ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن وتكىزدى

پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرۋگە، تياناقتاندىرۋعا كەپىلدىك ەتەيىك

  ءتىلشىمىز جاۋ جىيۇن 5 - ايدىڭ 16 - كۇنى ۇرىمجىدەن حابارلايدى. 5 - ايدىڭ 16 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ تاياۋدان بەرگى جەلىلەس ماڭىزدى سوزدەرىنىڭ رۋحىن جەتكىزدى، ۇيرەندى، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن، ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى اۆتونوميالى رايوندىق تەلەۆيزور - تەلەفون ءماجىلىسىنىڭ رۋحىن جەتكىزدى، ۇيرەندى، تۇراقتى كوميتەتتىڭ دايەكتىلەندىرۋ، تياناقتاندىرۋ جونىندەگى پىكىرلەرى مەن تاعى باسقا ىستەردى اقىلداستى.

  اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى ءارى ءسوز سويلەدى.

  ءماجىلىس بىلاي دەپ باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، «4 تانىمدى» كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنىڭ تالاپتارىن دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، حالىق قۇرىلتايىنىڭ رەفورمانى جاپپاي تەرەڭدەتۋدەگى مىندەت جاۋاپكەرلىگى مەن رولىن ويداعىداي ساۋلەلەندىرىپ، رەفورمانىڭ دۇرىس بەتالىسىن مىقتاپ يگەرىپ، ءبىر تۇتاس جوسپارلاۋ تەبىنىن ارتتىرىپ، رەفورما قاعيداسىن ايقىنداپ، قۇرىلىم رەفورماسىنىڭ مىندەتتەرىن تابىستى ورىنداۋعا كەپىلدىك ەتۋ كەرەك. رەفورماعا ساياتىن زاڭ شىعارۋ قىزمەتىن ۇزدىكسىز ويداعىداي ىستەپ، رەفورمادا تابىسقا جەتكەن تاجىريبەلەردى دەر كەزىندە زاڭ - ەرەجە دەڭگەيىنە كوتەرىپ، زاڭ شىعارۋدىڭ جەتەكشىلىك ەتۋ جانە ىلگەرىلەتۋ رولىن تولىق ساۋلەلەندىرىپ، اۆتونوميالى رايوننىڭ كەلەلى رەفورما شارالارىنىڭ زاڭدىق نەگىزى بولۋىنا، ءساتتى اتقارىلۋىنا، تۇبەگەيلى تياناقتانۋىنا كەپىلدىك ەتۋ كەرەك.

  ءماجىلىس مىنالاردى تالاپ ەتتى: حالىقتى وزەك ەتكەن دامۋ ۇستانىمىنان جازباي، ساقتانۋدى نەگىز ەتىپ، اپاتتان ساقتانۋدى، اپاتقا قارسى اتتانۋدى، اپاتتان قۇتقارۋدى ۇشتاستىرۋعا تاباندى بولىپ، قالىپتى جاعدايداعى اپات زيانىن ازايتۋ مەن شۇعىل جاعدايداعى اپاتتان قۇتقارۋدى ۇشتاستىرىپ، رايونىمىزدىڭ قاتىستى زاڭ - ەرەجەلەرىن كەمەلدەندىرىپ، اپاتتان ساقتانۋدى، اپات زيانىن ازايتۋدى، اپاتقا قارسى اتتانۋدى، اپاتتان قۇتقارۋدى پارمەندى زاڭدىق كەپىلدىككە يە ەتۋ كەرەك. زاڭدىق باقىلاۋ مەن قىزمەتتىك باقىلاۋدى شىن مانىندە ويداعىداي ورىستەتىپ، زاڭدار مەن زاڭ - ەرەجەلەردىڭ جانە ساياسات، شارالاردىڭ تياناقتانۋىن ىلگەرىلەتىپ، رايونىمىزدىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىنىڭ زاڭمەن جونگە سالىنۋ، ارناعا ءتۇسىرىلۋ، وسىزاماندانۋ دەڭگەيىن ىلگەرىلەتىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قورعاۋعا مىعىم كەپىل ازىرلەۋ كەرەك.

  ءماجىلىس مىنالاردى تالاپ ەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ينتەرنەتتى زاڭ بويىنشا جونگە سالۋدا تاباندى بولىپ، ينتەرنەت حاۋىپسىزدىگى جانە ينفورماتسيالاندىرۋ قىزمەتىن جاپپاي كۇشەيتۋ جونىندەگى زاڭ - ەرەجەلەردى كەمەلدەندىرىپ، قاتىستى زاڭدار مەن زاڭ - ەرەجەلەردىڭ اتقارىلۋىن تەكسەرۋدى كۇشەيتىپ، ينتەرنەتتىڭ قاشاندا زاڭمەن جونگە سالۋ ارناسىمەن اقاۋسىز جۇرىلۋىنە كەپىلدىك ەتۋ كەرەك. حالىق قۇرىلتايى ۋاكىلدەرىنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىن كۇشەيتۋدەگى رولىن تولىق ساۋلەلەندىرىپ، حالىق قۇرىلتايى ۋاكىلدەرىنىڭ قاتىستى كەڭەستىك جوبالارى مەن ۇسىنىستارىن ءونىمدى ءبىر جايلى ەتىپ، قۇدىرەتتى بىرىككەن كۇش قالىپتاستىرۋ كەرەك. تۇراقتى كوميتەت ورگانىنىڭ ەلەكتروندىق اكىمشىلىك ءىسى قۇرىلىسىن جەدەلدەتىپ، ۋاكىلدەردىڭ مىندەت اتقارۋ، زاڭ - ەرەجەلەردى ەستەلىككە الىپ تەكسەرۋ، مەجە ەسەپتى جەلىدە باقىلاۋ سياقتى ينتەرنەت تۇعىرلارىن ورناتىپ جانە ونى كەمەلدەندىرىپ، ۋاكىلدەر مەن حالىق بۇقاراسىنىڭ كوڭىل ءبولىپ وتىرعان ماسەلەلەرىنە دەر كەزىندە جاۋاپ قايتارىپ، ۋاكىلدەر مەن حالىق بۇقاراسىنىڭ باقىلاۋىن اناعۇرلىم جاقسى قابىلداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا تياناقتاندىرۋعا كەپىلدىك ەتۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيلەرى، ورىنباسار مەڭگەرۋشىلەر لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەر مۇتالىپ قاسىم، گۇلشات ابدۇقادىر، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ ماجىلىسكە سىرتتاي قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى