− باس شۋجي شي جينپيڭنىڭ 2 اكادەميا اكادەميكتەرىنىڭ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە (1)
حالىق گازەتىنىڭ شولۋشىسى
عىلىم - تەحنيكادا جاڭالىق اشۋدىڭ وركەشتەنگەن تولقىندى ۇلى اعىسىندا جەلكەن جايىپ العا ۇمتىلعاندار عانا جەڭىسكە جەتە الادى.
جۇڭگو عىلىم اكادەمياسى 19 - رەتكى اكادەميكتەر جينالىسى مەن جۇڭگو ينجەنەريالىق عىلىمدار اكادەمياسى 14 - رەتكى اكادەميكتەر جينالىسىندا باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋى سىندى ستراتەگيالىق جالپى جاعداي تۇرعىسىنان، پارتيا 18 - قۇرىلتايىنان بەرى ەلىمىزدىڭ عىلىم - تەحنيكا ىستەرىندەگى تاريحي وزگەرىستەر مەن جەتىستىكتەردى بارىنشا جيناقتاپ، عىلىم - تەحنيكادا جاڭالىق اشۋ مەن دامۋىنىڭ اۋقىمىن ءداپ باسىپ يگەرىپ، ەلىمىز عىلىم - تەحنيكاسىنىڭ دامۋىندا ءدوپ كەلگەن جاعداي مەن مىندەتتەرگە تەرەڭ تالداۋ جاساپ، دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ نىساناسىن جۇزەگە اسىرۋ جونىندە ءتۇيىندى ورنالاستىرۋ جاسادى، ايقىن تالاپتار قويدى. وسى ماڭىزدى ءسوز قالىڭ عىلىم - تەحنيكا قىزمەتكەرلەرىن ەرلىكپەن جاڭا داۋىردەگى عىلىم - تەحنيكا جاسامپازدىعىنىڭ كوشباسشىسى بولۋعا جىگەرلەندىرىپ، بۇكىل پارتيانى، بۇكىل ەلدى، بۇكىل قوعامدى دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ نىساناسىن جۇزەگە اسىرۋ جولىندا قۇلشىنا كۇرەس جۇرگىزۋگە جۇمىلدىرۋدا كەلەلى رەال مانگە جانە تەرەڭ تاريحي مانگە يە.
حيميا، ماتەريال، فيزيكا سياقتى پاندەردە الەمنىڭ الدىڭعى قاتارىنان بوي كورسەتتى، اسقىن كومپيۋتەر جاعىندا ءۇرتىس 10 رەت الەمنىڭ ەڭ ءبىرىنشى ورنىن بەرمەدى، گۇلدەنۋ اتتى جوعارى جىلدامدىقتى پويەز تەڭەلۋدەن جەتەكشى ورىنعا وتۋگە دەيىنگى شەشۋشى قادامدى تاستادى... سوڭعى جىلدارى ەلىمىزدىڭ عىلىم - تەحنيكا ىستەرى تىعىز كۇش الىپ، جەدەل سەكىرىس جاساپ، تاريحي، جالپىلىق، جۇيەلى زور وزگەرىس ىسكە اسىرىلدى، ەلەۋلى جاڭالىق اشۋ جەتىستىكتەرى ىركەس - تىركەس جارىققا شىعىپ، كەيبىر الدىڭعى باعىتتار قاتارلاسۋ، كوش باستاۋ كەزەڭىنە ءوتتى، عىلىم - تەحنيكالىق قۋاتىمىز ساننىڭ جيناقتالۋىنان ساپالىق وزگەرىسكە قاراي سەكىرىس جاساعان، نۇكتەلىك شەپ بۇزۋدان جۇيەلى قابىلەتتىڭ كوتەرىلۋىنە قادام تاستاعان ماڭىزدى ساتتە تۇر. بۇل − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدىڭ عىلىم - تەحنيكا سالاسى مەن قوعامداعى ءار سالانىڭ ورتاق قۇلشىنىسىنىڭ ناتيجەسى.
«اۋقىمدى اڭداعان بىلگىر، زامانا تىنىسىن يگەرگەن كەمەڭگەر». پارتيا 18 - قۇرىلتايىنان بەرى، ەلىمىزدىڭ عىلىم - تەحنيكا ىستەرىندە تاريحي وزگەرىستەر جارىققا شىعىپ، تاريحي جەتىستىكتەرگە قول جەتۋىندەگى تەتىك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جالپى بەتالىستى بارلاپ، جالپى جاعدايدى جوبالاپ، رەفورمانى تەرەڭدەتىپ، جان - جاقتى كۇش سالىپ، پارتيانىڭ عىلىم - تەحنيكا ىستەرىنە باسشىلىعىنا تاباندى بولىپ، ەلىمىزدىڭ عىلىم - تەحنيكا ىستەرىنىڭ دامۋىنا پارمەندى ساياسي كەپىل ازىرلەگەندىگىندە؛ دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ كۇرەس نىساناسىنان جازباي، عىلىم - تەحنيكادا جاڭالىق اشۋدىڭ جەتەكشىلىك رولىن نەعۇرلىم جوعارى دەڭگەيدە، نەعۇرلىم زور كولەمدە ساۋلەلەندىرگەندىگىندە؛ جۇڭگوشا ەرەكشەلىككە يە دەربەس جاڭالىق اشۋ جولىنان جازباي، باسىمدىققا يە سالالارداعى، شەشۋشى تەحنيكالارداعى ماڭىزدى قامال الۋدى قۇلشىنا جۇزەگە اسىرعاندىعىندا؛ رەفورمانى تەرەڭدەتۋ ارقىلى جاڭالىق اشۋ ومىرشەڭدىگىنە دەم بەرۋگە تاباندى بولىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق رولىن جوعارىلاتقاندىعىندا؛ جاڭالىق اشۋدى قوزعاۋشى كۇش ەتۋدىڭ ءتۇپ ءمانى دارىندىلاردى قوزعاۋشى كۇش ەتۋ دەگەنگە تاباندى بولىپ، الەمدىك كوز اياعا جانە حالىقارالىق ورەگە يە ءبىر توپ ستراتەگيالىق عىلىم - تەحنيكالىق دارىندىلاردى، عىلىم - تەحنيكالىق كوشباسشى دارىندىلاردى، جاس عىلىم - تەحنيكالىق دارىندىلاردى جانە جوعارى ورەلى جاڭالىق اشۋ توبىن كۇش سالا جەتىلدىرگەندىگىندە؛ عىلىم - تەحنيكادا جاڭالىق اشۋدىڭ دۇنيە جۇزىلىك جەلىسىنە قوسىلۋعا تاباندى بولىپ، ەلىمىزدىڭ الەمنىڭ جاڭالىق اشۋ كارتاسىندا كۇن سايىن ماڭىزدى بولىپ كەلە جاتقان ماڭىزدى ءبىر ۇيەگىنە اينالۋىنا مۇمكىندىك جاساعاندىعىندا.
دۇنيە ءجۇزى عىلىم - تەحنيكاسىنىڭ دامۋ جاعدايىنان قاراعاندا، جاڭا كەزەكتى عىلىم - تەحنيكا توڭكەرىسى مەن ونەركاسىپ وزگەرىسى جاڭالىق اشۋ ىستەرىنىڭ عالامدىق كارتاسىن قايتا قالىپتاستىرىپ، عالامدىق ەكونوميكالىق قۇرىلىمدى قايتا قۇرۋدا. عىلىم - تەحنيكا مەملەكەتتىڭ بولاشاعى مەن تاعدىرىنا، حالىقتىڭ تۇرمىسى مەن يگىلىگىنە ەشقاشان ءدال قازىرگىدەي تەرەڭ اسەر ەتكەن ەمەس. قازىر ەلىمىزدىڭ عىلىم - تەحنيكا سالاسىندا شەشۋگە ءزارۋ بولىپ وتىرعان كورنەكتى ماسەلەلەر ءالى ءومىر سۇرۋدە، اسىرەسە، پارتيا 19 - قۇرىلتايىندا العا قويىلعان جاڭا مىندەت، جاڭا تالاپتارمەن سالىستىرعاندا، ەلىمىزدىڭ عىلىم - تەحنيكاسىندا كوز ايالىق اۋقىم، جاڭالىق اشۋ قابىلەتى، بايلىقتاردىڭ جايعاسۋى، ءتۇزىلىس ساياساتى سياقتى جاقتاردا ۇيلەسپەيتىن قىرۋار تۇستار ورىن تەۋىپ وتىر. قازىر ءبىز عالامدىق جاڭا كەزەكتى عىلىم - تەحنيكا توڭكەرىسى جانە ونەركاسىپ وزگەرىسى مەن ەلىمىزدىڭ دامۋ تاسىلىنە بۇرىلىس جاساۋىنىڭ تاريحي توعىسۋ ساتىنە ءارى ىلۋدە ءبىر كەزىگەتىن تاريحي ورايىنا ءدوپ كەلىپ وتىرمىز، پارىقتىڭ ۇلعايۋىنىڭ اۋىر سىنىنا دا ءدوپ كەلىپ وتىرمىز. سايىس، بورىش ءبىزدى سوعان ماجبۇرلەۋدە. قالىڭ عىلىم - تەحنيكا قىزمەتكەرلەرى جالپى بەتالىستى مەڭگەرىپ، ۇتىمدى ورايدى الدىمەن يگەرىپ، ماسەلەنىڭ جۇزىنە تۋرا قاراپ، قيىندىقتى جەڭە ورگە ۇمتىلىپ، دۇنيە جۇزىلىك عىلىم - تەحنيكانىڭ الدىڭعى لەگىن كوزدەپ، عىلىم - تەحنيكانىڭ دامۋ باعدارىنا جەتەكشىلىك ەتكەندە عانا، تاريح جۇكتەگەن اۋىر تاپسىرمانى ارقالاي الادى.
«جۇڭگونى قۇدىرەتتەندىرۋ، گۇلدەندىرۋ ءۇشىن، ءسوز جوق، عىلىم - تەحنيكانى بار كۇشپەن دامىتىپ، الەمدەگى نەگىزگى عىلىم ورتالىعى جانە جاڭالىق تۇعىرى بولۋعا قۇلشىنۋ كەرەك». باس شۋجي شي جينپيڭنىڭ 2 اكادەميا اكادەميكتەرىنىڭ جينالىسىندا العا قويعان ىزگى ءۇمىتى ءبىزدىڭ العى سالالاردا ءساتىن تاۋىپ العا ۇمتىلىپ، ەرلىكپەن ۇزدىكتىككە تالپىنىپ، نەعۇرلىم جوعارى دەڭگەيدە، نەعۇرلىم زور كولەمدە عىلىم - تەحنيكادا جاڭالىق اشۋدىڭ جەتەكشىلىك رولىن ساۋلەلەندىرۋىمىزگە ايقىن باعىت كورسەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، سەنىمدى بەكەمدەپ، قيىندىقتاردان قامال الساق بولعانى، ءسوز جوق، بورىشتى ورىنداپ، سەنىمدى اقتاپ، عىلىم - تەحنيكالىق قۋات پەن جاڭالىق اشۋ قابىلەتىن ۇزدىكسىز كۇشەيتىپ، دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ كۇرەس نىساناسىن جۇزەگە اسىرا الامىز.
(شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى)
