ءتاڭىرتاۋ تورابى   ›   جاڭالىقتار   ›   شينجياڭ حابارلارى

ساياسي كەڭەس اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ 2 - ءماجىلىسى جابىلدى

مىزعىماستان شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى ساياسي كەڭەس ىستەرىنىڭ دامۋىنا جەتەكشىلىك ەتەيىك

  ءتىلشىمىز لي ياڭ 5 - ايدىڭ 15 - كۇنى ۇرىمجىدەن حابارلايدى. ساياسي كەڭەس اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ 2 - ءماجىلىسى ءتۇرلى كەڭەستىك تارتىپتەردى ورىنداعاننان كەيىن 5 - ايدىڭ 15 - كۇنى تۇستەن بۇرىن ۇرىمجىدە جابىلدى. ءماجىلىس «نازاردى باس نىساناعا مىزعىماستان شوعىرلاندىرىپ، شينجياڭنىڭ ورنىقتىلىعىنا، دامۋىنا اناعۇرلىم ويداعىداي قىزمەت ەتۋ جونىندەگى قاۋلىنى» قاراپ ماقۇلدادى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى ءارى ءسوز سويلەدى.

  نۇرلان ءابىلماجىن ۇلى بۇل جولعى ماجىلىستە قول جەتكەن ناتيجەلەردى تولىق تۇراقتاندىردى. ول مىنالاردى باسا دارىپتەدى: رايونىمىزداعى ءار دارەجەلى ساياسي كەڭەس ۇيىمدارى، قالىڭ ساياسي كەڭەس مۇشەلەرى جانە ساياسي كەڭەستەگى كادرلار نازاريامەن قارۋلانۋدى كۇشەيتىپ، ساياسي دەڭگەيدى ءوسىرىپ، مىزعىماستان شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى اۆتونوميالى رايوننىڭ ساياسي كەڭەس ىستەرىنىڭ ساپالى دامۋىنا جەتەكشىلىك ەتۋ كەرەك. «4 تانىمدى» مىقتاپ ورناتىپ، «4 سەنىمدى» بەكەمدەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا تياناقتاندىرۋ قاجەت. رايونىمىزدىڭ ساياسي كەڭەس جۇيەسىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ قىزۋ ورلەۋىن كوتەرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋدى، دايەكتىلەندىرۋدى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ۇيرەنۋمەن، دايەكتىلەندىرۋمەن توعىستىرىپ، ساباقتاستىرىپ، زور كولەمدى نازاريا ۇيرەنۋ، يدەيانى بارىنشا قارۋلاندىرۋ ارقىلى قىزمەت ساپاسىن شىن مانىندە بارىنشا جوعارىلاتۋ كەرەك.

  نۇرلان ءابىلماجىن ۇلى مىنالاردى باسا دارىپتەدى: اۆتونوميالى رايوندىق پارتكومنىڭ قىزمەت ورنالاستىرۋلارىن باتىل ويداعىداي تياناقتاندىرىپ، تۇراقتى كوميتەتتىڭ بۇل جولعى قارارىندا قالىپتاسقان ءماجىلىس ورتاق تانىمىن، ءماجىلىس ناتيجەلەرىن ويداعىداي تياناقتاندىرىپ، نازاردى باس نىساناعا مىزعىماستان شوعىرلاندىرىپ، شينجياڭنىڭ ورنىقتىلىعىنا، دامۋىنا ءتىپتى دە جاقسى قىزمەت ەتۋدىڭ جاۋاپكەرشىلىگىن ويداعىداي وتەۋ كەرەك. مۇرات - سەنىمدى بەكەمدەۋ، ساياسي جاۋاپكەرلىكتى كۇشەيتۋ جاعىندا ۇلگى بولۋعا؛ نازاردى باس نىساناعا شوعىرلاندىرۋ، قوعامنىڭ جاراسىمدىلىعىن، ورنىقتىلىعىن قورعاۋ جاعىندا جاۋاپكەرلىگىن وتەۋگە؛ جاڭا دامۋ ۇستانىمىن دايەكتىلەندىرۋ، ساپالى دامۋدى ىلگەرىلەتۋ جاعىندا اقىل - كەڭەس بەرۋگە؛ ۇلتتار ىنتىماعىن نىعايتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ جاعىندا تىلەك پەن كۇشتى بىرىكتىرۋگە؛ ءدىن تاتۋلىعىن، جاراسىمدىلىعىن جەبەۋ، ءدىني ۇشقارىلىقتان ساقتانۋ جانە وعان قارسى تۇرۋ جاعىندا رولىن ساۋلەلەندىرۋگە كۇش سالىپ، جاڭا بەينەمەن، جاڭا ىسكەرلىكپەن، جاڭا ستيلمەن، جاڭا ناتيجەمەن ۇزدىك جاۋاپ قايتارۋ كەرەك.

  نۇرلان ءابىلماجىن ۇلى مىنالاردى تالاپ ەتتى: جەرگىلىكتى ساياسي كەڭەس باس حاتشىلارى قىزمەتى جونىندەگى مەملەكەتتىك ءماجىلىستىڭ رۋحىن دەن قويا ۇيرەنىپ، دايەكتىلەندىرىپ، قىزمەت جاۋاپكەرلىگىن كۇشەيتىپ، تەكسەرىپ - زەرتتەۋ ساپاسىن ءوسىرىپ، جوعارى ساپالى ساياسي كەڭەس مۇشەلەرى قوسىنىن، ساياسي كەڭەس ورگانى كادرلارى قوسىنىن قۇرىپ، كۇشتى جاۋاپكەرلىك سەزىممەن، بورىشتىلىق سەزىممەن ساياسي كەڭەس قىزمەتىندە ناقتى ونىمدىلىككە قول جەتكىزۋگە قۇلشىنۋ كەرەك.

  ءماجىلىس كادرلارعا قاتىستى ىستەردى دە ماقۇلدادى.

  اۆتونوميالى رايوندىق ساياسي كەڭەستىڭ ورىنباسار ءتوراعاسى ماعاۋ سەيتقامزا ۇلى ءماجىلىستى باسقاردى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، مۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ءىلھام سابىر، ابدۇرىقىپ ءتومۇرنياز ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى