ازەز ءوزىنىڭ تۋىندىسىن كورسەتۋدە
اقسۋ ايماعىنىڭ اۋىل-قىستاقتارىنا بارا قالساڭىز، حالىق اراسىنداعى قولونەر شەبەرلەرىن كەزدەستىرەسىز، ولاردىڭ قولىنان شىققان ءاربىر تۋىندى جۇرتتى تاڭ قالدىرادى ءارى ءلاززات باعىشتايدى.
قاپاق — جۇڭحۋا ۇلتتارىنىڭ بايىرعى قۇت بەلگىلەرىنىڭ ءبىرى. اقسۋ ايماعىندا قاپاقتان جاسالعان قولونەر بۇيىمدارىن بارلىق جەردەن كەزدەستىرەسىز، ادامدار ونى ەسىگىنە ءىلىپ قويادى، قۇت اكەلەدى دەپ قارايدى.
وزدىگىنەن ۇيرەنىپ اتى الەمگە جايىلدى
5-ايدىڭ 11-كۇنى، شايار اۋدانىنداعى شارۋا وتباسىنىڭ اۋلاسىنان ءتىلشى اتاعى الەمگە جايىلعان «قاپاق پاتشاسى» ازەز مامەتتى كەزدەستىردى، ول ويما ويۋعا عانا ەمەس، جاڭالىق جاراتۋعا دا شەبەر ەكەن.
ول ءۇيىن ورماننىڭ شەتىنە سالعان. ونىڭ ارتقى اۋلاسىندا 5 شارشى مەترگە جەتپەيتىن اعاش ءۇي بار، ەسىك الدىنا جەمىستەر ەگىلگەن، ورمانداعى قۇستاردىڭ سايراعان داۋىسى ەستىلىپ تۇرادى.
وسى شاعىن اعاش ءۇي ونىڭ قىزمەت بولمەسى. ىشىنە الاسا ۇستەل قويىلعان، ۇستىندە ءالى جاسالىپ بولماعان قاپاق ويمالار مەن قاجەتتى قۇرالدارى تۇر، اعاش قابىرعادا مۇقام سىزىلعان ماي بوياۋلى سۋرەت ءىلۋلى، ماي بوياۋلى سۋرەتتىڭ الدىنا ۇلكەن اعاش شاۋگىم مەن ارفا قويلىپتى. ۇستەلدىڭ ەكى جاعىندا شاعىن كرەسلو بار ەكەن، ازەز ادەتتە وسىندا وتىرىپ قاپاق ويما جاسايدى ەكەن.
69 جاسقا كەلگەن ازەز، دەنساۋلىعى جاقسى بولماعاندىقتان، پەنسياعا شىققانىنا كوپ جىل بولعان. پەنسياعا شىققاننان كەيىن، ول بار زەيىن-زەردەسىن قاپاق ويماسىنا جۇمسايدى، ارا-تۇرا مۋزىكا اسپاپتارىن دا جاسايدى.
ازەزدىڭ اكەسى دە قاپاق ويماشىسى بولاتىن. قارشادايىنان اكەسىنىڭ قاپاق ويماسىن كورۋگە قۇشتار ەدى. 1988-جىلى اكەسىنىڭ جەتەكشىلىگىندە، قاپاق ويماسىن ويۋدى ۇيرەنەدى.
ەرەكشە ونەرگە ماحاببات ورناتادى
ازەز تىلشىگە: «قاپاق ويماسىن جاساۋ ءۇشىن الدىمەن ەڭ جاقسى قاپاقتى تاڭداۋ كەرەك، ونان سوڭ، جاسىل قابىعىن ارشىپ تاستاپ، سارى قابىعىن قالدىرامىز، ودان كەيىن، بارىپ ويامىز، رەڭ بەرەمىز»،-دەدى.
ءار جىلى كۇزدە، ازەز ويداعىداي قاپاق تاڭداۋ ءۇشىن، شايار، اۋات قاتارلى جەرلەرگە شاپقىلايدى. 30 نەشە جىلدان بەرى، ازەز ۇزدىكسىز زەرتتەۋ ارقىلى تەحنيكاسىن جوعارىلاتىپ، اتاعى الەمگە جايىلعان «قاپاق پاتشاسىنا» اينالدى، كوپتەگەن ادامدار ونىڭ اتاعىنا جىعىلىپ، ونىڭ قاپاس ويماسىن ساتىپ الادى.
2008-جىلى، بەيجيڭ وليمپيادا جارىسىن قارسى الۋ ءۇشىن، ازەز 29 كۇن ۋاقىت جۇمساپ، 56 قاپاق جاساپ شىعادى، ماعىناسى 56 ۇلت بولىنبەس تۇلعا دەگەندى بىلدىرەدى، بۇل قاپاق شايار اۋداندىق مۇراجايدا ساقتاۋلى.
ازەزدىڭ قاپاس ويماسىنىڭ باعاسى 500 دە 3000 يۋان. ەڭ تاماشا بىرەۋى 20 مىڭ يۋانعا ساتىلعان. قاپاق ويما ارقىلى كىرىس كىرگىزۋگە بولادى، ءبىراق كوپتەگەن ادامداردىڭ ۇيرەنگىسى كەلمەيتىنى ونىڭ ارقاسىنا ايازداي باتادى، بۇرىن ونى ارنايى ىزدەپ كەلىپ ۇيرەنگەن جاس تا جاپاسىنا شىداماي ورتا جولدا بۇل كاسىپتى تاستايدى. قاپاق ويماسىن ۇرپاقتان-ۇرپاققا جالعاۋ ءۇشىن، ءىنىسى مەن ۇلىنا زورلىقپەن ۇيرەتەدى.
قولى بوساي قالعاندا كورشى اۋداندارداعى كاسىپتەستەرىمەن تاجىريبە الماستىرىپ تۇرادى، ونىڭ جانى جاڭالىققا قۇشتار ازەز ۇيىندەگى كونە ۇلگىدەگى تاس تيرمەندى اۆتوماتتى تاس تيرمەنگە وزگەرتىپ، اۋىلداستارىنىڭ اقىسىز پايدالانۋىنا جول قويادى. ول ءتىپتى اۆتوماتتى تەربەلەتىن بەسىك جاساپ، USB جالعاۋ ارقىلى مۋزىكا قويا الادى.
«ول ءبىر جاقسى ادام، ادەتتە جۇمىس ىستەگەندە، بىزگە قولايسىز تۇستارىن كورسە دەرەۋ قاجەتتى قۇرال جاساپ، ءبىزدىڭ اۋىرتپالىعىمىزدى جەڭىلدەتەدى، جاستاردىڭ ونىڭ ونەرىن ۇيرەنۋىن ءۇمىت ەتەمىن»،-دەدى ازەزدىڭ جۇبايى جۇزىنەن باقىت لەبى ەسىپ.
