شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى (ءتىلشى شى جيڭنان). حالىق گازەتى مەكەمەسى ۇيىمداستىرىپ قۇراستىرعان «شي جينپيڭ قولدانعان قاناتتى سوزدەردىڭ» 2 - جيناعى جۋىقتا حالىق گازەتى مەكەمەسىنىڭ باسپاسىنان جارىق كورىپ، بۇكىل ەلگە اشىق تاراتىلدى.
شي جينپيڭنىڭ جاڭا ءداۋىر جۇڭگوشا سوتسياليزم يدەياسى − پارتيا مەن مەملەكەت ىستەرىنىڭ دامۋىن ىلگەرىلەتەتىن قۇدىرەتتى يدەيالىق قارۋ جانە ارەكەت باعدارلاماسى. پارتيانىڭ 18 - قۇرىلتايىنان بەرى، باس شۋجي شي جينپيڭنىڭ ءبىر قاتار ماڭىزدى سوزدەرى مەن ماقالالارىندا جاڭا داۋىردەگى پارتيا مەن مەملەكەت ىستەرىنىڭ دامۋى جونىندەگى ماڭىزدى نازاريالىق جانە امالي ماسەلەلەرگە جاۋاپ قايتارىلىپ، باس شۋجي شي جينپيڭنىڭ پارتيانى جونگە سالۋ، ەل باسقارۋ، ىشكى - سىرتقى ىستەر تۋراسىنداعى تەرەڭ تولعانىستارىن ايگىلەدى. وسى سوزدەر مەن ماقالالاردا قىسقا دا نۇسقا قاناتتى سوزدەر قاپىسىن تاۋىپ قولدانىلىپ، مول كەلتىرىلگەن دايەكسوزدەر كونە مەن بۇگىنگىنى بايلانىستىرىپ جاتادى. وسى قاناتتى سوزدەردەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ قاينار كوزىن تانۋعا جانە كونەنى بۇگىنگىنىڭ قاجەتىنە جاراتا بىلگەن جاسامپاز قولدانىستان جۇڭحۋانىڭ تاڭداۋلى ءداستۇرلى مادەنيەتىنىڭ ايدىندى تەرەڭدىگىن سەزىنۋگە بولادى.
باس شۋجي شي جينپيڭ دايەككە العان كونە قاناتتى سوزدەردىڭ ناقتىلى ءمانىن بايىمدايتىن «شي جينپيڭ قولدانعان قاناتتى سوزدەر» 2015 - جىلى 2 - ايدا باسپادان شىعىپ تاراتىلعاننان بەرى، اعىلشىن، فرانسۋز، ورىس، جاپون، پورتۋگال سياقتى 14 تىلدەگى نۇسقاسى جارىق كورىپ، جالپى تارالىمى 2 ميلليون داناعا تايادى. «شي جينپيڭ قولدانعان قاناتتى سوزدەردىڭ» 2 - جيناعىنا العاشقى جيناقتىڭ ۇلگىسى بويىنشا، سوڭعى جىلدارى باس شۋجي شي جينپيڭ دايەككە العان، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ايگىلەيتىن 148 قاناتتى ءسوز ەنگىزىلىپ، ولاردىڭ ناقتىلى ءمانى مەن استارى تۋرالى تۇسىنىك، تۇسىندىرمە جاسالعان، بۇل شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە، تۇسىنۋگە ماڭىزدى وقۋلىق بولادى.
