تيانشان تورى
تيانشان تورى   ›   جاڭالىقتار   ›   شينجياڭ حابارلارى

كوممۋنيستىك جاستار وداعىنىڭ شينجياڭ ۇيعۇر اۆتونوميالى رايوندىق 13 - قۇرىلتايى اشىلدى

  ءتىلشىمىز لي ياڭ 5 - ايدىڭ 16 - كۇنى ۇرىمجىدەن حابارلايدى. 5 - ايدىڭ 16 - كۇنى تۇستەن كەيىن كوممۋنيستىك جاستار وداعىنىڭ شينجياڭ ۇيعۇر اۆتونوميالى رايوندىق 13 - قۇرىلتايى شينجياڭ حالىق سارايىندا اشىلدى. قۇرىلتاي شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، بۇكىل رايونىمىزداعى قالىڭ وداق مۇشەلەرى مەن جاستاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ جالىندى امالياتىندا جاستىق ورالدارىنىڭ ايبىندى داستانىن جازۋعا اتتانىسقا كەلتىردى، ۇندەدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين قۇرىلتايعا قاتىناستى ءارى ءسوز سويلەدى.

  قۇرىلتاي ايبىندى مەملەكەت گيمنىمەن باستالدى، پيونەرلەر وتريادىنىڭ ۋاكىلى ءسوز سويلەدى، حالىقتىق ۇيىمداردىڭ ۋاكىلدەرى قۇتتىقتاۋ ءسوزىن سويلەدى.

  لي پىڭشين اۆتونوميالى رايوندىق پارتكوم اتىنان قۇرىلتايدىڭ اشىلۋىن قۇتتىقتاپ، بارلىق ۋاكىلدەرگە، بۇكىل رايونىمىزداعى ءار ۇلت وداق مۇشەلەرى مەن جاستارعا جانە جاستار - ورەندەر ءىسى قىزمەتكەرلەرىنە سالەم جولداپ، قالىڭ جاستاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، مۇرات - سەنىمدى بەكەمدەپ، جاۋاپكەرلىكتى كۇشەيتىپ، امالياتتان قاجىرلىلىقپەن ۇيرەنىپ، وسكەلەڭ قاسيەتتى شىڭاپ، پارتيانى، وتاندى سۇيەتىن، اۋىر مىندەتتى باتىل ارقالاي الاتىن، شىندىققا تالپىنىپ، ناقتى ءىس ىستەيتىن، ءمورالدى قاستەرلەپ، ىزگىلىككە ۇمتىلاتىن جۇڭگوشا سوتسياليزمنىڭ قۇرىلىسشىلارى مەن ءىزباسارلارى بولۋعا تالپىنۋىن ءۇمىت ەتتى.

  لي پىڭشين بىلاي دەپ باسا دارىپتەدى: بۇكىل رايونىمىزداعى ءار دارەجەلى وداق ۇيىمدارى نازاردى باس نىساناعا شوعىرلاندىرىپ، كوممۋنيستىك جاستار وداعى قىزمەتىنىڭ ءتۇبىرلى مىندەتىن، قىزمەت نەگىزگى جەلىسىن، ساياسي جاۋاپكەرشىلىگىن جانە رەفورمانىڭ دۇرىس بەتالىسىن مىقتاپ يگەرىپ، وداقتى قاتاڭ جونگە سالۋدى كۇش سالا ىلگەرىلەتىپ، قالىڭ وداق مۇشەلەرىن، جاستاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا قۇلشىنا كۇرەس جۇرگىزۋگە ىنتىماقتاستىرۋ، باستاۋ كەرەك.

  لي پىڭشين مىنالاردى تالاپ ەتتى: بۇكىل رايونىمىزداعى ءار دارەجەلى پارتيا ۇيىمدارى پارتيانىڭ جاستار مەن ورەندەر جانە كوممۋنيستىك جاستار وداعى قىزمەتىنە باسشىلىعىن كۇشەيتىپ جانە جاقسارتىپ، كوممۋنيستىك جاستار وداعىنىڭ ۋستاۆ بويىنشا قىزمەت ورىستەتۋىن قولداپ، پارتيانىڭ بيلىك جۇرگىزۋىنىڭ جاستار قاۋىمى اراسىنداعى نەگىزىن ۇزدىكسىز بەكەمدەۋ جانە نىعايتۋ كەرەك.

  كوممۋنيستىك جاستار وداعى ورتالىق كوميتەتى شۋجيچۋىنىڭ شۋجيى، مەملەكەتتىك جاستار بىرلەستىگىنىڭ ورىنباسار ءتوراعاسى ۋاڭ حۇڭيان كوممۋنيستىك جاستار وداعى ورتالىق كوميتەتى اتىنان قۇرىلتايدا ءسوز سويلەدى.

  مامەتجان داۋۇت جولداس كوممۋنيستىك جاستار وداعى شينجياڭ ۇيعۇر اۆتونوميالى رايوندىق 12 - كەزەكتى كوميتەتى اتىنان قىزمەت بايانداماسىن جاسادى.

  اۆتونوميالى رايون مەن بيڭتۋاننىڭ باسشىلارىنان سارقىت اقان ۇلى، گۇلشات ابدۇقادىر، رىن حۋا، ماعاۋ سەيتقامزا ۇلى، ليۋ جيانميڭ قۇرىلتايعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.