− شىنجىن ليانحۋاشان باقشاسىنداعى دىڭ شياۋپيڭنىڭ مىس مۇسىنىنە بارۋدان ەستەلىك
ءتىلشىمىز لي چۇنشيا
5 - ايدىڭ 18 - كۇنى شىنجىن ليانحۋاشان باقشاسىنا كەلگەن ءتىلشىنىڭ كوڭىل كۇيىن اسقاق قۇرمەت سەزىمى بيلەپ، ەرەكشە تەبىرەندى.
ليانحۋاشان باقشاسى شىنجىن قالاسى سەنترىنىڭ سولتۇستىك بولىگىنە ورنالاسقان، تەڭىز دەڭگەيىنەن بيىكتىگى 100 مەتردەن اسپايتىن، جاسىل مانات جامىلعان، كورىنىسى كوز تارتاتىن توبە. شىنجىننىڭ جاعراپيالىق بەلگىسى رەتىندە ليانحۋاشاننىڭ ەڭ باسىندا جۇڭگونىڭ رەفورما جاساپ، ەسىك اشۋىنىڭ باس جوبالاۋشىسى دىڭ شياۋپيڭنىڭ مىس ءمۇسىنى اسقاق ەڭسە كوتەرىپ تۇر. بۇل ءمۇسىن بۇكىل ەل حالقىنىڭ، وتە - موتە، شىنجىندىقتاردىڭ ءبىرءداۋىردىڭ ۇلى ادامىنا دەگەن ساعىنىشى مەن العىس سەزىمىن بەينەلەپ تۇرعانداي ەدى.
2012 - جىلى 12 - ايدىڭ 7 - كۇنىنەن 11 - كۇنىنە دەيىن شي جينپيڭ جولداس باس شۋجي بولىپ سايلانعاننان كەيىن، تۇڭعىش رەتكى بەيجيڭنەن سىرتقا شىعىپ تەكسەرۋىن شىنجىننان باستادى، دىڭ شياۋپيڭنىڭ مىس ءمۇسىنىنىڭ الدىنا گۇل قويدى. شىنجىننىڭ گۇلدەنگەن بەت - بەينەسىن ۇستىنەن تاماشالاعان باس شۋجي شي جينپيڭ تەبىرەنە: ءبىزدىڭ دىڭ شياۋپيڭنىڭ مىس مۇسىنىنە كەلىپ، ونى ساعىنىشپەن ەسكە الۋىمىز رەفورما جاساپ، ەسىك اشۋدى تاباندىلىقپەن ىلگەرىلەتىپ، تىڭ جەتىستىكتەرگە قول جەتكىزىپ، تىڭ ساتىعا كوتەرىلۋ ءۇشىن، رەفورما جاساپ، ەسىك اشۋدىڭ جانە وسىزامانداندىرۋ قۇرىلىسىنىڭ تىڭ ناتيجەلەرىنە جەتۋ ءۇشىن تىنباي كۇرەس جاسايتىندىعىمىزدى بىلدىرەدى، - دەدى.
توبەدەگى الاڭنان جۇرتتىڭ اياعى ۇزىلگەن ەمەس، ەلىمىزدىڭ جەر - جەرىنەن كەلگەندەر ىززەتپەن قاراپ، گۇل شوقتارىن قويىپ، جۇڭگونىڭ رەفورما جاساپ، ەسىك اشۋىنىڭ باس جوبالاۋشىسى دىڭ شياۋپيڭگە دەگەن قۇرمەت سەزىمدەرى مەن ساعىنىشتارىن ءبىلدىردى. الاڭنىڭ قاق ورتاسىنداعى مىس مۇسىنگە قاراساڭىز، دىڭ شياۋپيڭ ۇستىنە جەڭىل شاپان كيىپ، الىسقا كوز جىبەرىپ، شىنجىننىڭ دامۋى مەن زور وزگەرىسىنە كوز تاستاپ تۇرعانداي اسەرگە بولەنەسىز. ول كىسىنىڭ قاراعان باعىتىنا كوز جىبەرسەڭىز، شەكسىز ومىرشەڭدىك كۇش بايقاتىپ، اسپانعا بوي سوزىپ، قاز - قاتار تىزىلگەن ءزاۋلىم عيماراتتاردى كورەسىز. رەفورما جاساپ، ەسىك اشۋدىڭ الدىڭعى لەگىندەگى شىنجىن − دىڭ شياۋپيڭنىڭ رەفورما جاساپ، ەسىك اشۋ يدەياسىنىڭ «ناقتى ءونىمى»، رەفورما جاساپ، ەسىك اشۋ جولىمەن مىزعىماي ءجۇرۋدىڭ «سەركەسى».
رەفورمانىڭ «سىناق اتىزى» جانە سىرتقا ەسىك اشۋدىڭ «تەرەزەسى» رەتىندە، شىنجىن ەكونوميكالىق ەرەكشە رايونىنىڭ تابىستى امالياتتارى ەلىمىزدەگى رايونداردىڭ بىرگە دامۋى سىندى تاريحي بارىستا ماڭىزدى ۇلگىلىك رادياتسيالىق جانە جەتەكشىلىك رولىن ساۋلەلەندىرىپ، ەلىمىزدىڭ جەر - جەرىندە رەفورما جاساپ، ەسىك اشۋدىڭ قىزۋ ورلەۋىن كوتەردى. پارتيا ورتالىق كوميتەتى ستراتەگيالىق دامۋدى جانە ءار ۇلت حالقىنىڭ ءتۇبىرلى مۇددەسىن نەگىز ەتىپ، 2000 - جىلدان باستاپ شينجياڭدا باتىس ءوڭىردى اشۋ ستراتەگياسىن اتقارىپ، شينجياڭنىڭ دامۋىن جەبەۋدى اناعۇرلىم كورنەكتى ورىنعا قويدى. شينجياڭ نەگىزدىك قۇرىلعى قۇرىلىستارى ۇزبەي كۇشەيىپ، شارۋاشىلىق قۇرىلىمى ۇزبەي ساپالىلانىپ، حالىق تۇرمىسى كۇن ساناپ جاقسارىپ، ەكونوميكاسى، قوعامى جەدەل دامىعان، جالپىلىق قۋاتى ۇزدىكسىز كۇشەيگەن، ءار ۇلت حالقى كەنەلگەن شىنايى تيىمدىلىگى ەڭ كوپ داۋىرگە قادام تاستادى.
«رەفورما جاساپ، ەسىك اشۋ بولماسا، ءبىزدىڭ بۇگىنگىدەي باقىتتى تۇرمىسىمىز دا بولماس ەدى. رەفورما جاساپ، ەسىك اشۋ جۇڭگولىقتاردىڭ دامۋ، جاڭالىق اشۋ، تاماشا تۇرمىسقا دەگەن تاريحي تالابىنا سايكەستى، سوندىقتان دا حالىقتىڭ باتىل قولداۋىنا يە بولدى، حالىق تا بەلسەنە ات سالىستى»، - دەدى گۇل قويۋعا كەلگەن ۋاڭ حۇڭ. حىناننان كەلگەن ۋاڭ حۇڭ رەفورما جاساپ، ەسىك اشۋدىڭ ادامداردىڭ تۇرمىسىنا اكەلگەن زور وزگەرىستەرىن ءوز كوزىمەن كورگەندەردىڭ ءبىرى ەكەن.
«دامۋ −ءبىرىنشى مىندەت، دارىندى − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش». پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى باتىل، جاپپاي تەرەڭدەتىپ، جاڭا دامۋ ۇستانىمىن ادامدار كوڭىلىنە ۇيالاتتى. شينجياڭدا قامداۋ جاعىنداعى قۇرىلىمدىق رەفورمانى ارقاۋ ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسى سىندى ۇلكەن ورايدى مىقتى ۇستاپ، ءۇرىمجىنى سەنتر ەتىپ، تەمىر جولدى، تاس جولدى جانە اۆياتسيانى، تەڭىز تاسىمالىن قامتىعان زات تاسىمالى تورى قالىپتاستى. بۇگىنگى شينجياڭ بۇرىن - سوڭدى بولىپ كورمەگەن كولەممەن جانە قارقىنمەن دۇنيە ءجۇزىن بايلانىستىرىپ، بۇكىل الەمگە قۇشاعىن جايدى.
دىڭ شياۋپيڭنىڭ مىس مۇسىنىنەن اينالىپ ءوتىپ، مىس ءمۇسىننىڭ ارتىنداعى ءتورت بۇرىش تاقتاعا قاراساڭىز، وندا دىڭ شياۋپيڭنىڭ ءوز قولىمەن جازعان «شىنجىننىڭ دامۋى مەن تاجىريبەسى بىزگە ەكونوميكالىق ەرەكشە رايون قۇرۋ ساياساتىنىڭ دۇرىس ەكەندىگىن دالەلدەدى» دەگەن ءسوز تۇر.
رەفورما ماڭگى تولاستامايدى. 40 جىلدىق رەفورما جاساپ، ەسىك اشۋ بايتاق جۇڭگو دالاسىندا جەر مەن كوكتەي وزگەرىستەر تۋدىردى. بولاشاقتاعى جوعارى ساپالى دامۋدا، ءسوز جوق، اناعۇرلىم اشىق جاعدايدا جۇرىلەدى. باس شۋجي شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىنداعى ارقاۋ سوزىندە مىنالاردى ورتاعا قويدى: جاڭا داۋىردە جۇڭگو حالقى ءوزىن ۇزدىكسىز الۋەتتەندىرىپ، ءوزىن جاڭالاپ، رەفورمانى تاباندىلىقپەن جاپپاي تەرەڭدەتىپ، تاۋ كەزدەسسە جول اشىپ، سۋ جولىقسا كوپىر سالىپ، ءسىڭىستى كىناراتتاردى باتىلدىقپەن قانداۋىرلاۋعا كىرىسىپ، مۇددەلەر قاساڭدىعىنىڭ بۇعاۋىن بۇزۋدا باتىلدىق كورسەتىپ، رەفورمانى سوڭىنا دەيىن جۇرگىزەدى.
رەفورمانىڭ تۋى بيىك ۇستالدى، ءداۋىردىڭ جويقىن اعىنى قالىپتاستى. جاڭا داۋىردە، جۇڭگونىڭ رەفورما جاساپ، ەسىك اشۋى جاڭا ءبىر بەتتى اشىپ، تىڭ داستان جازىپ، تىڭ جەتىستىكتەرگە قول جەتكىزەتىن بولادى.
