5-ايدىڭ 11-كۇنىنەن باستاپ، ءۇرىمجى قالالىق حالىق قۇرىلتايى ۋاكىلى، ساياسي كەڭەس ۋاكىلى، قالا تۇرعىندارى ۋاكىلى، كىرەكولىك شوفەرلەرى قاتارلىلاردان قۇرالعان كىرەكولىك سالاسىن باقىلاۋشى 30 قىزمەتكەر كەزكەلگەن ۋاقىتتا جولدا «جاسىرىن تەكسەرۋ» جۇرگىزىپ، ءۇرىمجى قالاسىنداعى 13003 كىرەكولىگىن باقىلايدى. قاعيداعا، زاڭعا قيعاشتىق جاساعان كىرەكولىك شوفەرلەرىن تەكسەرىپ، انىقتاپ جازالايدى.
5-ايدىڭ 10-كۇنى، ءۇرىمجى قالالىق جولاۋشى تاسىمالىن ءبىر تۇتاس باسقارۋ كەڭسەسى العاشقى توپتاعى 30 باقىلاۋشىنى ءبىر تۇتاس تاربيەلەدى. ءۇرىمجى قالالىق جولاۋشى تاسىمالىن ءبىر تۇتاس باسقارۋ كەڭسەسىنىڭ ورىنباسار مەڭگەرۋشىسى اكپار ازەز بىلاي دەدى : «جولاۋشى تاسىمال سالاسىنىڭ قىزمەت وتەۋ ورەسىن ۇزدىكسىز جوعارىلاتۋ ءۇشىن، كوپ جاقتىڭ تانىستىرۋىمەن 30 باقىلاۋشى تاڭدالدى، باقىلاۋشىلار ءار ايدا 10 رەت كىرەكولىگىنە وتىرىپ، كىرەكولىك شوفەرلەرىنىڭ كىرەكولىك كەلبەتى، مادەنيەتتى قىزمەت وتەۋى، حاۋىپسىز تيجارات ەتۋى، تەلەفون ويناۋى، تەمەكى شەگۋى، ۇساق-تۇيەك جەمەكتىڭ جەۋى قاتارلى ءىس-ارەكەتتەرىنە ءتۇيىندى باقىلاۋ جۇرگىزەدى».
ۇعىسۋعا قاراعاندا، باقىلاۋشىلار مالىمدەگەن ناتيجەگە نەگىزدەلىپ، ءبىر تۇتاس باسقارۋ مەكەمەسى شوفەرلەرمەن، سونداي-اق، قاتىستى كىرەكولىك كاسىپورىندارىمەن كەڭەسەدى ءارى قاعيداعا، زاڭعا قايشىلىق جاساعاندارىن سىنداپ تاربيە بەرەدى، ەگەر قاعيداعا، زاڭعا قايشىلىق جاساۋ ارەكەتى اۋىر بولسا كىرەكولىك سالاسىندا ىستەۋىنە جول قويمايدى.
