ءتاڭىرتاۋ تورابى   ›   جاڭالىقتار   ›   شينجياڭ حابارلارى

ساياسي كەڭەس اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ 2 - ءماجىلىسى اشىلدى

«نازاردى باس نىساناعا شوعىرلاندىرىپ، بۇقارالىق قىزمەتتى ىشكەرىلەي جاقسى ىستەپ، ۇلتتار ىنتىماعىنىڭ نەگىزىن بەكەمدەۋ» توڭىرەگىندە ۇكىمەت ءىسىن ارنايى كەڭەستى

  ءتىلشىمىز لي ياڭ 5 - ايدىڭ 14 - كۇنى ۇرىمجىدەن حابارلايدى. 5 - ايدىڭ 14 - كۇنى ءتۇستىڭ الدىندا، ساياسي كەڭەس اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ 2 - ءماجىلىسى ۇرىمجىدە اشىلدى، ءماجىلىس «نازاردى باس نىساناعا شوعىرلاندىرىپ، بۇقارالىق قىزمەتتى ىشكەرىلەي جاقسى ىستەپ، ۇلتتار ىنتىماعىنىڭ نەگىزىن بەكەمدەۋ» توڭىرەگىندە ۇكىمەت ءىسىن ارنايى كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى.

  ماجىلىستە تۇرعان پيدا باستاعان 9 جولداس ءسوز سويلەپ، وزدەرىنىڭ ءىس جۇزىندىك قىزمەتتەرىمەن ۇشتاستىرا وتىرىپ ۇسىنىستار قويدى. كوپشىلىك سوزدەرىندە مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن جەتەكشى ەتىپ، «4 تانىمدى» مىقتاپ ورناتىپ، «4 سەنىمدى» بەكەمدەپ، قاي - قاشان دا نازاردى باس نىساناعا شوعىرلاندىرىپ، بۇقارالىق قىزمەتتى جاقسى ىستەپ، ۇلتتار ىنتىماعىن ىلگەرىلەتىپ، شينجياڭنىڭ ورنىقتىلىعى مەن دامۋىنا ءتىپتى جاقسى قىزمەت ەتۋ كەرەك.

  تۇراقتى مۇشە تۇرعان پيدا اۆتونوميالى رايوندىق ساياسي كەڭەس ۇلت جانە ءدىن كوميتەتى اتىنان ءسوز سويلەپ، «ۇلتتار ىنتىماعىنىڭ بەرەكەلى شاڭىراعى» قيمىلىن تۇتقا ەتە وتىرىپ، ۇلتتار ىنتىماعىنىڭ بۇقارالىق نەگىزىن بەكەمدەۋدى ۇسىنىس ەتتى؛ تۇراقتى مۇشە جەلىل ناسىر شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى قىستاقتا تۇرۋ قىزمەتىنىڭ نەگىزگى جەلىسى ەتىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ۇزدىكسىز كۇش سالا ىلگەرىلەتۋدى العا قويدى؛ مەملەكەتتىك ساياسي كەڭەستىڭ مۇشەسى يۇي مەي نەگىزگى ساتى ەمدەۋ - دەنساۋلىق ساقتاۋ قىزمەتكەرلەرىنىڭ كاسىپتىك دەڭگەيىن ءوسىرىپ، جالپى حالىقتىڭ دەنساۋلىعىن تەكسەرۋدەي يگى ءىستى ويداعىداي ىستەۋدى ۇسىنىس ەتتى؛ دولقۇن ابدىرەيىم ساياسي كەڭەس حوتان ايماقتىق قىزمەت كوميتەتى اتىنان ءسوز سويلەپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ «قوس باعىتتى اۋىس - كۇيىسىن» ىلگەرىلەتىپ، ۇلتتار ىنتىماعىنىڭ ونىمدىلىگىن تەرەڭدەتۋدى ۇسىنىس ەتتى؛ تۇراقتى مۇشە ۋ شيان اۆتونوميالى رايوندىق ساياسي كەڭەس قوعامدىق زاڭ - ءتۇزىم جانە شياڭگاڭ، اۋمىن، تايۋان، مۇھاجىرلار، سىرتقى ىستەر كوميتەتى اتىنان ءسوز سويلەپ، وڭتۇستىك شينجياڭ رايونىنىڭ بۇقارالىق قىزمەتىن تەرەڭدەتىپ، ورنىقتىلىق پەن دامۋدىڭ مىعىم نەگىزىن بەرىك قالاۋدى العا قويدى؛ تۇراقتى مۇشە چىن چي جۇڭگو دەموكراتيالىق وداعى شينجياڭ رايوندىق كوميتەتى اتىنان ءسوز سويلەپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جالپىلاستىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋدى ۇسىنىس ەتتى؛ ءتۇمۇر مامەت ساياسي كەڭەس قاشقار ايماقتىق قىزمەتى كوميتەتى اتىنان ءسوز سويلەپ، ءار ۇلت جاستارى مەن ورەندەرىنىڭ اۋىس - كۇيىسىن ىلگەرىلەتۋ تۇعىرىن قالىپتاستىرىپ، ۇلتتار ىنتىماعى ۇرىعىن ءار ۇلت جاستارى مەن ورەندەرىنىڭ جۇرەگىندە تەرەڭ ۇيالاتۋدى العا قويدى؛ تۇراقتى مۇشە حوۋ حانمين اۆتونوميالى رايوندىق ايەلدەر بىرلەستىگى اتىنان ءسوز سويلەپ، نەگىزگى ساتى ايەلدەر ۇيىمىنىڭ جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنىڭ رولىن ساۋلەلەندىرىپ، بۇقارالىق قىزمەتتى ىشكەرىلەي جاقسى ىستەۋدى ۇسىنىس ەتتى؛ مۇشە سەرجان ۇعىباي ۇلى ساياسي كەڭەس ىلە قازاق اۆتونوميالى وبلىستىق كوميتەتى اتىنان ءسوز سويلەپ، ساياسي كەڭەس مۇشەلەرىنىڭ ارتىقشىلىعىن ساۋلەلەندىرىپ، باس نىسانانى جۇزەگە اسىرۋ ءۇشىن قۇدىرەتتى وڭ ەنەرگيا شوعىرلاندىرۋدى العا قويدى.

  اۆتونوميالى رايوننىڭ ورىنباسار ءتوراعاسى رىن حۋا ماجىلىسكە قاتىناسىپ، سوزدەردى تىڭدادى.

  اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشان قاتىستى كادرلار ءىسى جونىندە تۇسىنىك جاسادى، ورىنباسار ءتوراعا ءجۇرات يمىن ءماجىلىستى باسقاردى، ورىنباسار ءتوراعالار مۇتالىپ وبۇل، دوۋ ۋانگۇي، چيۋ شۋحۋا، ءىلھام سابىر، ابدۇرىقىپ ءتومۇرنياز ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى