− باس شۋجي شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە سويلەگەن ماڭىزدى ءسوزى اۆتونوميالى رايونىمىزدا قىزۋ اڭىس قوزعادى
«سەرپىندى ارتتىرىپ ەكولوگيالىق وركەنيەت قۇرىلىسىن ىلگەرىلەتىپ، ەكولوگيالىق ورتا ماسەلەسىن شەشۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، ەلىمىزدىڭ ەكولوگيالىق وركەنيەت قۇرىلىسىنىڭ تىڭ ساتىعا كوتەرىلۋىن ىلگەرىلەتۋ»، «ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا قاتىستى ءتۇبىرلى ۇلى جوسپار»... باس شۋجي شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە سويلەگەن ماڭىزدى ءسوزى ەكولوگيالىق وركەنيەت قۇرىلىسىن ىلگەرىلەتۋگە ايقىن بەتالىس كورسەتىپ، بۇكىل ەل حالقىنا كورىكتى جۇڭگو قۇرۋدىڭ جورىق جارلىعىن شىعاردى.
باس شۋجي شي جينپيڭنىڭ ماڭىزدى ءسوزى اۆتونوميالى رايونىمىزداعى ءار ۇلت كادرلارى مەن بۇقاراسى اراسىندا قىزۋ اڭىس قوزعادى. كوپشىلىك شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ، ۇعىنىپ، جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋ جونىندەگى 6 ۇلكەن پرينسيپتى دايەكتىلەندىرىپ، تياناقتاندىرىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىكتەنەتىن دامۋ ۇستانىمىن ىشكەرىلەي يگەرىپ، تىلەكتى بىرىكتىرىپ، كۇشتى شوعىرلاندىرىپ، ەكولوگيالىق وركەنيەت قۇرىلىسىنىڭ تىڭ ساتىعا كوتەرىلۋىن ىلگەرىلەتەتىندىكتەرىن ءبىلدىردى.
قورشاعان ورتانى قورعاۋ شارالارى تەبىنىن ۇزدىكسىز ارتتىرىپ، ەكولوگيالىق ورتانىڭ ساپاسىن ۇزدىكسىز جاقسارتامىز
باس شۋجي شي جينپيڭ سوزىندە مىنانى اتاپ كورسەتتى: ەكولوگيالق ورتانى ەڭ قاتاڭ ءتۇزىم، ەڭ قاتاڭ جونگە سالۋ ارقىلى قورعاپ، تۇزىمدە جاڭالىق اشۋدى جەدەلدەتىپ، ءتۇزىم اتقارۋدى كۇشەيتىپ، ءتۇزىمنىڭ بۇلتارتپاس شەكتەۋگە جانە سوقتىعۋعا بولمايتىن جوعارى كەرنەۋلى توك سىمىنا اينالۋىنا مۇمكىندىك جاساۋ كەرەك.
«باس شۋجي شي جينپيڭ قورشاعان ورتانى قورعاۋ ساياساتىن اتقارۋشى بىزدەرگە ءتىپتى دە ناقتى تالاپتار قويدى. الداعى جەردە ءبىز ورتالىقتىڭ قورشاعان ورتانى قورعاۋدى باقىلاۋ - تەكسەرۋ جاعىنداعى اڭىس ەتىلگەن پىكىرلەردى رەتتەۋ، وزگەرتۋگە قۋزاۋ - جەتەكشىلىك ەتۋ قىزمەتىن ۇزدىكسىز جاقسى ىستەۋدى بۇقارانىڭ سالاماتتىعىنا زيان جەتكىزەتىن كورنەكتى ورتا ماسەلەلەرىن شەشۋدىڭ تۇتقاسى رەتىندە مىقتى يگەرىپ، قاتاڭ رەتتەپ، وزگەرتىپ، تياناقتاندىرىپ، ءتۇيىندى وڭىرلەردىڭ اتموسفەرا ورتاسى ماسەلەسى مەن سۋ ورتاسى ماسەلەسىندە زاڭ اتقارۋ تەبىنىن ارتتىرىپ، رەتتەۋ، وزگەرتۋدىڭ ناقتاپ تياناقتاندىرىلۋىنا شىنايى كەپىلدىك ەتەمىز»، - دەدى اۆتونوميالى رايوندىق قورشاعان ورتانى قورعاۋ مەڭگەرمەسى قورشاعان ورتانى باقىلاۋ - تەكسەرۋ باس اترەتى قورشاعان ورتانى باقىلاۋ - تەكسەرۋ 2 - تارماق اترەتىنىڭ ءبولىم دارەجەلى ورىنباسار مەڭگەرۋشىسى لي يۇيفۋ.
پارتيا 18 - قۇرىلتايىنان بەرى، اۆتونوميالى رايون لاستانۋدى جونگە سالۋ تەبىنىن ارتتىرىپ، زاڭنىڭ اتقارىلۋىن باقىلاۋدى بۇرىندى - سوڭدى بولماعان دارەجەدە قاتايتتى. 2017 - جىلى اۆتونوميالى رايوننىڭ قورشاعان ورتانى باقىلاۋ - تەكسەرۋ جۇيەسى 19 مىڭ 247 كاسىپورىنعا ءىشىنارالاپ كەزدەيسوق تەكسەرۋ جۇرگىزىپ، قورشاعان ورتاعا قاتىستى زاڭعا قايشى 3465 دەلونى ءبىر جاقتى ەتتى.
بۇراتالا موڭعۇل اۆتونوميالى وبلىستىق قورشاعان ورتانى قورعاۋ مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى ۋ چيڭجيە باس شۋجي شي جينپيڭنىڭ ماڭىزدى ءسوزىن مۇقيات ۇيرەنگەننەن كەيىن تەرەڭ شابىتتانىپ: ءبىز جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋ جونىندەگى 6 ۇلكەن پرينسيپتى باتىل دايەكتىلەندىرىپ، تياناقتاندىرىپ، لاستانۋدىڭ الدىن الۋدى، قورشاعان ورتا حاۋىپ - قاتەرىنەن ساقتانۋدى، دامۋدى ساپالىلاندىرۋدى ءتۇيىن ەتىپ، حالىقتىڭ كۇن سايىن ارتىپ كەلە جاتقان تاماشا ەكولوگيالىق ورتاعا دەگەن قاجەتىن ۇزدىكسىز قاناعاتتاندىرامىز، - دەدى.
ەكولوگيالىق وركەنيەت جۇيەسىن جەدەل ورناتىپ، جاسىل دامۋدى جۇرت جۇرەگىنە ۇيالاتامىز
باس شۋجي شي جينپيڭ مىنانى اتاپ كورسەتتى: جاسىل دامۋدى جاپپاي ىلگەرىلەتۋ كەرەك. جاسىل دامۋ − جوعارى ساپالى وسىزاماندانعان ەكونوميكا جۇيەسىن ورناتۋدىڭ تابيعي تالابى، لاستانۋ ماسەلەسىن شەشۋدىڭ ءتۇبىرلى شاراسى.
اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى حۋ كايجياڭ بىلاي دەدى: «ءبىز ونەركاسىپتىڭ تيپىن وزگەرتىپ، دارەجەسىن جوعارىلاتۋدى جەدەلدەتۋدى ارقاۋ ەتىپ، ءتۇيىندى سالالاردا ەنەرگيا ۇنەمدەپ، لاس زاتتاردى ازايتۋدى زاڭ بويىنشا ىلگەرىلەتىپ، ونەركاسىپتە ەنەرگيا ۇنەمدەۋ مەن جاسىل جاساۋ جۇيەسى قۇرىلىسىن ۇزدىكسىز ىلگەرىلەتىپ، بايلىقتان جالپىلىق پايدالانۋ ورەسىن ونان ارى جوعارىلاتىپ، جاسىل جاساۋ تەحنيكاسىن قولدانۋدى جالپىلاستىرىپ، جاسىل جاساۋ دەڭگەيىن جوعارىلاتىپ، اۆتونوميالى رايوننىڭ ونەركاسىپتە جاسىل، اينالمالى، تومەن كومىرتەكتى، تازا، باياندى داميتىن جاساۋ جۇيەسىن قالىپتاستىرامىز».
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى اسەنجان احىمەت بىلاي دەدى: «جاسىل دامۋ قاراپايىم، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەيدى. قاتىناس - تاسىمال مەڭگەرمەسى جاسىل دامۋ يدەياسىن ونان ارى مىقتى ۇستانىپ، تۇتاس شينجياڭنىڭ نەگىزدىك قۇرىلعى قۇرىلىسىن كۇشەيتىپ، حالىق بۇقاراسىن اناعۇرلىم حاۋىپسىز، قولايلى، جوعارى ءونىمدى، جاسىل، ارزان قاتىناس - تاسىمال قىزمەت وتەۋىمەن قامدايدى».
جىڭ اۋداندىق تۇرعىن ءۇي جانە قالا، اۋىل قۇرىلىسى مەكەمەسى بەيقۇت ءۇي سالىپ، حالىقتى اۋقاتتاندىرۋ كەڭسەسىنىڭ مەڭگەرۋشىسى لياڭ شۋاي بىلاي دەدى: كورىكتى اۋىل - قىستاق قۇرىلىسىنا ات سالىسۋشى جانە ونىڭ كۋاگەرى رەتىندە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اۋىل - قىستاقتارداعى قوقىر - قوقسىقتاردى جونگە سالۋ، لاستانعان سۋدى ءبىر جايلى ەتۋ جانە اۋىل - قىستاقتىڭ بەت - بەينەسىن جاڭالاۋدى نەگىزگى قىزمەت بەتالىسى ەتىپ، اۋىل - قىستاق ورتاسىن جالپىلىق رەتكە سالۋدى ىلگەرىلەتىپ، بۇقارانىڭ قۇستار سايراپ، گۇلدەر قۇلپىرا اشىلعان باۋ - باقشالى ورتادا جاساۋىنا مۇمكىندىك جاسايمىن.
لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، كورىكتى شينجياڭ قۇرۋعا قۇلشىنامىز
باس شۋجي شي جينپيڭ مىنانى اتاپ كورسەتتى: تاماشا ەكولوگيالىق ورتا − حالىق تۇرمىسى ءۇشىن ەڭ كوپ جالپىعا ءتيىمدى قۇت - ىرىس، ەكولوگيادان حالىققا تيىمدىلىك جاساۋعا، ەكولوگيا ارقىلى حالىققا پايدا جەتكىزۋگە، ەكولوگيادا حالىقتىڭ قامىن ويلاۋعا تاباندى بولىپ، بۇقارانىڭ دەنساۋلىعىنا زيان جەتكىزەتىن كورنەكتى قورشاعان ورتا ماسەلەلەرىن ءتۇيىندى تۇردە شەشىپ، حالىقتىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋ كەرەك.
اۆتونوميالى رايوندىق ەگىن شارۋاشىلىعى مەڭگەرمەسى ەكولوگيا جانە ەنەرگيا باسقارماسىنىڭ زەرتتەۋشىسى ماحمۇت ابدۇللا بىلاي دەدى: الداعى جەردە اۆتونوميالى رايوندىق ەگىن شارۋاشىلىعى مەڭگەرمەسى حيميالىق تىڭايتقىش پەن اۋىل شارۋاشىلىق دارىلەرىن پايدالانۋ مولشەرىن بۇرىنعىدان ارتتىرماۋ قيمىلىن ۇزدىكسىز اتقارىپ، حيميالىق تىڭايتقىشتان پايدالانۋ ونىمدىلىگىن جوعارىلاتىپ، زياندى جاندىكتەردىڭ ورەسكەل زاقىمداۋىنان ساقتانۋ - مەڭگەرۋ تەبىنىن كۇشەيتەدى؛ ءبىر توپ ءىرى، ورتا شالشىق گاز ينجەنەرياسىن قۇرىپ، مال، ءۇي قۇستارى فەرمالارىنىڭ باعىمشىلىقتاعى جاراقسىز زاتتاردى بايلىققا اينالدىرىپ كادەگە جاراتۋىن ارناعا تۇسىرەدى جانە وعان جەتەكشىلىك ەتەدى؛ ساباندى اتىزدا قالدىرۋعا جانە ساباندى تىڭايتقىشقا، جەم - شوپكە، نەگىزگى ماتەريالعا، شيكىزاتقا جانە بايلىققا اينالدىرىپ پايدالانۋدى كۇش سالا ەتەك الدىرىپ، ساباندى بەتالدى تاستاۋدان جانە ونى ورتەۋدەن بايلىقتىڭ ىسىراپ بولۋى مەن ورتانىڭ لاستانۋى ماسەلەسىن شەشەدى.
قۇتىبي اۋداندىق پارتكومنىڭ ورىنباسار شۋجيى، اۋدان اكىمى ديڭ داميڭ بىلاي دەدى: «ءبىز اۋانىڭ، سۋدىڭ، توپىراقتىڭ لاستانۋىنان ساقتانىپ جانە ونى جونگە سالىپ، ءۇرىمجى، سانجى، شىحىزى اتموسفەراسىنىڭ لاستانۋىنان بىرلەسىپ ساقتانۋ، بىرلەسىپ جونگە سالۋ مىندەتىن جاپپاي تياناقتاندىرىپ، <وڭىرلىك اۋا ساپاسىنان الدىن الا ساقتىق مالىمەتىن بەرۋدى> جولعا قويىپ، ەنەرگيا ۇنەمدەپ، لاس زاتتاردى ازايتۋدى شىن مانىندە كۇشەيتەمىز؛ سۋدىڭ لاستانۋىنان ساقتانۋ جانە ونى جونگە سالۋ ارەكەت جوسپارىن ىشكەرىلەي اتقارىپ، وزەن باستىعى ءتۇزىمىن جاپپاي تياناقتاندىرىپ، كاسىپ سالاسىنا پايدالانىلاتىن سۋدى عىلمي جايعاستىرامىز؛ 400 مىڭ مۋ <جاسىل قورعان> نىسان قۇرىلىسىن جاپپاي اتقارىپ، ەكولوگيالىق ورتانى لاستايتىن، ەنەرگيانى مولىنان سارىپ ەتەتىن، لاس زاتتاردى كوپ ىعىستىرىپ شىعاراتىن نىسانداردىڭ قۇتىبيگە كىرۋىن قاتاڭ تەجەيمىز.
(تىلشىلەرىمىز چىن چياڭۋي، ۋاڭ يايۇن، لۋ فىڭباۋ، ياڭ شۋحان، ليۋ ي، شيا چيڭ، دۇڭ شاۋحۋا، ەرىكتى تىلشىلەر تاۋ ۋيميڭ، ۋاڭ ياپيڭ، جي شياۋجىن، مەي لي)
