5-ايدىڭ 22-كۇنى، اۆتونوميالى رايون 2018-جىلعى ىشكى ولكەدەگى شينجياڭدىق وقۋشىلاردىڭ جازدىق دەمالىس مەزگىلىندەگى تاسىمال قىزمەتىنىڭ تەلەۆيزور - تەلەفون ءماجىلىسىن اشىپ، بيىل ىشكى ولكەدەگى تولىق ورتا كلاسى، ىشكى ولكەدەگى كاسىپتىك كلاسى مەن اۆتونوميالى رايوندىق ىشكى ولكەدەگى تولىقسىز ورتا كلاسى، اۆتونوميالى رايوندىق ىشكى ولكەدەگى تولىق ورتا كلاستارىنداعى وقۋشىلاردىڭ تاسىمال قىزمەتىن ورنالاستىردى.
ۇعىسۋعا قاراعاندا، بيىل ىشكى ولكەدەگى شينجياڭدىق وقۋشىلاردىڭ جازدىق دەمالىس كەزىندەگى تاسىمال قىزمەتى 5-ايدىڭ سوڭعى شەنىنەن باستالىپ، 9-ايدىڭ باس شەنىندە اقىرلاسادى، تاسىمالداناتىن وقۋشىلاردىڭ سانى 150 مىڭ ادام رەتكە جەتەدى. بۇدان سىرت، بيىل كۇزدە، اۆتونوميالى رايون 13 مىڭنان استام وقۋشىنى ىشكى ولكەدەگى تولىق ورتا كلاسى، ىشكى ولكەدەگى كاسىپتىك كلاستارىنىڭ تاسىمال قىزمەتىن ىستەۋگە ورنالاستىرادى.
ءماجىلىس مىنانى باسا دارىپتەدى : ءارقايسى تاراۋلار ىشكى ولكەدەگى شينجياڭدىق دارىندىلاردى تاربيەلەۋدىڭ ماڭىزىن ىشكەرىلەي تانىپ، قىزمەت جاۋاپكەرشىلىگىن تياناقتاندىرىپ، قىزمەت وتەۋ باسقارۋىن كۇشەيتىپ، ىشكى ولكەدەگى شينجياڭدىق وقۋشىلاردىڭ جازىق دەمالىس مەزگىلىندەگى تاسىمال قىزمەتىندەگى ءارقايسى بۋىندارىن مىقتى ۇستاۋ كەرەك.
ءماجىلىس مىنانى تالاپ ەتتى : ءارقايسى تاراۋلار ۇيىمدىق باسشىلىقتى كۇشەيتىپ، قىزمەت مىندەتىن ايقىنداپ، تىزە قوسا سايكەسىپ، قىزمەت بايلانىس جاساۋ جانە سايكەستىرۋ مەحانيزمىن قۇرىپ، اۋىلىنا قايتقان وقۋشىلاردىڭ تاسىمال بارىسىنداعى ءارقايسى بۋىنداردىڭ قامتاماسىزداندىرۋ قىزمەتىن جاقسى ىستەپ، تاسىمال قىزمەتىنىڭ ورنىقتى، ءتارتىپتى ورىستەتىلۋىنە شىنايى كەپىلدىك ەتۋ كەرەك.
