شينحۋا اگەنتتىگىنىڭ 5 - ايدىڭ 14 - كۇنى تەگەراننان بەرگەن حابارى. يراندا ساپاردا جۇرگەن جۇڭگو شينجياڭ مادەنيەت اۋىستىرۋ ۇيىرمەسى 5 - ايدىڭ 14 - كۇنى جۇڭگونىڭ يرانداعى باس ەلشىحاناسىندا تىلشىلەر ءماجىلىسىن اشىپ، جۇڭگو - شەتەل اقپارات قۇرالدارىنا جۇڭگونىڭ ءدىني سەنىم ەركىندىگى ساياساتىن جانە شينجياڭنىڭ ەكونوميكاسى مەن قوعامىنىڭ دامۋ جەتىستىكتەرىن تانىستىردى.
جۇڭحۋا شەتەلدەرمەن دوستىق قوعامىنىڭ ورىنباسار باس حاتشىسى شۇي گۇيشياڭ بىلاي دەدى: جۇڭگو ءدىني سەنىم ەركىندىگى ساياساتىن اتقارعان ءارى زاڭمەن باسقاراتىن مەملەكەت، قالىپتى ءدىني قيمىلدار جۇڭگونىڭ زاڭدارى مەن زاڭ - ەرەجەلەرىنە ۇيلەسۋى كەرەك، ءدىني ۇشقارى يدەياعا قارسى تۇرۋ مەن ءدىني سەنىم ەركىندىگىن قورعاۋ قاتار جۇرگىزىلەدى، ءوزارا قايشى كەلمەيدى، كەيبىر «جۇڭگو حالىقتىڭ ءدىني سەنىم ەركىندىگىنە سۇعاناقتىق جاسادى» دەگەن ايىپتاۋلار شىندىققا جاناسپايدى.
ۇيىرمەمەن بىرگە جۇرگەن وقۋ - اعارتۋ مينيسترلىگى ۇلتتار وقۋ - اعارتۋىن دامىتۋ ورتالىعىنىڭ ورىنباسار مەڭگەرۋشىسى جاۋ جيان - ۋ شينجياڭنىڭ وقۋ - اعارتۋىنىڭ سوڭعى جىلداردان بەرگى جەدەل دامۋ احۋالىن تانىستىردى.
يرانداعى ساپار كەزىندە ۋاكىلدەر ۇيىرمەسى تاعى يران سىرتقى ىستەر مينيسترلىگى مەن مۇستافا ۋنيۆەرسيتەتىن ەكسكۋرسيالادى ءارى قاتىستى قايراتكەرلەرمەن جۇڭگو - يران مادەنيەت اۋىس - كۇيىسىن جانە سەلبەستىگىن تەرەڭدەتۋ تۋرالى اڭگىمە وتكىزدى.
