جۇڭگو قورەكتىك وداعىنىڭ ساناعىنا نەگىزدەلگەندە، ەكونوميكاسى دامىعان رايونداردا تەز ريتىمدى تۇرمىس پەن قاربالاس قىزمەت سەبەبىنەن قالاداعى ايەلدەر تاڭەرتەڭگى استىڭ ماڭىزدىلىعىنا جەڭىل - جەلپى قاراعاندىقتان سەمىرۋ، جۇرەك - مي قان تامىر اۋرۋلارى سياقتى اۋرۋلارعا شالدىعۋ سالىستىرماسى جوعارىلاعان.
1. وڭاي سەمىرەدى. تاڭەرتەڭگى استى ىشپەگەندىكتەن، تۇسكى اس پەن كەشكى استى كوپ تۇتىنادى، اسىرەسە، كەشكى استان كەيىن كوپ ۇزاماي ۇيىقتايتىندىقتان، اعزا استى قورىتىپ، سىمىرۋگە ۇلگىرە المايدى دا، مايدىڭ جينالۋىنا سەبەپ بولىپ، ادامدى وڭاي سەمىرتەدى.
2. تاڭەرتەڭگى استى ىشپەۋ ايەلدەردىڭ اجارىنا ىقپال جاسايدى. تاڭەرتەڭگى استى ىشپەۋ، تەمەكى تارتۋ، اراق ءىشۋ، تاڭ اتقانشا قۇمار ويناۋ سىندى ناشار ادەتتەرمەن بىردەي ايەلدەردىڭ اجارىنا ىقپال جاسايدى. تاڭەرتەڭگى استى ىشپەگەندە قان ازدىق، قورەكتىك جەتىسپەۋ سياقتى اۋرۋلار پايدا بولىپ، دەنساۋلىققا اۋىر دارەجەدە ىقپال جاساپ قالماستان، ونىڭ ۇستىنە ايەلدەردىڭ ءوڭى سارعايادى.
3. قارتايۋدى تەزدەتەدى. تاڭەرتەڭگى استى ىشپەگەندە، ادام دەنەسى دەنەدەگى ساقتالعان گليكوگەن مەن بەلوكتان پايدالانادى، ۋاقىت ۇزارا كەلە تەرى قۇرعاپ، ءاجىم ءتۇسىپ، قارتايۋدى تەزدەتەدى.
4. قارسىلىق قۋاتىن تومەندەتەدى. ۇزاق ۋاقىت تاڭەرتەڭگى استى ىشپەۋ تۇتاس ءبىر كۇندىك ەنەرگيا مەن قورەكتىك زاتتىڭ جەتىسپەۋىن كەلتىرىپ شىعارىپ، ىشەك كىلەگەي قابىعىن زاقىمداپ، اس قورىتۋ جۇيەسىندە اۋرۋ پايدا قىلىپ، بۇكىل دەنەنىڭ يممۋنيتەتتىك قۋاتى تومەندەپ، دەنەنىڭ قارسىلىق قۋاتى زور دارەجەدە تومەندەيدى.
5. وتكە تاس بايلانۋعا سەبەپ بولادى. تاڭەرتەڭگى استى ىشپەگەندە، اسقازاندا اس بولماسا دا بۇرىنعىداي جيىرىلىپ، كەشتە ءبولىنىپ شىققان اسقازان قىشقىلى اسقازان ءبۇيىرىن تىتىركەندىرىپ، اسقازان كىلەگەي قابىعىن زاقىمدايدى، سونىمەن بىرگە ءوت قالتاسىنداعى ءوت سۇيىقتىعى ءبولىنىپ شىعا الماي، ءوت سۇيىقتىعىنداعى حولەستەرين كوپ مولشەردە ءبولىنىپ، تۇنبا قالىپتاستىرىپ، ۋاقىت ۇزارا كەلە وتكە تاس بايلانۋ اۋرۋىن كەلتىرىپ شىعارادى.
6. اس قورىتۋ جولىندا اۋرۋ پايدا بولادى. تاڭەرتەڭگى استى ىشپەگەندە، اسقازان قىشقىلىنىڭ ءبولىنۋى مەن ءوت سۇيىقتىعىنىڭ سىرتقا شىعارىلۋىنا ىقپال جاسايدى، وسىلاي بولعاندا اس قورىتۋ جۇيەسىنىڭ قىزمەتىن السىرەتىپ، اسقازان قابىنۋ، اسقازان جاراسى، وتكە تاس بايلانۋ سياقتى اس قورىتۋ جۇيەسىندەگى اۋرۋلاردى پايدا قىلادى.
7. ۇيرەنۋ مەن قىزمەت قابىلەتىنە ىقپال جاسايدى. تاڭەرتەڭگى استى ىشپەگەندە، قانداعى قانت قۇرامىنىڭ مولشەرى تومەندەپ، نەرۆ جۇيەسىنە قاجەتتى ەنەرگيالىق زاتتى دەر كەزىندە جەتكىزىپ بەرە المايدى. وسى ارقىلى ۇيرەنۋ ونىمدىلىگى مەن قىزمەت قابىلەتىنە ىقپال جاسايدى.
8 .ءىش قاتۋدى تۋدىرادى. ۇنەمى تاڭەرتەڭگى استى ىشپەگەندە، اسقازان مەن ىشەكتىڭ قيمىلى بىرتىندەپ السىرەپ، ءىش قاتۋعا مۇرىندىق بولادى.
