ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاندىعىنىڭ 4 جىلدىعى بايلانىسىمەن (1)
گازەتىمىزدىڭ شولۋشىسى
ۋاقىت − ەڭ وبيەكتيۆ كۋاگەر، 4 جىل وزگەشە ءبىر ءۇردىستىڭ ايعاعى.
2014 - جىلى 5 - ايدىڭ 28 -، 29 - كۇندەرى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى بەيجيڭدە اشىلدى. ءماجىلىس: «قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، شينجياڭنىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، ۇلتتار ىنتىماعىن جەبەۋدى، ءدىني ۇشقارى يدەيانىڭ ەتەك الۋىن شەكتەۋ سياقتىلاردى ءتۇيىن ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭدى قۇرۋعا قۇلشىنۋدى» ايقىن العا قويدى. بۇل − پارتيامىزدىڭ شينجياڭ قىزمەتى جونىندەگى عىلمي بەلگىلەۋى، پارتيانىڭ شينجياڭدى جونگە سالۋ جالپى جوباسىنىڭ جالعاسۋى مەن كەمەلدەنۋى، دامىتىلۋى مەن ءوسۋى. بۇل شينجياڭ قىزمەتىن جاقسى ىستەۋگە نىسانا - باعىت كورسەتىپ، ءتۇبىرلى ولشەم مەن قۇدىرەتتى قوزعاۋشى كۇش ازىرلەدى.
پارتيا ورتالىق كوميتەتى شينجياڭ قىزمەتىنە ەجەلدەن ايرىقشا ءمان بەرىپ كەلەدى. اسىرەسە، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت حالقىنا شىنايى قامقورلىق جاسادى. باس شۋجي شي جينپيڭ بىلاي دەپ اتاپ كورسەتتى: «شينجياڭ ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالتقىسى، ستراتەگيالىق ورنى ەرەكشە، ءدوپ كەلىپ وتىرعان ماسەلەسى دە ەرەكشە، شينجياڭ قىزمەتىن جاقسى ىستەۋدىڭ ءمانى زور». «شينجياڭ جاعدايى بۇكىل ەلدىڭ رەفورما، دامۋ، ورنىقتىلىق جالپى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى، <قوس 100 جىلدىق> كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سايادى. شينجياڭ قىزمەتىن جاقسى ىستەۋ بۇكىل پارتيانىڭ، بۇكىل مەملەكەتتىڭ ءىرى ءىسى، ءسوز جوق، ستراتەگيالىق تۇرعىدان كوز جىبەرىپ، ۇزاق بولاشاققا ساياتىن جوسپار جاساپ، نەگىزدى بەكەمدەيتىن شارالار اتقارىپ، باياندى تىنىشتىق ورناتىپ، ۇزاق ۋاقىت جونگە سالۋدى جۇزەگە اسىرۋ كەرەك».
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى پارتيا، مەملەكەت ىستەرىنىڭ دامۋىنىڭ جالپى جاعدايىنا نازار اۋدارىپ، ەل ءىشى، حالىقارالىق ەكى جالپى جاعدايدى ءبىر تۇتاس جوسپارلاپ، شينجياڭ جاعدايىنا عىلمي تالداۋ جاساپ، شينجياڭ قىزمەتىندەگى ءبىر قىدىرۋ كەلەلى نازاريالىق جانە امالياتتىق ماسەلەلەردى ىشكەرىلەي پايىمداپ، جاڭا جاعدايدا شينجياڭ قىزمەتىن جاقسى ىستەۋ، اسىرەسە، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ جونىندە جاپپاي ورنالاستىرۋ جاسادى، كۇشتى ساياسي، جالپى جاعدايلىق، ستراتەگيالىق سيپاتقا يە، شينجياڭ قىزمەتىندە ەلەۋلى ءارى تەرەڭ ىقپال تۋدىردى.
پارتيا ورتالىق كوميتەتىنىڭ شينجياڭدى جونگە سالۋ جالپى جوباسىندا قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسى ايقىندالىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنىڭ زاڭدىلىعىن تەرەڭ يگەرگەنى تولىق ايگىلەنگەن، باس شۋجي شي جينپيڭنىڭ ءار ۇلت حالقىنا قامقورلىعى تولىق ايگىلەنگەن. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرگى 4 جىلدا، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم باس شۋجي شي جينپيڭنىڭ ماڭىزدى ءسوزىنىڭ، نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ، تياناقتاندىرىپ، ورنىقتىلىقتى قورعاۋدى بۇلجىماستان بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرلىك ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ءونىمدى تياناقتانۋىن باس نىسانا ارقىلى ءبىر تۇتاس ىلگەرىلەتۋگە تاباندى بولدى، تاسقا تاڭبا، تەمىرگە ءىز قالدىراتىنداي تىڭعىلىقتى شارالار بۇگىنگى شينجياڭدا جالپى جاعدايدىڭ ورنىقتى، اۋقىمنىڭ تىزگىندەلىپ، تاماشا جاعدايدىڭ جارىققا شىعۋىن ىلگەرىلەتتى. فاكتتەر مىنانى تولىق دالەلدەدى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى شينجياڭنىڭ ءىس جۇزىندىك جاعدايىنا بۇكىلدەي ۇيلەسەدى، ەرەكشە تۋرا دانىشپاندىق، ءسوز جوق، وعان ۇزاق ۋاقىت تاباندى بولۋ، ودان اۋىتقىماۋ كەرەك.
پارتيانىڭ 19 - قۇرىلتايى − جۇڭگوشا سوتسياليزم جاڭا ءداۋىرىنىڭ ۇلى جورىعىن باستادى. شينجياڭداعى ءار ۇلت كادرلارى مەن بۇقاراسى بۇكىل ەل حالقى سياقتى تەرەڭ شابىت الىپ، ەرەكشە جىگەرلەندى ءارى شينجياڭ قىزمەتىنىڭ باس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ باتىل سەنىمى مەن بەكىمىن دە ونان ارى كۇشەيتتى. پارتيا ورتالىق كوميتەتىنىڭ شينجياڭدى جونگە سالۋ جالپى جوباسى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس ءبولىمى، بۇكىل شينجياڭداعى ءار ۇلت كادرلارى مەن بۇقاراسى، ءسوز جوق، ستراتەگيالىق سەرگەكتىكتى ساقتاپ، ستراتەگيالىق تۇراقتىلىقتى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىم - ورنالاستىرۋلارىن بۇلجىماي، اۋىتقىماي، تاباندىلىقپەن ناقتاپ تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ءونىمدى تياناقتانۋىن ىلگەرىلەتۋى كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى تۇرعاندا، شينجياڭداعى ءار ۇلت كادرلارى مەن بۇقاراسى ىنتىماقتاسا كۇرەس جۇرگىزگەندە، بۇكىل ەل حالقى كۇش سالا قولداپ وتىرعاندا، نىسانامىزدىڭ، ءسوز جوق، جۇزەگە اساتىندىعىنا، شينجياڭنىڭ بولاشاعىنىڭ، ءسوز جوق، ءتىپتى، كوركەم بولاتىندىعىنا كامىل سەنەمىز.
