ءتىلشىمىز سۋ لۋپيڭ
5 - ايدىڭ 16 - كۇنى تۇستەن بۇرىن ءۇرىمجى قالاسى سايباق رايونى چاڭشىڭ وڭتۇستىك شاعىن رايونىن باسقارۋ كوميتەتىنىڭ ۇلتتار ىنتىماعىنىڭ بىرلەسكەن دوستىق قيمىلىندا چاڭشىڭ وڭتۇستىك شاعىن رايونىن باسقارۋ كوميتەتى انتاي الەۋمەتتىك اۋماعىنىڭ كادرى شىشۋان يۇيۋەي مەن تۋىسى ما چين بىرلەسىپ جاساعان، ۇلتتار ىنتىماعىنا سيمۆول بولاتىن قولونەر اشەكەي بۇيىمدارى جۇرتتىڭ نازارىن اۋداردى.
ما چين مەن جۇبايى 10 جىلدىڭ الدىندا بالاسىن وقۋعا ءتۇسىرۋ ءۇشىن ۇرىمجىگە كەلگەن. ما چيننىڭ كۇيەۋى تۇراقتى قىزمەت تاۋىپ ىستەي المايدى. پاتەر جالداۋ اقىسى، وقۋشىنىڭ وقۋ قاراجاتى، كۇندەلىكتى تۇرمىستىق شىعىن سياقتىلاردا ولار ما چيننىڭ سىرتقا شىعىپ جالدانبا جۇمىس ىستەپ تاپقان اقشاسىنا سۇيەنەدى.
2017 - جىلى 4 - ايدا چاڭشىڭ شاعىن رايونىن باسقارۋ كوميتەتىنىڭ ءبىر تۇتاس ورنالاستىرۋىمەن، شىشۋان يۇيۋەي مەن ما چين جۇپ قۇراپ، تۋىس بولادى. «اپەكەم ەكەۋىمىز دە قاربالاسپىز، ونىڭ ۇيىندە بولعان كەزدەردە عانا ەكەۋىمىز ءوزىمىز ۇناتقان ءىسىمىزدى بىرگە ىستەي الامىز»، - دەدى شىشۋان يۇيۋەي، ما چين تاماقتى جاقسى پىسىرادى. سوندىقتان شىشۋان يۇيۋەي ۋاقىتى بولا قالسا، سيىر ەتى، كوكونىس سياقتىلاردى الىپ ما چيننىڭ ۇيىنە بارىپ، ءبىر جاعىنان، ما چيننىڭ ءۇيىن جيناستىرىسىپ، ءوزى ىستەي الاتىن ىستەرگە قولعابىس ەتىپ، ءبىر جاقتان، ما چيننەن اس پىسىرۋدى ۇيرەنەدى. «باستابىندا كوكونىستى دە دۇرىستاپ تۋراي المايتىنمىن، اپەكەم ماعان اس پىسىرۋ ونەرىن ىجداعاتپەن ۇيرەتىپ، ءوزى ىستەپ كورسەتتى. ۋاقىت وتە كەلە مەن اس پىسىرۋدىڭ ءلاززاتتى بارىس ەكەنىن سەزىندىم».
اس پىسىرۋدان سىرت، قولونەر بۇيىمدارىن جاساۋدى ۇناتاتىن شىشۋان يۇيۋەي كەسكىن ارقىلى قولونەر بۇيىمىن جاساۋدىڭ كوپتەگەن شەبەرلىكتەرىن يگەرگەن. ما چيننىڭ جۇمىستان سىرت تۇرمىسىن بايىتىپ، ونىڭ كوڭىلىن جادىراتۋ ءۇشىن، شىشۋان يۇيۋەي بازاردان كوپتەگەن رەڭدى كيىز قيقىمدارىن ساتىپ اكەلىپ، ما چينگە قولونەر بۇيىمدارىن جاساۋدى ۇيرەتەدى. «كيىز قيقىمدارىن تىگۋگە كەلمەيدى، ونىڭ تەك قانا ءبىر ءجىپ - ءبىر جىپتەن جورمەپ ءوزىڭ ويلاعان پىشىنگە كەلتىرەسىڭ.
قالىپ جوق بولعاندىقتان بۇكىلدەي ءوزىڭنىڭ قيالداۋ قۋاتىڭا سۇيەنۋىڭ كەرەك»، - دەيدى ما چين، قولونەر بۇيىمدارىن جاساۋ ونىڭ وزىنە تاۋەلدى كەڭىستىگىنىڭ تەرەزەسىن اشتى، ويىنداعى قيالدارى ءبىر - بىرلەپ ءپىشىندى قولونەر بۇيىمدارىنا اينالدى.
ءبىر جىلدان بەرى اپەكە - ءسىڭلى ەكەۋىنىڭ ەڭ ريزا بولعان قولونەر بۇيىمى − ەكەۋى جارىم اي ۋاقىتتا جاساپ شىققان «قوجاناسىر» قولونەر بۇيىمى بولدى. ءتىلشى بيىكتىگى 15 سانتيمەتر كەلەتىن «قوجاناسىردىڭ» تەلەۆيزورداعى كارتون فيلمدەگىسىنەن ەش اينىماي، ەسەگىنە ءمىنىپ، قولىن بۇلعاپ، ءانىن ايتىپ، كوز جانارىنان باقىت سەزىمى مەن ريزاشىلىق سەزىمى شاشىراپ تۇرعانىن كوردى.
قازىر رەڭدى قوي ءجۇنى كيىزدەرى، سۇيەك تەبەن مەن جۇمىس جابدىقتارىن سالاتىن ورنەكتى كەزدەمە دوربا شىشۋان يۇيۋەي مەن ما چيننىڭ سىرتقا شىققاندا الا جۇرەتىن نارسەلەرىنە اينالدى. ۋاقىت بولا قالسا شىشۋان يۇيۋەي ما چينگە بارىپ، ەكەۋى ءار ۇلت بۇقاراسىنىڭ ىنتىماعى مەن دوستىعىن، ءوزارا كومەكتەسىپ، ءبىر - بىرىنە قارايلاسۋىن بەينەلەيتىن قولونەر اشەكەي بۇيىمدارىن قالاي جاساۋ جونىندە اقىلداسادى. «اپەكەم قازىر ايىنا نە بارى 2500 يۋان ەڭبەكاقى الادى، تۇرمىس قىسىمى جوعارى، مەن اپەكەمە كومەكتەسىپ ءۇنحات دۇكەنىن اشىپ، ءوزىمىز جاساعان قولونەر اشەكەي بۇيىمدارىمىزدى ساتىپ، اپەكەم وتباسىنىڭ ەكونوميكالىق اۋىرتپالىعىن جەڭىلدەتسەم دەيمىن»، - دەدى شىشۋان يۇيۋەي.
