جازدىق بايسايدىڭ ( شىتىرشىق) قۇرامىندا ازىق تالشىعى، ۆيتامين جانە مينەرال زات سىياقتى كوپ ءتۇرلى قورەكتىك ەلەمەنت بار، الايدا، كوپتەگەن ادام جازدىق بايسايدان تاماق جاساعان كەزدە سۋىنىڭ ماي قۇرامى جوعارى، دەنساۋلىققا ءتيىمسىز دەپ سۋىن توگىپ تاستايدى. ال، قورەكتىك ماماندار: جازدىق بايسايدىڭ سۋىن ءسوزسىز ءىشۋ ءتيىس،-دەگەندى دارىپتەپ وتىر.
جازدىق بايسايدى قۋىرعان كەزدە %30-%50 تىك قورەكتىگى، مىسالى، سۋدا ەريتىن ۆيتامين، مينەرال زات، بيولوگيالىق اكتيۆتىك زات قۋىرماشتىڭ سۋىنا شىعادى. سوندىقتان، سۋىن ىشپەۋ قورەكتىكتى قابىلداماعانىمەن بارابار بولادى.
الايدا، بايسايدىڭ جىلتىراپ،ءدامى ءتىپتى جاقسى بولۋى ءۇشىن، كوپتەگەن كىسىلەر مايدى كوبىرەك قۇيۋدى ۇناتادى، وسىلاي ىستەۋ ارقىلى بايسايدىڭ قورەكتىگىن ءبۇلدىرىپ، سۋىنىڭ ماي قۇرامى ءتىپتى ارتادى. ۇزاق ۋاقىت وسىلاي بولا بەرسە، سەمىزدىك، جوعارى قان باسىم، قاننىڭ ماي قۇرامى جوعارى بولۋ، باۋىر مايلاسۋ، ارتەريا قاتايۋ سىياقتى سوزىلمالى اۋرۋ جارىققا شىعۋى مۇمكىن، ادام دەنساۋلىعىنا اۋىر زيان جەتكىزەدى. مۇنداي جاعدايدا، بايساي سۋىن ىشپەۋ. ءىشىنارا جازدىق بايسايدى قۋىرۋ بارىسىندا شالا توتىقتى كۇكىرت قىشقىلى مەن ەگىس ءدارىسىن ءبولىپ شىعارادى، مۇنىڭ سۋىن ىشسە ۋلانۋ قاۋپى كورىلۋ مۇمكىن. سوندىقتان، قۋىرۋدىڭ الدىندا ءسوزسىز ابدەن جۋۋ ءتيىس.
ولاي بولسا، جازدىق بايساي سۋىنىڭ مايى كوپ بولۋىنان قالاي ساقتانۋعا بولادى؟
جازدىق بايسايدى قۋىرعان كەزدە كۇشتى وتتا قۋىرۋدان ساقتانىپ، مايدى از قۇيۋ. مۇنان تىس، بۋعا پىسىرىپ نەمەسە ءبىر قايناتىپ السا ءدامى جاقسى، قورەكتىگى دە جوعارى بولادى. سۋدا قايناتۋدا جاقسى ءادىس، جازدىق بايسايدى قايناپ تۇرعان سۋعا سالىپ، ءبىر بۇرىق ەتكىزىپ السا بولدى.
كوڭىل بولۋگە ءتىيىستى ءتۇيىن، سۋدا ۇزاق ۋاقىت قايناتپاۋ. سەبەبى، قورەكتىگى جوعالادى. جازدىق بايساي سياقتى جاسىل جاپىراقتى كوكونىستەن تىس، بۇيرا كوكونىس، كوك لازى سياقتى كوكونىستەردىڭ سۋىندا كوپ مولشەردە قورەكتىك قۇرام بار، ءدامى ءتىل ۇيىرەتىن ءوزىن جەگەننەن كەيىن سۋىن دا ءىشۋ ءتيىس.
اۋدارعان: گۇلزيا شايزادا قىزى
