تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ ءماجىلىسى ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى

  شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ، دايەكتىلەندىرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، كورىكتى شينجياڭ قۇرايىق

  چىن چۋانگو ءماجىلىستى باسقاردى

  ءتىلشىمىز ياۋ تۇڭ 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 21 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ ءماجىلىسىن اشىپ، ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ەكولوگيالىق ورتانى قورعاۋ جونىندەگى مەملەكەتتىك ءماجىلىس پارتيا 19 - قۇرىلتايىنان كەيىن اشىلعان ستراتەگيالىق جالپى جاعداي مانىنە يە ماڭىزدى ءماجىلىس. باس شۋجي شي جينپيڭنىڭ ماڭىزدى ءسوزى پارتيا 18 - قۇرىلتايىنان بەرگى ەلىمىزدىڭ ەكولوگيالىق وركەنيەت قۇرىلىسىندا جانە ەكولوگيالىق ورتانى قورعاۋ قىزمەتىندە قول جەتكىزگەن تاريحي تابىستارىن، تۋىلعان تاريحي وزگەرىستەردى جاپپاي قورىتىندىلاپ، ەكولوگيالىق وركەنيەت قۇرىلىسىن كۇشەيتۋدىڭ ماڭىزدى ءمانىن تەرەڭ بايىمداپ، ەلىمىزدىڭ ەكولوگيالىق ورتانى قورعاۋدا ءدوپ كەلىپ وتىرعان جاعدايلار مەن مىندەتتەرگە تەرەڭ تالداۋ جاساپ، جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدە، ءسوز جوق ، تاباندى بولۋعا ءتيىستى ماڭىزدى پرينسيپتەردى ايقىن ورتاعا قويىپ، ەكولوگيالىق ورتانى قورعاۋدى كۇشەيتۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋ جونىندە جان - جاقتى ورنالاستىرۋ جاساپ، ەكولوگيالىق وركەنيەت قۇرۋعا، ەكولوگيالىق ورتانى قورعاۋعا ايقىن العا باسۋ بەتالىسىن كورسەتىپ، ءتۇبىرلى ولشەم ۇسىندى، ول ماڭىزدى رەال مانگە جانە تەرەڭ تاريحي مانگە يە. شي جينپيڭنىڭ ەكولوگيالىق وركەنيەت يدەياسىن جانە باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرۋ، زۇڭلي لي كىچياڭنىڭ، ورىنباسار زۇڭلي حان جىڭنىڭ سوزدەرىنىڭ تالابى بويىنشا ەكولوگيالىق وركەنيەت قۇرىلىسىن سەرپىندى ارتتىرا وتىرىپ كۇشەيتۋ، ەكولوگيالىق ورتا ماسەلەلەرىن شەشۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، بۇكىل رايونىمىزدىڭ ەكولوگيالىق وركەنيەت قۇرىلىسىندا ۇزدىكسىز جاڭا جاعداي اشۋ كەرەك.

  ءبىرىنشى، ماڭىزدى ءمانىن تانۋ كەرەك. ەكولوگيالىق وركەنيەت قۇرىلىسىن كۇشەيتۋدىڭ ماڭىزدى ءمانىن تەرەڭ تانىپ، ەكولوگيالىق ورتانى پارتيانىڭ بورىشى مەن نەگىزگى ماقساتىنا قاتىستى ماڭىزدى ساياسي ماسەلە، حالىق تۇرمىسىنا قاتىستى ماڭىزدى قوعامدىق ماسەلە رەتىندە قاراپ، ەكولوگيالىق ورتانى قورعاۋدىڭ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزۋدىڭ جاۋاپكەرشىلىك سەزىمىن، بورىشتىلىق سەزىمىن، كوكەي تەستىلىك سەزىمىن ونان ارى كۇشەيتىپ، شي جينپيڭنىڭ ەكولوگيالىق وركەنيەت يدەياسىنىڭ جەتەكشىلىگىندە ەكولوگيالىق وركەنيەت قۇرىلىسىندا ۇزدىكسىز تىڭ ناتيجەگە قول جەتكىزۋدى، ەكولوگيالىق ورتانى ۇزدىكسىز جاقسارتۋدى ىلگەرىلەتۋ كەرەك.

  ەكىنشى، «4 تانىمدى» كۇشەيتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، باس شۋجي شي جينپيڭ ايقىنداپ بەرگەن 6 ماڭىزدى پرينسيپتى ەلىمىز ەكولوگيالىق وركەنيەت قۇرىلىسىن ىلگەرىلەتۋدىڭ يدەيالىق ولشەمى جانە ارەكەت باعدارلاماسى ەتۋگە تاباندى بولىپ، ەكولوگيالىق وركەنيەت جۇيەسىن جەدەل ورناتىپ، ەكولوگيالىق وركەنيەت قۇرىلىسىنىڭ نىسانا - مىندەتتەرىن باتىل تياناقتاندىرىپ، كورىكتى جۇڭگو قۇرۋ نىساناسىن جۇزەگە اسىرۋ ءۇشىن بەلسەندى ۇلەس قوسۋ كەرەك.

  ءۇشىنشى، قىزمەتتىڭ ماڭىزدى تۇيىندەرىن كورنەكتىلەندىرۋ كەرەك. لاستانۋ مولشەرىنىڭ ارتۋىن باتىل تيىپ، ەكولوگيالىق قىزىل سىزىقتى قاتاڭ ساقتاپ، «3 جوعارى» نىسانداردىڭ شينجياڭعا كىرۋىن قاتاڭ شەكتەپ، ەنەرگيا، كەن بايلىقتارىن اشۋدا اۆتونوميالى رايوندىق ۇكىمەتتىڭ «ءبىر قالاممەن» تەكسەرىپ - بەكىتۋ تۇزىمىنە، قورشاعان ورتانى قورعاۋ بويىنشا «ءبىر بەلەتپەن تەرىستەۋ» تۇزىمىنە تاباندى بولۋ كەرەك. لاستانۋدىڭ قالدىق قورىن بار كۇشپەن جونگە سالىپ، ءتۇيىندى ەكولوگيالىق ينجەنەريالاردى بەلسەنە ىلگەرىلەتىپ، لاستانۋدان ساقتانۋ جانە ونى جونگە سالۋ سەرپىنىن ارتتىرىپ، ءتۇيىندى سالالارداعى ەنەرگيا ۇنەمدەۋدى، لاس زاتتاردىڭ شىعارىلۋىن ازايتۋدى زاڭ بويىنشا جەبەۋ كەرەك. قورشاعان ورتانى جونگە سالۋ دەڭگەيىن جوعارىلاتىپ، بازار تاسىلىنەن تولىق پايدالانىپ، بايلىقتىڭ قورشاعان ورتا باعا مەحانيزمىن كەمەلدەندىرىپ، ەكولوگياعا تولەم بەرۋ مەحانيزمىن ورناتىپ، ادام مەن تابيعاتتىڭ جاراسىمدى قاتار ءومىر ءسۇرۋىن، دامۋىن، ماڭگى باياندى دامۋىن جۇزەگە اسىرۋ كەرەك.

  ءتورتىنشى، جاڭا دامۋ ۇستانىمدارىن دايەكتىلەندىرۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىكتەنەتىن دامۋ ۇستانىمدارىن دايەكتىلەندىرىپ، تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق دەيتىن ۇستانىمدى بەرىك ورناتىپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، ەكونوميكالىق قۇرىلىم مەن ەنەرگيا قۇرىلىمىن رەتتەۋ سەرپىنىن ارتتىرىپ، ەكونوميكالىق دامۋدىڭ جاڭا كينەتيكالىق ەنەرگياسىن جەتىلدىرىپ جانە ارتتىرىپ، جاسىل دامۋدى، ساپالى دامۋدى جاپپاي ىلگەرىلەتۋ كەرەك.

  بەسىنشى، حالىق تۇرمىسىن الدىمەن ويلاستىرۋعا تاباندى بولۋ كەرەك. ەكولوگيادا حالىققا تيىمدىلىك جاساۋعا، پايدا جەتكىزۋگە، قىزمەت ەتۋگە تاباندى بولىپ، كورنەكتى ەكولوگيالىق ورتا ماسەلەلەرىن كۇش سالا جاقسى شەشىپ، اشىق اسپاندى قورعاۋ شايقاسىنىڭ جەڭىسىنە باتىل قول جەتكىزىپ، سۋدىڭ لاستانۋىنان ساقتانۋ جانە ونى جونگە سالۋ ارەكەت جوسپارىن ىشكەرىلەي اتقارىپ، توپىراقتىڭ لاستانۋىنان ساقتانۋ جانە ونى جونگە سالۋ ارەكەت جوسپارىن جاپپاي تياناقتاندىرىپ، اۋىل - قىستاق قونىس ورتاسىن رەتتەۋ - وڭاۋ ارەكەتىن ۇزدىكسىز ورىستەتىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋ كەرەك.

  التىنشى، قۋزاۋ - تەكسەرۋدى، رەتتەۋ - تۇزەتۋدى مىقتى ۇستاۋ كەرەك. ورتالىقتىڭ قورشاعان ورتانى قورعاۋدى قۋزاۋ - تەكسەرۋدە اڭىس ەتىلگەن پىكىرلەردى رەتتەۋ - تۇزەتۋ قىزمەتىن ويداعىداي ىستەۋدى ەكولوگيالىق وركەنيەت قۇرىلىسىن ىلگەرىلەتۋدىڭ، قورشاعان ورتانى قورعاۋدى كۇشەيتۋدىڭ ماڭىزدى ورايى ەتىپ، قۋزاۋ - تەكسەرۋ ناتيجەلەرىنەن ويداعىداي پايدالانىپ، ەكولوگيا تانىمىن كۇشەيتىپ، لاستانۋدان ساقتانۋ جانە ونى جونگە سالۋدى كۇشەيتىپ، ەكولوگيالىق قۇرىلىستى ىلگەرىلەتىپ، مىندەتتەردى ءبولىپ، اشىق ەسەپ ورناتىپ، رەتتەۋ - تۇزەتۋدىڭ تياناقتانۋىنا كەپىلدىك ەتىپ، ۇزاق ۋاقىت ءونىمدى مەحانيزم قالىپتاستىرىپ، شينجياڭنىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق، قورشاعان ورتاسى اناعۇرلىم كوركەم بولۋىنا مۇمكىندىك جاساۋعا قۇلشىنۋ كەرەك.

  جەتىنشى، قوسىن قۇرىلىسىن كۇشەيتۋ كەرەك. كۇشتەردى بىرىكتىرىپ، نىعايتىپ قۇرىپ، مۇرات - سەنىمدى بەكەمدەپ، كاسىپتىك دەڭگەيدى جوعارىلاتىپ، قىزمەت ستيلىنە بۇرىلىس جاساپ، ەكولوگيالىق ورتانى قورعاۋدىڭ ساياسيدا بەرىك، قابىلەتى جوعارى، ستيلى مىعىم، جاۋاپكەرشىلىك ارقالاۋعا باتىل، جاپاعا ەرەكشە ءتوزىمدى، شايقاسقا ەرەكشە مىقتى، ۇلەس قوسۋعا ەرەكشە شەبەر قۇرىش قوسىنىن قۇرۋعا قۇلشىنۋ كەرەك.

  سەگىزىنشى، ساياسي جاۋاپكەرلىكتى تياناقتاندىرۋ كەرەك. پارتيانىڭ ەكولوگيالىق وركەنيەت قۇرىلىسىنا باسشىلىعىن كۇشەيتىپ، ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن شىنايى ارقالاۋ كەرەك. ءار دارەجەلى پارتكوم مەن ۇكىمەتتىڭ نەگىزگى باسشىلارى ءبىرىنشى جاۋاپتى ادام بولۋ قىزمەت مىندەتتەرىن ويداعىداي اتقارۋ، ءارقايسى قاتىستى ورىندار جۇمىس ءبولىسى بويىنشا جاۋاپتى بولىپ، قىزمەت اتقارىپ، جاۋاپكەرشىلىكتەرىن ادا ەتۋ كەرەك. باعالاۋدىڭ عىلمي، ۇيلەسىمدى جۇيەسىن ورناتىپ، باعالاۋ ناتيجەسىن پايدالانۋعا ءمان بەرىپ، ۇزدىكتەردى سيلاپ، ناشارلاردى جازالايتىن تاماشا بەتالىستى شىن مانىندە قالىپتاستىرۋ كەرەك.

  توعىزىنشى، باقىلاۋدى، ءتارتىپ اتقارۋدى كۇشەيتۋ كەرەك. قورشاعان ورتانى قورعاۋ سالاسىنداعى باقىلاۋ - تەكسەرۋ، زاڭ اتقارۋ سەرپىنىن كۇشەيتىپ، زاڭ بويىنشا ءبىر جاقتى ەتۋگە، زاڭدى قاتاڭ اتقارۋعا تاباندى بولىپ، قورشاعان ورتا بويىنشا زاڭدى بۇزۋدىڭ وزىندىك قۇنىن كولەمدى تۇردە جوعارىلاتۋ كەرەك. تۇزىمدىك قۇرىلىستى كۇشەيتىپ، ءتۇزىمنىڭ اتقارىلۋىن مىقتى يگەرىپ، ەكولوگيانى قورعاۋدىڭ قاتاڭ جاۋاپكەرشىلىك ءتۇزىمى مەن جاۋاپكەرشىلىكتى قۋزاستىرۋ ءتۇزىمىن اتقارىپ، ەكولوگيالىق ورتانى زيانداعان باسشى كادرلاردىڭ جاۋاپكەرشىلىگىن شىنايى قۋزاۋ، جاۋاپكەرشىلىگىن جۇرەكتىلىكپەن قۋزاۋ، جاۋاپكەرشىلىگىن قاتاڭ قۋزاۋ، جاۋاپكەرشىلىگىن ءومىر بويى قۋزاۋ، ءتۇزىمدى وزگەرمەيتىن تەجەۋگە جانە قول تيگىزۋگە بولمايتىن جوعارى كەرنەۋلى ەلەكتر سىمىنا اينالدىرۋ كەرەك.

  ونىنشى، ءبىر تۇتاس جوسپارلاۋ، ءبارىن قامتۋ كەرەك. قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، ەكولوگيالىق وركەنيەت قۇرىلىسىن ىلگەرىلەتىپ، كۇشتەردى ءبىر تۇتاس جوسپارلاپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، تىڭعىلىقتى، ورنىقتى قىزمەت ەتىپ، قامال الىپ، قيىندىقتاردى جەڭىپ، ورنىقتىلىقتى قورعاۋ، ەكولوگيانى قورعاۋ، ساپالى دامۋ سياقتى قىزمەتتەردىڭ سايكەستى ىلگەرىلەۋىن، ءبىرىن - ءبىرى جەبەۋىن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋ ءۇشىن بەرىك نەگىز قالاۋ كەرەك.

  شوكىرات زاكىر، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.