لي كىچياڭ كۋبانىڭ مەملەكەت ىستەرى كوميتەتىنىڭ ءتوراعاسى، قوسىمشا مينيسترلەر كەڭەسىنىڭ ءتوراعاسى دياز - كانەلگە حال سۇراۋ تەلەگرامماسىن جولدادى
شينحۋا اگەنتتىگىنىڭ 5 - ايدىڭ 19 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 5 - ايدىڭ 19 - كۇنى كۋبا اۆياتسيا سەرىكتەستىگىنىڭ مەكسيكادان مايلاپ العان جولاۋشىلار ۇشاعىنىڭ حاۋانادا شىرعالاڭعا ۇشىراعانى جونىندە كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى راۋل كاستروعا، مەملەكەت ىستەرى كوميتەتىنىڭ ءتوراعاسى، قوسىمشا مينيسترلەر كەڭەسىنىڭ ءتوراعاسى دياز - كانەلگە جانە مەكسيكانىڭ زۇڭتۇڭى پەنياعا جەكە - جەكە حال سۇراۋ تەلەگرامماسىن جولدادى.
شي جينپيڭ كۋبانىڭ باسشىلارىنا جولداعان حال سۇراۋ تەلەگرامماسىندا بىلاي دەدى: كۋبادا اۋىر اۋە شىرعالاڭىنىڭ تۋىلىپ، اۋىر ءولىم - ءجىتىم جاعدايىنىڭ بولعانىن ەستىپ قاتتى تىكسىندىم. مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان جانە ءوز اتىمنان قازا بولعاندارعا قايعىلى ازا بىلدىرەمىن، كۋبا كوممۋنيستىك پارتياسىنان، كۋبا ۇكىمەتىنەن، كۋبا حالقىنان جانە قازاعا ۇشىراعانداردىڭ تۋىس - تۋعاندارىنان شىنايى حال سۇرايمىن. شي جينپيڭ پەنياعا جولداعان حال سۇراۋ تەلەگرامماسىندا كۋباداعى اۋە شىرعالاڭىندا قازا بولعان مەكسيكالىق ۇشاق قىزمەتكەرلەرىنە قايعىلى ازا بىلدىرەتىندىگىن، ولاردىڭ تۋىس - تۋعاندارىنان شىنايى حال سۇرايتىندىعىن ايتتى.
سول كۇنى مەملەكەتتىك كەڭەستىڭ زۇڭليى لي كىچياڭ دا وسى شىرعالاڭ جونىندە كۋبانىڭ مەملەكەت ىستەرى كوميتەتىنىڭ ءتوراعاسى، قوسىمشا مينيسترلەر كەڭەسىنىڭ ءتوراعاسى دياز - كانەلگە حال سۇراۋ تەلەگرامماسىن جولدادى.
