تيانشان تورابى   ›   جاڭالىقتار   ›   ساياحات

ساياحات ارقىلى حالىقتى اۋقاتتاندىرۋ «توتە اۆتوكولىگى» قىستاققا باردى

ەرىكتى ءتىلشى ۋي جىيۋان، لي ىنديان

  قاناس كورىنىس رايونى مەن ءتۇستى كەرىش ساياحات كورىنىس رايونى اراسىنداعى قاتىناس لەنياسى باسىمدىعىنا سۇيەنىپ، بۋىرشىن اۋدانى ويماقى قالاشىعى توقىمتى قىستاعى «ساياحات» ارقىلى كىرىستى ارتتىرۋ ۇلگىسىن اتقارىپ، بۇقارانى ساياحات ارقىلى حالىقتى اۋقاتتاندىرۋ «توتە اۆتوكولىگىنە» وتىرۋعا باستاپ، وسى قىستاقتاعى شارۋالاردىڭ بۇرىن 10 مىڭ يۋانعا جەتپەيتىن جىلدىق جان باسىندىق تازا كىرىسىن 2017 - جىلى 14 مىڭ 900 يۋانعا جەتكىزدى.

«قاناس قاۋىنىنىڭ» داڭقى بۇكىل ەلگە تارادى

  وسى بىرنەشە كۇننەن بەرى، ءار كۇنى تاڭەرتەڭ ساعات 8دە، قىستاق تۇرعىنى چاي جىپىڭ كۇرەگىن كوتەرىپ، ۇيىنە تاياۋ ماڭداعى قۇمىل قاۋىنى ەگىلەتىن بازاعا ءدال ۋاعىندا كەلەدى، بۋىرشىن اۋدانى ورمان شارۋاشىلىعى مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى اۋىل شارۋاشىلىق مەكەمەسىنىڭ تەحنيكتەرىنىڭ ناق مايداندا جەتەكشىلىك ەتۋىنە سايكەسىپ، قۇمىل قاۋىنى ەگىلەتىن 15 مۋ اتىزعا اۋلا تىڭايتقىشىن بەردى.

  چاي جىپىڭ وتكەن جىلى 12 مۋ جەرگە 10 ءتۇرلى سورتتاعى قۇمىل قاۋىنىن ەگىپ، ءونىم مولشەرىن 18 مىڭ كيلوگرامعا جەتكىزگەن بولاتىن. ول بىلاي دەدى: قۇمىل قاۋىنىنىڭ تەڭ جارىمىن قاۋىن جايماسىنان ساياحاتشىلارعا ساتتىق، ەندى ءبىر ءبولىمىن ەلەكترون ساۋداسى ارقىلى اۋە تاسىمالىمەن بۇكىل ەلدىڭ جەر - جەرىنە جونەلتتىك، ءونىم قۇنى 40 مىڭ يۋانعا جەتتى.

  2016 - جىلدىڭ باسىنان باستاپ، پارتيانىڭ حالىققا ءتيىمدى ساياساتىنا سۇيەنىپ، توقىمتى قىستاعى قىستاقتا تۇراتىن قىزمەت اترەتىنىڭ كومەگىندە، ساياحات تاس جولىنىڭ بويىنان 30 قاۋىنشى كۇركەشەسىن سالىپ، قىستاق تۇرعىندارىنىڭ وزدەرى ەككەن قۇمىل قاۋىنىن تىكەلەي ساياحاتشىلارعا ساتۋىنا مۇمكىندىك جاراتتى. وتكەن جىلى توقىمتى قىستاعى «قاناس قاۋىنى» ماركاسىن تىركەۋگە الدىرۋدى ءوتىنىش ەتتى، سونداي - اق ءۇنحات، كوكەك، ەلەكتروندى ساۋدا، اقپارات ۇگىتى سياقتى «ينتەرنەت» ۇلگىسى ارقىلى «قاناس قاۋىنىنىڭ» اتاق - داڭقىن بارىنشا جوعارىلاتتى.

  قىستاقتىڭ ءبىرىنشى شۋجيى، قىستاقتا تۇراتىن قىزمەت اترەتىنىڭ باستىعى ليۋ چۋانۋىن بىلاي دەپ تانىستىردى: چاي جىپىڭ سياقتى ينتەرنەت ساۋداسىنا سۇيەنىپ قۇمىل قاۋىنىن ساتىپ، كەدەيلىكتەن قۇتىلىپ، اۋقاتتانۋ جولىنا تۇسكەن قىستاق تۇرعىندارى 100 نەشە وتباسىنا جەتتى. قىزمەت اترەتى يۋانتۇڭ، پوچتا سياقتى تەز جەتكىزۋ سەرىكتەستىكتەرىنىڭ قاۋىن جايماسى قاسىنان ورىن اشۋىنا كومەكتەسىپ، ۇستىنەن قوراپتاپ جونەلتۋگە كەپىلدىك ەتتى. ءاربىر قاۋىن جايماسىنا ەكى ولشەمدى كود ارقىلى اقشا تولەۋ تاقتاسىن ورناتىپ، اقشا تولەۋ جانە تاۋار جەتكىزۋ ارناسىن اشىپ، ساتىلىم مولشەرىن بارىنشا جوعارىلاتتى. «ينتەرنەت» تۇعىرىنان پايدالانىپ، كەيبىر ەرەكشە ونىمدەردى مەملەكەتتىڭ جەر - جەرىنە ساتىپ، ساۋدا جالپى سوماسىن ءبىر ميلليون يۋاننان اسىردى.

شارۋالار شاتتىعى ساياجايىنىڭ اتاق - داڭقى ارتا ءتۇستى

  «بۇگىن شارۋالار شاتتىعى ساياجايىنا شىنجىننان 30 نەشە ساياحاتشى كەلدى، ولار ەرەكشە قۋىرماشتاردان بۇيىرتتى، ولار <قۋىرماشتار وتە ءدامدى ەكەن، تاعى كەلەمىز> دەستى». اي شاڭجىننىڭ اۋلاسىنداعى ساياجايىنىڭ ەسىگى اشىلىسىمەن، ساياحاتشىلاردىڭ اياعى ۇزىلمەيدى. ساياحات ماۋسىمىندا قىستاقتاعى شارۋالار شاتتىعى ساياجايىنىڭ ەسىگى الدىنا ساياحاتشىلاردىڭ اۆتوكولىگى قاز - قاتار تىزىلەدى.

  قىستاق تۇرعىنى اي شاڭجىن بىلاي دەدى: «العاش ساياجاي اشقاندا، ساياحاتشىلار كوپ بولمادى، مەن حاۋىپ - قاتەردەن الاڭداپ، ءتۇن ورتاسىنا دەيىن ۇيىقتاي المايتىنمىن». قىزمەت اترەتىنىڭ «ءبىر قىستاقتا ءبىر ماركا بولۋ» ينجەنەرياسىن اتقارۋى مەنى جىگەرلەندىردى، ءبىز تەك ويداعىداي ەگىن ەگىپ، كوكونىس وسىرسەك عانا بولعانى، تەحنيكا ۇيرەتەتىن، ساياحاتشىلارعا جول كورسەتەتىن ادام بار، شارۋالار شاتتىعى ساياجايىنىڭ جىلدىق تازا كىرىسى 10 مىڭ يۋاننان 100 مىڭ يۋانعا ارتتى، قىزمەت اترەتىنىڭ جەتەكشىلىك ەتۋىندە اي شاڭجىن قىستاقتاعى كەدەيلىكتەن قۇتىلىپ، اۋقاتتانۋدىڭ تيپىنە اينالدى.

  قىستاق تۇرعىنى جوۋ لي قىزمەت اترەتىنىڭ ۇگىت جۇرگىزىپ، جەتەكشىلىك ەتۋىندە، ساۋدا ورايىن بايقاپ، اۋىلىنا قايتىپ شارۋاشىلىق قۇرۋ بەكىمىنە كەلدى، سونىمەن ول شارۋالار شاتتىعى ساياجايى مەن كولەمدى اۆتو تۇراق الاڭىن اشتى، سونداي - اق 20دان استام ساياحات سەرىكتەستىگىمەن ۇزاق مەرزىمدى توقتامعا قول قويدى، ول ءار جىلى ساياحاتتىڭ قاۋىرت مەزگىلىندە كۇنىنە 300 − 400 ادام - رەت ساياحاتشى قابىلدايدى. 2 جىلعى دامۋ ارقىلى شارۋالار شاتتىعى ساياجايىنىڭ كىرىسى قۇرىلعان كەزدەگى 200 مىڭ يۋاننان 400 مىڭ يۋانعا ارتتى.

  قازىر جوۋ لي جانە اي شاڭجىننىڭ شارۋالار شاتتىعى ساياجايىنىڭ داڭقى اسپانداعان، جەرگىلىكتى جانە سىرت ورىنداعى قىستاق تۇرعىندارى وسى اراعا ارنايى ات باسىن تىرەي كەلىپ ولاردان ءتالىم الادى. جوۋ لي بىلاي دەدى: «پارتيانىڭ ابزال ساياساتى مەن قىزمەت اترەتىنىڭ كومەگىندە، مەن كەدەيلىكتەن قۇتىلدىم، الداعى جەردە ءتىپتى دە كوپ ادامداردىڭ كەدەيلىكتەن قۇتىلىپ، كىرىستەرىن ارتتىرۋىندا رولىمدى ساۋلەلەندىرەمىن». قازىر وسى قىستاقتا 13 شارۋالار شاتتىعى ساياجايى بار، وتباسىلاردىڭ جىلدىق ورتاشا كىرىسى 80 مىڭ يۋاننان اسادى.

ەرەكشە باعىمشىلىق ارقىلى كىرىستەرىن ارتتىردى

  قازىر كوپتەگەن قىستاق تۇرعىندارى قىزۋ ىنتا تانىتىپ، وزدىكتەرىنەن قىستاق كادرلارىمەن بايلانىس جاساپ، ەرەكشە ەگىمشىلىك جانە باعىمشىلىقپەن شۇعىلدانۋدى ءۇمىت ەتەتىندىكتەرىن ءبىلدىردى. قىستاقتاعى سۋ ونىمدەرى باعىمشىلىعى سەلبەستىك كووپەراتيۆىنىڭ جاۋاپتىسى ليۋ چۋانۋىن تىلشىگە بىلاي دەدى: قىستاقتاعى سەلبەستىك كووپەراتيۆىمىز جاي قۇرىلعانىمەن، دامۋ اياق الىسى تەز بولدى، تۇتاس قىستاقتا قازىر 13 وتباسىنداعى قىستاق تۇرعىندارى سۋ ونىمدەرى باعىمشىلىعى سەلبەستىك كووپەراتيۆىنە مۇشە بولدى.

  «5 - اي ساياحاتتىڭ قاۋىرت مەزگىلى، سونداي - اق سۋ ونىمدەرى بازارى كۇسەت بولاتىن مەزگىل، مەنىڭ ۇيىمدە 2 كولشىك بار، وندا، نەگىزىنەن، الابۇعا جانە تابان بالىق وسىرىلەدى، ولاردى ەڭ جوعارى بولعاندا ءار كيلوگرامىن 50 يۋاننان ساتۋعا بولادى»، - دەدى سۋىق سۋ بالىعىن وسىرەتىن ۋاڭ شينياڭ.

  قىستاقتا تۇراتىن قىزمەت اترەتىنىڭ سەلبەسۋىندە بۋىرشىن اۋداندىق سۋ ونىمدەرى مەكەمەسى دە بالىق شارۋاشىلىعىمەن شۇعىلداناتىنداردى سۇيەمەلدەۋ تەبىنىن ارتتىردى، ءسويتىپ قىستاقتاعى سۋ ونىمدەرىنىڭ ءونىم مولشەرى قاۋىرت ارتىپ، باعىمشىلاردىڭ قالتاسى قالىڭداي ءتۇستى.

    60 جاستاعى ۋاڭ يانحۇي كەدەيلىكتەن قۇتىلۋدا باسقالاردان وزگەشە جول ۇستاندى. ۋاڭ يانحۇي بىلاي دەدى: قىزمەت اترەتى ماعان اۆستراليا تۇيە قۇسىن ءوسىرۋىم جونىندە جول كورسەتتى، بۇل قۇستىڭ سىرتقى كورىنىسى ادەمى، ءبىزدىڭ اۋىل ساياحات جەلىسىنە ورنالاسقاندىقتان، بۇل قۇستى باعىپ، ساياحاتشىلاردىڭ تاماشالاۋىنىڭ ءوزى ادەمى كورىنىس سانالادى، اۆستراليا تۇيە قۇسى جۇمىرتقاسىنىڭ قابىعىنا ورنەك سالىپ جاسالعان اشەكەي بۇيىمدار اسا جوعارى ساقتاۋ قۇنىنا يە بولىپ، ساياحاتشىلار وتە ۇناتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى