ءتاڭىرتاۋ تورابى   ›   جاڭالىقتار   ›   شينجياڭ حابارلارى

شوكىرات زاكىر اۆتونوميالى رايوندىق ەكونوميكا جانە ينفورماتسيالاندىرۋ كوميتەتىندە تەكسەرۋ - زەرتتەۋ جۇرگىزگەندە جاڭا دامۋ ۇستانىمىن دايەكتىلەندىرىپ، ساپالى دامۋدى ىلگەرىلەتۋدى باسا دارىپتەدى

  ءتىلشىمىز يۋان لەي 5 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 5 - ايدىڭ 16 - كۇنى اۆتونوميالى رايوندىق ەكونوميكا جانە ينفورماتسيالاندىرۋ كوميتەتىندە تەكسەرۋ - زەرتتەۋ جۇرگىزدى. شوكىرات زاكىر مىنالاردى باسا دارىپتەدى: اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، سونداي - اق جەر - جەر، قاتىستى تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل تياناقتاندىرىپ، جاڭا دامۋ ۇستانىمىن دەن قويا دايەكتىلەندىرىپ، «3 ۇلكەن قامال الۋ شايقاسىن» ويداعىداي جۇرگىزىپ، ساپالى دامۋ تالابىن جاپپاي تياناقتاندىرىپ، شينجياڭدىق ەرەكشەلىككە يە وسى زامانعى كاسىپ جۇيەسىن ورناتۋ كەرەك.

  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ قىزمەت جاعدايىنان بەرگەن مالىمەتىن تىڭداعاننان كەيىن، شوكىرات زاكىر جاڭا داۋىردە ەكونوميكا جانە ينفورماتسيالاندىرۋ قىزمەتىن ويداعىداي ىستەۋ جونىندە مىناداي 4 تالاپ قويدى:

  ءبىرىنشى، قۇرىلىمدى رەتتەۋگە، تاسىلگە بۇرىلىس جاساۋعا كۇش سالىپ، قامداۋ جاعىنداعى قۇرىلىمدىق رەفورمانى تەرەڭدەتۋ كەرەك. رايونىمىز ونەركاسىبىنىڭ تۇرلەنۋىن، جاڭارۋىن كۇش سالا ىلگەرىلەتىپ، كاسىپ قۇرىلىمىن رەتتەۋ اياق الىسىن جەدەلدەتىپ، ەرەكشەلىگى، باسىمدىعى ايقىن كاسىپتەردى جەتىلدىرۋ، زورايتۋ كەرەك. تومەن دەڭگەيدەگى ءونىمسىز قامداۋدى كۇش سالا تالقانداپ، مەشەۋ وندىرىستىك قۋاتتى زاڭ - ەرەجە بويىنشا قاتاردان قالدىرۋ، اسىرەسە، بولات، كومىر ەلەكتر، سەمەنت سياقتى كاسىپتەردىڭ قاجەتتەن اسىپ قالعان جانە مەشەۋ وندىرىستىك قۋاتىن جويۋ جۇمىسىن ىلگەرىلەتىپ، قايتا بەلەڭ بەرۋىنەن باتىل ساقتانىپ، «قاجەتتەن اسىپ قالعان وندىرىستىك قۋاتتى، قامبادا باسىلىپ قالۋدى، سۇيمەندى ازايتۋدىڭ، وزىندىك قۇندى تومەندەتۋدىڭ، ولقىلىقتاردى تولىقتىرۋدىڭ» ناتيجەلەرىن اناعۇرلىم بەكەمدەۋ كەرەك.

  ەكىنشى، باسىمدىققا يە ەرەكشە كاسىپتەردى كۇش سالا دامىتىپ، جۇمىستانۋدى جەبەپ، حالىق تۇرمىسىنا تيىمدىلىك جاساۋ كەرەك. اسىرەسە، توقىماشىلىق، كيىم - كەشەك كاسىبى، اۋىل شارۋاشىلىق قوسىمشا ونىمدەرىن جىنتىكتەپ مانەرلەۋ ونەركاسىبى، ەلەكتروندىق ونىمدەردى قۇراستىرۋ كاسىبى، ساياحات كاسىبى سياقتى باسىمدىققا يە ەرەكشە كاسىپتەردى دامىتىپ، كاسىپ سالاسى ارقىلى جۇمىستانۋعا جەتەكشىلىك ەتىپ، كەدەيلىكتەن قۇتىلدىرۋدان قامال الۋعا دەم بەرىپ، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەپ، ۇلتتار ىنتىماعىن نىعايتۋ كەرەك.

  ءۇشىنشى، جاسىل تاۋ، ءمولدىر سۋ − باعالى بايلىق، مۇزدى، قارلى دالالار دا − باعالى بايلىق دەگەن ۇستانىمدى بەرىك ورناتىپ جانە ونى امالياتتا ايگىلەپ، جاسىل دامۋ، ساپالى دامۋ تالابىن مىقتى يگەرىپ، «3 جوعارى» نىساننىڭ شينجياڭعا كىرۋىن قاتاڭ تيۋ كەرەك.

  ءتورتىنشى، ينفورماتسيالاندىرۋ قۇرىلىسىن جەدەلدەتىپ، جاڭا كاسىپتى، جاڭا شارۋاشىلىق فورماتسياسىن، جاڭا ۇلگىنى بەلسەنە جەتىلدىرۋ كەرەك. سيفرلى كاسىپ سالالاندىرۋدى جەدەل ىلگەرىلەتىپ، ينفورماتسيا تەحنيكاسىنا سۇيەنىپ جاڭالىق اشۋعا دەم بەرىپ، ەكونوميكالىق قۇرىلىمدى رەتتەۋ مەن كونە كينەتيكالىق ەنەرگيانى جاڭا كينەتيكالىق ەنەرگياعا اۋىستىرۋدى ىلگەرىلەتۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى