستەردى، ۇلى ينجەنەريالاردى، ۇلى ىستەردى، ۇلى ارماندى جاپپاي مەڭگەرىپ، مازمۇنى باي، جۇيەسى كەمەلدى شي جينپيڭنىڭ جاڭا ءداۋىر جۇڭگوشا سوتسياليزم يدەياسى عىلمي نازاريالىق جۇيەسىن قالىپتاستىرىپ، جۇڭگوشا سوتسياليزمنىڭ ۇلى امالياتىنىڭ ەلىمىزدىڭ رەفورما جاساپ، ەسىك اشۋىنىڭ ۇلى جەتىستىكتەرىنە مۇراگەرلىك ەتۋ نەگىزىندە تاريحي شۇعىلالى تابىستارعا قول جەتكىزۋىنە جەتەكشىلىك ەتىپ، جۇڭگوشا سوتسياليزمدى جارقىن جاڭا داۋىرگە ارشىندى قاداممەن باستاپ كىردى، ول جۇڭحۋا حالىق رەسپۋبليكاسىنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. شي جينپيڭنىڭ جاڭا ءداۋىر جۇڭگوشا سوتسياليزم يدەياسى سوتسياليستىك جۇڭگوعا جەتەكشىلىك ەتىپ دۇنيە جۇزىندە جۇڭگوشا سوتسياليزم ۇلى تۋىن بيىك ۇستاپ، دۇنيە جۇزىندەگى سوتسياليزم قوزعالىسىنىڭ باۋرامدىلىعىن، تارتىمدىلىعىن، ىقپالىن كەڭەيتىپ، دۇنيە جۇزىندەگى سوتسياليزم قوزعالىسنىڭ باتىستان شىعىسقا، قيىن - قىسپاقتان گۇلدەنۋگە بەتتەۋىن جەبەپ، شەكسىز ومىرشەڭدىك كۇش، جارقىن كەلەشەك كورسەتتى. بۇل دۇنيە جۇزىندەگى سوتسياليزمنىڭ دامۋ تاريحىندا، ادامزات قوعامىنىڭ دامۋ تاريحىندا جاڭا عاسىرلىق مانگە يە. زامانىمىزداعى جۇڭگودا شي جينپيڭنىڭ جاڭا ءداۋىر جۇڭگوشا سوتسياليزم يدەياسىندا تاباندى بولۋ دەگەنىمىز ماركسيزمگە تاباندى بولۋ دەگەندىك؛ ماركسيزمگە تاباندى بولۋدا، ءسوزسىز، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا تاباندى بولۋ كەرەك.

　　(3) شي جينپيڭنىڭ جاڭا ءداۋىر جۇڭگوشا سوتسياليزم يدەياسى ادامزات ماسەلەسىن شەشۋگە جۇڭگو جوباسىن ارنادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ «كۇردەلى دە الماعايىپ دۇنيەدە ادامزات قوعامى قايدا بارادى» دەگەن داۋىرلىك سۇراۋى دۇنيە جاعدايىنا تەرەڭ تالداۋ جاساپ، بەيبىت ىنتىماقتاستىق، اشىق توعىسۋ، وزگەرىس، جاڭالىق اشۋ سىندى ءداۋىر اعىمىن يگەرىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن العا قويىپ، «ءبىر بەلدەۋ، ءبىر جول» دارىپتەمەسىن شىعارىپ، جەر شارىن جونگە سالۋدى جاقسارتۋعا، ءتىپتى كوركەم دۇنيە قۇرۋعا جۇڭگونىڭ اقىل - پاراساتىن دايىنداپ، حالىقارالىق قوعامىنىڭ بەلسەنە ءۇن قوسۋىنا جانە وسكەلەڭ مويىنداۋىنا يە بولدى، «ءبىر بەلدەۋ، ءبىر جولدى» بىرگە قۇرۋ − قارىشتاپ دامۋ ۇستىندەگى سوتسياليستىك جۇڭگونىڭ حالىقارالىق قوعامعا بەرگەن ادامزات تاريحىنداعى ەڭ ۇلكەن الەۋمەتتىك ءونىمى، ەكونوميكانىڭ جاھاندانۋ داۋىرىندەگى ەڭ كەڭ حالىقارالىق ىنتىماقتاستىق تۇعىرى، ونىڭ ماقساتى − ءار ەل حالىقتارىن ءتىپتى جاقسى باقىتقا كەنەلتۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسى سوتسياليستىك جۇڭگونىڭ دۇنيە ساحناسىنىڭ تورىنە كۇن سايىن جاقىنداي ءتۇسىپ، ادامزات ءۇشىن ۇزدىكسىز ءتىپتى زور ۇلەستەر قوسۋىنا جەتەكشىلىك ەتىپ، دۇنيە جۇزىندەگى جەدەل دامۋدى ءارى ءوزىنىڭ تاۋەلسىزدىگىن ساقتاۋدى ءۇمىت ەتىپ وتىرعان مەملەكەتتەر مەن ۇلتتارعا شىت جاڭا تاڭداۋ ۇسىنىپ، كوركەم دۇنيە قۇرۋعا جۇڭگونىڭ اقىل - پاراساتىن ارنادى.

　　ءۇشىنشى، ماركستىك مۇرات - سەنىمدى نىعايتىپ،شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا سەنۋدىڭ، ونى ۇيرەنۋدىڭ، زەرتتەۋدىڭ، ءتۇسىندىرۋدىڭ جانە امالياتتا ايگىلەۋدىڭ　كوشباسشىسى بولۋعا ۇمتىلۋ

　　(1) شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا بەرىك سەنۋدىڭ كوشباسشىسى بولۋعا ۇمتىلۋ. توڭكەرىستىك مۇرات اسپاننان بيىك. باس شۋجي شي جينپيڭ مۇرات - سەنىمدى «كوممۋنيستەردىڭ ءوز ورنىن تابۋىنىڭ ءتۇپ نەگىزى»، رۋحاني «كالتسيى»، «ساياسي جانى» جانە «رۋحاني تىرەگى» ورەسىنە كوتەردى. ءبىز ماركسيزم جونىندەگى سەنىمدى، سوتسياليزم مەن كوممۋنيزم جونىندەگى سەنىمدى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندەگى سەنىمدى بەكەمدەپ، «4 تانىمدى» ۇزدىكسىز كۇشەيتىپ، يدەيادا، ساياسيدا، ارەكەتتە قاي - قاشان دا شي جينپيڭ جولداستى ۇيتقى ەتكەن پارتيا ورتالىق كوميتەتىمەن، باس شۋجي شي جينپيڭ سىندى پارتيا ورتالىق كوميتەتىنىڭ ۇيتقىسىمەن، بۇكىل پارتيانىڭ ۇيتقىسىمەن وسكەلەڭ ءبىر اۋىزدىلىقتى ساقتاپ، شينجياڭ استانا بەيجيڭنەن شالعاي بولسا دا، بۇكىل رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ، كادرلارىنىڭ جانە ءار ۇلت بۇقاراسىنىڭ جۇرەگى شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز بايلانىسۋىن، بىتە قايناسۋىن باتىل ىسكە اسىرۋىمىز كەرەك.

　　(2) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدىڭ كوشباسشىسى بولۋعا ۇمتىلۋ. باس شۋجي شي جينپيڭ: ماركسيزمنىڭ نەگىزگى نازارياسىن ۇيرەنۋ − كوممۋنيستەردىڭ مىندەتتى وقىلاتىن ساباعى دەپ اتاپ كورسەتتى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدىڭ ۇلگىسى بولىپ، اۋەلگى شىعارمانى دەن قويا زەرتتەپ وقىپ، ابدەن وقىپ، زەر سالا وي جۇگىرتىپ، ىشكەرىلەي ۇيرەنىپ، جەتە ءتۇسىنىپ، ماركستىك تۇرعى، كوزقاراس جانە ءادىستى يگەرۋىمىز؛ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ۇيرەنۋدىڭ ۇلگىسى بولىپ، باس نىسانانى دايەكتىلەندىرۋدەگى، تياناقتاندىرۋداعى يدەيالىق سانالىلىعىمىزدى، ساياسي سانالىلىعىمىزدى، ارەكەت سانالىلىعىمىزدى كۇشەيتۋىمىز؛ ماركستىك مەملەكەت كوزقاراسىن، ۇلت كوزقاراسىن، ءدىن كوزقاراسىن، تاريح كوزقاراسىن، مادەنيەت كوزقاراسىن ىشكەرىلەي ۇيرەنۋدىڭ ۇلگىسى بولىپ، «بەستى شىنايى مويىنداۋدى» مىقتاپ ورناتۋىمىز كەرەك.

　　(3) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇگىتتەۋدىڭ كوشباسشىسى بولۋعا ۇمتىلۋ. ءبىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، حالىق بۇقاراسى ءسۇيىپ تىڭدايتىن، ۇناتىپ كورەتىن فورمادا، سونى تىلمەن، جاندى اڭگىمەلەرمەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءار ۇلت بۇقاراسىنا جەتكىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن ءار ۇلت حالقىنا جەتكىزىپ، عىلمي نازاريانىڭ ءار ۇلت حالقىنىڭ ارەكەت باعدارلاماسىنا شىن مانىندە اينالۋىنا مۇمكىندىك جاساۋىمىز كەرەك.

　　(4) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي زەرتتەۋدىڭ كوشباسشىسى بولۋعا ۇمتىلۋ. ءبىز دۇرىس باعىتتان، ماسەلەنى نىشان ەتۋدەن جانە قۇن بەتالىسىنان جازباي، ماركسيزمنىڭ نەگىزگى قاعيداسىن، نەگىزگى نازارياسىن زەرتتەۋدى، ماركسيزمنىڭ جۇڭگوشالانۋىنىڭ ەڭ جاڭا جەتىستىگىن زەرتتەۋدى، پارتيا ورتالىق كوميتەتىنىڭ ماڭىزدى شەشىمدەرىن، ورنالاستىرۋلارىن زەرتتەۋدى، قازىرگى دۇنيە جۇزىندەگى كەلەلى ماسەلەلەردى جانە سىن - سايىستاردى زەرتتەۋدى، وتە - موتە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋىن جالپى جوباسىن زەرتتەۋدى تەرەڭدەتىپ، كوزقاراسى دۇرىس، دالەل - دايەگى ناقتى، يلاندىرىمدىلىعى كۇشتى، ىقپالى زور ءبىر توپ ءتول جاسامپازدىق سيپاتتى زەرتتەۋ تابىستارىن جاراتىپ، ماركسيزمنىڭ جۇڭگوشالانۋىن، داۋىرلىك، حالىقتىق ءتۇس الۋىن ىلگەرىلەتەتىن ءبىر توپ نازاريا دارىندىلارىن، وتە - موتە، ۇزدىك ورتا، جاس بۋىن تىرەكتى كادر دارىندىلاردى باۋلىپ، جەتىلدىرىپ، ماركسيزم ىستەرىنىڭ ءىزباسارلارىىڭ بولۋىنا، دارىندىلاردىڭ كوپتەپ شىعۋىنا كەپىلدىك ەتىپ، زامانىمىز ماركسيزمنىڭ ىقپال كۇشى مەن ءسوز بيلىگىن قۇلشىنا جوعارىلاتۋىمىز كەرەك.

    (5) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن امالياتتا ايگىلەۋدىڭ كوشباسشىسى بولۋعا ۇمتىلۋ. ءبىز ءبىلۋ مەن ارەكەتتىڭ بىرلىگىنە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءتۇرلى ماڭىزدى ستراتەگيالىق ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتىلەندىرۋىمىز، تياناقتاندىرۋىمىز كەرەك. ماركستىڭ تيتتەي دە ىمىراعا كەلمەيتىن كۇرەسكەرلىك رۋحىن، توڭكەرىستىك رۋحىن جانە سىنداۋ رۋحىن ساۋلەلەندىرىپ، باتىل ءۇن قاتىپ، ايقىن پوزيتسيا ءبىلدىرۋ قيمىلىن ىشكەرىلەي ورىستەتىپ، تۋى ايقىن تۇردە ساياسيدى دارىپتەپ، «ءۇش ءتۇرلى كۇش» پەن «ەكىبەتكەيلەردى» باتىل سىن تەزىنە الۋىمىز كەرەك. تاباندىلىق تانىتىپ جانە قۇلشىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شينجياڭدا تۇبەگەيلى تامىر تارتۋىن بار كۇشپەن ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شىنجياڭدا تۇبەگەيلى تامىر تارتۋىن بار كۇشپەن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا يدەيالىق جاقتان پارمەندى جەتەكشىلىك ەتۋىمىز جانە نازاريالىق جاقتان پارمەندى قولداۋ كورسەتۋىمىز كەرەك.