ءتىلشىمىز سۋ لۋپيڭ
5 - ايدىڭ 13 - كۇنى كەشكى تاماقتان كەيىن ازادەم يمىن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، كۇندەلىكتى قولدانىلاتىن سوزدەردى وقي باستادى. ءۇرىمجى قالاسىنىڭ باداۋان وڭىرىندەگى الەۋمەتتىك جالعا بەرىلەتىن ۇيگە كوشىپ كىرگەننەن بەرى، ول ءار كۇنى قىزمەتپەن، ۇيرەنۋمەن، بالا قاراۋمەن قاربالاستىققا ءتۇستى.
«جوۋ اعايدىڭ كومەگىمەن ءبىرىنشى نىسانام جۇزەگە استى، ەندى ەكىنشى نىساناعا قاراي ۇمتىلامىن»، - دەدى ازادەم ەرەكشە سەنىممەن.
ازادەمنىڭ 3 بالاسى بار، ۇلكەن قىزى تۇرمىستانىپ كەتكەن، ۇلى كۇشار اۋدانىندا كاسىپتىك ورتا مەكتەپتە وقيدى. تۇرمىس شارت - جاعدايىن جاقسارتۋ ءۇشىن، اقسۋ ايماعىنىڭ كۇشار اۋدانىندا ەگىنشىلىكپەن شۇعىلداناتىن ازادەم مەن كۇيەۋى كەنجە قىزدارىن الىپ ءۇرىمجى قالاسى سايباق رايونى چاڭجياڭ كوشەسى ءوڭىرىن باسقارۋ كوميتەتىنە كەلىپ، ەرلى - زايىپتى ەكەۋى تازالىقشى بولىپ ىستەيدى ءارى شينشيڭ كوشەسىنەن 30 شارشى مەترلىك ءۇيدى جالعا الادى.
ازادەمنىڭ تۋىسى جوۋ شۋاڭچي − ءۇرىمجى قالاسى سايباق رايوندىق پارتكوم ۇگىت ءبولىمىنىڭ كادرى. 2016 - جىلى 11 - ايدا جۇپ قۇراپ، تۋىس بولىپ العاش رەت ازادەمنىڭ ۇيىنە كەلگەن كەزى ونىڭ ەسىندە سول قالپىندا قالىپتى. 30 شارشى مەتردەي كەلەتىن ءۇيدى ەكىگە ءبولىپتى، ەرلى - زايىپتى ەكەۋى تۇراتىن ۇلكەندەۋ بولمەدە وشاقتىڭ ءبىر جاعىنا شىلاپشىن قوندىرعىسى قويىلىپ، ەندى ءبىر جاعىنان توسەك ورنالاستىرىلىپتى.
ولاردىڭ ناقتى جاعدايىن كورىپ، تۋىسىنا نە ىستەپ بەرسەم دەپ ويلاعان جوۋ شۋاڭچيدىڭ ويىنا دەرەۋ الەۋمەتتىك جالعا بەرىلەتىن ءۇي كەلەدى. ازادەمنىڭ ۇيىنەن شىققان سوڭ، چاڭجياڭ كوشەسى ءوڭىرىن باسقارۋ كوميتەتىنە كەلىپ الەۋمەتتىك جالعا بەرىلەتىن ءۇيدىڭ جاعدايىن ۇعىسادى. قىزمەتكەر وعان ايلىق جان باسىندىق ورتاشا كىرىس ولشەمى 2625 يۋاننان (2625 يۋاندى قامتيدى) تومەن بولعانداردىڭ الەۋمەتتىك جالعا بەرىلەتىن تۇرعىن ءۇي جونىندە ءوتىنىش بەرۋىنە بولاتىندىعىن ايتقاندا، جوۋ شۋاڭچي قاتتى قۋانىپ، دەرەۋ بارىپ ازادەمعا ايتادى. ىلە - شالا جوۋ شۋاڭچي ازادەمگە كومەكتەسىپ ءوتىنىش ماتەريالىن قاراستى الەۋمەتتىك اۋماققا تاپسىرادى.
جارتى جىلدان سوڭ، ازادەمنىڭ وتباسى ءۇرىمجى قالاسىنىڭ باداۋان اۋماعىنداعى الەۋمەتتىك جالعا بەرىلەتىن ۇيگە كوشىپ كىرەدى. «ءۇيدىڭ اۋماعى 50 شارشى مەتر، سۋ، توك، گازى، جىلۋى ءبارى بار، اسحاناسى دا كەڭ، بالامنىڭ دا جەكە بولمەسى بار. ءبىر ءتاۋىرى، تازالىق بولمەسى بار، ەندى كەشتە پروجەكتر جاعىپ دارەتحاناعا بارمايتىن بولدىم. بۇرىن ءۇيدىڭ جالاقىسى ءۇشىن ايىنا 1200 يۋان تاپسىراتىنبىز، قازىر نەبارى 381 يۋان عانا بەرەمىز. پارتيانىڭ ابزال ساياساتىنا راقىمەت، جاقسى تۋىسىما راقىمەت»، - دەيدى ازادەم قۋانا.
ازادەمنىڭ ءبىرىنشى نىساناسى − تۇرعىن ءۇي شارت - جاعدايىن جاقسارتۋ نىساناسى ىسكە اسىرىلدى، ەكىنشى نىساناسى − ءوزىنىڭ قۇلشىنىسى ارقىلى بالالارىنا ۇلگى بولىپ، ولاردىڭ قۇلشىنا ءبىلىم الىپ، قوعامعا جارامدى ادام بولۋىنا مۇمكىندىك جاساۋ. سول ءۇشىن دە ول ەرلى - زايىپتى ەكەۋى ءار كۇنى ساعات 6دا تۇرىپ، ساعات 7دە ءبىرىنشى كەزەكتەگى كوشە اۆتوبۋزىمەن جۇمىسقا كەتەدى، قاجىرلىلىقپەن ىستەپ، تارتا ءىشىپ، ۇنەمشىل بولىپ، جيعان اقشالارىن بالالارىنىڭ ءبىلىم الۋىنا جۇمساۋ ويىندا. تەك بۇل عانا ەمەس، ازادەم كەنجە قىزىنىڭ ساباقتان قايتقان سوڭ ورتاق تىلدە سويلەۋىن تالاپ ەتتى، كەنجە قىزىن اۋىزشا سويلەۋگە جاتتىقتىرىپ، ەندى ءبىر جاعىنان ءوزى دە قوسا ۇيرەندى.
ەرلى - زايىپتىلاردىڭ باتىل سەنىمى مەن قۇلشىنىسى جوۋ شۋاڭچيدى اسەرلەندىردى. ازادەمنىڭ نىساناسىن ەرتەرەك ىسكە اسىرۋىنا كومەكتەسۋ ءۇشىن، جوۋ شۋاڭچي ولارعا كوپتەگەن ۇيرەنۋ ماتەريالىن ساتىپ الىپ بەردى ءارى مۇعالىم بولدى. «ءتىل تابىسا العاندىعىمىز ءۇشىن، جۇرەكتەرىمىز دە جاقىنداي ءتۇستى ءارى تۋىستىڭ وي مەن قاجەتىن دە ءتىپتى جاقسى ۇعىسۋعا بولادى»، - دەيدى جوۋ شۋاڭچي.
ءبىر جىلدان استام ۋاقىت ۇيرەنۋ ارقىلى، قازىر ازادەم ورتاق تىلدە سويلەسە الاتىن بولدى، كەنجە قىزى دا ساباقتان قايتقان سوڭ مۇقيات ۇيرەنۋگە داعدىلاندى. ازادەمنىڭ 2 - نىساناسى دا ءسوز جوق، ىسكە اسادى.
«تۋىستىڭ ءمانى بىزگە ازىق - تۇلىك، كەرەك - جاراق الىپ بەرۋدە ەمەس، قايتا جۇرەكپەن تىلدەسىپ، ءوزارا كومەكتەسىپ، ءوزارا ءوسۋ، جوۋ اعايداي تۋىسىم بولعانى ءۇشىن ەرەكشە باقىتتىمىن»، - دەيدى ازادەم رياسىز كوڭىلمەن.
