ءتاڭىرتاۋ تورابى   ›   جاڭالىقتار   ›   اۋىل تىنىسى

تۇيە باعىمشىلعى شارۋاشىلىعىن شالقىتقان ءادىلقان

  ءۋالي مۇقاتجان ۇلى حابارلايدى. قاراپايىم مالشى بولا تۇرا، ەرتە باستان زامان اۋقىمىن مەڭگەرىپ، پارتيا مەن ۇكىمەتتىڭ يگى ساياساتىنىڭ جەتەكشىلىگىندە تۇيە باعىمشىلىعى تەحنيكاسىنىڭ تەتىگىن يگەرىپ، كاسىپ جاراتىپ، بازارعا ويىسىپ، شارۋاشىلىعىن شالقىتقان ءادىل قالقاباي ۇلى بۇگىنگى كۇنى قىستاقتاعى اۋقاتتى وتباسىلارىنىڭ بىرىنە اينالىپ، ەرشىمدى ەڭبەگىمەن ەل القاۋىنا بولەندى.

  قىرىقتى قىرقالاعان ءادىلقان قالقاباي ۇلى جىڭ اۋدانى باجياحۋ ەگىستىك الاڭى شارۋاشىلىق 2- اترەتىنىڭ مالشىسى. ول قاتىستى ورىنداردىڭ تانىستىرۋىمەن تۇيە باعىمشىلىعىنىڭ شىعىنى از، ءونىمى كورنەكتى ەكەندىگىن ءبىلىپ، 2007- جىلى قارجى توپتاپ 13 تۇيە ساتىپ الادى. سودان باستاپ باجياحۋ ەگىستىك الاڭى مال شارۋاشىلىق كەڭسەسى قىزمەتكەرلەرىنىڭ قولداپ-قۋاتتاۋى مەن جەتەكشىلىگىندە ۇزدىكسىز قۇلشىنىپ، تاجىريبە توپتاپ العاشقى جىلى تۇيە سۇتىنەن 40 مىڭ يۋاننىڭ ۇستىندە تازا كىرىس كىرگىزەدى. تۇيە باعىمشىلىعى پايداسىن كورگەن ءادىلقان كەلەسى جىلى ۇساق مالدارىن ساتىپ، تۇيە سانىن كوبەيتىپ، تۇيە باعىمشىلىعى كولەمىن ۇلعايتىپ، كاسىپ ورەسىن جەتىلدىرىپ، تۇيە ءسۇتى ونىمدەرى مەن تۇيە ءجۇنىن بازارعا سالىپ، كىرىسىن بارىنشا ارتتىرادى.

  ءادىلقان قالقاباي ۇلى تىلشىگە: «العاشىندا تۇيە باعىمشىلىعىنا بولعان تانىمىم تومەن، تاجىريبەم جەتكىلىكسىز بولعاندىقتان ازداپ الاڭداۋشىلىق بولدى. پارتيا مەن ۇكىمەتتىڭ ءتيىمدى ساياساتى مەن قاتىستى ورىنداردىڭ دەمەۋىندە شارۋاشىلىعىم بارعان سايىن شالقىپ، كىرىسىم ارتا ءتۇستى. قازىر تۇيەم 80 نەن استى. بيىل تۇيە ءسۇتى ونىمدەرىن، تۇيە ءجۇنىن، تايلاقتارىن بازارعا سالىپ، 130 مىڭ يۋاننىڭ ۇستىندە تازا كىرىس كىرگىزدىم. اۋىلداعى كاسىپسىز جاستاردى كاسىپ جاراتۋعا جەتەلەپ، ەڭبەگىنە قاراي اقىلارىن بەرىپ وتىردىم. بۇدان كەيىن جالعاستى كاسىپتىك دەڭگەيىمدى جوعارىلاتىپ، كاسىپ كولەمىن ۇلعايتىپ، كەمەلدى بولعان تۇيە باعىمشىلعى كووپەراتيۆىن قۇرىپ، ماركا جاراتىپ، كىرىسىمدى ارتتىرۋ مەن بىرگە اۋىلداعى كاسىپسىز جاستاردى كاسىپتەندىرسەم دەگەن ويىم بار»،- دەدى.

  جىڭ اۋدانى باجياحۋ ەگىستىك الاڭىنىڭ ورىنباسار باستىعى قۇرمانبەك تولەۋ ۇلى : «پارتيا مەن ۇكىمەتتىڭ ءتيىمدى ساياساتىىنىڭ ارقاسىندا قازىر مالشىلاردىڭ تۇرمىس ورەسى باعان سايىن جاقسارۋدا. ءبىز مالشىلارعا ءتيىمدى ساياساتتاردان يگىلىكتەنە وتىرىپ تۇيە باعىمشىلىعى كاسىبىن جانداندىرۋدى دارىپتەپ وتىرمىز. تۇيە باعىمشىلىعنىڭ شىعىنى تومەن، ءونىمى جوعارى، ادام كۇشىن دە كوپ قاجەت ەتپەيدى. تۇيە ءسۇتى ونىمدەرى مەن تۇيە ءجۇنىنىڭ بازارداعى ءوتىمى جاقسى. سوندىقتان مالشىلاردىڭ ءادىلقان سەكىلدى تۇيە باعىمشىلىعى كاسىبىن جانداندىرىپ، كىرىسىن ارتتىرىپ، وسى ارقىلى كەدەيلىكتەن تۇبەگەيلى ارىلىپ، بايۋ جولىنا ءتۇسۋىن ءۇمىت ەتەمىز»،-دەدى.

  ەرىكتى ءتىلشىمىزدىڭ قىزمەت ورنى: اراسان اۋداندىق راديو-تەلەۆيزيا مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • «ۇلتتار ىنتىماعىنىڭ بەرەكەلى شاڭىراعى» قيمىلى ۇلتتار ىنتىماعىن ونان ارى بەكەمدەي ءتۇستى
  • بۇقارانىڭ قيىنشىلىعىن جۇمىلا شەشتى
  • قىزمەت اترەتى قايدا جۇرسە دە حالىق جاعدايىن ويلايدى
  • قىزمەت اترەتىندەگى كادرلار شوجەنى اقىسىز تاراتتى
  • قايىرىمدى قارت
بىزبەن بايلانىس جارناما قىزمەتى لەبىز قالدىرۋ ءبىز تۋرالى