ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

انا مەيىرىنىڭ قۇدىرەتى

ءتىلشىمىز سۋ لۋپيڭ

  5 - ايدىڭ 8 - كۇنى تۇستەن كەيىن، ءۇرىمجى قالاسى سايباق رايونىنىڭ ۇلتتار ىنتىماعى بىرىككەن دوستىق قيمىلىندا، حوتان كوشەسى اۋماعىن باسقارۋ كوميتەتى شىعىس 1 - كوشە الەۋمەتتىك اۋماعىنىڭ تۇرعىنى چىن چيڭ وكىل شەشەسى − سايباق رايونى ەكونوميكا جانە دامۋ، رەفورما كوميتەتىنىڭ كادرى مۇكارام سىلامعا ءان ارنادى. ول ءانىن شىرقاپ تۇرىپ كوز جاسىن تيا الماي سوڭىندا: پارتيا مەن ۇكىمەتتىڭ ماعان جاڭا انا تاۋىپ بەرگەنىنە العىس ايتامىن، - دەدى.

  بيىل 30 جاسقا شىققان چىن چيڭ قارشادايىنان كەم اقىل بولىپ، تۇرمىستا نەگىزىنەن ءوزىن بيلەي المايتىندىقتان، اپاسىنىڭ قولىندا ەرجەتكەن. كەزىندە چىن چيڭ سىرتپەن بايلانىستى مۇلدە ۇزگەن، ونىڭ تاعى مىنەزى كۇننەن - كۇنگە قارتايىپ بارا جاتقان اپاسىن قاتتى الاڭداتاتىن. «كەيىن قايتەر ەكەن دەپ الاڭداۋمەن بولۋشى ەدىم، مۇكاراممەن تانىسقاننان بەرى ول الاڭنان ارىلدىم»، - دەدى چىن چيڭنىڭ اپاسى يۇي جيانيىڭ اجەي.

  «ۇلتتار ىنتىماعىنىڭ بەرەكەلى شاڭىراعى» قيمىلىندا، مۇكارام مەن چىن چيڭ تۋىستاستى. العاش رەت امانداسا كەلگەندە، يۇي جيانيىڭ مۇكارامدى ىستىق ىقىلاسپەن قارسى الدى، ءبىراق چىن چيڭ ودان قاشقالاقتاپ، بولمەدەن سىرتقا شىقپاي قويادى، ونان سوڭ دا بىرنەشە رەت امانداسا كەلەدى، ءبىراق سوندا دا ونى جولىقتىرا المايدى. قاتتى ىڭعايسىزدانعان يۇي جيانيىڭ مۇكارامعا باسقا تۋىس تاۋىپ الساڭ قايتەدى دەگەندى دە ايتادى.

  مۇكارام جاعدايدى تولىق ۇعىسادى، ءبىراق ولاردان قول ۇزبەيدى. مۇكارام جۇبايىمەن اقىلداسىپ، 2017 - جىلى انالار مەرەكەسى كۇنى سالەم - ساۋقىتىن الىپ چىن چيڭنىڭ وتباسىنا كەلىپ، «تۋىس بولۋ» راسمياتىن وتكىزىپ، سودان باستاپ ولار ءبىر وتباسىنىڭ ادامدارىنا اينالادى. «وكىل شەشەم قاقپانىڭ الدىندا اپاما: چىن چيڭ مەنىڭ بالاممەن قارايلاس ەكەن، ول دا انا مەيىرىنە مۇقتاج، مەن وعان انا بولۋدى قالايمىن»، - دەيدى، سول كۇنى ەسىكتىڭ ارتىندا جاسىرىنىپ تۇرعان چىن چيڭ جۇگىرىپ شىعىپ، مۇكارامدى قۇشاقتاپ كوز جاسىن كولدەتەدى.

  سودان باستاپ مۇكارام قولى تيگەن زامان چىن چيڭدى ىزدەپ بارىپ، ونى ەرتىپ كوكونىس بازارىنا بارىپ كوكونىس ساتىپ اكەلىپ، تاماق ىستەپ، بىرگە تەلەۆيزور كورىپ، اڭگىمەلەسىپ تۇرادى. «العاش رەت كوكونىس بازارىنا بارىپ قايشالىسقان قالىڭ ادامدى كورگەندە ءبىراز قورىقتىم»، - دەيدى چىن چيڭ. تارتىنشاقتانعانىن كورگەن مۇكارام ونى جەتەكتەي ءجۇرىپ، ءبىر جاعىنان وعان «وكىل شەشەڭ بار، قورىقپا» دەيدى. ۋاقىت وتە كەلە چىن چيڭ ءوزى جالعىز سىرتقا شىعاتىن دارەجەگە جەتەدى.

  چىن چيڭ جونىنەن العاندا، ءار كۇنگى ەڭ قۋانىشتى ءىس مۇكارامنان كەلگەن تەلەفوندى الۋ بولاتىن. مۇكارام «ۇيلەرىڭە تاياپ قالدىم» دەسە، ول جالما - جان ۇيدەن جۇگىرىپ سىرتقا شىعىپ، ونى كۇتىپ الاتىن. «مەنىڭ بۇل قىزىم مومىن، بىرەۋدىڭ جاقسىلىعىن بىلەدى. بيىل 1 - ايدا ءبىز ونىڭ تۋعان كۇنىن وتكىزىپ بەردىك، ول جۇبايىم ەكەۋىمىزگە قوي جۇنىنەن توقىلعان 2قولقاپ الىپ قويىپتى. ول <بۇگىن كۇن سۋىق ەكەن، وكىل اكە، وكىل شەشە قولدارىڭىز توڭىپ قالماسىن> دەيدى»، - دەيدى مۇكارام ءدان ريزا بولىپ.

  ءبىر انا تۇرعىسىنان مۇكارام انا مەيىرى مەن جاراسىمدى وتباسىنىڭ چىن چيڭنىڭ ەسەيىپ - ەرجەتۋى جونىنەن قانشالىق ماڭىزدى ەكەندىگىن ابدەن بىلەدى. سەنبى، جەكسەنبى كۇنى مۇكارام وتباسىنداعىلارمەن بىرگە اۆتوكولىكتەرىن ايداپ، يۇي جيانيىڭ مەن چىن چيڭدى الىپ سىرتقا ساياحاتتاي شىعىپ، شارۋالار ساياجايىنا بارىپ ءدامدى تاعامدار جەپ، باقشادا سۋرەتكە ءتۇسىپ، سەيىلدەپ قايتادى. «وكىل شەشەممەن بىرگە كينو كورەم، ەرەن بازار ارالايمىن، جابايى حايۋاناتتار باقشاسىنا دا باردىق، ماعان ءدامدى تاعامدار الىپ بەرەدى، جاڭا كيىم الىپ بەرەدى...». وكىل شەشەسى اۋىزعا الىنسا چىن چيڭ اۋىز جاپپاي ماقتاي جونەلەدى.

  بيىل جىل باسىندا ءبىر كۇنى تاڭەرتەڭ، يۇي جيانيىڭ تۇتقيىل باسى زەڭىپ، تىنىسى تارايىپ، وڭى سازارىپ كەتەدى، چىن چىڭ مۇكارامعا دەرەۋ تەلەفون جالعايدى. مۇكارام جۇبايىمەن بىرگە چىن چيڭنىڭ ۇيىنە اۆتوكولىكتەرىن ايداپ دەرەۋ جەتىپ كەلىپ، اپالى - نەمەرەلى ەكەۋىن اۋرۋحاناعا الا جونەلەدى. اۋرۋحاناعا جەتىپ، شيپاگەرگە كورىنىپ تەكسەرىلىپ، ءدارى - دارمەك العاننان كەيىن يۇي جيانيىڭ تاۋىرلەنىپ قالادى، چىن چيڭ دە كوز شاناعىنا تولعان جاستى ىركىپ قالادى.

  «ۇيدە اپام، شەشەم، اكەم جانە ءىنىم بار، مەن توتەنشە ريزامىن». چىن چيڭ قازىر توتەنشە كوڭىلدى، ول مۇكارامنىڭ يىعىنا باسىن سۇيەپ تۇرىپ: مەن ءوزىمدى ەرەكشە باقىتتى سەزىنەمىن، - دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 3-كەزەكتى «ەرتەگى قالا، بۋىرشىن ءدامى» اتىنداعى ءدامدى تاعامدار مەرەكەسىنىڭ شىمىلدىعى اشىلدى
  • نارات كورىنىستىك اۋماعى ساياحاتتىڭ قاۋىرت ماۋسىمىنا ءوتتى
  • [شينجياڭ جاقسى جەر] ۇلۋجان كورىنىس رايونىندا ساياحاتشىلاردىڭ اياعى ۇزىلمەدى
  • كوركەم شينجياڭدا كوڭىلدى ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى