ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشتى

مۇرات − سەنىمدى بەكەمدەپ، شەشىمدەر مەن ورنالاستىرۋلاردىڭ تۇبەگەيلى تياناقتانىپ، ناتيجەلى بولۋىن ىلگەرىلەتەيىك

  ءتىلشىمىز ميھىرگۇل عوپۇر 5 - ايدىڭ 14 - كۇنى ۇرىمجىدەن حابارلايدى. 5 - ايدىڭ 14 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ تاياۋداعى جەلىلەس ماڭىزدى سوزدەرىنىڭ رۋحىن جەتكىزدى، ۇيرەندى، ج ك پ اۆتونوميالى رايوندىق 9 - كەزەكتى كوميتەتى بەسىنشى جالپى ءماجىلىسىنىڭ رۋحىن، وزەن (كول) باستىعى ءتۇزىمىن جاپپاي ىلگەرىلەتۋ جونىندەگى اۆتونوميالى رايوندىق تەلەۆيزور - تەلەفون ءماجىلىسىنىڭ رۋحىن جەتكىزدى، ۇيرەندى، تۇراقتى كوميتەتتىڭ دايەكتىلەندىرۋ، تياناقتاندىرۋ پىكىرىن، سونداي - اق باسقا دا ىستەردى اقىلداستى.

  اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى ءارى ءسوز سويلەدى.

  ءماجىلىس بىلاي دەپ باسا دارىپتەدى: مۇرات - سەنىمدى بەكەمدەپ، نازاريالىق قارۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى زامانىمىزداعى جۇڭگونىڭ ماركسيزمىن، 21 - عاسىر ماركسيزمىن جەتەكشى ەتىپ، پارتيا 19 - قۇرىلتايىنىڭ رۋحىن، باس شۋجي شي جينپيڭنىڭ جەلىلەس ماڭىزدى سوزدەرىنىڭ جانە شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرۋ، كەشەندى شارالاردى ويداعىداي قولدانۋ جونىندەگى ءبىر قىدىرۋ كەلەلى شەشىم، ورنالاستىرۋلارىن مىقتاپ ارقاۋ ەتىپ، زاڭ شىعارۋ ۇقىعىن، باقىلاۋ ۇقىعىن، ۇيعارۋ ۇقىعىن، مىندەتكە تاعايىنداۋ، مىندەتتەن قالدىرۋ ۇقىعىن زاڭ بويىنشا ويداعىداي جۇرگىزۋ؛ پارتيانىڭ باسشىلىعىن حالىق قۇرىلتايى قىزمەتىنىڭ ءار جاعىمەن جالپى بارىسىندا تياناقتاندىرۋعا تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرۋ، تياناقتاندىرۋ، اۆتونوميالى رايوندىق پارتكومنىڭ قىزمەت ورنالاستىرۋىن دايەكتىلەندىرۋ، تياناقتاندىرۋ كەرەك.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ بەيجيڭ داشۋەسىندە قىزمەت تەكسەرگەندە سويلەگەن ماڭىزدى ءسوزى مەن جۇڭگو ساياسي - زاڭ داشۋەسىندەگى وداق مۇشەلەرى مەن وقۋشىلاردى جىگەرلەندىرگەن ماڭىزدى نۇسقاۋىنىڭ رۋحى ءبىزدىڭ وقۋ - اعارتۋ قىزمەتىن اناعۇرلىم جاقسى ىستەۋىمىزگە ءتۇبىرلى ولشەم ازىرلەپ بەردى. حالىق قۇرىلتايىنىڭ قىزمەت جاۋاپكەرلىگىن زاڭ بويىنشا وتەپ، قاتىستى زاڭ - ەرەجەلەردى اناعۇرلىم كەمەلدەندىرىپ، دايەكتىلەندىرۋ مەن تياناقتاندىرۋدى ويداعىداي يگەرىپ، ءار دارەجەلى، ءار ءتۇرلى مەكتەپتەردىڭ مەكتەپ باسقارۋدىڭ دۇرىس بەتالىسىنا تاباندى بولۋىن ىلگەرىلەتۋ، ماركسيزم نازارياسى مەن سوتسياليستىك وزەكتى قۇن كوزقاراسى تاربيەسىن كۇشەيتىپ، شينجياڭنىڭ وقۋ - اعارتۋ ىستەرىنىڭ اقاۋسىز دامۋىن ىلگەرىلەتۋ كەرەك.

  ءماجىلىس مىنالاردى تالاپ ەتتى: ج ك پ اۆتونوميالى رايوندىق 9 - كەزەكتى كوميتەتى بەسىنشى جالپى ءماجىلىسىنىڭ رۋحىن تەرەڭ ۇعىنىپ جانە ءداپ باسىپ يگەرىپ، اۆتونوميالى رايوندىق پارتكومنىڭ شەشىم، ورنالاستىرۋلارىن ارقاۋ ەتە وتىرىپ حالىق قۇرىلتايى قىزمەتىن جوبالاپ جانە ىلگەرىلەتىپ، حالىق قۇرىلتايىنىڭ قۇرىلىم رەفورماسىنداعى بورىشى مەن رولىن ويداعىداي ساۋلەلەندىرىپ، اۆتونوميالى رايوندىق حالىق قۇرىلتايىنىڭ قۇرىلىم رەفورماسىنىڭ مىندەتىن بۇلجىتپاي ورىنداۋ كەرەك.

  ءماجىلىس مىنالاردى تالاپ ەتتى: وزەن، كولدەردى باسقارۋ مەن قورعاۋ جونىندەگى جەرگىلىكتى زاڭ شىعارۋ قىزمەتىن جاقسى ىستەپ، زاڭمەن جونگە سالۋ قۇرىلىسىن كۇشەيتۋدى وزەن (كول) باستىعى ءتۇزىمىن جاپپاي جولعا قويۋداعى، وزەن، كولدەردى باسقارۋ مەن قورعاۋدى كۇشەيتۋدەگى ءتۇبىرلى تۇزىمدىك شارا ەتىپ، سۋدى زاڭ بويىنشا تىزگىندەۋدى كورنەكتىلەندىرىپ، رايونىمىزدىڭ وزەن، كولدەردى باسقارۋ مەن قورعاۋدىڭ زاڭ - ەرەجە جۇيەسىن قاۋىرت جاساپ، كەمەلدەندىرىپ، وزەن (كولدەرگە) ساياتىن قيمىلداردى زاڭمەن جونگە سالۋ ارناسىنا شىن مانىندە ءتۇسىرىپ، اسپانى كوك، جەرى جاسىل، سۋى تۇنىق كوركەم شينجياڭ قۇرۋعا قۇلشىنۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيلەرى، ورىنباسار مەڭگەرۋشىلەر لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەر مۇتالىپ قاسىم، گۇلشات ابدۇقادىر، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى