ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى

  ءتىلشىمىز يۋان لەي 5 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 5 - ايدىڭ 10 - كۇنى اۆتونوميالى رايوندىق ۇكىمەتتىڭ ۇنەمىلىك ىستەر ءماجىلىسىن باسقارىپ اشىپ، «2018 - جىلعى شينجياڭ اۋىل شارۋاشىلىق ونىمدەرى بازارىن كەڭەيتۋ قىزمەتىنىڭ جوباسىن» اقىلداسىپ ماقۇلدادى.

  ءماجىلىس مىنانى اتاپ كورسەتتى: اۋىل شارۋاشىلىق ونىمدەرى بازارىن كەڭەيتۋ اۋىل شارۋاشىلىعىن ستراتەگيالىق رەتتەۋدىڭ جانە اۋىل شارۋاشىلىعىن كاسىپ سالالاندىرا تيجارات ەتۋدىڭ ماڭىزدى بۋىنى، اۋىل شارۋاشىلىعىنىڭ ونىمدىلىگىن كۇشەيتۋدى، شارۋالاردىڭ كىرىسىن ارتتىرۋدى ىسكە اسىرۋدىڭ ماڭىزدى شاراسى، شارۋالاردى اۋىل شارۋاشىلىق ونىمدەرىن بازاردىڭ سۇرانىسى بويىنشا وندىرۋگە جانە ساتۋعا بەلسەنە جەتەكتەيدى، اۋىل شارۋاشىلىعىنىڭ جانە اۋىل - قىستاق ەكونوميكاسىنىڭ اقاۋسىز، تەز قارقىنمەن دامۋىن جەبەۋ جونىنەن ەرەكشە ماڭىزدى مانگە يە. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدە اۋىل شارۋاشىلىعىنىڭ ءوندىرىس قۇرىلىمىن جاقسارتۋ، بازاردى نىشان ەتۋ، تۇتىنۋشىلاردىڭ سۇرانىسىن قاناعاتتاندىرۋ، حالىقتىڭ تۇرمىس ساپاسىن جوعارىلاتۋ كەرەك.

  ءماجىلىس مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن نەگىزگى جەلى، شينجياڭعا كومەكتەسەتىن ولكە، قالالاردىڭ «ۇلكەن بازارىن» باستى قامال الاتىن ماڭىزدى ءتۇيىن، ماڭىزدى كورمە قيمىلدارىن، ەلەكتروندىق ساۋدا مىنبەرىندە ساتۋدى، «10 قالاداعى 100 دۇكەن» ۇلگىسىن جالپىلاستىرۋدى نەگىزگى تۇتقا ەتىپ، شينجياڭ اۋىل شارۋاشىلىق ونىمدەرىنىڭ تانىمالدىعىن جانە بازاردى يەلەۋ مولشەرىن جوعارىلاتىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدى، ويداعىداي ورىستەتۋدى دەمەپ، اۋىل - قىستاقتاردى كوركەيتۋ ستراتەگياسىن ىشكەرىلەي اتقارۋ ءۇشىن مىعىم بازار قوزعاۋشى كۇشىن ازىرلەۋ كەرەك.

  ءماجىلىس مىنانى تالاپ ەتتى: بەيجيڭ، گۋاڭجوۋ سياقتى ءتۇيىندى قالالاردى نەگىزگى نىسانا بازار ەتىپ، كاسىپتىك اۋىل شارۋاشىلىق ونىمدەرى كورمەسىن كۇشتى شوعىرلاندىرا وتىرىپ، ويداعىداي وتكىزىپ، شينجياڭ ەرەكشەلىگىنە يە ءبىر توپ اۋىل شارۋاشىلىق ونىمدەرى ماركالارىن شوعىرلى تۇردە جاريالاپ، ماركالاردىڭ تانىمالدىعىن ءوسىرىپ، ماركالاردىڭ ىقپال كۇشىن كەڭەيتۋ كەرەك. شينجياڭعا باعىتتامالى كومەكتەسۋ مەحانيزمىنىڭ رولىن ساۋلەلەندىرىپ، شينجياڭعا باعىتتامالى كومەكتەسەتىن ولكە، قالالاردا «10 قالاداعى 100 دۇكەن» ساتۋ ۇلگىسىن زور كۇشپەن جالپىلاستىرىپ، شينجياڭ اۋىل شارۋاشىلىق ونىمدەرىنىڭ ءبىر توپ قامبادا ساقتاۋ، جەتكىزۋ ورتالىعىن قۇرىپ، تاۋار جەتكىزۋ، ارناسىن بەكەمدەۋ جانە كەڭەيتۋ كەرەك. ءارقايسى ايماق، وبلىستاردىڭ اۋىل شارۋاشىلىق ىستەرى مادەنيەت مەرەكەلەرىنە بايلانىستىرىپ، «ءبىر ايدا ءبىر ءونىم، ءبىر ايدا ءبىر كورمە» سىندى اۋىل شارۋاشىلىق ونىمدەرىن ماۋسىمدىق ساتۋ قيمىلىن ورىستەتۋىن قولداپ جانە مۇنى شابىتتاندىرىپ، «سىرتقا شىعارۋ» ۇگىتىمەن توعىستىرۋ، «شاقىرىپ اكەلىپ» تاماشالاپ، تەكسەرۋ ارقىلى، شينجياڭنىڭ ەرەكشە اۋىل شارۋاشىلىق ونىمدەرىنىڭ ىركىلىسسىز ساتىلۋىن، شينجياڭنىڭ ەرەكشە اۋىل شارۋاشىلىق ونىمدەرى ماركالارىنىڭ حالىق كوڭىلىنە ۇيالاۋىن ىلگەرىلەتۋ كەرەك. «ينتەرنەتتەگى» اۋىل شارۋاشىلىق ونىمدەرى بازارىندا ساتۋدى تەرەڭدەي ىلگەرىلەتىپ، ەلەكتروندىق ساۋدانى ماڭىزدى ءتۇيىن ەتكەن اۋىل شارۋاشىلىق ونىمدەرىن ساتۋدىڭ جاڭا جاعدايىن جەدەل دامىتىپ، اۋىل شارۋاشىلىق ونىمدەرىن ساتۋدىڭ جەلىدەگى جانە جەلىدەن تىسقى قاتار دامۋىن ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى