ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاندىعىنىڭ 4 جىلدىعى جونىندە جەلىلەس شولۋ (3)
باس نىسانا − ارقاۋ، ارقاۋ ۇستالسا، بارلىق ءىس ىلگەرىلەيدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعان 4 جىلدان بەرى، اۆتونوميالى رايوندىق پارتكوم باس نىسانانى دالمە - ءدال كوزدەپ، باس نىسانانى ارقاۋ ەتىپ، ءتۇرلى قىزمەتتەردى ءبىر تۇتاس جوسپارلاپ، ورنالاستىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ءونىمدى تياناقتانۋىن ىلگەرىلەتتى، شينجياڭنىڭ قوعامدىق جالپى جاعدايى جاراسىمدى، ورنىقتى بولدى، ەكونوميكا ورنىقتى، اقاۋسىز دامىدى، ءار ۇلت بۇقاراسىنىڭ تۇرمىسى ۇزدىكسىز جاقسارىپ، ءتۇرلى ىستەردە تىڭ العا باسۋ بولدى.
شينجياڭ جونىنەن العاندا، ورنىقتىلىق بولماسا، بارلىعى نولگە تەڭ. باس شۋجي شي جينپيڭ شينجياڭدا قىزمەت تەكسەرگەندە: شينجياڭ قىزمەتىنىڭ جاقسى ىستەلگەن - ىستەلمەگەندىگىندە، تۇپتەپ كەلگەندە، بولشەكتەۋشىلىككە قارسى كۇرەستىڭ قالاي جۇرگىزىلگەندىگىنە، تىنىش، ىنتىماقتى ساياسي جاعدايدىڭ، جاراسىمدى، ورنىقتى قوعامدىق جاعدايدىڭ ساقتالعان - ساقتالماعاندىعىنا قاراۋ كەرەك، - دەپ ايقىن اتاپ كورسەتتى. 4 جىلدان بەرى اۆتونوميالى رايوندىق پارتكوم باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، شينجياڭنىڭ بولشەكتەۋشىلىككە قارسى كۇرەسىنىڭ ۇزاق ۋاقىتتىلىعىن، كۇردەلىلىگىن، قيان - كەسكىلىگىن جەتە تانىپ، ورنىقتىلىق قىزمەتىن شەگە قاعۋ رۋحىمەن مىقتى يگەرىپ، «ءبىر باس نىسانانى» مىقتاپ ورناتىپ، «ەكى شەشۋشى ءتۇيىندى» يگەرىپ، «ءبىر جاقسى مەحانيزمدى» كەمەلدەندىرىپ، «كەشەندى شارانى» ويداعىداي اتقارىپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن اشتى.
ورنىقتىلىق پەن دامۋ ءبىرىن - ءبىرى تولىقتايدى ءارى بىرىنە - ءبىرى سايكەسەدى، ءبىر - بىرىنەن بولىنبەيدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ: شينجياڭنىڭ ءتىپتى جاقسى، ءتىپتى، تەز دامۋىن تاباندىلىقپەن ىلگەرىلەتۋمەن بىرگە، دامۋدى حالىق تۇرمىسىن جاقسارتۋمەن، جەرگىلىكتى ورىندارعا تيىمدىلىك جاساۋمەن، بەرەكە - بىرلىكتى نىعايتۋمەن ساباقتاستىرا تياناقتاندىرىپ، ءار ۇلت حالقىنا پارتيانىڭ قامقورلىعى مەن وتان ۇلى شاڭىراعىنىڭ جىلىلىعىن شىنايى سەزىندىرۋ كەرەك، - دەپ اتاپ كورسەتتى. 4 جىلدان بەرى اۆتونوميالى رايوندىق پارتكوم «ءبىر باسشىلىق القا ورنىقتىلىقتى بار كۇشپەن ساقتاۋ، ءبىر باسشىلىق القا كۇش - قۋاتتى شوعىرلاندىرا وتىرىپ دامۋدى يگەرۋگە» باستان - اياق تاباندى بولىپ، دامۋ بارىسىنداعى قايشىلىقتار مەن ماسەلەلەردى ۇزدىكسىز شەشىپ، جاڭا دامۋ ۇستانىمىن جەتەكشى ەتۋدەن جازباي، ەكونوميكانىڭ جوعارى ساپالى دامۋىن ىلگەرىلەتتى، شينجياڭنىڭ ەكونوميكالىق، قوعامدىق دامۋى جاڭا بەلەسكە كوتەرىلدى.
حالىق تۇرمىسى حالىق تىلەگىمەن ساباقتاسىپ جاتادى، حالىق تىلەگى حالىق كۇشىن ۇيىستىرادى. حالىق تۇرمىسىن بار كۇشپەن قامتاماسىزداندىرۋ جانە جاقسارتۋ − ۋاعىندا جاپپاي دوڭگەلەك داۋلەتتى قوعام ورناتا الۋ - الماۋعا، اسىرەسە، قوعام ورنىقتىلىعى مەن باياندى تىنىشتىقتىڭ ەرتەرەك جۇزەگە اسۋ - اسپاۋىنا سايادى. باس شۋجي شي جينپيڭ: شينجياڭدى ورنىقتىرۋ، شينجياڭدا تىنىشتىق ورناتۋ ستراتەگيالىق تۇرعىسىن نەگىزگە الىپ، ءار ۇلت بۇقاراسىنىڭ الاڭسىز تىرشىلىك ەتۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك جۇرگىزىپ، حالىققا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسى الاڭداپ وتىرعان ماسەلەلەردى كوبىرەك شەشىپ، ءار ۇلت حالقىنا پارتيانىڭ قامقورلىعى مەن وتان ۇلى شاڭىراعىنىڭ جىلىلىعىن شىنايى سەزىندىرۋ كەرەك، - دەپ باسا دارىپتەدى. 4 جىلدان بەرى اۆتونوميالى رايوندىق پارتكوم حالىقتى وزەك ەتكەن دامۋ يدەياسىنا باستان - اياق تاباندى بولىپ، حالىقتىڭ كوركەم تۇرمىسقا دەگەن تالپىنىسىنا ۇزدىكسىز جاۋاپ بەرىپ، ءوز دارەجەسىندەگى قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋ مەن جاقسارتۋعا جۇمساۋعا تاباندى بولدى، حالىق تۇرمىسىنا قاتىستى 9 ءىرى ينجەنەريا بارلىق جەردە اتقارىلدى، كەدەيلىكتەن قۇتىلدىرۋدان قامال الۋ ىشكەرىلەي ىلگەرىلەتىلدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
ۇلتتار ىنتىماعى − ءار ۇلت حالقىنىڭ جان تامىرى. باس شۋجي شي جينپيڭ: شينجياڭنىڭ ەڭ ۇلكەن بۇقارالىق قىزمەتى − ۇلتتار ىنتىماعى مەن ءدىن جاراسىمدىلىعى، - دەپ اتاپ كورسەتتى. 4 جىلدان بەرى اۆتونوميالى رايوندىق پارتكوم پارتيانىڭ ۇلت ساياساتىن جاپپاي دايەكتىلەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلدارىن ۇزدىكسىز ىشكەرىلەي ورىستەتىپ، ءار ۇلت كادرلارى مەن بۇقاراسىنىڭ اناردىڭ دانىندەي تىعىز ۇيىسۋىن جەبەپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، ۇلتتار ىنتىماعى گۇلىنىڭ ماڭگى جايقالىپ تۇرۋىنا مۇمكىندىك تۋدىردى.
قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ كىلتى پارتيانىڭ جالپى جاعدايدى تەگىس مەڭگەرۋ رولىن ساۋلەلەندىرۋدە. باس شۋجي شي جينپيڭ: شينجياڭ قىزمەتىن جاقسى ىستەۋدىڭ كىلتى پارتيادا، - دەپ اتاپ كورسەتتى. 4 جىلدان بەرى اۆتونوميالى رايوندىق پارتكوم «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا قىستاقتا تۇرۋ قىزمەتىن ىشكەرىلەي ورىستەتىپ، نەگىزگى ساتى پارتيا ۇيىمدارىن بۇقاراعا قىزمەت ەتەتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن مىزعىماس جاۋىنگەر قامال ەتىپ قۇرىپ شىعۋعا قۇلشىندى؛ «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىندە «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ۇزبەي ورىستەتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن، نەگىزگى ساتىعا قاراي جالعاسۋىن ىلگەرىلەتتى.
قازىرگى تاڭدا، شينجياڭدا جالپى جاعداي ورنىقتى، جاعدايدى مەڭگەرۋگە بولاتىن، جاقسىلىققا بەت العان اۋقىم جارىققا شىقتى، ءار ۇلت كادرلارى مەن بۇقاراسىنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ سەنىمى ونان ارى ارتا ءتۇستى. قوعام ورنىقتىلىعى مەن باياندى تىنىشتىق باس نىساناسىنىڭ شينجياڭ قىزمەتىنە جەتەكشىلىك ەتەتىن تۋ مەن بەتالىس ەكەنىن، شينجياڭنىڭ بارلىق قىزمەتىن باس نىسانانى ارقاۋ ەتىپ جوسپارلاپ، ىلگەرىلەتۋ كەرەكتىگىن اماليات تاعى دالەلدەدى. باس نىسانا تۋىن قاشاندا بيىك جەلبىرەتىپ، شينجياڭنىڭ قىزمەتتەرىنە باس نىسانا ارقىلى ءبىر تۇتاس باسشىلىق ەتسەك بولعانى، ءسوز جوق، بۇكىل رايونىمىزداعى قالىڭ پارتيا مۇشەلەرى مەن ءار ۇلت كادر - بۇقاراسىن ىنتىماقتاستىرىپ، باستاپ، ءبىر نيەتپەن سەلبەسىپ، جۇدىرىقتاي جۇمىلىپ، وتانىمىزدىڭ شينجياڭىن ءتىپتى كوركەم ەتىپ قۇرىپ شىعا الامىز.
