بالالار مەن سەسترا اپەكەلەر بىرلىكتە ءبي بيلەۋدە
5-ايدىڭ 30-كۇنى، بالالار مەرەكەسى كەلۋ قارساڭىندا، سابيلەردىڭ اقاۋسىز ەرجەتۋىنە نازار اۋدارىپ، شيپاگەر مەن ناۋقاس قاتىناسىن جاقسارتۋ ماقساتىندا، ءۇرىمجى قالالىق 1 - حالىق شيپاحاناسى (بالالار شيپاحاناسى) تيانشان رايوندىق ورمان شارۋاشىلىعى، ورمان - باقشا باسقارۋ مەكەمەسىنىڭ ازاتتىق سولتۇستىك جولى اۋماعىن باسقارۋ كوميتەتىنىڭ جيانكاڭلۋ جولى الەۋمەتتىك اۋماعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن الەۋمەتتىك اۋماق قىزمەتكەرلەرى بىرلەسىپ، «حالىقارالىق بالالار مەرەكەسىن» قۇتتىقتاۋ قيمىلىن وتكىزدى.
قول جۋۋ ٴبيى، مادەنيەتتى، ادەپتى بولۋ ۋاقيعالى تەاترى، لاتىن ءبيى... قاتارلىلار الەۋمەتتىك اۋماق، شيپاحانا جانە مەيىر باعىشتاۋ الەۋمەتتىك يگىلىك ۇيىمدارى ورتاق دايىنداعان باي مازمۇندى، قىزىقتى ويىن نومىرلەرى بولىپ، بالالار مەن اتا-انالار بىرلىكتە تاماشالادى. ساۋىقتىرۋ ءبولىمى ٴجۇرىس - تۇرىسى قولايسىز بالالارعا ورىندىق ورنالاستىردى.
«شيپاحانادا جيىنى 700 دەي ناۋقاس بالا بار، ولاردىڭ مەرەكەدە سىرتقا شىعىپ ويناۋىنا مۇمكىندىك جوق، وسى جولعى قيمىل بالالاردىڭ شيپاحانادا مەرەكەلىك شاتتىققا بولەنىپ، قوعامنىڭ مەيىرىن سەزىنۋىن، سونداي-اق، شيپاگەر مەن ناۋقاس قاتىناسىنىڭ جاراسىمدى بولۋىن ءۇمىت ەتەمىز. سونىمەن ءبىر ۋاقىتتا، بالالاردىڭ تاماشا تازالىق ادەتىن قالىپتاستىرىپ، ساۋ دەنەلى بولۋعا جەتەكشىلىك ەتەمىز»،-دەدى ٴۇرىمجى قالالىق 1 - حالىق شيپاحاناسىنىڭ (بالالار شيپاحاناسى) ورىنباسار مەڭگەرۋشىسى يالقۇن جاپپار.
