− باس شۋجي شي جينپيڭنىڭ 2 اكادەميا اكادەميكتەرىنىڭ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە (2)
حالىق گازەتىنىڭ شولۋشىسى
عىلىم - تەحنيكادا جاڭالىق اشۋ − قوعامدىق وندىرگىش كۇش پەن جالپىلىق مەملەكەت قۋاتىن ءوسىرۋدىڭ ستراتەگيالىق تىرەگى، عىلىم - تەحنيكادا جاڭالىق اشۋدى يگەرگەندە، ەلىمىزدىڭ دامۋ جالپى جاعدايىنا قوزعاۋشىلىق ەتەتىن تەتىكتى يگەرۋگە بولادى.
جۇڭگو عىلىم اكادەمياسى 19 - رەتكى اكادەميكتەر جينالىسى مەن جۇڭگو ينجەنەريالىق عىلىمدار اكادەمياسى 14 - رەتكى اكادەميكتەر جينالىسىندا باس شۋجي شي جينپيڭ دۇنيە ءجۇزى عىلىم - تەحنيكاسى دامۋىنىڭ جالپى اۋقىمىن ءداپ باسىپ يگەرىپ، عىلىم - تەحنيكادا جاڭالىق اشۋدىڭ ماڭىزدىلىعى مەن قاجەتتىلىگىن تەرەڭ پايىمداپ، قالىڭ عىلىم - تەحنيكا قىزمەتكەرلەرىنە ەرلىكپەن جاڭا داۋىردەگى عىلىم - تەحنيكا جاسامپازدىعىنىڭ كوشباسشىسى بولۋ تۋرالى ىزگى ءۇمىت ارتىپ، قالىڭ عىلىم - تەحنيكا قىزمەتكەرلەرىن العان بەتىنەن قايتپاي دەربەس جاڭالىق اشۋعا بارىنشا شابىتتاندىرىپ، بۇكىل پارتيانى، بۇكىل ەلدى، بۇكىل قوعامدى ءبىر نيەت، ءبىر تىلەكپەن دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋ ۇلى نىساناسىنا قاراي ەرلىكپەن العا تارتۋعا بارىنشا جىگەرلەندىردى.
بۇگىنگى تاڭداعى دۇنيە جۇزىندە كىم عىلىم - تەحنيكادا جاڭالىق اشۋ سىندى مۇرىندىقتى يگەرسە، سول عىلىم - تەحنيكادا جاڭالىق اشۋدىڭ شاحمات تاسىن الدىمەن جۇرە الادى، سول ورايدى يگەرىپ، باسىمدىققا قول جەتكىزە الادى. سوڭعى جىلدارى ەلىمىزدىڭ عىلىم - تەحنيكادا جاڭالىق اشۋداعى ەلەۋلى جەتىستىكتەرى ىركەس - تىركەس جارىققا شىعىپ، كەيبىر الدىڭعى باعىتتار قاتارلاسۋ، كوش باستاۋ كەزەڭىنە ءوتتى، ءبىراق عىلىم - تەحنيكا سالاسىندا شەشۋگە ءزارۋ كورنەكتى كەيبىر ماسەلەلەر ءالى دە ءومىر ءسۇرىپ وتىر. عىلىم - تەحنيكا جاسامپازدىعىنىڭ ۇلكەن جارىسىندا قاتاردان قالۋىمىزعا بولمايدى، ءسوز جوق، ەرلىكپەن قۋىپ جەتىپ، كۇش سالا باسىپ وزۋىمىز كەرەك. باس شۋجي شي جينپيڭ باسا دارىپتەگەندەي، «جۇڭگونى قۇدىرەتتەندىرۋ، گۇلدەندىرۋ ءۇشىن، ءسوز جوق، عىلىم - تەحنيكانى بار كۇشپەن دامىتىپ، الەمدەگى نەگىزگى عىلىم ورتالىعى جانە جاڭالىق تۇعىرى بولۋعا قۇلشىنۋ كەرەك»، «ءبىز دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋعا تاريحتاعى ءارقانداي ءبىر مەزگىلمەن سالىستىرعاندا، ءتىپتى، مۇقتاجبىز».
كۇن سايىن شيەلەنىسە تۇسكەن عالامدىق جالپىلىق مەملەكەت قۋاتى باسەكەسىندە ءبىزدىڭ ءتىپتى كوپ تاڭداۋىمىز جوق، دەربەس جاڭالىق اشۋ جولىمەن جۇرمەي بولمايدى. ءومىر شىندىعى قايتالاپ كورسەتكەندەي، شەشۋشى، وزەكتى تەحنيكالاردى سۇراپ تا، ساتىپ تا، تىلەپ تە الا المايمىز. پارتيا 18 - قۇرىلتايىنان بەرى، باس شۋجي شي جينپيڭ كوپتەگەن ماڭىزدى ورتادا بىلاي دەگەن بولاتىن: وزەكتى تەحنيكا ءبىزدىڭ ەڭ ۇلكەن جان جەرىمىز، وزەكتى تەحنيكالاردىڭ باسقالاردىڭ قولىندا بولۋى ءبىز ءۇشىن ەڭ ۇلكەن كومەسكى قاتەر. تەك شەشۋشى، وزەكتى تەحنيكالاردى ۋىسىمىزدا بەرىك ۇستاساق قانا، مەملەكەتتىڭ ەكونوميكالىق حاۋىپسىزدىگىنە، قورعانىس حاۋىپسىزدىگىنە جانە باسقا جاقتاعى حاۋىپسىزدىكتەرىنە تۇبەگەيلى كەپىلدىك ەتۋگە بولادى. شەشۋشى جالپىلىق تەحنيكالاردى، الدىڭعى قاتارلى جەتەكشى تەحنيكالاردى، وسى زامانعى ينجەنەرلىك تەحنيكالاردى، توڭكەرىستىك تەحنيكالىق جاڭالىق اشۋدى باعىت - باعدار ەتىپ، شەشۋشى وزەكتى تەحنيكالاردىڭ دەربەستىگى مەن مەڭگەرىمدىلىگىن قۇلشىنا ىسكە اسىرعاندا عانا، جاڭالىق اشۋدىڭ، دامۋدىڭ ىرىقتىلىعىن ءوز قولىمىزدا بەرىك ۇستاي الامىز.
ءوز - وزىنە سەنىمدى مەملەكەت پەن ۇلت قانا، بولاشاققا باستار جولدا نىق قادام تاستاپ، الىسقا ۇزاپ بارا الادى. بەينە باس شۋجي شي جينپيڭ اتاپ كورسەتكەندەي: جاڭالىق اشۋ قاشاندا ارىستاننىڭ اۋزىندا جۇرگەندەي قيىن ءىس، ءبىراق بىزدە، ءسوز جوق، «جۇرەكتەگى ارمان بۇل، جولىندا ولسەم وكىنبەن» دەيتىندەي اسقاق مىنەز بولۋى كەرەك. بولاشاق الدىندا، دەربەس جاڭالىق اشۋ قابىلەتىن كۇشەيتۋ، ەڭ ماڭىزدىسى، جۇڭگوشا سوتسياليستىك دەربەس جاڭالىق اشۋ جولىمەن بۇلجىماي ءجۇرىپ، دەربەس جاڭالىق اشۋ، ماڭىزدى تۇيىندەردە قارىشتاپ ۇمتىلۋ، تىرەكتەردى دامىتۋ، بولاشاققا جەتەكشىلىك ەتۋ باعىتىنا تاباندى بولىپ، جاڭاشىل مەملەكەت قۇرۋ اياق الىسىن تەزدەتۋ كەرەك. جاڭالىق اشۋ بارىسىندا ءوزىن قوراشسىنۋعا دا، قۇر داندايسۋعا دا بولمايدى. ءسوز جوق، مىنانى تانىپ جەتۋىمىز كەرەك: دەربەس جاڭالىق اشۋ − اشىق ورتاداعى جاڭالىق اشۋ، جابىق كۇيدە جاڭالىق اشۋعا بولمايدى، قايتا توڭىرەكتىڭ ءتورت بۇرىشىنان قۋات الىپ، شار تاراپتىڭ كۇشىن جۇمىلدىرۋعا تۋرا كەلەدى. حالىقارالىق عىلىم - تەحنيكالىق اۋىس - كۇيىس پەن ىنتىماقتاستىقتى تەرەڭدەتىپ، عىلىم - تەحنيكادا جاڭالىق اشۋدىڭ عالامدىق جەلىسىنە بەلسەندى، ىرىقتى تۇردە توعىسىپ، عالامدىق عىلىم - تەحنيكانى جونگە سالۋعا تەرەڭ ات سالىسىپ، دەربەس جاڭالىق اشۋدى ءتىپتى جوعارى دەڭگەيدە ىلگەرىلەتۋ كەرەك.
ءوز كۇشىنە سۇيەنىپ ءومىر ءسۇرۋ − جۇڭحۋا ۇلتىنىڭ الەم ۇلتتارى قاتارىنان ويىپ ورىن الۋىنىڭ كۇرەس تاعانى، دەربەس جاڭالىق اشۋ − ءبىزدىڭ الەمدىك عىلىم - تەحنيكانىڭ شىڭىنا شىعۋدا، ءسوزسىز، باسىپ وتەر جولىمىز. قالىڭ عىلىم - تەحنيكا قىزمەتكەرلەرىندە جاڭالىق اشۋعا كۇشتى سەنىم، بەرىك بەكىم بولۋى، قيىندىقتاردى جەڭۋگە، قارا ءۇزىپ العا شىعۋعا، جەڭىسكە جەتۋگە جۇرەكتى بولىپ، عىلىم - تەحنيكا باسەكەسى مەن بولاشاق دامۋدىڭ بيىك تۇعىرىن الدىمەن يەلەنۋى كەرەك، سوندا عانا تاريح جۇكتەگەن ماڭىزدى تاپسىرمانى ارقالاپ، دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋدىڭ شۇعىلالى ناتيجەلەرىن، ءسوز جوق، جارىققا شىعارا الادى.
(شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى)
