شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 16 - كۇنى يندونەزيادا تۋىلعان لاڭكەستىك شابۋىل وقيعاسى جونىندە يندونەزيانىڭ زۇڭتۇڭى جوكوعا تەلەگرامما جولداپ حال سۇرادى.
شي جينپيڭ بىلاي دەدى: يندونەزيانىڭ شىعىس جاۆا ولكەسى سۇرابايا قالاسىندا لاڭكەستىك شابۋىل وقيعاسى تۋىلعانىن ەستىپ تىكسىندىم، مەن جۇڭگو ۇكىمەتى مەن جۇڭگو حالقى اتىنان، سونداي - اق ءوز اتىمنان وقيعادا بەيكۇنا قازا تاپقاندارعا قايعىلى ازا بىلدىرەمىن، جازىقسىز جارالانعانداردان جانە قازا بولعانداردىڭ وتباسىنداعىلاردان شىنايى حال سۇرايمىن.
لاڭكەستىك − ادامزاتتىڭ ورتاق جاۋى. جۇڭگو ءارقانداي فورماداعى لاڭكەستىككە باتىل قارسى تۇرادى، يندونەزيانى قامتىعان حالىقارالىق قوعاممەن تىزە قوسا وتىرىپ، لاڭكەستىككە بىرگە سوققى بەرۋدى، دۇنيە ءجۇزى مەن ءوڭىردىڭ بەيبىتشىلىگىن، ورنىقتىلىعىن قورعاۋدى قالايدى.