شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنەيىك، دايەكتىلەندىرەيىك
ءتىلشىمىز جاۋ جىيۇن 5 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايى تۇراقتى كوميتەتى 5 - ايدىڭ 21 - كۇنى تۇستەن كەيىن پارتيا باسشىلىق گرۋپپاسىنىڭ ءماجىلىسىن اشىپ، ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى جانە ۇيرەندى، اۆتونوميالى رايوندىق پارتكوم تۇراقتى كوميتەتىنىڭ 5 - ايدىڭ 21 - كۇنى ءتۇستىڭ الدىندا اشقان ءماجىلىسىنىڭ رۋحىن جەتكىزدى جانە ۇيرەندى.
ءماجىلىس مىنالاردى باسا دارىپتەدى: ەكولوگيالىق ورتانى قورعاۋ جونىندەگى مەملەكەتتىك ءماجىلىس پارتيا 19 - قۇرىلتايىنان كەيىن اشىلعان ستراتەگيالىق جالپى جاعداي ءمانىن العان كەلەلى ءماجىلىس بولدى. باس شۋجي شي جينپيڭنىڭ ماڭىزدى سوزىندە پارتيا 18 - قۇرىلتايىنان بەرى ەلىمىزدىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىندە قول جەتكىزگەن تاريحي جەتىستىكتەر، تۋىلعان تاريحي وزگەرىستەر جاپپاي قورىتىندىلانىپ، ەكولوگيالىق وركەنيەت قۇرىلىسىن كۇشەيتۋدىڭ كەلەلى ماڭىزى تەرەڭدەي بايىمدالىپ، ەلىمىزدىڭ ەكولوگيالىق ورتانى قورعاۋدا ءدوپ كەلگەن جاعداي، مىندەتتەرگە ىشكەرىلەي تالداۋ جاسالىپ، جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدە، ءسوزسىز، تاباندى بولۋعا ءتيىستى ماڭىزدى پرينسيپتەر ايقىن العا قويىلىپ، ەكولوگيالىق ورتانى قورعاۋدى كۇشەيتۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋ جونىندە جالپى بەتتىك ورنالاستىرۋ جاسالىپ، ەكولوگيالىق وركەنيەت قۇرۋ، ەكولوگيالىق ورتانى قورعاۋدى كۇشەيتۋدەگى العا باسۋ بەتالىسىن كورسەتىپ، ءتۇبىرلى ولشەم ۇسىندى، ول كەلەلى رەال مانگە جانە تەرەڭ تاريحي مانگە يە. اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭنىڭ ەكولوگيالىق وركەنيەت يدەياسىن جانە باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىمەن جانە ورنالاستىرۋلارىمەن باتىل بىرلىككە كەلتىرىپ، اۆتونوميالى رايوندىق پارتكومنىڭ ورنالاستىرۋلارى بويىنشا باس شۋجي شي جينپيڭنىڭ ماڭىزدى ءسوزىنىڭ رۋحىن ەكولوگيالىق ورتانى قورعاۋ جونىندەگى زاڭ شىعارۋ قىزمەتىنىڭ ءاربىر بۋىنىندا، بارلىق جاعىندا ايگىلەپ جانە تياناقتاندىرىپ، ورتانى قورعاۋ جاعىندا شىعارىلعان ەرەجە، بەلگىلەمەلەردى باقىلاۋ، زاڭ اتقارۋدى تەكسەرۋ تەبىنىن كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى زاڭدىق كەپىلدىك ازىرلەۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيلەرى، ورىنباسار مەڭگەرۋشىلەرى لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەرى گۇلشات ابدۇقادىر، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ ماجىلىسكە سىرتتاي قاتىناستى.
