تيانشان تورى   ›   بىلگەنگە مارجان   ›   دەنساۋلىق

قانتتى نەسەپ اۋرۋىنا شالدىققاندار تاڭعى تاماقتان سوڭ شىنىعۋ كەرەك

        ۇيلەسىمدى مولشەردە شىنىعىپ تۇرسا، ەنەرگيانى شىعارىپ، بۇلشىق ەت كلەتكاسىنداعى ينسۋلين قابىلداعىشتىڭ سانىن جوعارىلاتىپ، قانداعى قانتتى تومەندەتەدى، ينسۋليننىڭ ءونىمى جوعارىلايدى. ارەكەتتەنۋ قان اينالىستى دا تەزدەتىپ، قانداعى ماي قۇرامى مەن قاننىڭ جابىسقاقتىعىن تومەندەتەدى. بۇنىڭ قوسانجار اۋرۋلاردى تىزگىندەۋگە پايداسى بار. سۇيەكتى بەرىكتەيدى، قانتتى نەسەپ اۋرۋىنا شالدىققانداردىڭ رۋحىن سەرپىلتىپ، بۇلشىق ەتتەرىن دامىتىپ، دەنە ساپاسىن كۇشەيتەدى. الايدا، ارەكەت جاساعاندا مىنالارعا كوڭىل ءبولۋ قاجەت:

  1. ۇيلەسىمدى ۋاقىتتى تاڭداۋ كەرەك

  كوپتەگەن ادامدار تاڭ سارىدە شىنىققاندى ۇناتادى، الايدا، قانتتى نەسەپ اۋرۋىنا شالدىققاندارعا بۇل ۇيلەسپەيدى. سەبەبى: اش قۇرساقتا ناۋقاستىڭ قانداعى قانت قۇرامى تومەن بولاتىندىقتان ، وسى كەزدە ارەكەت جاساسا، قانداعى قانتتىڭ تومەندەۋ اسەرىن وڭاي پايدا قىلادى. سوندىقتان، قانتتى نەسەپ اۋرۋىنا شالدىققاندار شىنىعۋ ۋاقىتىن تاڭەرتەڭگى تاماقتان سوڭ ءبىر ساعاتتان كەيىن ورنالاستىرۋ كەرەك. قانداعى قانتتىڭ تومەندەۋىنىڭ الدىن الۋ ءۇشىن، ازىراق پراندىك، كامپيت، شوكالات نەمەسە قانت قۇرامى بار سۋسىن جانە سۋدى بىرگە الىپ ءجۇرۋ كەرەك.

  2. وتە قاتتى ارەكەت جاساماۋ قاجەت

  كۇشەمەلىلىگى قالىپتى، ريتىمى باياۋ تىنىستى ارەكەتتەر ىستەۋ كەرەك. مىسالى، سەيىلدەۋ، باياۋ جۇگىرۋ، گيمناستيكا ويناۋ، تايجي جۇدىرىقشىلىعىمەن اينالىسۋ، تايجي قىلىشپازدىعىمەن ماشىقتانۋ، بيلەۋ ، ياڭگى ءبيىن بيلەۋ قاتارلىلار.

  3. اياقتىڭ جارالانۋىنىڭ الدىن الۋ

  ارەكەت جاساعاندا، سەرپىمدىلىگى بار، تابانى ءسال قالىڭ، جۇلىعى جۇمساق سپورت شاقايى مەن سۋ سىمىرگىشتىگى نەداۋىر جاقسى ماقتالى بايپاق كيۋ قاجەت. ۇنەمى شاقاي ىشىندە بوگدە زاتتىڭ بار - جوقتىعىن تەكسەرىپ، دەر كەزىندە بوگدە زاتتاردى تازارتىپ، اياقتىڭ زاقىمدالۋىنان ساقتانعان ءجون.

  4. قانداعى قانت قۇرامىن تەكسەرىپ تۇرعان ءجون

  قانداعى قانت وتە جوعارى بولسا ( ليتر∕ميليمول 16 دان ۇلكەن) نەمەسە وتە تومەن بولسا (ليتر∕ميليمول 3.6 دان كىشى) ارەكەتتەنبەۋ قاجەت. قوسىمشا جۇرەك - قان تامىر اۋرۋى، بۇيرەك اۋرۋى بارلار ارەكەت مولشەرىن تەجەۋ كەرەك.

  5. جۇرەك ريتىمىن تەكسەرىپ تۇرۋ كەرەك

  ارەكەتتەنۋ بارىسىنداعى جۇرەك ريتىمى جاسقا قاراي 170 رەت اينالاسىندا بولۋ، استە جاۋاپكەرسىزدىكپەن كوزسىز ارەكەت جاساماۋ كەرەك.

  اۋدارعان: باعدات نۇرمۇقاش ۇلى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى