ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ ورتالىق سىرتقى ىستەر قىزمەتى كوميتەتىنىڭ 1 - رەتكى ءماجىلىسىن باسقارىپ اشقاندا پارتيا ورتالىق كوميتەتىنىڭ سىرتقى ىستەر قىزمەتىنە ورتالىقتانعان ءبىر تۇتاس باسشىلىعىن نىعايتىپ، جۇڭگوشا ەرەكشەلىككە يە ءىرى ەل ديپلوماتياسىندا جاڭا جاعداي اشۋعا قۇلشىنۋدى باسا دارىپتەدى

  لي كىچياڭ، ۋاڭ حۋنيڭ، حان جىڭ، ۋاڭ چيشان ماجىلىسكە قاتىناستى

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق سىرتقى ىستەر قىزمەتى كوميتەتىنىڭ مەڭگەرۋشىسى شي جينپيڭ 5 - ايدىڭ 15 - كۇنى تۇستەن بۇرىن ورتالىق سىرتقى ىستەر قىزمەتى كوميتەتىنىڭ 1 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: پارتيا ورتالىق كوميتەتىنىڭ سىرتقى ىستەر قىزمەتىنە ورتالىقتانعان ءبىر تۇتاس باسشىلىعىن نىعايتىپ، قازىرگى حالىقارالىق جاعدايدىڭ دامۋى مەن وزگەرىستەرىن ءدال يگەرىپ، ەرلىكپەن العا باسىپ، ءورىس اشا جاڭالىق جاساپ، جۇڭگوشا ەرەكشەلىككە يە ءىرى ەل ديپلوماتياسىندا جاڭا جاعداي اشۋعا قۇلشىنىپ، «قوس 100 جىلدىق» كۇرەس نىساناسىن ىسكە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ءتىپتى زور ۇلەس قوسۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق سىرتقى ىستەر قىزمەتى كوميتەتىنىڭ ورىنباسار مەڭگەرۋشىسى لي كىچياڭ، مەملەكەتتىڭ ورىنباسار ءتوراعاسى، ورتالىق سىرتقى ىستەر قىزمەتى كوميتەتىنىڭ مۇشەسى ۋاڭ چيشان ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ ماجىلىسكە قاتىستى.

  شي جينپيڭ سوزىندە مىنالاردى باسا دارىپتەدى: پارتيانىڭ 18 - قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا ءبىز ديپلوماتيالىق نازاريا مەن امالياتتا جاڭالىق اشۋدى بەلسەندى تۇردە ىلگەرىلەتىپ، جان - جاقتى ديپلوماتيالىق ورنالاستىرۋدى كەمەلدەندىرىپ جانە تەرەڭدەتىپ، «ءبىر بەلدەۋ، ءبىر جول» قۇرىلىسىن دارىپتەپ جانە ىلگەرىلەتىپ، عالامدىق باسقارۋ جۇيەسىن رەفورمالاۋ مەن قۇرۋعا ىشكەرىلەي ات سالىسىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن تاباندى تۇردە قورعاپ، سىرتقى ىستەر قىزمەتىنە پارتيانىڭ ورتالىقتانعان ءبىر تۇتاس باسشىلىعىن كۇشەيتىپ، ءىرى ەل ديپلوماتياسىنىڭ جۇڭگوشا ەرەكشەلىككە يە جاڭا جولىن اشىپ، تاريحي جەتىستىكتەرگە جەتتىك.

  شي جينپيڭ مىنالاردى اتاپ كورسەتتى: قازىرگى الەمدە بەلگىسىز، تۇراقسىز فاكتورلار كوبەيىپ كەلەدى، ەلىمىزدىڭ دامۋى وراي مەن سىنعا بىردەي ءدوپ كەلىپ وتىر. ءبىز حالىقارالىق جاعدايدىڭ وزگەرىس زاڭدىلىقتارىن ءدال يگەرىپ، جۇڭگو مەن دۇنيە ءجۇزىنىڭ دامۋ اۋقىمىن جىعا تانۋمەن بىرگە، ىلگەرى باسقان جولىمىزداعى حاۋىپ - قاتەر مەن سىن - سايىستاردى دا كورە ءبىلۋىمىز، ەرتە قامدانىپ، ۇيلەسىمدى توتەپ بەرىپ، قىزمەتتى شىن مانىندە ويداعىداي ىستەۋىمىز كەرەك. قازىرگى جانە الداعى ءبىر مەزگىلدە ديپلوماتيالىق ورنالاستىرۋدى تەرەڭدەتىپ، ەلەۋلى ديپلوماتيالىق قيمىلداردىڭ جوباسىن تياناقتاندىرىپ، حاۋىپ - قاتەر تانىمىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋىمىز كەرەك.

  شي جينپيڭ مىنالاردى باسا دارىپتەدى: «ءبىر بەلدەۋ، ءبىر جول» قۇرىلىسى − ادامزاتتىڭ تاعدىرلاس ورتاق تۇلعاسىنىڭ ورناۋىن ىلگەرىلەتۋىمىزدەگى ماڭىزدى اماليات تۇعىرى. بىرنەشە جىلدان بەرى، «ءبىر بەلدەۋ، ءبىر جول» قۇرىلىسى ۇستانىمنان ارەكەت دەڭگەيىنە كوتەرىلىپ، ناقتىلى حالىقارالىق ىنتىماقتاستىق رەتىندە دامىپ، جالت قاراتار جەتىستىكتەرگە قول جەتتى. تۇڭعىش كەزەكتى «ءبىر بەلدەۋ، ءبىر جول» حالىقارالىق ىنتىماقتاستىق جوعارى دارەجەلى باسشىلار تالقى مىنبەرىنىڭ جەتىستىكتەرىن تياناقتاندىرۋدى مىقتى يگەرىپ، ءار جاقتى ورتاق تانىمعا كەلتىرىپ، ىنتىماقتاستىقتىڭ ۇزاق بولاشاعىن جوسپارلاپ، سىرتقا ەسىك اشۋدى كەڭەيتىپ، ءار ەلمەن بايلانىستى، كەڭەستى، ىنتىماقتاستىقتى كۇشەيتىپ، «ءبىر بەلدەۋ، ءبىر جول» قۇرىلىسىنىڭ تەرەڭ، ناقتىلى تۇردە، تۇراقتى ءارى ۇزاققا قانات جايۋىن ىلگەرىلەتىپ، ءار ەل حالقىن ءتىپتى جاقسى يگىلىكتەندىرۋ كەرەك.

  شي جينپيڭ مىنالاردى اتاپ كورسەتتى: جەرگىلىكتى سىرتقى ىستەر قىزمەتى − پارتيا مەن مەملەكەتتىڭ سىرتقى قىزمەتىنىڭ ماڭىزدى قۇرامداس ءبولىمى، سىرتقى ديپلوماتيالىق بايلانىس پەن ىنتىماقتاستىقتى ىلگەرىلەتىپ، جەرگىلىكتى رەفورما مەن دامۋدى جەبەۋدە ماڭىزدى مانگە يە. ورتالىق سىرتقى ىستەر قىزمەتى كوميتەتىنىڭ ورتالىقتانعان ءبىر تۇتاس باسشىلىعىندا جەرگىلىكتى سىرتقى ىستەر قىزمەتىن ءبىر تۇتاس جاقسى ىستەپ، جەر - جەردىڭ بايلىعىن جالپى جاعداي تۇرعىسىنان شوعىرلى تۇردە رەتتەپ جانە ۇيلەسىمدى تۇردە سەپتەپ، قاتىستى قىزمەتتەردى نىسانالى، ءتارتىپتى تۇردە ىلگەرىلەتۋ قاجەت.

  شي جينپيڭ مىنالاردى باسا دارىپتەدى: جاڭا جاعدايداعى سىرتقى ىستەر قىزمەتىن جاقسى ىستەۋ ءۇشىن، ورتالىق سىرتقى ىستەر قىزمەتى كوميتەتى شەشىم قابىلداۋ، كەڭەس قۇرۋ، سايكەستىرۋ رولىن ساۋلەلەندىرىپ، ديپلوماتيالىق نازاريا مەن امالياتتا جاڭالىق جاراتۋدى ىلگەرىلەتىپ، سىرتقى ىستەر قىزمەتىندە ۇزدىكسىز تۇردە جاڭا جاعداي اشۋعا پارمەندى تۇردە جەتەكشىلىك ەتۋ كەرەك. جوعارى دەڭگەيدە جوبالاۋ مەن ءبىر تۇتاس سايكەستىرۋدى كۇشەيتىپ، باعىت بەلگىلەۋ، جالپى جاعدايدى كوزدەۋ، ساياسات بەلگىلەۋ قابىلەتىن جوعارىلاتىپ، سىرتقى قىزمەت ءتۇزىلىسى مەن مەحانيزمىن رەفورمالاۋدى ىلگەرىلەتىپ، سىرتقى ىستەر قىزمەتى قوسىنىنىڭ قۇرىلىسىن كۇشەيتىپ، ءتۇيىندى قىزمەتتەردى ىلگەرىلەتۋ، تەكسەرۋ، قاداعالاۋدى جاقسى يگەرىپ، پارتيا ورتالىق كوميتەتىنىڭ ديپلوماتيالىق شەشىم - ورنالاستىرۋلارىنىڭ تىڭعىلىقتى تياناقتانۋىنا كەپىلدىك ەتۋ كەرەك.

  ماجىلىستە «ورتالىق سىرتقى ىستەر قىزمەتى كوميتەتىنىڭ جۇمىس ەرەجەسى»، ت.ب حۇجاتتار قاراپ ماقۇلداندى.

  ورتالىق سىرتقى ىستەر قىزمەتى كوميتەتىنىڭ مۇشەلەرى ماجىلىسكە قاتىناستى، قاتىستى باسشى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى