جىلىجايدا قياردىڭ جەتىلۋ كەزەڭى ۇزاق، تىڭايتقىش مولشەرىن ءبىرشاما كوپ قاجەتسىنەدى، ءونىم مولشەرىن جوعارىلاتىپ، ساپاسىن جاقسارتۋ ءۇشىن، تومەندەگى تۇيىندەردى ەسكەرگەن ءجون.
ورگانيكالىق تىڭايتقىش مولشەرىن مولايتۋ
ورگانيكالىق تىڭايتقىش قيار جەتىلۋىندە ءتۇرلى قورەكتىك قاجەتىن قاناعاتتاندىرىپ قالماستان، توپىراقتى بوساتىپ، توپىراق قاسيەتى مەن قۇرىلىمىن وزگەرتىپ، سۋ مەن تىڭايتقىش قۋاتىن كۇشەيتەدى. سوندىقتان، ورگانيكالىق تىڭايتقىش قياردان مول ءونىم الۋدا، ومىرشەڭدىگىن جوعارىلاتىپ جانە توپىراق قۇنارلىلىعىن ارتتىرۋدا ماڭىزدى رول اتقاردى. ءوندىرىس بارىسىندا شىرىگەن قورا تىڭايتقىشىنان مۋىنا 3000 كيلوگرام بەرىلۋى كەرەك.
حيميالىق تىڭايتقىشتى ۇيلەسىمدى بەرۋ
قيار تامىرى تاياز، تىڭايتقىش كوپ بەرىلسە، تامىرىن كۇيدىرىپ كەتۋ جاعدايى تۋىلادى. حيميالىق تىڭايتقىش بەرگەندە، از جەپ كوپ تۇتىنۋ ، ءار مۋىنا (二胺)اممۋنيدەن 25-30 كيلوگرام، (硫酸钾)كۇكىرت قىشقىلدى كاليدەن 23-27 كيلوگرامدى نەگىزگى تىڭايتقىش ەتىپ بەرۋ. قيار ءوسۋ بارىسىندا قاي ۋاقىتتادا ۇستەمە تىڭايتقىش بەرۋگە بولادى، جالپى مۋىنا بەرەتىن ۇستەمە تىڭايتقىشتان (尿素) ۋرەادان47-53 كيلوگرام، كۇكىرت قىشقىلدى كاليدەن 52-58 كيلوگرام مولشەرىندە بەرۋ. ۇستەمە تىڭايتقىشتى بەرۋ ۋاقىتى ادەتتە الدىڭعى كەزەڭدى نەگىز ەتۋ، ءوسىپ-جەتىلۋدىڭ سوڭعى كەزەڭىندە سۋارۋ مەن توقتاۋدى بىرلەستىرىپ، ءار 7-10 كۇندە ءبىر رەت ازوت پەن كالي تىڭايتقىشىن ۇستەمەلەپ بەرۋ قاجەت.
بۇركپەلى جاپىراق تىڭايتقىش بەرۋ
بۇركپەلى جاپىراق تىڭايتقىشىن ادەتتە جەمىستەنگەن مەزگىلدە بەرەدى، الدىڭعى كەزەڭدە قورەكتىگى ءبىرشاما جەتكىلىكتى بولادى، جەمىستەنگەننەن كەيىن ءوسۋى تەزدەپ، تىڭايتقىشتى قاجەتسىنۋى ارتادى، وسى كەزدە تەمپەراتۋرا تومەندەپ، تامىر جۇيەسىنىڭ ارەكەتى ناشارلاپ، قورەكتىكتى ءسىمىرۋ قۋاتى السىرەيدى. قالىپتى جەمىستەنۋ قاجەتىن قاناعاتتاندىرۋ ءۇشىن، جاپىراق بەتىنە بۇركپە تىڭايتقىش بەرىپ، وسىمدىكتى قوسىمشا قاجەتتى قورەكتىكپەن قامداۋ قاجەت. قيار جەتىلۋدىڭ سوڭعى كەزەڭىنە بارعاندا وسىمدىكتىڭ ءوسۋ مولشەرى تومەندەيدى، وسى كەزدە دەرەۋ بۇركپە تىڭايتقىش «(丰收)فىڭشوۋ-1»دەن 800 ەسەلىك سۇيىقتىق بۇركسە، وسىمدىكتىڭ ەرتە قاتايۋىنان ساقتانۋعا بولادى.
بيولوگيالىق باكتەريالى تىڭايتقىش قولدانۋ
ورگانيكالى تىڭايتقىش پەن بيولوگيالىق باكتەريالى تىڭايتقىشتى بەرۋ — حيميالىق تىڭايتقىش جۇمسالىمىن ۇيلەسىمدى تومەندەتەتىن، زالالسىز، جاسىل كوكونىستە كەم بولسا بولمايتىن تالعام. جاڭادان سالىنعان جىلىجايدىڭ ءار مۋىنا ءبىر جولدا سورتتى بيولوگيالىق باكتەريالى تىڭايتقىشتان 8 كيلوگرام بەرىلسە، قيار شىمىر، جەمىسى مول جانە ۇزىن وسەدى ءارى قياردىڭ ءۇزۋ مەزگىلىن ۇزارتادى.
اۋدارعان: ءلاززات تۇرسىنباي قىزى
