شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ، ءتۇرلى رەفورمالاردى تىڭعىلىقتى ىلگەرىلەتىپ، باس نىسانانى جۇزەگە اسىرۋعا پارمەندى كەپىلدىك ازىرلەيىك
چىن چۋانگو ءماجىلىستى باسقاردى
ءتىلشىمىز ياۋ تۇڭ 5 - ايدىڭ 15 - كۇنى ۇرىمجىدەن حابارلايدى. 5 - ايدىڭ 15 - كۇنى ءتۇستىڭ الدىندا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 2 - ماجىلىسىندەگى ماڭىزدى ءسوزىنىڭ رۋحىن جانە ۋىنچۋانداعى جەر سىلكىنىسىنىڭ 10 جىلدىعى جونىندەگى حالىقارالىق زەرتتەۋ - تالقى جيىنى مەن قۇرلىق جەر سىلكىنىسى جونىندەگى 4 - كەزەكتى حالىقارالىق زەرتتەۋ - تالقى جيىنىنا جولداعان حاتىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 2 - ماجىلىسىندەگى ماڭىزدى سوزىندە ءتۇيىندى سالالارداعى رەفورمالاردى، اسىرەسە، ورتالىق پەن جەرگىلىكتى ورىننىڭ قۇرىلىم رەفورماسىن ىلگەرىلەتۋ جونىندە ماڭىزدى ورنالاستىرۋ جاسادى، ول پارتيا 19 - قۇرىلتايىندا ايقىندالعان ماڭىزدى رەفورما شارالارىن تياناقتاندىرۋدى ىلگەرىلەتۋدە، قۇرىلىم رەفورماسىن تىڭعىلىقتى ىلگەرىلەتۋدە كەلەلى جەتەكشى ماڭىزعا يە، ءبىز ماڭىزدى ءسوزدى مۇقيات ۇيرەنۋىمىز، ۇعىنۋىمىز، رۋحاني ءمانىن يگەرۋىمىز، باتىل دايەكتىلەندىرۋىمىز، تياناقتاندىرۋىمىز كەرەك.
«4 تانىمدى» كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ پارمەندى باسشىلىعىندا رەفورمانىڭ دۇرىس بەتالىسىن مىقتاپ يگەرىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ قاز - قالپىندا دايەكتىلەنۋىنە، تياناقتانۋىنا شىنايى كەپىلدىك ەتۋىمىز كەرەك. قىزمەت تۇيىندەرىن كورنەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قۇرىلىم رەفورماسى جونىندەگى ورنالاستىرۋ تالاپتارىن جاپپاي دايەكتىلەندىرىپ، پارتيانىڭ جالپى بەتتىك باسشىلىعىن كۇشەيتۋدى ءبىر تۇتاس باسشىلىققا الىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن بەتالىس، پارتيا، ۇكىمەت قۇرىلىمدارىنىڭ فۋنكتسياسىنىڭ ساپالىلانۋىن، سايكەستىلىگىن، ونىمدىلىگىن ىلگەرىلەتۋدى كۇش سالۋ ءتۇيىنى ەتىپ، جەرگىلىكتى ورىنداردىڭ قۇرىلىم رەفورماسىن بەلسەندى، ورنىقتى تۇردە ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ءتۇزىم جاعىنان پارمەندى كەپىلدىك ازىرلەۋىمىز كەرەك. ماسەلەنى نىشان ەتۋدەن جازباي، پارتيا ورتالىق كوميتەتىنىڭ شەشىم - ورنالاستىرۋلارىن دايەكتىلەندىرۋدى العى شارت ەتە وتىرىپ، شىندىقتى ءىس جۇزىنەن ىزدەپ، جەرگىلىكتى جاعدايعا قاراي ىستەپ، كورنەكتى ماسەلەلەر توڭىرەگىندە شەشۋشى بۋىنداردى يگەرىپ، تالداۋ مەن تۇجىرىم جاساۋدى كۇشەيتىپ، ءتيىمدى ورايدى ۇستاپ، ماڭىزدى تۇيىندەردە قامال الىپ، ءتۇرلى رەفورمالاردىڭ جەدەل، نىق قاداممەن، ءتارتىپتى ىلگەرىلەۋىنە جەتەكشىلىك ەتۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ پارمەندى باسشىلىعىندا، باس شۋجي شي جينپيڭنىڭ شىنايى قامقورلىعىندا ۋىنچۋانداعى ەرەكشە اۋىر جەر سىلكىنىسى اپاتىنان كەيىنگى قالپىنا كەلتىرۋ، قايتا قۇرۋ، دامىتۋ ىستەرىندە كۇللى الەمدى جالت قاراتقان كەلەلى تابىستارعا قول جەتىپ، جۇڭگوشا سوتسياليستىك ءتۇزىمنىڭ وراسان زور ابزالدىلىعىن تولىق كورسەتتى. كوكتەم مەرەكەسى قارساڭىندا، باس شۋجي شي جينپيڭ ۋىنچۋاندا اپاتتان كەيىنگى قالپىنا كەلتىرۋ، قايتا قۇرۋ، دامىتۋ جاعدايلارىن تەكسەرىپ، ءار ۇلت بۇقاراسىنان حال سۇرادى، ۋىنچۋانداعى جەر سىلكىنىسىنىڭ 10 جىلدىعى قارساڭىندا، باس شۋجي شي جينپيڭ ۋىنچۋانداعى جەر سىلكىنىسىنىڭ 10 جىلدىعى جونىندەگى حالىقارالىق زەرتتەۋ - تالقى جيىنى مەن قۇرلىق جەر سىلكىنىسى جونىندەگى 4 - كەزەكتى حالىقارالىق زەرتتەۋ - تالقى جيىنىنا حات جولداپ، باس شۋجيدىڭ حالىقتىڭ كوسەمى رەتىندە حالىقتى سۇيەتىن وسكەلەڭ قاسيەتىن تولىق ايگىلەدى، باس شۋجيدىڭ اپاتتان ساقتانۋ، اپات زيانىن ازايتۋ قىزمەتىنە بارىنشا ءمان بەرەتىندىگىن تولىق ايگىلەدى. ءبىز باس شۋجي شي جينپيڭنىڭ حاتىنىڭ رۋحىن مۇقيات ۇيرەنىپ، دايەكتىلەندىرىپ، حالىقتى وزەك ەتكەن دامۋ ۇستانىمىنان جازباي، ساقتانۋدى نەگىز ەتۋگە، اپاتتان ساقتانۋدى، اپاتقا قارسى اتتانۋدى، اپاتتان قۇتقارۋدى ۇشتاستىرۋعا تاباندى بولىپ، قالىپتى جاعدايداعى اپات زيانىن ازايتۋ مەن شۇعىل جاعدايداعى اپاتتان قۇتقارۋدى ۇشتاستىرۋعا تاباندى بولىپ، اپاتتان كەيىنگى قۇتقارۋعا، جاردەم بەرۋگە ءمان بەرۋدەن اپاتتان الدىن الا ساقتانۋعا ءمان بەرۋگە ويىسۋدى، كىلەڭ ءبىر ءتۇرلى اپاتقا توتەپ بەرۋدەن امبەباپ اپات زيانىن ازايتۋعا ويىسۋدى، اپات زيانىن ازايتۋدان اپات حاۋىپ - قاتەرىن ازايتۋعا ويىسۋدى قۇلشىنا ىسكە اسىرىپ، جاۋاپكەرلىكتى تياناقتاندىرىپ، جۇيەنى كەمەلدەندىرىپ، بايلىقتاردى بىرىكتىرىپ، كۇشتەردى ءبىر تۇتاس جوسپارلاپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىنىڭ زاڭمەن جونگە سالىنۋ، ارناعا ءتۇسىرىلۋ، وسىزاماندانۋ دەڭگەيىن شىن مانىندە جوعارىلاتىپ، تۇتاس قوعامنىڭ جاراتىلىستىق اپاتتارعا قارسى تۇرۋ جانە وعان توتەپ بەرۋ قابىلەتىن جاپپاي ءوسىرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە مىعىم كەپىلدىك ازىرلەۋىمىز كەرەك.
شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين ماجىلىسكە قاتىناستى.
