سەرىك سابىر ۇلى
اۆتوكولىكتى مەرزىمگە ءبولىپ قايتارۋعا بولاتىن قارىزعا ساتىپ الۋ جونىندە ادامداردىڭ ۇستانعان كوزقاراسى تۇرلىشە بولاتىنى داۋسىز. ايتالىق، شەتەلدە اۆتوكولىك اقشاسىنىڭ %80ىن مەرزىمگە ءبولىپ تولەۋگە بولادى، ەلىمىزدە بۇل سالىستىرما %50كە دە جەتپەيدى. دەسەدە، اۆتوكولىكتىڭ ساتىلۋى وتە تەز؛ ءبىراق، اۆتوكولىكتى نەلىكتەن مەرزىمگە ءبولىپ قايتارۋعا بولاتىن قارىزعا ساتىپ الامىز؟ ەندەشە، قۇنى 100 مىڭ يۋاندىق اۆتوكولىكتى ساتىپ الۋدى مىسالمەن تۇسىندىرەيىك.
قالتادا قالاتىن ناق اقشا كوپ بولادى: اۆتوكولىكتى مەرزىمگە ءبولىپ قايتارۋعا بولاتىن قارىز اقشاعا ساتىپ العاندا، قالتادا قالاتىن ناق اقشا كوپ بولادى. ماسەلەن، قۇنى 100 مىڭ يۋاندىق اۆتوكولىك ساتىپ العاندا، الدىمەن 30 مىڭ يۋان تولەۋگە بولادى. قالعان 70 مىڭ يۋان قالتامىزدا قالادى؛ ساۋدامەن اينالىساتىندار جونىنەن، بۇدان ارتىق اقىلعا قونىمدى شارا بولماس.
از اقشامەن دە اۆتوكولىك ساتىپ الۋعا بولادى: ءسىز مەرزىمگە ءبولىپ قايتارۋعا بولاتىن قارىز اقشاعا اۆتوكولىك ساتىپ الساڭىز، 30 مىڭ يۋانمەن دە اۆتوكولىك ساتىپ الۋىڭىزعا بولادى، ساتىپ الاتىنىڭىز جاي اۆتوكولىك بولمايدى.
كولىك توزادى: 100 مىڭ يۋانعا ساتىپ العان اۆتوكولىكتىڭ قۇنى 2 - جىلى 80 مىڭ يۋانعا ءتۇسىپ قالادى؛ ساتىپ العانىڭىز جاي اۆتوكولىك بولسا، كەلەسى جىلى قۇنى ءتىپتى دە تومەندەيدى. دەسەدە، ءسىز العاشىندا 100 مىڭ يۋانعا ساتىپ العان اۆتوكولىكتىڭ قۇنى 80 مىڭ يۋانعا ءتۇسىپ قالسا، زيانىڭىز، ارينە، كوپ بولادى.
قارجى قوسۋ: اۆتوكولىكتى مەرزىمگە ءبولىپ قايتارۋعا بولاتىن قارىز اقشاعا ساتىپ الساڭىز، قالتادا قالعان ناق اقشانى قارجى رەتىندە پايدالانىپ ساۋداعا ىستەۋگە بولادى. اقشانى ناق تولەپ اۆتوكولىك ساتىپ الساڭىز، ءبىر جىلدا 20 مىڭ يۋان زيان تارتاسىز. ودان گورى قارىزعا ساتىپ الىپ، قالعان 70 مىڭ يۋاندى قارجى رەتىندە پايدالانساڭىز، سول ءبىر جىلدا تاپقان پايداڭىز ەڭ كەمىندە 30 مىڭ يۋاننان تومەن بولمايدى.
جيىنتىق ءنومىر ارتادى: بانكە قارىز ەستەلىگىندەگى جيىنتىق ءنومىر ارتادى. ءىشىنارا ادامدار «قارىز ارقالاماۋ ەڭ جاقسى» دەپ قارايدى. ءىس جۇزىندە ولاي ەمەس. بانكەدە قارىز بولسا، بۇل ەڭ دۇرىس بانكە قارىزى سانالادى. بۇل سىزگە بەيتانىس ادامعا قارىز بەرگەننەن بانكە بەلگىلەمەلەرىن بىلەتىن، قارىزدى ۋاعىندا قايتارا الاتىن ادامعا بەرگەنمەن بىردەي شارۋا.
اقشا قاجەت بولعاندا: اقشا شۇعىل قاجەت بولعاندا ادام ەسەڭگىرەپ قالادى. مۇندايدا قالتاڭىزدا بار 100 مىڭ يۋاننىڭ بارىنە اۆتوكولىك ساتىپ الساڭىز، قالتاڭىز قاعىلىپ قالادى، سونىمەن جاي تاپپايسىز. سوندىقتان اۆتوكولىكتى مەرزىمگە ءبولىپ قايتارۋعا بولاتىن قارىز اقشاعا ساتىپ الساڭىز، اقشا شۇعىل قاجەت بولعاندا بوسقا اۋرە بولمايسىز.
تۇرمىس ريتىمى قالىپتى بولادى: اۆتوكولىكتى مەرزىمگە ءبولىپ قايتارۋعا بولاتىن قارىز اقشاعا ساتىپ الساڭىز، تۇرمىس ريتىمىنە ىقپال ەتپەيدى. تۇرمىس ريتىمى باياعىسىنشا قالىپتى بولادى. ويتكەنى، ءسىز قارىز قايتارۋدى اۋىرتپالىق سەزىنەسىز دە جالعاستى قۇلشىناسىز.
ءوسىمسىز قارىز: زاۆود ءوسىمسىز قارىز ءتۇزىمىن اتقارعان بولىپ، اۆتوكولىكتى زاۆود بەكىتكەن ءوسىمسىز قارىز اقشاعا ساتىپ الساڭىز، 2 − 3 جىلعا دەيىن ءوسىم تولەپ جۇرمەيسىز، ارينە، نەشە مىڭ يۋان قالتاڭىزدا قالادى؛ مۇنداي ءوسىمسىز قارىزدان ۇتىمدى پايدالانباساڭىز، بۇدان ارتىق اقىماقتىق بولماس.
ارينە، قارىزعا ساتىپ العان اۆتوكولىگىڭىزدىڭ قارىز اقشاسىن ۋاعىندا قايتارۋىڭىز كەرەك، ويتپەگەندە تۇرمىسىڭىزعا اۋرەشىلىك اكەلىپ قالماستان، سەنىمدىلىكتەن ايرىلىپ، زاڭدىق جاۋاپكەرشىلىك ارقالاۋىڭىز دا مۇمكىن.
