ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ماتىنبەك مۇراتقان: الەۋمەتتىك يگىلىك ىستەرىنىڭ وڭ ەنەرگياسىن جەتكىزەمىن

ءتىلشىمىز جاڭ تيڭ، ەرىكتى ءتىلشى مىڭ لين

  «زەينەتكە شىقسام دا سيپاتىمدى وزگەرتپەدىم، قىزمەت ورنىمنان كەتسەم دە پارتيادان قول ۇزبەدىم». بۇل كوكتوعاي اۋداندىق مەملەكەتتىك سالىق مەكەمەسىنىڭ زەينەتكە شىققان كادرى ماتىنبەك مۇراتقان ۇلىنىڭ جۇرەك ءسوزى. ۇلتتار ىنتىماعى، العاباسارلىعىنداعى مەملەكەتتىك ۇلگىلى جەكە بولعان ماتىنبەك زەينەتكە شىققاننان كەيىن دە ءوزى قىزۋ سۇيەتىن الەۋمەتتىك يگىلىك ىستەرىمەن شۇعىلدانىپ، نەگىزگى ساتىنىڭ ۇگىت - لەكسيا ءبىرىنشى شەبىندە ارىنداي ءتۇستى.

  «وسى ايدا 7 رەت لەكسيا جاسادىق، ۇگىت - لەكسيا ۇيىرمەمىزدىڭ قولى بوساي قالسا بولعانى قانشا الىس جەر بولسا دا ۇگىت - لەكسيا جاساۋعا اتتانا بەرەدى». ماتىنبەك 4 - ايدىڭ 20 - كۇنى التاي ايماعىندا كۋرسقا قاتىناسىپ، ۇيىنە قايتىپ كەلگەن ەرتەسىندە - اق ۇگىت - لەكسياعا دايىندالدى. ول: باسقالارعا لەكسيا جاسايمىن دەيدى ەكەنسىڭ، ءوزىڭ الدىمەن ءبىلۋىڭ كەرەك، مەن ءاربىر ماتەريالدى نەشە ون قايتارا ۇيرەنەمىن. بۇرىن كومپيۋتەر بىلمەيتىنمىن، قازىر بالامنىڭ كومەگىندە كومپيۋتەردە ساباق دايىندايتىن دارەجەگە جەتتىم، - دەدى.

  قازىرگى ىستەپ جۇرگەن كاسىبىنە توقتالعاندا، ماتىنبەك جايناپ سالا بەردى. ول 30 نەشە جىلدان بەرى، باستان - اياق الەۋمەتتىك يگىلىك ىستەرىمەن شۇعىلدانىپ كەلەدى ەكەن، ول مۇقتاجى تۇسكەن ادامداردى ەجەلدەن تۋىس ياكي الىس دەپ الالاماعان، ۇلتقا، جاسقا بولمەگەن.

  2012 - جىلى زەينەتكە شىققاننان كەيىن، ماتىنبەك الەۋمەتتىك يگىلىك ىستەرىنە بۇكىل قاجىر - قايراتىن جۇمسايدى. ول ءبىر ادامنىڭ كۇشىنىڭ شەكتى ەكەنىن، ءسوز جوق، كوپ بولىپ ىنتىماقتاسىپ، كومەككە مۇقتاج جاندارعا جاردەمدەسۋ كەرەك ەكەنىن ابدەن بىلەدى. 2013 - جىلى 6 - ايدىڭ 28 - كۇنى ءوز اتىمەن اتالعان سۇيىسپەنشىلىك قوعامى قۇرىلادى. ماتىنبەكتىڭ ىقپالىندا قوعامىنا پارتيا مۇشەلەرى، ەڭبەك ەرلەرى كەلدى، ءتىپتى دە كوپ ىقىلاستى جاندار ات سابىلتىپ، بەلسەندىلىك تانتتى. 5 جىلدان بەرى اتالعان قوعامنىڭ مۇشەلەرى باستاپقى 3 ادامنان 176عا كوبەيىپ، ىزگىلىك ىستەرىنە جالپى 260 مىڭ يۋان جىلۋ جينالدى، مۇنان 200 نەشە كەدەي وتباسى مەن ۇيىندە قيىنشىلىعى بار وقۋشى يگىلىكتەندى.

  «وسى جىلداردا الەۋمەتتىك يگىلىك قيمىلدارىن ورىستەتۋ ارقىلى زاتتىق جاقتاعى كومەكتىڭ جەتكىلىكتى بولمايتىنىن، ەڭ ماڭىزدى نارسەنىڭ رۋحاني جاقتاعى كومەك ەكەنىن سەزىندىم. ولاردىڭ وي - ساناسىن ازات ەتىپ، پارتيانىڭ حالىققا ءتيىمدى ساياساتتارىن كوكەيلەرىنە ۇيالاتۋ كەرەك»، - دەدى ماتىنبەك.

  2014 - جىلى 9 - ايدىڭ 28 - كۇنى ۇلتتار ىنتىماعى، العاباسارلىعىنداعى مەملەكەتتىك ۇلگىلى جەكە سالاۋاتىمەن ماتىنبەك بەيجيڭدە وتكىزىلگەن ورتالىقتىڭ ۇلت قىزمەتى ماجىلىسىنە جانە مەملەكەتتىك كەڭەستىڭ مەملەكەتتىك 6 - رەتكى ۇلتتار ىنتىماعى، العاباسارلىعىنداعى وزاتتاردى ماداقتاۋ - سيلاۋ جينالىسىنا قاتىناستى.

  «كەمەنىڭ كۇشى جەلكەنىندە، ادامنىڭ كۇشى جۇرەگىندە. . ۇلتتار ىنتىماعى قىزمەتىن جاقسى ىستەۋدىڭ ماڭىزدى جۇرەك توعىستىرۋدا. سوندىقتان، جۇرەكتەس، تىنىستاس بولۋ كەرەك». باس شۋجي شي جينپيڭنىڭ شىنايى ءۇمىتى مەن ىقىلاستى ءتالىمى ونىڭ كوكەيىنەن ءبىر ءسات تە كوتەرىلگەن ەمەس. ماتىنبەك پارتيانىڭ ءۇنىن، ءسوزسىز، ۇزبەي تاراتىپ، ءتىپتى دە كوپ ادامنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ جونىندەگى شىنايى بەكىمىن بەرىكتەپ، ءار ۇلت بۇقاراسىنىڭ اناعۇرلىم ەتەنە بولا تۇسۋىنە مۇمكىندىك جاراتۋعا بەل بايلادى.

  2015 - جىلدىڭ باسىندا، ماتىنبەك ءوز ۇيىندە «وتباسى ساباقحاناسىن» اشتى، كوپشىلىك گازەت وقۋ، ارناۋلى فيلم كورۋ، ۇيرەنۋ سياقتى فورمالار ارقىلى ۇلتتار ىنتىماعى جونىندەگى اسەرلەرىن اڭگىمەلەدى. «وتباسى ساباقحاناسىنىڭ» نەگىزىندە ماتىنبەك سول جەردەگى ۇلتتار ىنتىماعىنىڭ ۇلگىلەرىمەن، ءمورال ۇلگىلەرىمەن، قارت سۋديالارمەن، ەگىن شارۋاشىلىق تەحنيكتەرىمەن، پارتيا مەكتەبىنىڭ زەينەتكەر كادرلارىمەن بىرلەسىپ، سۇيىسپەنشىلىك ۇگىت - لەكسيا ۇيىرمەسىن قۇرىپ، پارتيانىڭ ساياساتتارىن ارقاۋ، ۇلتتار ىنتىماعىن نەگىزگى تاقىرىپ ەتىپ، ۇگىت - لەكسيا قيمىلدارىن ورىستەتتى ءارى «ماتىنبەك سۇيىسپەنشىلىك ۇگىت - لەكسيا» قىزمەت كەڭسەسىن، ۇلتتار ىنتىماعى كورمە زالىن اشتى.

  سۇيىسپەنشىلىك ۇگىت - لەكسيا ۇيىرمەسىنىڭ ۇگىت - لەكسيا مازمۇنى باي ءارى قولدانىلمالى، وندا سۋديا زاڭنان لەكسيا جاسايدى، اۋىلدىڭ، قالاشىقتىڭ كادرلارى يدەيانى ازات ەتۋ جونىندە سويلەيدى، سونىمەن بىرگە بايۋ شەبەرلەرى كەدەيلىكتەن قۇتىلدىرىپ، بايۋعا باستاۋ جونىندە لەكسيا جاسايدى... كوكتوعاي اۋدانىنىڭ ەڭ الىس قىر - قىرقالارىن، جايلاۋلارىن، وتارلارىن شيىرلادى، مالشىلاردىڭ كيىز ۇيىندە مالداس قۇردى. سول جەردەگى تۇرعىندار ماتىنبەكتىڭ سۇيىسپەنشىلىك ۇگىت - لەكسيا ۇيىرمەسىن «ەكرانسىز تەلەۆيزورعا، ديالوگ راديوعا» بالادى.

     3جىلدان بەرى ماتىنبەك سۇيىسپەنشىلىك ۇگىت - لەكسيا ۇيىرمەسىن باستاپ، مەكتەپتەردى، ورگانداردى، شەكارا قورعانىس اسكەري بولىمدەرىن، شەت - شالعاي تاۋلى قىستاقتاردى جانە مال شارۋاشىلىق وڭىرلەرىن ارالادى. سۇيىسپەنشىلىك ۇگىت - لەكسيا ۇيىرمەسى قۇرىلعاننان بەرى، جالپى 228 رەت ۇگىت - لەكسيا جاسادى، ۇگىت - لەكسيانى تىڭداعاندار 50 مىڭ ادام - رەتتەن استى. «ءوزىم ۇناتقان ءىستى ىستەگەندىگىم ءۇشىن، ءوزىمدى باقىت سانايمىن، مەن تالىقپاي قۇلشىنىپ، الەۋمەتتىك يگىلىك ىستەرىنىڭ وڭ ەنەرگياسىن جالعاستىرامىن»، - دەدى ماتىنبەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى