شوكىرات زاكىر، شۋ يىنبياۋ اڭگىمە ماجىلىسكە قاتىناستى ءارى ءسوز سويلەدى
ءتىلشىمىز يۋان لەي 5 - ايدىڭ 15 - كۇنى ۇرىمجىدەن حابارلايدى. 5 - ايدىڭ 15 - كۇنى اۆتونوميالى رايوندىق حالىق ۇكىمەتى مەن مەملەكەتتىك ەلەكتر تورى سەرىكتەستىگى ۇرىمجىدە اڭگىمە ءماجىلىس وتكىزىپ، شينجياڭنىڭ ەلەكتر تورى قۇرىلىسى ءىسى جونىندە پىكىر اۋىستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، مەملەكەتتىك ەلەكتر تورى سەرىكتەستىگىنىڭ باسالقاسى، پارتيا باسشىلىق گرۋپپاسىنىڭ شۋجيى شۋ يىنبياۋ اڭگىمە ماجىلىسكە قاتىناستى ءارى ءسوز سويلەدى.
شوكىرات زاكىر اۆتونوميالى رايوندىق پارتكوم، ۇكىمەت اتىنان شۋ يىنبياۋ مەن سەرىكتەرىن قارسى الاتىندىعىن ءبىلدىرىپ، مەملەكەتتىك ەلەكتر تورى سەرىكتەستىگىنىڭ تالاي ۋاقىتتان بەرى شينجياڭنىڭ دامۋ، ورنىقتىلىق قىزمەتتەرىنە كوڭىل ءبولىپ، قولداعانىنا شىن جۇرەكتەن العىس ايتتى. شوكىرات زاكىر بىلاي دەدى: ەكونوميكانىڭ، قوعامنىڭ دامۋى ەلەكتر قۋاتىنىڭ سۇيەۋىنەن ايرىلا المايدى. سوڭعى جىلدارى مەملەكەتتىك ەلەكتر تورى سەرىكتەستىگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىم - ورنالاستىرۋلارىن مۇقيات دايەكتىلەندىرىپ، تياناقتاندىرىپ، شينجياڭنىڭ ءار دارەجەلى ەلەكتر تورى قۇرىلىسىن قولداۋ سەرپىنىن ۇزدىكسىز ارتتىرعاندىقتان، شينجياڭنىڭ ەلەكتر كاسىبى ءبىرشاما تەز دامىدى. مەملەكەتتىك ەلەكتر تورى سەرىكتەستىگىنىڭ زور كۇشپەن قولداۋىندا شينجياڭنىڭ ەلەكترمەن قامداۋ، قامتاماسىز ەتۋ قابىلەتى جاپپاي جوعارىلاپ، «شينجياڭنىڭ ەلەكترىن سىرتقا جەتكىزۋ» قابىلەتى اناعۇرلىم ءوستى، 750 كيلوۆولتتىق تور تۇعىرى جەدەل دامىپ، ءىرى كومىر ەلەكتر جانە جاڭا ەنەرگيا بازاسى العاشقى قادامدا قۇرىلىپ، ەلەكتر كوزى قۇرىلىمى اناعۇرلىم ساپالىلانىپ، ەكونوميكانىڭ، قوعامنىڭ باياندى دامۋىنا پارمەندى قولداۋ مەن كەپىل ازىرلەدى.
شوكىرات زاكىر مىنالاردى ءبىلدىردى: قازىر شينجياڭدا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، ءتۇرلى قىزمەتتەردى باس نىسانا ارقىلى ءبىر تۇتاس مەڭگەرۋدە. شينجياڭ مەملەكەتتىك ەلەكتر تورى سەرىكتەستىگىمەن ءبىر نيەتپەن سەلبەسىپ، ءتىپتى، كوپ سەلبەستىك ورايىن جارىققا شىعارىپ، ءتىپتى، كوپ سەلبەستىك نىساندارىن اتقارىپ، «3 ۇلكەن قامال الۋ شايقاسىن» بىرگە ويداعىداي جۇرگىزىپ، «ءبىر بەلدەۋ، ءبىر جول» قۇرىلىسىن بىرگە ىلگەرىلەتىپ، جاڭا داۋىردەگى شينجياڭعا كومەكتەسۋ قىزمەتىنىڭ جاڭا جاعدايىن بىرگە اشادى. مەملەكەتتىك ەلەكتر تورى سەرىكتەستىگىنىڭ شينجياڭنىڭ ەنەرگيا كاسىبىنىڭ دامۋىنا بۇرىنعىداي كوڭىل ءبولىپ، قولداپ، «ەلەكترلى شينجياڭ» قۇرىلىسىن ىلگەرىلەتۋ جاقتارىندا كومەك بەرىپ، قولداپ، شينجياڭنىڭ قوعام ورنىقتىلىعى مەن باياندى تىنىشتىعىن بىرگە ىلگەرىلەتۋىن ءۇمىت ەتەمىن.
شۋ يىنبياۋ اۆتونوميالى رايوندىق پارتكومنىڭ، حالىق ۇكىمەتىنىڭ سەرىكتەستىككە ۇزاق ۋاقىتتان بەرى كوڭىل ءبولىپ، قولداۋ كورسەتكەنىنە العىسىن ءبىلدىردى. ول بىلاي دەدى: سەرىكتەستىك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مەملەكەتتىڭ ستراتەگيالىق تالاپتارىن تياناقتاندىرىپ، شينجياڭنىڭ ەكونوميكاسىنىڭ، قوعامىنىڭ دامۋىنا اناعۇرلىم جاقسى قىزمەت كورسەتەدى. مەملەكەت ساياساتىنىڭ قولداۋىندا وڭتۇستىك شينجياڭداعى 3 ايماق، ءبىر وبلىستاعى كومىردى ەلەكترگە اينالدىرۋ جۇمىسىن ورنىقتى ىلگەرىلەتىپ، ەلەكتر تورى قۇرىلىس ولشەمىن جوعارىلاتىپ، ءتۇيىندى ينجەنەريالاردى الدىمەن ىسكە قوسىپ، ءبىرىنشى توپتاعى ۇلگىلەردى باستاپ، جىلۋ ساقتايتىن ەلەكترلى جىلىتقىشتى بەلسەنە قولدانىپ، حالىق تۇرمىسى ينجەنەرياسىنىڭ سەنىمدىلىگىن كۇشەيتەدى؛ شينجياڭنىڭ 750 كيلوۆولت نەگىزگى ەلەكتر تورى قۇرىلىسىن جەدەلدەتىپ، «شينجياڭنىڭ ەلەكترىن سىرتقا شىعارۋ» بويىنشا 3 - رەتكى تۇراقتى توكتى سىرتقا جەتكىزۋ ارناسىن زەرتتەۋ، دالەلدەۋدى بەلسەنە ورىستەتەدى؛ اۋىر كەدەي رايوندارداعى كەدەيلىكتەن قۇتىلدىرۋدان قامال الۋ بويىنشا اۋىل - قىستاق ەلەكتر تورىن وزگەرتۋ، دەڭگەيىن جوعارىلاتۋ نىسانىن اتقارادى. مەملەكەتتىك ەلەكتر تورى سەرىكتەستىگى پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرى مەن ورنالاستىرۋلارىن جاپپاي دايەكتىلەندىرىپ، تياناقتاندىرىپ، ەلەكتر ارقىلى شينجياڭعا باعىتتامالى كومەكتەسۋ تەبىنىن كۇشەيتىپ، ەلەكتر تورى قۇرىلىسىن جەدەلدەتىپ، شينجياڭنىڭ ەكونوميكاسىنىڭ، قوعامىنىڭ دامۋى مەن حالىق تۇرمىسىنىڭ جاقسارۋىنا ءتىپتى دە زور ۇلەس قوسادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين شينجياڭنىڭ ەلەكتر كاسىبىنىڭ دامۋ نەگىزگى جاعدايىن جانە بيىل جىل باسىنان بەرگى ەلەكتر ءوندىرىسىنىڭ تيجارات جاعدايىن تانىستىردى.
