ءتاڭىرتاۋ تورابى   ›   جاڭالىقتار   ›   شۋجي ەستەلىگى

ەكولوگيالىق ورتانى قورعاۋ جونىندەگى اۆتونوميالى رايوندىق ماجىلىستە مىنالار باسا دارىپتەلدى

شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ جانە دايەكتىلەندىرىپ، ەكولوگيالىق وركەنيەت قۇرىلىسىن پارمەندى كۇشەيتىپ، كورىكتى شينجياڭدى قۇلشىنا قۇرايىق

چىن چۋانگو، شوكىرات زاكىر ءسوز سويلەدى، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين ماجىلىسكە قاتىناستى

  ءتىلشىمىز ياۋ تۇڭ 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 29 - كۇنى ەكولوگيالىق ورتانى قورعاۋ جونىندەگى اۆتونوميالى رايوندىق ءماجىلىس اشىلدى. ماجىلىستە مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ جانە تياناقتاندىرىپ، شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، لاستانۋدان ساقتانۋ، ونى جونگە سالۋدان قامال الۋ شايقاسىندا باتىل جەڭىسكە جەتىپ، كورىكتى شينجياڭدى قۇلشىنا قۇرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جاقسى جازۋ جولىندا قۇلشىنا كۇرەس جۇرگىزۋ كەرەك.

  اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىستە ءسوز سويلەدى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، شۇي حايرۇڭ، ەركىن تۇنياز، ما شۋەجۇن، تيان ۋىن، سارقىت اقان ۇلى ماجىلىسكە قاتىناستى.

  چىن چۋانگو سوزىندە مىنالاردى اتاپ كورسەتتى: باس شۋجي شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە سويلەگەن ماڭىزدى سوزىندە ماركستىك تۇرعى، كوزقاراس، ءادىس جانە حالىقتى وزەك ەتكەن دامۋ يدەياسى جەلى ەتىلىپ، باس شۋجي شي جينپيڭنىڭ ايدىندى ستراتەگيالىق وي ءورىسى، كورەگەن تاريحي نازارى، كەڭ جاھاندىق كوز اياسى، ايقىن ماسەلەلىك باعىتى، تەرەڭ حالىقشىلدىق سەزىمى، كۇشتى جاۋاپكەرشىلىك ۇستانىمى تولىق بەينەلەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق وركەنيەت قۇرىلىسىن كۇشەيتىپ، لاستانۋدان ساقتانۋ، ونى جونگە سالۋدان قامال الۋ شايقاسىندا جەڭىسكە جەتۋگە دەگەن بەرىك جىگەرى مەن بەكىمى تولىق ايگىلەندى، ماڭىزدى ءسوز − ەكولوگيالىق وركەنيەت قۇرىلىسىن ىلگەرىلەتۋ مەن ەكولوگيالىق ورتانى قورعاۋدىڭ ارەكەت باعدارلاماسى مەن عىلمي باعدارناماسى. ساياسي دەڭگەيدى شىن مانىندە جوعارىلاتىپ، «4 تانىمدى» كۇشەيتىپ، شي جينپيڭنىڭ ەكولوگيالىق وركەنيەت يدەياسىنىڭ باي مازمۇنىن جان - جاقتى، جۇيەلى تۇردە ۇيرەنىپ جانە ءتۇسىنىپ، ەكولوگيالىق وركەنيەت قۇرىلىسىن كۇشەيتۋدىڭ، لاستانۋدان ساقتانۋ، ونى جونگە سالۋدان قامال الۋ شايقاسىن ويداعىداي جۇرگىزۋدىڭ ماڭىزدى ءمانىن جەتە تانىپ، يدەيا مەن ارەكەتتى ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ەكولوگيالىق وركەنيەت قۇرىلىسىن ويداعىداي جۇرگىزۋ جونىندەگى يدەيالىق سانالىلىق مەن ارەكەت سانالىلىعىن شىنايى كۇشەيتۋ كەرەك.

  چىن چۋانگو مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن قاشاندا كورنەكتى ورىنعا قويىپ، جۇمىس تەبىنىن ۇزدىكسىز ارتتىردى، ەكولوگيالىق ورتانىڭ جاعدايى مەن ساپاسى ايتارلىقتاي جاقساردى، الايدا، ءار جاقتى فاكتورلاردىڭ اسەرىنەن اۆتونوميالى رايوننىڭ ەكولوگيالىق ورتا جاعدايى ءالى دە اۋىر، مىندەتتەر جاپالى دا كۇردەلى بولىپ وتىر.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن مۇقيات دايەكتىلەندىرىپ، ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ جانە تياناقتاندىرىپ، ۇنەمدەۋ مەن قورعاۋدى الدىمەن ويلاسۋ، تابيعي قالپىنا كەلتىرۋدى نەگىز ەتۋ باعىتىنا تاباندى بولىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، ەكولوگيالىق ورتا ماسەلەلەرىن شەشىپ، شينجياڭنىڭ اسپانى اشىق، تاۋى جاسىل، سۋى تۇنىق، ورتاسى كوركەم بولا تۇسۋىنە مۇمكىندىك جاساۋ كەرەك. ءبىرىنشى، جاڭا دامۋ ۇستانىمى مەن دۇرىس قىزمەت ناتيجە كوزقاراسىن بەرىك ورناتۋ كەرەك. ادام مەن تابيعاتتىڭ جاراسىمدى قاتار ءومىر ءسۇرۋى جونىندەگى عىلمي تابيعات كوزقاراسىن، جاسىل تاۋ، تۇنىق سۋ − باعالى بايلىق، اق قار، كوك مۇز دا باعالى بايلىق دەگەن ماڭىزدى دامۋ يدەياسىن، تاماشا ەكولوگيالىق ورتا جالپى حالىققا بىردەي ەڭ ءتيىمدى يگىلىك دەگەن باستى ماقسات رۋحىن، تاۋ، سۋ، ورمان، ەگىستىك، كول، جايلىم تىرشىلىك ورتاق تۇلعاسى دەگەن جۇيەلى يدەيانى بەرىك ورناتىپ، اۆتونوميالى رايونىمىزدىڭ ەكولوگيالىق وركەنيەت قۇرىلىسىنىڭ تىڭ بيىككە كوتەرىلۋىن ىلگەرىلەتۋ كەرەك. ەكىنشى، ەكولوگيالىق قىزىل سىزىق پەن تومەنگى شەكتى قاتاڭ ساقتاۋ كەرەك. ەكولوگيانى قورعاۋدى ءبىرىنشى ورىنعا قويۋعا تاباندى بولىپ، ءتۇزىم جاڭالاۋدى جەدەلدەتىپ، ءتۇزىم سايكەستىرۋدى كەمەلدەندىرىپ، قورشاعان ورتا رۇقساتى بويىنشا تەرىس ءتىزىم، ەكولوگيانى قورعاۋدىڭ قىزىل سىزىعى، قورشاعان ورتا ساپاسىنىڭ تومەنگى شەگى، بايلىق پايدالانۋدىڭ جوعارى شەگى سياقتى شارالاردى بۇلجىتپاي اتقارىپ، ءتۇزىمنىڭ اتقارىلۋىن قاتايتىپ، ءتۇزىمدى بۇلجىماس تەجەمگە، بۇزىلماس قاتاڭ قاعيداعا اينالدىرۋ كەرەك. ءۇشىنشى، لاستانۋدان ساقتانۋ، ونى جونگە سالۋدان قامال الۋ شايقاسىن باتىلدىقپەن ويداعىداي جۇرگىزۋ كەرەك. ەكولوگيالىق ورتاعا بايلانىستى كورنەكتى ماسەلەلەردىڭ شەشىلۋىن حالىق تۇرمىسىنىڭ باسىم سالاسى ەتۋگە تاباندى بولىپ، تەبىندى كۇشتەردى شوعىرلاندىرىپ، ءار جاقتىڭ كۇشىن اتتانىسقا كەلتىرىپ، جۇمىلا ءادىس - شارا قاراستىرىپ، جابال كۇش سالىپ، كوپ بولىپ ساقتانىپ جانە جونگە سالىپ، بەلگىلىك سيپاتقا يە 4 ءىرى شايقاستى ويداعىداي جۇرگىزۋ كەرەك. كوك اسپاندى قورعاۋ شايقاسىن باتىلدىقپەن ويداعىداي جۇرگىزىپ، بۇقاراعا اشىق اسپان، اقشا بۇلت، سامساعان جۇلدىز سيلاۋ كەرەك؛ ءمولدىر سۋدى قورعاۋ شايقاسىن باتىلدىقپەن ويداعىداي جۇرگىزىپ، بۇقاراعا سۋى تۇنىق، جاعاسى نۋلى، بالىعى تۋلاعان كوركەم كورىنىس سيلاۋ كەرەك؛ تازا توپىراقتى قورعاۋ شايقاسىن باتىلدىقپەن ويداعىداي جۇرگىزىپ، بۇقارانىڭ الاڭسىز تۇتىنۋى مەن قامسىز وتىرۋىنا مۇمكىندىك جاساۋ كەرەك؛ اۋىل - قىستاقتاردىڭ قونىس ورتاسىن وڭاۋ ارەكەتىن ۇزدىكسىز ورىستەتىپ، بۇقارا ءۇشىن بۇلبۇلى سايراپ، گۇلى جايناعان دالالىق كورىنىستى ساقتاپ قالۋ كەرەك. ءتورتىنشى، جاسىل دامۋدى جاپپاي ىلگەرىلەتۋ كەرەك. ءبىرى، جاسىل دامۋ ءتاسىلىنىڭ قالىپتاسۋىن ىلگەرىلەتىپ، جاڭا دامۋ ۇستانىمىن باتىلدىقپەن دايەكتىلەندىرىپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، كاسىپ قۇرىلىمى مەن ەنەرگيا قۇرىلىمىن كۇش سالا رەتتەپ، وسىزاماندانعان ەكونوميكالىق جۇيەنى جەدەل قالىپتاستىرىپ، جوعارى ساپالى دامۋدى ىسكە اسىرۋ كەرەك. ەندى ءبىرى، جاسىل تۇرمىس ءتاسىلىنىڭ قالىپتاسۋىن ىلگەرىلەتىپ، جەڭىل، ۇيلەسىمدى، جاسىل، تومەن كومىرتەكتى تۇرمىس ءتاسىلىن بار كۇشپەن دارىپتەپ، بايلىقتى جاپپاي ۇنەمدەۋ مەن اينالمالى پايدالانۋدى ىلگەرىلەتىپ، ءوندىرىس جۇيەسى مەن تۇرمىس جۇيەسىنىڭ اينالمالى ۇشتاسۋىن ىسكە اسىرۋ كەرەك. بەسىنشى، ەكولوگيانى قورعاۋدى، قالپىنا كەلتىرۋدى كۇشەيتۋ كەرەك. قورعاۋدى الدىمەن ويلاسۋدى، تابيعي قالپىنا كەلتىرۋدى نەگىز ەتۋگە تاباندى بولىپ، تابيعي ەكولوگيالىق جۇيەنىڭ قورعالۋى مەن قالپىنا كەلۋىن ىلگەرىلەتىپ، ەكولوگيالىق حاۋىپسىزدىك قالتقىسىن كۇش سالا ورناتىپ، تابيعي قورىقتار قۇرىلىسىن كۇشەيتىپ، قالا - قالاشىقتاردىڭ ەكولوگيالىق قۇرىلىسىن بار كۇشپەن ىلگەرىلەتىپ، ەكولوگيالىق جۇيەنىڭ ساپاسى مەن تۇراقتىلىعىن ۇزدىكسىز جوعارىلاتۋ كەرەك. التىنشى، قورشاعان ورتانى جونگە سالۋ قابىلەتى مەن دەڭگەيىن جوعارىلاتۋ كەرەك. اكىمشىلىك، بازار، زاڭدىق، عىلىم - تەحنيكالىق، ت.ب ءار الۋان تاسىلدەردى ۇتىمدى پايدالانۋ ارقىلى قورشاعان ورتانى جونگە سالۋدى ىلگەرىلەتىپ، قورشاعان ورتانى قورعاۋعا قارجى سالۋدىڭ كوپ نەگىزدى مەحانيزمىن كەمەلدەندىرىپ، قورشاعان ورتانى جونگە سالۋدىڭ تەحنيكالىق ورەسىن كوتەرىپ، قورشاعان ورتا سالاسىنداعى زاڭعا قايشى ارەكەتتەردىڭ وزىندىك قۇنىن بارىنشا جوعارىلاتۋ كەرەك. جەتىنشى، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اڭىس ەتكەن ماسەلەلەردى رەتتەۋ - تۇزەتۋدى ويداعىداي يگەرۋ كەرەك. ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اڭىس ەتكەن ماسەلەلەردى رەتتەۋ - تۇزەتۋدى ويداعىداي يگەرۋدى ماڭىزدى ساياسي مىندەت ەتىپ، جاۋاپكەرشىلىكتى قاتايتىپ، ءىز قۋا جاۋاپقا تارتۋ، بيڭتۋان مەن جەرگىلىكتى ورىن بىرلەسە ارەكەتتەنۋ، اشىق، جاريا ۇستاپ، رەتتەۋ - تۇزەتۋ مىندەتتەرىن بۇلجىماستان ويداعىداي ورىنداۋ كەرەك.

  چىن چۋانگو مىنالاردى تالاپ ەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ەكولوگيالىق وركەنيەت قۇرىلىسى بويىنشا ساياسي جاۋاپكەرشىلىكتى شىنايى ۇستىگە الىپ، پارتيا ورتالىق كوميتەتىنىڭ شەشىم - ورنالاستىرۋىن بۇلجىماستان تىڭعىلىقتى تياناقتاندىرۋ كەرەك. جاۋاپكەرشىلىكتى قاتاڭ تياناقتاندىرۋ كەرەك. ءار دارەجەلى پارتكومدار مەن ۇكىمەتتەر جانە بيڭتۋان، شىلار (قالا) ەكولوگيالىق ورتانى قورعاۋدى كۇشەيتىپ، لاستانۋدان ساقتانۋ، ونى جونگە سالۋدان قامال الۋ شايقاسىن ويداعىداي جۇرگىزۋدى كورنەكتى ورىنعا قويىپ، «پارتيا، ۇكىمەت ورىندارى بىردەي جاۋاپكەرلىك ارقالاۋ»، «ءبىر قىزمەت ورنىندا ەكى جاۋاپكەرلىك بولۋدى» قاتاڭ تياناقتاندىرۋ كەرەك؛ پارتيا، ۇكىمەت ورىندارىنداعى نەگىزگى جاۋاپتى جولداستار ءوز اكىمشىلىك اۋماعىنداعى ەكولوگيالىق ورتانى قورعاۋدىڭ ءبىرىنشى جاۋاپتى ادامى بولۋ؛ قاتىستى تاراۋلاردىڭ بارلىعى جۇمىس ءبولىسى بويىنشا سايكەسىپ، بىرگە كۇش سالىپ، ەكولوگيالىق وركەنيەت قۇرىلىسىن ىلگەرىلەتۋدىڭ، لاستانۋدان ساقتانۋ، ونى جونگە سالۋدان قامال الۋ شايقاسىندا جەڭىسكە جەتۋدىڭ قۋاتتى بىرىككەن كۇشىن قالىپتاستىرۋ كەرەك. تەكسەرۋ، باعالاۋدى قاتايتۋ كەرەك. تەكسەرۋ، باعالاۋدىڭ «دريجەرلىك تاياقشاسىن» شىن مانىندە ويداعىداي پايدالانىپ، ەكولوگيالىق ورتانى قورعاۋ جاۋاپكەرشىلىگىن تياناقتاندىرۋعا ماجبۇرلەۋ كەرەك؛ جاۋاپقا تارتۋ، جاۋاپكەرشىلىكتى قۋزاۋدىڭ مەيلىنشە قاتاڭ ءتۇزىمىن اتقارىپ، ەكولوگيالىق ورتاعا زالال جەتكىزگەن، ەكولوگيالىق ورتا جاۋاپكەرشىلىگىن تىڭعىلىقتى تياناقتاندىرماي، پارمەندى شارا قولدانباي، قاتاڭ باقىلاپ - باسقارماي اۋىر زارداپ تۋدىرعانداردى، زاڭ، ءتارتىپ، قاعيدا بويىنشا قاتاڭ تەكسەرىپ، جازالاپ، قاتاڭ جاۋاپقا تارتىپ، جاۋاپكەرشىلىگىن تۇبەگەيلى قۋزاپ، ءومىر بويى قۋزاستىرۋ كەرەك؛ تيپتىك دەلولاردىڭ اينالىق رولىن ساۋلەلەندىرىپ، قاتاڭ جاۋاپقا تارتۋدىڭ كۇشتى دابىلىن قاعۋ كەرەك؛ قامال الۋ شايقاسىن ويداعىداي جۇرگىزۋ مەن باياندى جەتىستىككە جەتۋدىڭ بايلانىسىن دۇرىس باعامداپ، بارلىعىندا ءىس جۇزىندىك جاعدايدى تياناق ەتۋگە تاباندى بولىپ، وڭاي ولجاعا جۇگىرۋدەن، فورماشىلدىق ىستەۋدەن ساقتانۋ كەرەك. كادرلار قوسىنىن كۇشەيتۋ كەرەك. ەكولوگيالىق وركەنيەت ءتۇزىلىسى رەفورماسىن تىڭعىلىقتى ىلگەرىلەتىپ، قورشاعان ورتانى قورعاۋدىڭ قۇرىش قوسىنىن قۇرىپ، قورشاعان ورتانى قورعاۋ كادرلارىنا كوڭىل ءبولىپ، قامقورلىق جاساپ، قورشاعان ورتانى قورعاۋ كادرلارىنىڭ ىسكەرلىك، كاسىپكەرلىك بەلسەندىلىگى مەن ىرىقتىلىعىن تولىق جۇمىلدىرۋ كەرەك. تاماشا اۋقىم قالىپتاستىرۋ كەرەك. ەكولوگيالىق وركەنيەت جونىندەگى ۇگىت - تاربيەنى ىشكەرىلەي، تۇراقتى تۇردە ورىستەتىپ، بۇكىل قوعامدى ەكولوگيالىق وركەنيەت ساناسىن ورناتۋعا جەتەكتەپ، جالپى حالىقتى ەكولوگيالىق وركەنيەت قۇرىلىسىنا ات سالىسۋعا جۇمىلدىرىپ، كورىكتى شينجياڭ قۇرۋدى شىن مانىندە بۇكىل اۆتونوميالى رايونداعى ءار ۇلت بۇقاراسىنىڭ سانالى ارەكەتىنە اينالدىرۋ كەرەك.

  شوكىرات زاكىر مىنالاردى اتاپ كورسەتتى: «4 تانىمدى» بەرىك ورناتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قورشاعان ورتانى قورعاۋ جونىندەگى ستراتەگيالىق ورنالاستىرۋلارىمەن بىرلىككە كەلتىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ جانە ءتۇسىنىپ، ەكولوگيالىق ورتانى قورعاۋ قىزمەتىن جاقسى ىستەۋ جونىندەگى سانالىلىقتى جانە جاۋاپكەرشىلىك پەن كوكەي تەستىلىك سەزىمدى شىن مانىندە كۇشەيتۋ كەرەك. ەكولوگيالىق وركەنيەت قۇرىلىسىن جانە ەكولوگيالىق ورتانى قورعاۋ قىزمەتىن تىڭعىلىقتى ىلگەرىلەتىپ، «3 جوعارى» نىسانداردىڭ شينجياڭعا كىرۋىنە قاتاڭ تيىم سالىپ، قورشاعان ورتانىڭ لاستانۋىن تۋ باستان وڭاۋ كەرەك؛ بيىلعى جىلدىڭ اياعىنا دەيىن ەكولوگيالىق قىزىل سىزىق بەلگىلەۋ قىزمەتىن جاپپاي ورىنداپ، ماڭىزدى ەكولوگيالىق كەڭىستىكتى قىزىل سىزىقپەن تىزگىندەۋدى ىسكە اسىرۋ كەرەك؛ سۋ ورتاسىن، اتموسفەرا ورتاسىن، توپىراق ورتاسىن ءتۇيىن ەتىپ، ەكولوگيالىق ورتا ساپاسىنىڭ تومەنگى شەگىن بەلگىلەۋ كەرەك؛ ەنەرگيانى پايدالانۋدىڭ، سۋدى پايدالانۋدىڭ، اتموسفەرانى پايدالانۋدىڭ «جوعارى شەگىن» كورنەكتىلەندىرىپ، جاراتىلىستىق ەكولوگيانىڭ تىنىعۋىنا ۋاقىت پەن كەڭىستىك دايىنداۋ كەرەك. «اۆتونوميالى رايوننىڭ اتموسفەرانىڭ لاستانۋىنان ساقتانۋ، ونى جونگە سالۋ ارەكەت جوسپارىن اتقارۋ جوباسىن» ويداعىداي اتقارىپ، اتموسفەرا ورتاسىنىڭ ساپاسىن ايتارلىقتاي جاقسارتۋ كەرەك؛ وزەن باستىعى، كول باستىعى تۇزىمدەرىن جاپپاي تياناقتاندىرىپ، «اۆتونوميالى رايوننىڭ سۋدىڭ لاستانۋىنان ساقتانۋ، ونى جونگە سالۋ قىزمەت جوباسىن» ويداعىداي اتقارىپ، بۇكىل اۆتونوميالى رايوننىڭ سۋ ەكولوگيالىق ورتاسى جاعدايىنىڭ ۇزدىكسىز جاقسارۋىنا كەپىلدىك ەتۋ كەرەك؛ «اۆتونوميالى رايوننىڭ توپىراقتىڭ لاستانۋىنان ساقتانۋ، ونى جونگە سالۋ قىزمەت جوباسىن» ويداعىداي اتقارىپ، بۇكىل شينجياڭنىڭ توپىراق حاۋىپسىزدىگىن قامتاماسىز ەتۋ كەرەك؛ «اۆتونوميالى رايوننىڭ اۋىل - قىستاقتاردىڭ قونىس ورتاسىن وڭاۋدىڭ 3 جىلدىق ارەكەتىن اتقارۋ جوباسىن» ويداعىداي اتقارىپ، اۋىل - قىستاقتاردىڭ ءوندىرىس، تۇرمىس شارت - جاعدايىن جاقسارتۋ كەرەك. ەكونوميكانىڭ جوعارى ساپالى دامۋىن ىلگەرىلەتۋگە نازار اۋدارىپ، 1 - كاسىپتىڭ دەڭگەيىن كوتەرۋدى، 2 - كاسىپتە تۇيىندەردى يگەرۋدى، 3 - كاسىپتى قاۋىرت دامىتۋدى ىلگەرىلەتىپ، جاسىل دامۋ ءتاسىلى مەن تۇرمىس ءتاسىلىنىڭ قالىپتاسۋىن بەلسەندىلىكپەن ىلگەرىلەتۋ كەرەك. ەكولوگيانى قالپىنا كەلتىرۋ بويىنشا ماڭىزدى ينجەنەريالاردى مۇقيات اتقارىپ، نەگىزگى فۋنكتسيالىق ءوڭىر قۇرىلىسىن ىلگەرىلەتىپ، جاراتىلىستىق قورىقتاردى باسقارۋ دەڭگەيىن جوعارىلاتىپ، قالا - قالاشىقتاردىڭ ەكولوگيالىق قۇرىلىس تەبىنىن ارتتىرۋ كەرەك. رەفورمانى تەرەڭدەتىپ، زاڭدى قاتاڭ اتقارىپ، ۇسىنىلىمدى مولايتىپ، ولقىلىقتاردى تولىقتاپ، سۇيەنىشتى كۇشەيتىپ، قورشاعان ورتانى جونگە سالۋ قابىلەتى مەن دەڭگەيىن جوعارىلاتۋ كەرەك. ءبىر تۇتاس جوسپارلاۋدى كۇشەيتىپ، جاۋاپكەرشىلىكتى نىعايتىپ، شارالاردى قاتايتىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اڭىس ەتكەن ماسەلەلەردى رەتتەۋ - تۇزەتۋ مىندەتىنىڭ ۋاعىندا ورىندالۋىنا بار كۇشپەن كەپىلدىك ەتۋ كەرەك.

  شوكىرات زاكىر مىنالاردى باسا دارىپتەدى: پارتيانىڭ باسشىلىعىنا تاباندى بولىپ، ءتۇرلى قىزمەت ورنالاستىرۋىن اشالاپ جانە ناقتىلاپ، ساتى - ساتى بويىنشا جىكتەپ، ساتى - ساتى بويىنشا جەتكىزىپ، ساتى - ساتى بويىنشا تياناقتاندىرىپ، ءتۇيىندى قىزمەتتەر بويىنشا «بۇلجىماس بۇيرىققا» قول قويۋ كەرەك؛ باقىلاۋ - قاداعالاۋدى كۇشەيتىپ، ۇزدىكتەر سيلانىپ، ناشارلار جازالاناتىن ايقىن باعدار قالىپتاستىرۋ كەرەك؛ ىنتىماقتاسا سايكەسىپ، قيىندىقتاردى جەڭىپ، ەكولوگيالىق وركەنيەت قۇرىلىسىندا قۋاتتى بىرىككەن كۇش قالىپتاستىرىپ، بۇكىل اۆتونوميالى رايوننىڭ ەكولوگيالىق وركەنيەت قۇرىلىسىندا جاڭا جاعداي اشۋ كەرەك.

  اۆتونوميالى رايوندىق دامۋ جانە رەفورما كوميتەتىنىڭ، قازىنا مەڭگەرمەسىنىڭ، قورشاعان ورتانى قورعاۋ مەڭگەرمەسىنىڭ، ىلە قازاق اۆتونوميالى وبلىسىنىڭ، ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ جاۋاپتى جولداستارى پىكىر اۋىستىرىپ، لەبىز ءبىلدىردى.

  ءماجىلىس تەلەۆيزور - تەلەفون ءماجىلىسى تۇرىندە ءوتتى. اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، شينجياڭدا تۇراتىن اسكەري بولىمدەگى نەگىزگى جاۋاپتى جولداستار، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، اۆتونوميالى رايوننىڭ ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ اڭىس ەتۋ پىكىرى بويىنشا تۇزەتۋگە باسشىلىق ەتۋ گرۋپپاسىنىڭ ارناۋلى قىزمەت گرۋپپاسى مەن تۇزەتۋگە قۋزاۋشىلىق ەتۋ گرۋپپاسىنداعى جاۋاپتى جولداستار نەگىزگى جيىن زالىنداعى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى